Morgunblaðið - 25.08.1978, Blaðsíða 2

2
MORGUNBLAÐIÐ, FÖSTUDAGUR 25. ÁGÚST 1978'
Gabor á Keflavíkurflugvelli
Eins og Morgunblaðið skýrðii írá í gær, kom Eva Gabor, ein
hinna frægu Gabor systra, við í íslenzkum markaði á
Keflavíkurfiugvelii s.l. mánudag og keypti þar íslenzkan fatnað
ásamt vinkonum sínum fyrir litlar 640 þús. kr. Hér sjáum við
Gabor koma klyfjaða út úr verzluninni.
Tilraunaráð landbúnaðarins:
Efasemdir um
forsendur beitar-
þolsútreikninga
TILRAUNARÁÐ landbúnaðarins
samþykkti á sumarfundi sínum
fyrir nokkru ályktun þar sem segir
að komið hafi fram rökstuddar
efasemdir um að forsendur þeirra
beitarþolsútreikninga, sem hér hafi
verið unnir á vegum Rannsóknar
stofnunar landbúnaðarins, séu
nægilega traustar, en sem kunnugt
er hafa sérfræðingar látið i ljós það
álit, að um verulega ofbeit sé að
ræða á vissum svæðum landsins.
Hins vegar mun ástæða þessarar
samþykktar Tilraunaráðsins vera
sú að ýmsir búvfsindamenn telja að
samkvæmt ýmsum fóðurfræðilegum
athugunum og beitarþolsrannsókn-
um þá geti ofbeit f landinu ekki
verið jafn mikil og beitarþolsút-
reikningar til þessa hafi sýnt.
Morgunblaðið óskaði í gær eftir að
fá þessa ályktun til birtingar en var
synjað um það, þar sem forstjóri og
stjórn Rannsóknarstofnunar land-
búnaðarins höfðu óskað eftir þvf að
hún yrði ekki birt opinberlega.
Eftir þeim upplýsingum, sem
Morgunbiaðið hefur aflaö sér, er í
ályktuninni skorað á stjórn Rann-
sóknarstofnunar landbúnaðarins að
láta hraða uppgjori niðurstaða
þeirra beitartilrauna, sem liggi fyrir
og miða það uppgjör við að fá sem
traustastan grundvöll fyrir beitarút-
reikningana. Þá segir í ályktuninni
að Tilraunaráð telji óæskilegt að
settar séu fram opinberlega fullyrð-
ingar um beitarþolið á landinu í
heild eða einstökum svæðum þess
meðan forsendurnar séu ekki nægj-
anlega traustar.
I Tilraunaráði landbúnaðarins
eiga sæti 15 fulltrúar ýmissa stofn-
ana landbúnaðarins og stéttarfélaga
innan hans, s.s. Rannsóknarstofnun-
ar landbúnaðarins, Búnaðarfélags
íslands, Framleiðsluráðs, Land-
græðslunnar, bændaskólanna, Stétt-
arsambands bænda og fleiri. Var
fyrrnefnd ályktun samþykkt sam-
hljóða. Tilraunaráð starfar sam-
kvæmt lögum um Rannsóknarstofn-
un landbúnaðarins og skal sam-
kvæmt þeim lögum vera tengiliður
milli stofnunarinnar og hinna ýmsu
greina landbúnaðarins og er það
forstjóra og stjórn til ráðuneytis og
gerir tillögur um starfsáætlun stofn-
unarinnar.
Starfsfólki BUH sagt
upp — frystíhúsinu lokað
ÚTGERÐARRÁÐ Bæjarútgerðar
Ilafnarfjarðar ákvað á fundi í
gær að segja upp öllu starfsfólki
fyrirtækisins sem vinnur við
Jón Magnússon, formaður Félags ísl. stórkaupmanna:
Könnunin segir að-
eins hálfa söguna
— Ég tel, að þessi samnorr
æna könnun á innkaupsverði,
sem er góðra gjalda verð, segi
þrátt fyrir allt aðeins hálfa
söguna. Það þarf að reikna
þetta dæmi áfram, gera saman-
burð á smásöluverði til neyt-
enda í sömu löndum og ég er
sannfærður um að sú útkoma
sem þá fæst verði okkur ekki
í óhag. Það sem máli skiptir í
þessu sambandi, er endanlegt
verð til neytenda, sagði Jón
Magnússon formaður Fél. ísl.
stórkaupmanna er Mbl. innti
hann álits á niðurstöðum
könnunarinnar, sem verðlags-
stjóri kunngerði í fyrradag.
