Morgunblaðið - 25.06.1978, Blaðsíða 5
MORGUNBLAÐIÐ, SUNNUDAGUR 25. JÚNÍ 1978
37
Innlendir orkugjafar;
Virkjaður jarðvarmi
hefur aukist um
50% ákjörtímabiiinu
Er nú um 520 MW eða 100 MW meiri
en virkjað vatnsafl Sogsvirkjana,
Búrfells og Sigöldu samanlagt.
Sparar þjóðfélaginu marga
milljarða í gjaldeyri árlega og
heimilum verulegar fjárhæðir
Ef undan er skilið frumkvæði
borgarstjórnarflokks Sjálfstæðis-
flokksins í Reykjavík, er hita-
veita var lögð til Reykjavíkur,
hafa aldrei fyrr í sögu þjóðarinn-
ar verið stigin stærri skref til
virkjunar jarðvarma, einkum til
húshitunar, en á þvi kiörtímabili
sem nú er að líða. I því efni
kemur Hitaveita Reykjavíkur enn
við sögu. í samvinnu við viðkom-
andi sveitarfélög hefur hitaveitan
fært út þjónustusvæði sitt til
Garðabæjar, Kópavogs og Hafn-
arf jarðar á þessu kjörtímabili, en
Mosfellshreppur hefur notið hita-
veitunnar frá stofnun hennar.
Hitaveita Reykjavíkur er nú
mæld í megavöttum um það bil
430 MW. Til samanburðar má
geta þess að allt virkjáð vatnsafl
Landsvirkjunar er nú 400 MW
(Sogsvirkjun 90, Búrfell 210,
Sigalda 100). Húshitunarkostnað-
ur á þessu svæði er verulega lægri
en þar sem olía er nýtt til
húshitunar. Hitaveita Reykjavík-
ur, hefur því stórbætt fjárhags-
stöðu heimila á þjónustusvæði
sínu, miðað við það sem verið
hefði án tilkomu hennar og miðað
við það sem er víða annars staðar
á landinu. Gjaldeyrissparnaður
fyrir þjóðina nemur og milljörð-
um króna á ári hverju.
Þá má nefna Hitaveitu Suður-
nesja, sem lög voru sett um á
þessu kjörtímabili, og komin er vel
á veg i framkvæmd og þjónustu.
Hún verður um 100 MW fullbúin.
Stofnkostnaður hennar er talinn
verða milli 7 og 8 milljarðar króna
en hún sparar yfir 1 milljarð á ári
í gjaldeyri, auk hagkvæmni fyrir
byggðir og íbúa Suðurnesja.
Hitaveituframkvæmdum er ým-
ist lokið eða að þeim unnið á
eftirtöldum stöðum: Akureyri,
Siglufirði, Blönduósi, Suðureyri,
Vestmannaeyjum. Stækkun hita-
veitna er fyrirhuguð á Sauðár-
króki, Ólafsfirði, Dalvík, Hvera-
gerði og Selfossi. í undirbúningi
eru hitaveitur á eftirtöldum stöð-
um: Akranesi, Borgarnesi, Hvann-
eyri, Egilsstöðum, Lagarfelli, Þor-
lákshöfn og efalítið víðar. Þá er
unnið að áætlun fyrir Álftanes
með nýborun eða tengingu við
Reykjavík.
I dag er talið að virkjaður
jarðvarmi til húshitunar, í landinu
öllu, sé á bilinu 510 til 520 MW.
Þar af hafa milli 170—180 MW
bætzt við á líðandi kjörtímabili
(frá 1973), sem er 50% aukning og
% virkjaðs jarðvarma. Þegar þess
er gætt að Sigölduvirkjun er 100
MW má ljóst vera, hve stór sú
viðbót er, sem náðst hefur í
hitaveituframkvæmdum á kjör-
tímabilinu.
Jarðhitaleit og rannsóknir hafa
og verið stórauknar. Tveir jarðbor-
ar voru keyptir til viðbótar þeim,
er fyrir voru, og markar annar
þeirra, Jötunn, tímamót í jarðhita-
leit hérlendis, þar eð hann nær
niður á 3.6 km dýpi. Hinn borinn,
Narfi, nær niður í 1.8 km og hefur
reynst bæði handhægur og af-
kastamikill. Staðir, sem verið er
að rannsaka líkur á öflun jarð-
varma til hitaveitna, eru m.a:
Hella, Hvolsvöllur, Eyrarbakki,
Stokkseyri, Grundarfjörður,
Stykkishólmur, auk ýmissa staða á
Vestfjörðum.
Liðsmenn B.G.-flokksins, aftari röð f.v.i Svanfríður Arnórsdóttir
(söngur), Ólafur Guðmundsson (söngur og gítar), Ingibjörg G.
Guðmundsdóttir (söngur). Fremri röð f.v.i Karl Geirmundsson (gítar),
Rúnar H. Vilbergsson (trommur), Samúel Einarsson (bassi) og Baldur
Geirmundsson (hljómborð og saxófónn).
B.G. frá ísafirði
í ferð um landið
NÚ í sumar mun hljómsveit-
in B.G. frá ísafirði skemmta
landsmönnum á ný eftir
nokkurt hlé. Nafni hljóm-
sveitarinnar hefur verið
breytt úr B.G. og Ingibjörg í
B.G.-flokkurinn.
Fyrsti dansleikurinn, sem
hljómsveitin leikur á í sumar,
verður í Hnífsdal 30. júní.
Síðan ætlar flokkurinn að
ferðast vítt og breitt um
landið. Framkvæmdastjóri
og umboðsmaður hljómsveit-
arinnar er Karl Geirmunds-
son.
Jurtabók AB
Fuglabók AB
Fiskabók AB
Fiskar og fiskveiðar
2. útgáfa endurbætt
Bók þessi kom fyrst út í Danmörku árið 1964
en hefur síðan verið gefin út í ýmsum
löndum, enda hefur hún vakið verðskuldaða
athygli, fyrir fjölbreytilegan texta, fallegar
myndir og vandaðan frágang.
Islenzk ferðaflóra
2. útgáfan aukin og endurbætt.
Handhæg bók í göngu og
fjallaferðir.
Almenna bókafélagið
Austurstræti 1S. Bolholti 6.
sími 19707 sími 32620
Fuglar Islands og Evrópu
3. útgáfan.
í bók þessari er fjallað um alla fugla íslands
og auk þess alla fugla Evrópu, vestan
Rússlands.