Morgunblaðið - 23.06.1974, Blaðsíða 24

MORGUNBLAÐIÐ, SUNNUDAGUR 23. JUNÍ 1974
23
Spjallað við Stefán
Friðbjarnarson bæjar-
stjóra um atvinnuupp-
byggingu í Siglu-
firði og fleiri mál
á næstu vikum tilraunahús á veg-
um bygginganefndar leiguíbúða í
Siglufirði og fjármagnið fengið til
uppsetningar þess húss. Það
hefur verið allmikil eftir-
grennslan eftir þessum húsum
víðsvegar að af landinu og við
gerum okkur vonir um að þetta
geti orðið gott og traust fyrirtæki
með tímanum. í sambandi við
þessi tvö fyrirtæki vil ég leggja
áherzlu á, aö ekkert íslenzkt
sveitarfélag með sambærilega
fjárhagsgetu hefur lagt eins
mikið af mörkum til atvinnuupp-
byggingar, eins og Siglufjörður
hefur gert með hlutafjárframlagi
til þessara fyrirtækja. Það má
hins vegar segja um þessi fyrir-
tæki bæði, að þeim hafi verið
hjálpað til hátfs út í bæjarlækinn
á framleiðslustig og skilin þar
eftir í nokkrum f járhagserfiðleik-
um, einkum hvað snertir rekstrar-
fé, en ég hef trú á því að úr því
rætist með tíð og tfma. Nú, Þor-
móður Rammi á svo við þá erfið-
leika að stríða, sem allir vita að
steðja að togaraútgerð og rekstri
frystihúsa f dag. Að öðru leyti má
nefna, að nú er unnið að veruleg-
um endurbótum á Siglóverk-
smiðjunni, sem fram til þessa
hefur aðallega verið með niður-
lagningu sjávarafurða, en hefur
ekki haft aðstöðu til niðursuðu,
sem er grundvöllur þess, að hún
geti starfað nokkuð jafnt og
reglulega yfir árið. Töluvert uppi-
hald varð á rekstri verksmiðj-
unnar í vetur vegna þessa og svo
vegna hráefnisskorts, það var
ekki hægt að fá síld, en svo var
fengin síld frá Færeyjum og er nú
verið að vinna úr því hráefni. Við
vonum að úr þessu eigi eftir að
rætast og verksmiðjan eigi eftir
að verða mikilvægur þáttur at-
vinnulífsins. Þetta eru þrjár
meginstoðir atvinnulífsins. Það
má segja að atvinna hafi verið
sæmileg, þó hún hafi ekki verið
fullnægjandi, sérstaklega í vetur.
En í því sambandi er rétt að geta
þess að gífurleg aukning hefur
orðið í smábátaútgerð í Siglufirði
og sá floti, ásamt togskipinu
Dagnýju, sem er nýlegt skip í eigu
fyrirtækisins Togskip h/f sá
frystihúsunum fyrir hráefni í vet-
ur, einkum meðan verið var að
gera við þá vélarbilun, sem tafði
Stálvfk frá veiðum um nokkuð
skeið.
Allt þetta hefur orðið til þess,
að árið 1973 varð fólksfjölgun f
Siglufirði í fyrsta skipti f 30 ár og
þau hús og íbúðir, sem stóðu auð
eru nú aftur full af fólki og hús-
næðisekla nokkur á staðnum.
Nokkur fjörkippur hefur orðið í
íbúðabyggingum, bæði á vegum
einstaklinga og þeirrar bygginga-
nefndar, sem ég nefndi áðan.
— Hvernig standa hitaveitu-
málin hjá Siglfirðingum?
— Þau standa þannig, að fyrir-
tækið Vermir h/f er að vinna að
frumhönnun hituveitu fyrir
Siglufjörð, sem skilað verður um
næstu mánaðamót. Við gerum
okkur vonir um, að með dælum
verði hægt að auka það mikið
rennslið í borholunum í Skútudal,
að það nægi fyrir hitaveitu fyrir
Siglufjarðarkaupstað, þó með
kyndistöð, því að vatnið er aðeins
67 gráðu heitt. Þetta er auðvitað
gífurlegt hagsmunamál fyrir
Siglufjarðarkaupstað og vonir
standa til, að hitaveitan geti orðið
að veruleika í náinni framtíð. Nú
annað stórmál fyrir okkur, er að
iðnaðarráðherra hefur loksins
eftir mikið þóf veitt leyfi til
endurvirkjunar og stækkunar
Skeiðfossvirkjunar í Fljótá. Það
þurfti mikinn þrýsting frá heima-
mönnum og þingsályktunartil-
lögu frá Eyjólfi Konráð Jónssyni
og öðrum þingmönnum kjör-
dæmisins, nema Ragnari Arnalds,
Stefán Friðbjarnarson
áður en ráðherrann lét undan.