— Framhjá hinu verður heldur
ekki litið, að þessi könnun leiðir
það í ljós, sem lengi hefur verið
vitað, að við búum við áratuga
gamalt verðlagskerfi, sem löngu er
orðið útelt. Þetta er í raun ekki
verðlagseftirlit heldur álagningar-
eftirlit eins og ég hef áður sagt og
það verðlaunar lélegustu innkaup-
in og ég er sammála verðlagsstjóra
um það, að þetta kerfi verki
hvetjandi á verðbólguna.
— Það er reyndar margt í
þessari könnun, sem ekki kemur
fram og farið er með sem
trúnaðarmál eins og t.d. hvaða
vörutegundir hér sé um að ræða.
Könnunin birtir aðeins meðaltals-
tölur sem okkur eru í óhag, en
segja að öðru leyti lítið. Það er
heldur ekkert vafamál, að fleira
kemur inn í dæmið. Má þar t.d.
nefna lítið magn, sem keypt er inn
hverju sinni, mikinn flutnings-
kostnað og fl., sem hækkar vöru
okkar meira en vörur á hinum
Norðurlöndunum.
— Eg tel tvímælalaust, að frjáls
verðlagning, sem gert er ráð fyrir
að taki gildi í áföngum skv. nýjum
lögum frá Alþingi, muni færa
verðlagsmál hér til betri vegar og
þannig munum við fá lægsta
vöruverðið.
— Félag íslenzkra stórkaup-
manna mun senda frá sér greinar-
gerð um þessa könnun og er hún
væntanleg eftir fund okkar í dag,
sagði Jón Magnússon að lokum.
Sjá nánar bls. 5
fiskvinnslu og er uppsagnarfrest-
ur á fastráðningarsamningum 10
dagar frá og með deginum í dag.
Hér er um að ræða liðlega 100
manns, eða allt starfsfólk BÚH
utan verkstjórar, skrifstofufólk
og vélstjórar.
Samkvæmt upplýsingum Páls
Jóhannssonar formanns útgerðar-
ráðs er ástæðan fyrir þessari
uppsögn miklir greiðsluerfiðleikar
hjá fyrirtækinu, en það hefur ekki
getað greitt út kaup á eðlilegan
hátt að undanförnu, því starfsfólki
hefur aðeins verið greitt smáræði
af hverju vikukaupi. Starfsfólkið
hafði hins vegar fallizt á að vinna
um skeið þótt það fengi ekki greitt
allt sitt kaup á meðan greiðslu-
erfiðleikarnir eru svo miklir sem
raun ber vitni.
Mun ætlunin að stöðva vinnslu
í BÚH um aðra helgi.
Uppsagnirnar voru samþykktar
samhljóða í útgerðarráði sem er
skipað pólitískum fulltrúum,
tveimur frá Sjálfstæðisflokki,
einum frá Alþýðubandalagi, einum
frá Alþýðuflokki og einum frá
Óháðum.
