Morgunblaðið - 01.11.1978, Blaðsíða 12

12
MORGUNBLAÐIÐ, MIÐVIKUDAGUR 1. NÓVEMBER 1978
|

Einn sýningarsala Kjarvalsstaða.
Féla>? ísl. myndlistarmanna hefur
nú skorað á félaga sína að sýna
ekki verk sín á Kjarvalsstöðum
og einnig hefur félagið skorað á
aðra listamenn að standa ekki
fyrir listrænni starfsemi í húsinu.
menn
ísl.
félaga sína
að sniðganga
„Eignarhluti lista-
manna ekki metinn
eingöngu í
steinsteypu“
Guðrún Helgadóttir sagði að
allir aðilar væru sammála um að
ekki gengi að hafa í húsinu tvær
stjórnir eins og verið hefði og væri
na skor-
ra lista-
valsstaði
Félag
ar á
— vegna deilna um þátttöku listamanna í stjóm hússins
UNDANFARNAR vikur hafa staðið yfir viðræður um stjórnun og rekstur
Kjarvalsstaða milli fulltrúa Bandalags ísl. listamanna, Félags ísl. myndlistarmanna,
hússtjórnar Kjarvalsstaða og annarra ráðamanna Reykjavíkurborgar. Hafa aðilar
orðið sammála um að gera þá breytingu á stjórn Kjarvalsstaða að hún lúti einni stjórn
en deila er uppi um með hvaða hætti listamenn eigi að taka sæti í þeirri stjórn og
samþykkti Félag ísl. myndlistarmanna á fundi sínum sl. mánudagskvöld að lýsa yfir
banni á Kjarvalsstaði og hvetja félaga sina og alla félaga Bandalags ísl. listamanna til
þess að sniðganga Kjarvalsstaði.
„FÍM, unir ekki þessari
fávíslegu afstöðu
meirihluta hússtjórnar“
Samþykkt fundar F.élags ísl.
myndlistarmanna hljóðar þannig:
„Undanfarnar vikur hafa staðið
viðræður um stjórnun og rekstur
Kjarvalsstáða milli fulltrúa
Bandalags íslenskra listamanna
og Félags íslenskra myndlistar-
manna annars vegar og hússtjórn-
ar Kjarvalsstaða og annarra
ráðamanna Reykjavíkurborgar
hins vegar.
I viðræðum þessum hefur komiö
greinilega í ljós, að það er vilji
beggja aðila að setja þessari
mikilvægu lista- og menningar-
miðstöð eina stjórn og sterkari en
verið hefur á síðastliðnum þrem
árum eða síðan deilan um Kjar-
valsstaði var leyst 18. desember
1975. •
Talsverður ágreiningur hefur
verið um þátttöku listamanna í
stjórnun stofnunarinnar —
einkum milli viðræðufulltrúa BÍL
og FIM og formanns hússtjórnar
— og hafa oddvitar borgarinnar
leitast við að jafna hann eftir
mætti. Ennfremur hefur Guðrún
Helgadóttir — einn þriggja full-
trúa í hússtjórninni — jafnan sýnt
skilning á sjónarmiðum lista-
manna og óskað eftir góðu sam-
starfi við þá.
Nú hefur það hins vegar gerst,
að meirihluti hússtjórnar Kjar-
valsstaða — Sjöfn Sigurbjörns-
dóttir og Davíð Oddsson — hefur
lýst þA-ri ósveigjanlegu afstöðu
sinni, að listamenn skuli aðeins
kveðja á fund hússtjórnar til
ráðuneytis um einstök listræn
málefni. Er þeim hvorki ætlaður
atkvæðisréttur á fundum né annar
ákvörðunarréttur á Kjarvalsstöð-
um. Þá hyggst meirihlutinn ráóa
starfskraft til hússins án fulls
samráðs við BÍL og FÍM.
