Morgunblaðið - 21.04.1976, Blaðsíða 20

20
MORGUNBLAÐIÐ, MIÐVIKUDAGUR 21. APRlL 1976
Liverpool
Crnyff og
í knléann
sentíi
Co. nt
íllFA
Velski landsliðsmaðurinn ( Liverpool-liðinu, John Toshack átti frábæran leik með liði sínu gegn
Barcelona og þarna sést hann (hvftklæddur) standa yfir höfuðsvörðum Mora, markvarðar Barcelona.
I UNDANURSLITUM UEFA-bikarkeppninnar I knattspvrnu lék
enska liðið Liverpool við spánska liðið FC Barcelona. Fvrri leik
liðanna sem fram fðr á Spáni, lauk með sigri Liverpool-liðsins 1 — 1, en
seinni leik liðanna, sem fram fór f Knglandi s.l. miðvikudagskvöld,
lauk með jafntefli, 1—1, þannig að Liverpool komst f úrslitin. t hinum
undanúrslitaleiknum mættust lið FC Briigge frá Belgíu og vestur-
þýzka liðið Hamburger SV. Fyrri leik liðanna, sem fram fór í Þýzka-
landi, lauk með jafntefli, 1 — 1, en Briigge vann heimaleik sinn á
miðvikudagskvöldið, 1—0, og komst þar með f úrslitaleikinn. .
I.I VKRPOOI, — BA RCKI.ON A
Lið Líverpool: Clemence. Smilh. Neal,
Thompson, Kennedy. IIuKhes. Keejían. Case,
llall. lleÍKhway, Toshaek, Callat'han.
I.irt Barcelona: Mora. Cfeilas. Mi«ueli. Rif.*,
Alhaladejo. Corominas. de la Cru/. Rexaeh.
Neeskens. Cruyff. Mareial. Ileredia.
Eftir 1—0 sigur á útivelli stóðu
Englendingarnir vel að vígi er
leikur þessi hófst. Greinilegt var
að Liverpoolliðið lagði á það
áherzlu að taka ekki mikla áhættu
í leik sínum, og létu þeir Barce-
lona-liðið hafa ákveðið svigrúm á
vellinum, en stöðvuðu það síðan
áður en það komast í skotfæri.
Bæði liðin áttu góð marktækifæri
í fyrri hálfieik, en tókst ekki að
skora. John Toshack kom vörn
Barcelona hvað eftir annað í
vandræði, en Spánverjarnir áttu
bezta færi leiksins er Carlos skaut
beint á mark Liverpool úr auka-
spyrnu sem dæmd var eftir að
brotið hafði verið á Johan Cruyff
rétt utan vítateigs.
Á sjöttu mínútu seinni hálfleiks
náði Liverpool forystu í leiknum
og átti Toshack mestan heiður að
því marki. Hann skallaði knöttinn
fyrir fætur Phil Thompsons sem
var í dauðafæri og gat ekki annað
en skorað. Spánverjarnir náðu
svo að jafna með marki Rexach
um miðjan hálfleikinn og fleiri
mörk voru ekki skoruð, þrátt
fyrir góða tilburði á báða bóga.
Áhorfendur að leik þessum voru
55.104.
FC Brúgge — Hamburger SV
Bríigge þótti mjög heppið að ná
jafntefli, 1—1, í fyrri undanúr-
slitaleiknum, og ennþá heppnara
var liðið að vinna sigur í heima-
leik sinum, 1—0, þar sem liðið átti
undir högg að sækja allan leikinn.
Markvörður Bríigge, Birger Jen-
sen, þótti standa sig frábærlega
vel í leiknum og var tvímælalaust
sá leikmaður belgíska liðsins sem
bjargaði sigri þess. Um miðjan
seinni hálfleikinn er staðan var
0—0 varð þekktasti leikmaður
Belgiska liðsins, Daninn Ulrich le
Fevre, að yfirgefa völlinn vegna
meiðsla og kom ungur piitur, Dirk
Sanders, inn á fyrir hann og það
var hann sem skoraði sigurmark
liðs síns sex mínútum fyrir leiks-
lok við gífurleg fagnaðarlæti
þeirra 32 þúsund áhorfenda sem
voru viðstaddir.
t undanúrslitakeppni Evrópu-
bikarkeppni meistaraliða léku
saman Bayern Múnchen frá Vest-
ur-Þýzkalandi og Real Madrid frá
Spáni og hins vegar PSV Eindho-
ven frá Hollandi og St. Etienne
frá Frakklandi.
Fyrri undanúrslitaleik Bayern
Múnchen og Real Madrid sem
fram fór á Spáni lauk með jafn-
tefli, 1—1, en í seinni leik liðanna
sem fram fór í Múnchen s.l.mið-
vikudagskvöld vann þýzka liðið
sigur 2—0 og kemst þar með f
úrslit í keppninni.