Lúðvík Jósepsson:
Greiðsluerfiðleikar
víða miklir—en mest-
ir þó á Suðurnesjum
Höfum sætt okkur við Ölaf
sem forsætisráðherra áður
„ÉG GAF engin ráð um það hver nú
ætti að taka við,“ sagði Lúðvík
Jósepsson er hann var spurður á
blaðamannafundinum i gær, hvort
hann hefði bent forseta íslands á
það hver á að taka við stjórnar
myndunarviðræðunum. „Það liggur
fyrir að þrír af flokksformönnun-
um hafa þegar reynt og að einn
hefur ekki fengið þetta umboð. Sá
flokksformaður hefur tekið þátt í
þessum viðræðum og því teldi ég að
röðin væri komin að formanni
Framsóknarflokksins, ef hann
vilí,“
„Það tel ég víst,“ svaraði Lúðvík
þegar hann var spurður, hvort
Aiþýðubandalagið myndi styðja
Óolaf Jóhannesson sem forsætisráð-
herra. „Við höfum sætt okkur við
Ólaf sem forsætisráðherra áður. Og
verði mynduð stjórn á þeim grund-
velli sem nú hefur verið lagður á ég
ekki von á þvi að stjórnarmyndun
myndi stranda af okkar hálfu á Ólafi
sem forsætisráðherra."
Þá var Lúðvík spurður um hvort
Alþýðubandalagið myndi styðja
Benedikt Gröndal sem forsætisráð-
herra ef sú staða kæmi upp. „Ég hafi
lýst því yfir fyrir hönd míns flokks
meðan Benedikt hafði stjórnar-
myndunarumboðið að við gætum
sætt okkur við hann sem forsætis-
ráðherra," svaraði Lúðvík. Hvort það
stæði enn? „Það fer að sjálfsögðu
eftir því hvernig endanlegir stjórn-
arsamningar yrðu gerðir," svaraði
Lúðvík.
NOKKUÐ er farið að bera á því
að fyrirtæki, sveitarfélög og
opinberir aðilar eigi í greiðslu-
erfiðleikum og hafa þessir crfið-
leikar aukizt eftir því sem liðið
hefur á sumarið. Þá hefur það
komið fram á síðustu vikum, að
greiðsluerfiðleikar eru að verða •
mest áberandi á Suðurnesjum
eftir að frystihúsin stöðvuðust
þar.
Jónas Haralz bankastjóri
Landsbanka íslands sagði, þegar
Mbl. ræddi við hann, að greiðslu-
erfiðleikar væru víða orðnir veru-
legir, ekki bara hjá fyrirtækjum,
heldur einnig hjá opinberum
aðilum og sveitarfélögum.
„Þessir erfiðleikar hafa aukizt
síðustu vikurnar og útstreymi
gjaldeyris hefur verið mikið á
þessum tíma, sem ekki bætir úr
skák.“
Bjarni Guðbjörnsson banka-
stjóri Útvegsbanka íslands sagði,
Lúðvík ekki
ráðherra en í
viðræðunefnd
LÚÐVÍK Jósepsson staðfesti á
blaðamannafundinum í gær að
það væri rétt sem Mbl. hefur
skýrt frá að hann myndi ekki
verða ráðherra í þeirri ríkis-
stjórn sem Alþýðubandalagið
kynni nú að ciga aðild að. Hann
mun hins vegar sitja áfram í
viðræðunefnd Alþýðubandalags-
ins. „Ég var sagður harður
húsbóndi meðan ég stjórnaði
viðræðunum,“ sagði Lúðvík í
samtali við Mbl. í gær. „Og ég
ætla að verða harður áfram, því
ég er staðráðinn f þvf að fylgja
því eftir að þessi stjórn verði
mynduð á þessum grundvelli.“
að ljóst væri að víða væri farið að
þrengja að, og fyrirtæki kvörtuðu
mikið.
Ekki sagðist Bjarni þó
kannast enn við neina greiðslu-
kreppu.
Hins vegar sagði hann, að eftir
að frystihúsin á Suðurnesjum
hefðu stöðvazt væri það ljóst, að
víða væri farið að þrengja að þar,
ekki sízt hjá þjónustufyrirtækj-
um, sem starfað hefðu fyrir
frystihúsin og útgerðina.
Morgunblaðið hafði samband
við deildarstjóra í víxladeildum
bankanna og spurði þá, hvort
afsagnir á víxlum hefðu aukizt á
síðustu vikum. Svo er þó ekki, en
fólk kemur hins vegar miklu meir
og biður um óbreytta framleng-
ingu á víxlum eða þá að fá að
borga minna en um var samið.