Félag íslenskra myndlistar-
manna unir ekki þessari fávíslegu
afstöðu meirihluta hússtjórnar og
lýsir því yfir banni á Kjarvalsstaði
í annað sinn frá og með 1.
nóvember n.k.
Félagið mun hvetja alla félags-
menn sína svo og alla félaga
Bandalags íslenskra listamanna
til þess að sniðganga Kjarvals-
staði, sýna þar ekki né fremja aðra
listræna starfsemi eins og málum
er nú háttað. Það mun einnig
senda Norræna myndlistarbanda-
laginu og Nordfag, stéttarsam-
bandi norrænna myndlistar-
manna, nákvæmar fréttir af fram-
ferði meirihluta hússtjórnar Kjar-
valsstaða. Listráðunautur, sem ef
til vill kemur á Kjarvalsstaði með
skilmálum meirihlutans, verður
þar í algjörri óþökk listamanna.
Félag íslenskra myndlistar-
manna harmar mjög, að það skuli
hafa neyðst til að grípa til
framangreindra aðgerða gegn
Kjarvalsstöðum, þeirri stofnun,
sem átti að verða lyftistöng og hin
blómlegasta miðstöð lista- og
menningarlífs í borginni. Það
undrast að í hússtjórn skuli
veljast fólk, sem ekki gerir sér
grein fyrir grundvallaratriðum í
samskiptum við listamenn og
getur því ekki stuðlað að reisn
Kjarvalsstaða í listrænum og
almennum málefnum.
Það er staðreynd að Kjarvals-
stöðum verður ekki stjórnað án
fullrar samstöðu og góðrar sam-
vinnu Reykjavíkurborgar og sam-
taka listamanna."
Tilverugrundvöllur
hússins eru
listamennirnir
Ekki tókst í gær að ná tali af
Hjörleifi Sigurðssyni, formanni
Félags ísl. myndlistarmanna, en
Snorri Sveinn Friðriksson listmál-
ari, sem verið hefur einn fulltrúi
listamanna í þessum viðræðum,
sagði í samtali við Morgunblaðið,
að hann teldi tilgangslaust að tala
um að listamenn sætu í stjórn
hússins án atk'væðisréttar. „Við
viljum fyrst og fremst hafa
möguleika til að hafa áhrif á
listræna starfsemi í húsinu en
samkvæmt því formi, sem nú er á
stjórnun hússins, höfum við 4
fulltrúa og borgarstjórn 3 þegar
fjallað er um listrænar hliðar á
starfi hússins," sagði Snorri. „Með
þessu fyrirkomulagi sem meiri
hluti hússtjórnarinnar leggur til
hafa listamenn enga möguleika til
að hafa áhrif á þá listrænu
starfsemi, sem fram fer í húsinu.
Tilverugrundvöllur hússins eru
listamennirnir og það eru þeir
einir sem geta tryggt þann grund-
völl. Og í húsinu verður að vera
unnið eftir þeim sömu starfslög-
málum og gilda hjá þeim, sem
vinna að listsköpun.
Það hefur verið talað um að FIM
hafi verið greitt það, sem það lagði
til Kjarvalsstaða á sinni tíð en ég
tel að það hafi ekkert með þetta
mál nú að gera — þetta er ekki
spurning um peninga — heldur
spurning um listrænan grundvöll
hússins."
„Efast um að
nokkrir listamenn
fáist til að sitja í
stjórninni án
atkvæðisréttar“
Þorsteinn Gunnarsson leikari,
formaður Bandalags ísl. lista-
manna, sagði að stjórnarfundur
yrði haldinn hjá bandalaginu á
laugardag og þar yrði ályktun
fundar FÍM tekin fyrir. Sem
kunnugt er stóð Bandalag ísl.
listamanna með FÍM að banni á
Kjarvalsstaði í ársbyrjun 1976.