PSV Eindhoven og St. Etienne
gerðu jafntefli, 0—0, í leik sínum
á miðvikudagskvöldið sem fram
fór í Hollandi. Fyrri leikinn hafði
franska liðið hins vegar unnið á
heimavelli sfnum 1—0 og þar með
er það í úrslitum á móti Bayern
Múnchen.
Bayern Múnchen — Real Madrid
Lið Bayern Miinehen: Maier, Hansen,
Schwarzenbeck, Beckenbauer, Ilorsmann,
Roth, . Duernberger, Kapellmann, Rum-
menigge, Muller og Höness.
Lið Real Madrid: Miguel, Sol, Bentio,
Pirri, Camacho, del Bosque, Breitner, Net-
zer. Amancio, Santillana, Uria og Guerini.
Tæplega 80 þúsund manns
fylgdust með viðureign þessara
tveggja stórvelda á sviði knatt-
spyrnunnar á Óiympíuleikvang-
inum í Múnchen, en fleiri áhorf-
endur komust þar tæpast fyrir.
Var mikil spenna meðal áhorf-
enda sem gerðu sér vonir um að
þeirra menn sigruðu í leiknum
eftir jafnteflið á Spáni. Fyrir leik-
inn höfðu leikmenn Bayern Mún-
chen einnig verið ómyrkir í máli,
og þá sérstaklega stjarnan Gerd
Múller, sem lýsti því yfir að lið
sitt myndi vinna leikinn 2—0 og
að hann ætlaði sér að skora sitt
50. Evrópuleikjamark í honum.
Þegar liðin hlupu inn á völlinn
ætlaði allt vitlaust að verða og
Þjóðverjarnir tveir í liði Real Ma-
drid, Paul Breitner og Gúnter
Netzer, máttu ekki hreyfa sig f
leiknum án þess að áhorfendur
bauluðu f sífeliu á þá.
Mikill hraði var í leiknum allt
frá upphafi og jafnframt harka,
rétt eins og í fyrri leik liðanna á
Spáni. Þegar á níundu mínútu var
hinn marksækni Múller á ferð-
inni, en þá fékk hann sendingu
inn i vítateig Spánverjanna og
eins og svo oft áður var hann rétti
maðurinn á rétta staðnum og náði
að senda knöttinn í netið þrátt
fyrir örvæntingarfullar tilraunir
Rummenigge og Miguel Angel til
bjargar. Þar með hafði Múller
skorað sitt 50. Evrópuleikjamark.
Skömmu seinna var Múller aftur
á ferðinni og skoraði, þannig að
staðan var orðin 2—0. Og eftir
það var sigur Bayern Múnchen
ekki í hættu. Spánverjarnir
reyndu þó mikið til þess að rétta
hlut sinn og átti Gúnter Netzer
stórleik. En allar sóknartilraunir
Real Madrid tókst þó að brjóta á
bak aftur í tfma, og átti hinn
frábæri þýzki markvörður Sepp
Maier ekki hvað sízt þátt í því, en
hann lék þarna einn sinn allra
bezta leik fyrr og síðar. Þá átti
Franz Beckenbauer mjög góðan
leik og ber þeim er á horfðu sam-
an um að hann hafi verið bezti
maður vallarins.
Þetta verður þriðja árið í röð
sem Bayern Múnchen leikur til
úrslita í Evrópubikarkeppninni,
og er vissulega að miklu að keppa
fyrir leikmennina, sem heitið hef-
ur verið 40.000 þýzkum mörkum
hverjum fyrir sigur f úrslitaleikn-
um. Fyrir sigur f leiknum á mið-
vikudaginn fékk hver leikmaður
20.000 mörk.
Einum leikmanni var vikið af
velli í þessum leik. Amancio
Amaro, en hann sýndi dómaran-
um dónaskap með því að spyrna
knettinum upp í áhorfendapalla,
eftir að dæmd hafði verið auka-
spyrna á hann.
Eindhoven — St. Etienne
Franska liðið St. Etienne vakti
verulega athygli í Evrópubikar-
keppni meistaraliða í fyrra, er
það komst í undanúrslit í keppn-
inni, en var þar slegið út af Bay-
ern Múnchen. Á miðvikudags-
Jivöldið náði liðið jafntefli við hol-
lenzka liðið PSV Eindhoven í leik
sem fram fór í Eindhoven í Hol-
landi, og er franska liðið þar með
komið í úrslit keppninnar.
í leik þessum var nánast úm
einstefnu að ræða. Hollenzka liðið
sótti án afláts, enda greinilega
höfuðmarkmið franska liðsins að
halda feng sfnum frá leiknum í
Frakklandi. Hetja St. Etienne í
leiknum ver hinn júgóslavneski
markvörður þess, Ivan Curkovic
sem hvað eftir annað varði stór-
kostlega, er leikmenn Eindhoven
voru komnir í færi. Var Júgóslav-
inn margra manna maki i leikn-
um og því að vonum að félagar
hans fögnuðu honum innilega að
leikslokum. St. Etienne átti að-
eins eitt gott markfæri f leiknum
og kom það á 49. mínútu, og skor-
aði Patrick Revelli þá reyndar
mark, en dómarinn dæmdi hann
rangstæðan.