Hann hefur verið á móti þvi sem
hann kallar að virkja bæjarlæk-
inn, en gerir sér ekki grein fyrir
því, að það getur stundum verið
hagkvæmasta virkjunin. Siglfirð-
ingar eiga sjálfir þessa virkjun og
eru sjálfum sér nægir í raforku-
framleiðslu og selja nokkuð
rafmagn til Ólafsfjarðar og I
Fljótin, en með vaxandi atvinnu
og aukinni byggð kemur að því,
að það þarf meira rafmagn og þá
viljum við vera tilbúnir. Nú þegar
þess er gætt, að helming ork-
unnar í Skagafirði er aflað með
dieselvélum, sézt, að hér er um
stórkostlegt þjóðhagsmunamál að
ræða. Eyjólfur Konráð flutti einn-
ig þingsályktunartillögu á sl. ári
um að kannað yrði nýtt vegar-
stæði í Mánárskriðum, en þar
liggur vegurinn mjög hátt og
teppist oft á vetrinum vegna
snjóa og það er dýrt að halda
honum opnum. Samgönguráðu-
neytið hefur algerlega hundsað
þessa ályktun þar til nú, að
hugsanlegt er, að fé verði veitt til
að kanna hvort hægt sé að leggja
veg neðar í skriðunum.
Þetta held ég að séu helztu
málin okkar nú og þegar ég nú
læt af starfi bæjarstjóra minnist
ég síðustu ára með ánægju, þótt
oft hafi verið erfitt að vera fram-
kvæmdastjóri bæjarfélags, sem
hafði ákaflega litlar tekjur til að
spila með og þurfti aö fjármagna
mest af sinum framkvæmdum
með lánsfé. En úr þessu hefur nú
rætzt og það lítur vel út með fram-
tið bæjarfélagsins.
^íorðurlands-
kjördæmi vestra
„Vantar meiri breidd í atvinnu-
lífið fyrir sérmenntað fólk”
Stutt spjall við Halldór Þ. Jónsson á Sauðárkróki
„Alþýðuflokksmenn og fram-
sóknarmenn, sem biðu ósigur f
bæjarstjórnarkosningunum hér á
Sauðárkróki hafa nú hafnað til-
boði sjálfstæðismanna um stjórn
allra flokka og myndað varnar-
bandalag gegn okkur og meiri-
hluta í bæjarstjórn," sagði Hall-
dór Þ. Jónsson lögfræðingur á
Sauðárkróki, sem skipaði efsta
sætið á lista Sjálfstæðisflokksins
f bæjarstjórnarkosningunum á
dögunum, er biaðamaður Mbl.
hitti hann að máli nú fyrir
skömmu. Við sjálfstæðismenn
skrifuðum forystumönnum
beggja klokka bréf, þar sem við
buðum upp á samvinnu allra
flokka og mótun sameiginlegrar
stefnu 1 bæjarmálum næstu 4 ár,
þvf að við töldum heillavænlegast
fyrir bæjarfélagið að sem vfðtæk-
ast samstarf yrði um málefni
þess. Framsókn hafnaði þessu og
kaus heldur að ganga til sam-
starfs við Alþýðuflokkinn. Bæjar-
stjóri hefur þó enn ekki verið
ráðinn, sagði Halldór.
— Hver eru helztu hagsmuna-
mál Sauðárkróksbúa?
— Atvinnumálin eru hér
meginmálið eins og annars staðar.
Afkoman hefur verið góð og at-
vinna næg. Hefur mjög bætt þar
um, að rekstur skuttogaranna
þriggja var sameinaður sl. haust.
Mikið hefur verið byggt hér en þó
er nokkur húsnæðisskortur, sem
hamlar gegn því að fólk geti flutzt
hingað. íbúarnir eru nú um 1800,
en um 2400 f sýslunni, þannig að
héraðið telur rúmlega 4000 íbúa.
Hér á Sauðárkróki er helzta þjón-
ustumiðstöðin fyrir allt þetta
fólk. Hér er Kaupfélagið með sinn
Halldór Þ. Jónsson
rekstur, hér er mjólkurbú, bif-
reiðaverkstæði og fjöldi verzlana
og þjónustufyrirtækja f eigu ein-
staklinga og félaga. Segja má að
gróska rfki hér og mikil fólks-
fjölgun hefur orðið hér á sl. árum,
einkum ungt fólk, sem kemur
hingað til að setjast að. Það vant-
ar hins vegar meiri breidd f at-
vinnulífið fyrir sérmenntað fólk,
því að það er ákaflega bagalegt
fyrir eitt bæjarfélag, þegar unga
fólkið þar, sem hefur aflað sér
sérmenntunar, fær það engin
störf við sitt hæfi í heimabyggð-
inni og verður að flytjast á brott.
— Hverjar eru helztu fram-
kvæmdir í bígerð?
— Við höfum hugsað okkur að
gera átak í varanlegri gatnagerð,
þó að ekkert hafi verið ákveðið í
þeim efnum. Við erum að ljúka
við gerð nýrrar vatnsveitu, og svö
höfum við sótt um lán til bygg-
ingar 14 íbúða fjölbýlishúss með
leiguíbúðum til byggingasjóðs
ríkisins, en ekkert svar hefur bor-
izt við þeirri umsókn enn sem
komið er, hvað sem verður. Hér
hefur nýlega verið skipulagt nýtt
íbúðahverfi fyrir einbýlishús og
raðhús og mikil eftirspurn er
eftir lóðum þar, þannig að við
kvíðum engu um framtíðina hér á
Sauðárkróki.
