Morgunblaðið - 08.03.1978, Blaðsíða 11

MORGUNBLAÐIÐ, MIÐVIKUDAGUR 8. MARZ 1978
11
Tillögur á búnadarþingi:
Bændasamtökin
móti sameiginlega
stefnu í skipulags-
og framleiðslumálum
FRAMLEIÐSLU- og mark-
aðsmál landbúnaðarins eru
meðal þeirra mála, sem
búnaðarþing, er nú situr,
kemur til með að fjalla um.
Þinginu hafa þegar borizt
þrjár tillögur um þessi mál
og eru þær enn til umf jöllun-
ar hjá sérstakri nefnd þings-
ins. í tillögu frá formanna-
fundi búnaðarsambanda
landsins er því beint til
búnaðarþings að taka til
alvarlegrar athugunar
stjórnkerfi landbúnaðarins
og bent er á að nú fari tveir
aðilar, óháðir hvor öðrum,
að nokkru með stjórn fram-
leiðslumála, þ.e. Stéttarsam-
band bænda og Búnaðarfé-
lag íslands, og ekkert tryggi
að stefna þessara aðila fari
saman.
Stjórn Búnaðarsambands Suð-
urlands hefur lagt til við búnað-
arþing að það gangist fyrir því að
skipuð verði 7 manna nefnd til
þess að kanna, hvaða leiðir séu
færastar út úr þeim ógöngum,
sem dýrtíðin í landinu og mark-
aðskreppa á landbúnaðarafurð-
um í okkar viðskiptaheimi hafa
komið íslenzkum landbúnaði í. í
greinargerð með tillögunni er
farið nokkrum orðum um þann
vanda, sem nú er við að fást í
markaðsmálunum og bent á að
bráðra úrbóta sé þörf. Bændur
eigi hins vegar erfitt með að
sætta sig við þær aðgerðir, sem
boðaðar hafa verið til þess að
hafa hemil á framleiðslunni og
því sé nauðsynlegt að skoða allar
færar leiðir. Sjái nefndin ekki
aðra möguleika en takmarka
framleiðsluna þá verði að gæta
þess að framleiðslutakmörkun
verði ekki til þess að auka á
framleiðslukostnað á hverja bú-
vörueiningu og jafnframt verði
að gæta þess að ekki komi til
byggðaröskunar.
Frá formannafundi Búnaðar-
sambands Austur-Húnavatns-
sýslu hefur borist tillaga þar,
sem skorað er á búnaðarþing að
móta nýja, samræmda stefnu hjá
leiðbeiningarþjónustu landbún-
aðarins með tilliti til breyttra
viðhorfa í framleiðslu og mark-
aðsmálum. í fyrrnefndri tillögu
frá formannafundi búnaðarsam-
bandanna í landinu er því beint
til búnaðarþings að það leggi
grundvöll að því að Stéttarsam-
band bænda og Búnaðarfélag
Islands móti sameiginlega stefnu
í skipulags- og framleiðslumálum
landbúnaðarins og geri ráðnauta-
þjónustuna virka í framkvæmd
þeirrar stefnu.
Nefnd skipaðri formönnum
allra fimm nefnda búnaðarþings
ásamt formanni Stéttarsam-
bands bænda, Gunnari Guð-
bjartssyni, hefur verið falið að
semja drög að ályktun þingsins
um skipulags- og markaðsmál
landbúnaðarins.
Kiwanismenn í Eyjum:
Endurbyggðu sam-
komusalinn á 3 vik-
um eftir vatnsflóðið
Þessar myndir tók Sigurgeir í Eyjum á vígsluhátíð hjá
Kiwanisklúbbnum Helgafelli í Vestmannaeyjum, en eins og sagt
var frá í Morgunblaðinu í janúar stórskemmdist húsnæði
klúbbsins af völdum vatnsveðurs. Klúbbfélagar brugðu skjótt við
og hófust áamdægurs handa við endurbyggingu og var síðari
vígsluhátíðin haldin þremur vikum eftir að tjónið varð en
viðgerðin á húsnæðinu kostaði milli þrjár og fjórar milljónir
króna. í Helgafelli eru um 40 félagar, en starf í klúbbnum hefur
ávallt verið mjög öflugt. Myndirnar tók Sigurgeir í hinum
vistlega samkomusal klúbbsins, en Kiwanisklúbburinn Helgafell
var fyrsti kiúbbur hreyfingarinnar í Evrópu sem eignaðist eigið
félagsheimili.
Frá Bfldudali Börnin léku sér í snjónum í brekkunni neðan við barna- og unglingaskólann
á Bíldudal, sem sést aftast á myndinni. Sum þeirra sögðust vera byrjuð að ganga í skólann. en
önnur ætluðu að byrja næsta vetur.
Fyrri áf angi Sigtúns
formlega tekinn í notkun
Iðnaðarmenn voru í óða önn
að ljúka við að innrétta
grill-staðinn á efri hæð
Sigtúns sl. föstudag, en
staðurinn opnaði daginn
eftir. Var þa með lokið fyrri
áfanga Sigtúns, en Sigmar
Pétursson, eigandi staðarins
(lengst til vinstri á mynd-
inni) gerir ráð fyrir að bæta
tveimur hæðum ofan á husið
síðar, þó ekki sé gert ráð
fyrir því samkvæmt núver-
andi skipulagi.
Fyrri hluti veitingahússins
Sigtúns verður formlega tekinn í
notkun í kvöld, laugardagskvöld,
en þá verður opnaður grill-staður
á efri hæð hússins.
Á blaðamannafundi, sem Sig-
mar Pétursson, veitingamaður og
eigandi Sigtúns, hélt í gær í
tilefni af opnuninni, sagði Sig-
mar að hann ætlaði að reyna að
leggja út á þá hálu braut að hafa
opið fyrri hluta viku og þá á efri
hæðinni, þar sem grillstaðurinn
er. Um helgar sagði Sigmar að
ætlunin væri að þafa báðar
hæðirnar opnar.
Grill-staðurinn mun taka um
255 manns, og er reiknað með að
hann verði opinn eitthvað fram
eftir kvöldi, en þó ekki eins lengi
og Sigtún sjálft er opið. Tildrög
þess, að ákveðið var að opna
grill-stað á efri hæðinni, kvað
Sigmar vera þau að það hefði
sýnt sig að ungt fólk vildi miklu
fremur fá eitthvert snarl en
rándýrar steikur.
Þá sagði Sigmar að fyrst í stað
myndi hljómsveit leika fyrir
dansi á grillstaðnum, en sá
möguleiki væri þó fyrir hendi að
hafa þar diskótek, ef það þætti
henta betur.
Innrétting efri hæðarinnar
hófst um síðustu áramót, en
hafist var handa við að steypa
hana um áramótin 1976/77.
Sigmar Pétursson lengst til vinstri í hinum nýju salarkynnum.