Undanúrslit
Evrópubikarkeppninnar
Gerd Múller skoraði tvö mörk fyrir lið sitt f leiknum við Real Madrid og þar með er Bayern enn einu
sinni f úrslitum. Svo sem sjá má á myndinni átti markvörður Real Madrid, Angel, enga möguleika er
Múller skoraði fyrra mark sitt í leiknum.
Mííller kom Bajem í órslitín
og varnarmúr St. Etienne stöðst áhlaup Eindhoven
WestHam ogAnderlecht í úrslitum
Liðin fjógur sem léku saman i
undanúrslitakeppni Evrópubikar-
keppni bikarhafa voru West Ham
United frá Englandi, Sachsenring
Zwickau frá Austur Þýzkalandi,
Anderlecht frá Belgíu og Eintrackt
Frankfurt frá Vestur Þýzkalandi
A miðvikudagskvöldið sigraði
Anderlecht þýzka liðið Sachsenring
Zwickau i leik sem fram fór í Brussel
með tveimur mörkum gegn engu,
en fyrri leikinn, sem fram fór i
Þýzkalandi, hafði belgiska liðið
unnið 3—0, þannig að það hélt
áfram í keppninni með samanlagða
markatölu úr leikjunum tveimur
5—0,
I London léku á miðvikudags-
kvöldið West Ham United og Ein-
tracht Frankfurt og lauk leiknum
með sigri West Ham 3—1. Fyrri
leikinn vann hins vegar þýzka liðið
2— 1, þannig að West Ham komst í
úrslitaleikinn á hagstæðari marka-
tölu samanlagt úr báðum leikjunum
4—3.
WEST HAM — EINTRACHT
Eftir slælega frammistöðu West
Ham liðsins ! ensku 1. deildar
keppninni nú að undanförnu áttu
fæstir von á því að liðinu tækist að
vinna upp muninn frá leiknum í
Þýzkalandi, og aðeins rösklega 39
þúsund áhorfendur fylgdust með
leiknum i London og þykir það ekki
mikið þar þegar i hlut á undanúr-
slitaleikur í Evrópubikarkeppni.
West Ham liðið sýndi í leik
þessum að það er siður en svo dautt
úr öllum æðum Fyrri hálfleikur var
tiltölulega jafn, en enska liðið þó
greinilega sprækara, í seinni hálf-
leiknum náði West Ham liðið mjög
skemmtilegum .sóknum sem tættu i
sundur vörn þýzka liðsins og fljót-
lega skoraði West Ham þrjú mörk.
Var það enski landsliðsmaðurinn
Trevor Brooking sem var hetja West
Ham liðsins i þessum leik og skoraði
hann tvö markanna í 49. og 7 7.
minútu en þriðja mark West Ham
gerði Keit Robson með glæsilegu
skotí af 25 metra færi á 67. minútu.
Tveimur minútum fyrir leikslok tókst
Geverungen að minnka muninn
með marki eftir að þvaga hafði
myndazt fyrir framan mark West
Ham, og var það vonum síðar sem
mark þetta var skorað, þar sem
þýzka liðið sótti ákaft eftir að West
Ham hafði náð forystu í leiknum.
ANDERLECHT — SACHSENRfNG
ZWICKAU
Það var almennt mál manna að
Sachsenring Zwickau væri slakasta
liðið sem komst i undanúrslit
Evrópubikarkeppninnar að þessu
sinni, en það hafði samt sem áður
lagt að velli ekki ómerkara lið en
skozka liðið Glasgow Celtic á leið
sinni þangað Þýzka liðið átti sér
aldrei viðreisnar von i leiknum i
Brussel á miðvikudagskvöldið, enda
tæpast við þvi að búast eftir 3—0
tap á heimavelli. Þýzka liðið reyndi
að sækja til að byrja með i leiknum,
en fljótlega kom i Ijós, að belgíska
liðið var það miklu sterkara að von-
laust var að unnt væri að vinna upp
muninn, og dró þýzka liðið sig þá
fljótlega í vörn. Fyrra mark leiksins
kom á 38 minútu er Robbie
Rensenbrink fékk fallega sendingu
frá félaga sinum Ressel, lék á þýzku
vörnina og loks á markvörð þýzka
liðsins, Júrgen Croý og sendi knött-
inn i mannlaust markið I byrjun
seinni hálfleiks reyndi þýzka liðið
aftur að sækja, en komst ekkert
áleiðis og á 58 minútu skoraði van
der Elst annað mark Anderlecht með
skoti af um 20 metra færi. Þjóðverj-
arnir fengu sitt bezta marktækifæri í
leiknum á siðustu minútu er Werner
Brautigam, Dieter Löschner og Peter
Neztler komust allir i skotfæri, en
þeim brást þá illa bogalistin