„Hitaveitan stærsta
hagsmunamálið’ ’
Þegar við börðum upp hjá Jóni
Isberg sýslumanni á Blönduósi
slðdegis sl. laugardag, var komið
á hann ferðasnið, þvf að hann
ætlaði sér að hvfla sig frá embætt-
isönnum við laxveiðar yfir helg-
ina f einni beztu laxveiðiá heims,
Laxá á Ásum. Þrátt fyrir mikinn
veiðihug gaf hann sér tfma til að
fara með blaðamann í stutta yfir-
reið um plássið og skýra frá
helztu framkvæmdum og hags-
munamálum.
Mikil gróska rfkir nú á Blöndu-
ósi f kjölfar þeirrar uppbygg-
ingar, sem hafin var á árum við-
reisnarstjórnarinnar. Nýtt hverfi
hefur verið að byggjast uppi í
brekkunni, sem blasir við ferða-
langnum, er hann kemur yfir
hæðina, þar sem þjóðvegur liggur
niður í þorpið. Þar er nú verið að
reisa 5 einbýlishús, en mörg eru
þegar risin af grunni og fbúarnir
fluttir inn.
— íbúarnir skv, manntali 1.
desember voru 766 og hefur fjölg-
að jafnt og þétt á undanförnum
árum. Á Blönduósi er þjónustu-
miðstöð fyrir Húnavatnssýslurn-
ar. Hér er sjúkrahús og í því
sambandi má nefna, að við vorum
að fá hingað einhvern fullkomn-
asta sjúkrabíl landsins. Hér er
Kaupfélag Húnvetninga með sín-
ar höfuðstöðvar, hér er bifreiða-
verkstæði, Steypustöð, mjólkur-
stöð, verzlanir og einnig eru hér
iðnfyrirtæki eins og Trefjaplast
h/f og Pólarprjón h/f, og við
erum nú að reisa 4200 fermetra
stálgrindarhús, sem á að hýsa
önnur iðnfyrirtæki. Þá erum við
einnig að reisa nýja slökkvistöð,
erum að ljúka við frágang á bók-
Sagt frá stuttri
ökuferð um Blöndu-
r
ós með Jóni Is-
berg sýslumanni
hlöðu fyrir héraðið, höfum nýlok-
ið við byggingu félagsheimilis og
erum að byrja á kirkjubyggingu.
Þá höfum við hug á að hefja
rækjuvinnslu, þrátt fyrir að yfir-
völd neiti okkur um leyfi og fjár-
veitingu til slíks. Því er haldið
fram, að Hvammstangi, Skaga-
strönd og Djúpivogur séu einfær-
ir um að vinna rækjuna, sem veið-
ist á Húnaflóa. Við ætlum þó ekki
að láta þetta hindra okkur og
munum sjálfir fjármagna bygg-
ingu rækjuvinnslu með einhverj-
um hætti. Kaupfélagið hér er að
reisa nýtt og fullkomið frystihús,
sem einmitt er einangrað með
nýju plasti frá Trefjaplasti h/f
sem ekki brennur. Hér er nú
einnig verið að vinna að viðgerð
og endurbótum á höfninni, en
hún lá undir skemmdum, er við
loksins fengum fjárveitingu til að
koma f veg fyrir algera eyðilegg-
ingu. A sl. ári lögðum við 1500
metra af olíumöl á götur og þvf
verður haldið áfram. Þú getur séð
á þessari upptalningu, að það er
mikill hugur í Blönduósingum, en
það sem helzt háir okkur er
djöfullegur skortur á hús-
næði.Við höfum hins vegar nægi-
legt landrými og höfum í skipu-
lagningu tvö ný íbúðahverfi og er
mikil eftirspurn eftir lóðunum.
Samgöngur eru hér mjög góðar
með tilkomu nýja flugvallarins og
áætlunarflugs Vængja 4 sinnum í
viku. Við erum að undirbúa hita-
veituframkvæmdir og er áætlaður
kostnaður við þær um 35 milljón-
ir, en heitt vatn hefur fúndist á
Reykjum á Reykjabraut í um 14
km fjarlægð. Þar hafa verið bor-
aðar tvær holur, 300 og 600 metr-
ar, en okkur er tjáð af sérfræð-
ingum Orkustofnunar, að við
þurfum að bora niður á 1000
metra til að fá nægilegt vatn.
Bíðum við nú bara eftir bor frá
Orkustofnun til að framkvæma þá
borun. Hér er um að ræða eitt
mesta hagsmunamál okkar og
þegar það verður komið í höfn má
segja, að framtið Blönduóss sé
tryggð, sagði Jón ísberg um leið
og hann kvaddi okkur, en þá var
orðið æði stutt í að veiði mætti
hef jast f Laxá á Asum.