Morgunblaðið - 25.06.1978, Blaðsíða 7
MORGUNBLAÐIÐ, SUNNUDAGUR 25. JÚNÍ 1978
39
Þetta vill Sjálf-
stæðisflokkurinn
Jöínun kosningaréttar
Sjálfstæðisflokkurinn telur núverandi kjördæma-
skipan og kosningatilhögun óviðunandi. Hann mun
beita sér fyrir jöfnum kosningaréttar borgaranna og
eflingu tengsla þeirra og þingmanna.
Einstakir þingmenn Sjálfstæðisflokksins fluttu
frumvörp til laga um breytingar á kosningalögum og
stjórnarskrá á síðasta þingi í þessum tilgangi, þótt
ekki næðist samstaða um þau.
Geir Hallgrímsson, forsætisráðherra, formaður
Sjálfstæðisflokksins, beitti sér fyrir flokkasátt í þessu
efni, sem kom fram í því að formenn allra
stjórnmálaflokka stóðu að þingsályktunartillögu þess
efnis, að nýrri stjórnarskrárnefnd vóru sett 2ja ára
tímamörk um tillögugerð varðandi stjórnarskrá, að
því er varðar kjördæmaskipan, kosningaákvæði
stjórnskipunarlaga, kosningalög og skipulag og
starfshætti Alþingis.
Varanlegt slitlag á hringveginn
Sjálfstæðisflokkurinn hefur sett fram fram-
kvæmda- og fjármögnunaráætlun um varanlegt
slitlag á hringveginn, vegi til allra byggðarlaga
landsins, á næstu 15 árum. Þessi brýna framkvæmd,
sem skilar sér aftur í varanlegri endingu ökutækja,
minni viðgerðarkostnaði og benzínsparnaði, er svipað
átak fyrir þjóðarheildina og varanleg gatnagerð í
Reykjavík var fyrir borgarbúa á sinni tíð.
Endurskoðun skólakerfis — aukin
verkmenntun
Sjálfstæðisflokkurinn vill að einstaklingar, frjáls
félagasamtök og sveitarfélög hafi sem mest frum-
kvæði og sjálfstæði í skóla- og fræðslumálum.
Ríkisvaldið setji lagaramma um, hvern veg menntun
skuli háttað.
Setja þarf sem fyrst ný lög um framhaldsskóla, þar
sem verkmenntun skipi veglegri sess, sem og lög um
fullorðinsfræðslu. Þessi löggjöf verður að taka tillit
til tengsla við önnur skólastig og atvinnuvegi
þjóðarinnar.
Vel menntaðir einstaklingar eru fjárfesting, sem
skilar sér í betra þjóðfélagi, örari framförum, aukinni
þjóðarframleiðslu og betri lífskjörum.
Rannsóknastörf
Sjálfstæðisflokkurinn vill efla vísindi og rannsóknir
í landinu, m.a. til að stuðla að aukinni þí*kingu á
landi okkar og betri og hyggilegri nýtingu auðlinda
þess og hafsvæðisins umhverfis það.
Menningarmál
Stefna Sjálfstæðisflokksins í menningarmálum á
rætur í víðsýnni þjóðernishyggju og virðingu fyrir
einstaklingnum. í menningarmálum vill flokkurinn
stuðla að því að fólk hafi tækifæri til sköpunar og til
að njóta frjálsra lista og menningar í daglegu lífi sínu.
Sköpunargleði listamanns, rannsóknaþörf vísinda-
manns og starfsvilji athafnamanns eru greinar á
sama meiði. Sjálfstæðisflokkurinn telur að borgara-
legt lýðræði sé frjóastur jarðvegur fyrir hvers konar
menningarviðleitni. Sósíalisminn krefst hins vegar að
listin lúti vilja valdhafanna, gagnstætt inntaki
sj álfstæðisstef nunnar.
Sjálfstæði sveitarfélaga
Sjálfstæðisflokkurinn vill að sveitarfélögin, sem eru
hornsteinar íslenzks þjóðfélags frá öndverðri byggð í
landinu, hafi sem mest sjálfstæði um stjórnun
heimamála, á grundvelli sjálfsagðrar valddreifingar í
þjóðfélaginu. Sjálfsstjórnarrétt ibúa í einstökum
sveitarfélögum þarf að efla og standa vörð gegn of
mikilli miðstýringu.
Eign fyrir alla
í húsnæðismálum leggur Sjálfstæðisflokkurinn
áherzlu á að fólk með almennar tekjur geti eignast
sitt eigið íbúðarhúsnæði. í þeim efnum vill hann
tryggja rífleg stofnlán til fólks, sem reisir eða kaupir
sína fyrstu íbúð. Jafnframt verði lánafyrirgreiðslu
beitt til betri nýtingar eldra húsnæðis, sem þegar
hefur verið gert að hluta til með áfangahækkun lána
til kaupa á eldri íbúðum.
Vegahandbókiii í nýrri útgáfu
ÞRIÐJA útgáfan af Vega-
handbókinni er nú komin út
og er það bókaútgáfan Örn og
Örlygur sem sér um útgáf-
una. Höfundur textans í bók-
inni er Steindór Steindórsson
frá Hlöðum en ritstjóri er
Örlygur Hálfdánarson.
Miklar breytingar hafa ver-
ið gerðar á efni bókarinnar og
er í henni m.a. nýr kafli um
fjallavegi á Miðhálendinu og
kafli um Vestmannaeyjar sem
Árni Johnsen samdi.
Bókinni fylgir snælda (kas-
etta) er nefnist „Á Þingvöllum
— þættir úr sögu þings og
staðar". Á henni les Hjörtur
Pálsson leiðsögn um staðinn í
samantekt Jóns Hnefils Aðal-
steinssonar.
Leiðsögn Jóns Hnefils hefst
á Löbergi, en þaðan leiðir
hann samferðafólkið í Lög-
réttu, Snorrabúð og að Drekk-
ingarhyl. Frá brúnni yfir
hylinn liggur leiðin að Brennu-
gjá, Peningagjá og á Spöngina,
en samfylgdinni lýkur við
Þingvallabæinn.
Vegahandbókin er filmuð
hjá Korpus h.f., prentuð í
prentsmiðjunni Odda h.f. og
bundin í Sveinabókbandinu.
SPÁIR UM ÚRSLIT í KOSNINGASJÓNVARPINU í NÓTT
ÞVÍ SPÁIR ÞÚ EKKI í WANG?
KOSTIR WANG KOMA VÍÐAR í LJÓS EN í BÓKHALDINU.
SERÞJALFAÐIR VIÐGERÐARMENN ÁSAMT NÆGUM
VARAHLUTUM TRYGGJA ÖRUGGA VIÐHALDS-
ÞJÓNUSTU.
WANG LAUSNIN ER ÓDÝRARI EN ÞIÐ HALDIÐ.
TÖLVUDEILD, SÆTÚNI 8 — SÍMI 24000