„Mér finnst það hæpið að nokkur
láti sér detta i hug að það sé hægt
að reka starfsemi á við Kjarvals-
staði án samráðs við listamenn og
samtök þeirra," sagði Þorsteinn,
“og um það að ætla að láta
listamenn sitja í stjórninni án
atkvæðisréttar, get ég aðeins sagt
það, að ég efast um að til slíkra
starfa fáist nokkrir listamenn."
Breyttur grundvöllur
frá síðustu samningum
við listamenn
Morgunblaðið reyndi í gær án
árangurs að ná tali af formanni
hússtjórnar Kjarvalsstaða, Sjöfn
Sigurbjörnsdóttur, borgarfulltrúa
Alþýðuflokksins, en hér á eftir
verður rætt við borgarfulltrúana
Davíð Oddsson og Guðrúnu Helga-
dóttur, sem bæði eiga sæti í
hússtjórninni.
Davíð Oddsson, sagði að meiri-
hluti stjórnarinnar teldi óeðlilegt
að láta félög listamanna hafa
meirihlutaaðstöðu í stjórn, sem
fjalla ætti um rekstur Kjarvals-
staða, þar sem forsendur væru nú
breyttar frá gerð síðustu samn-
inga við Félag ísl. myndlistar-
manna og Bandalag ísl. lista-
manna en Félagi ísl. myndlistar-
manna hefði verið greiddur eign-
arhluti þess í húsinu og það fé
notað til að opna þeirra eigin
sýningarsal. „Það er gert ráð fyrir
því að ráða til hússins listraénan
ráðunaut, sem verður í forsvari
fyrir hússtjórn um öll listræn
málefni, þannig að fagleg þekking
verður áfram til staðar og sömu-
leiðis gerir tillaga meirihluta
hússtjórnarinnar ráð fyrir því að
einn fulltrúi frá hvoru félagi
listamannanna sitji alla fundi
stjórnarinnar og hafi þar bæði
málfrelsi og tillögurétt," sagði
Davíð Oddsson
því gert ráð fyrir að hússtjórn og
listráð væru sameinuð í eina
stjórn. „Þau í meirihlutanum gera
ráð fyrir að sú breyting verði frá
fyrra stjórnunarfyrirkomulagi
Kjarvalsstaða, að fulltrúar Banda-
lags ísl. listamanna og Félags ísl.
myndlistarmanna hafi aðeins mál-
frelsi og tillögurétt, en ekki
atkvæðisrétt — þeir hafi ekkert að
segja,“ sagði Guðrún. „Ég lagði á
fundi hússtjórnarinnar fram
breytingartillögu við tillögu þeirra
Sjafnar og Davíðs, sem var á þá
leið að þessir fulltrúar hefðu
atkvæðisrétt um þau mál, sem
snerta listræna starfsemi í húsinu.
Þau í meirihlutanum létu bóka að
þau teldu enga ástæðu til þess að
fulltrúar félaganna hefðu atkvæð-
isrétt og rökstyðja það með því að
FIM hafi þegar verið greiddur
eignarhluti sinn í húsinu. Um
þetta atriði vil ég aðeins segja það
að eignarhluti listamanna verður
ekki metinn eingöngu í steinsteypu
heldur þekkingu og þeim verkum,
sem tilvera hússins byggist á ef
það á að vera menningarmiðstöð
Reykjavíkur.
Ég trúi ekki öðru en öll borgar-
stjórn sé mér sammála í þessu efni
nema þá þau Sjöfn og Davíð og vil
benda á að það var fyrrverandi
borgarstjórnarmeirihluti, sem
samdi við listamenn á sínum tíma
um stjórnun hússins og fyrrver-
andi borgarstjóri gekk fram í því
að leysa þá deilu, sem þá var uppi.
Og ég kvíði því engu um afgreiðslu
borgarstjórnar á þessu máli.“
Carter boð-
ið til Óslóar
Frá fréttaritara Mbl.
Jan Erik Lauri.
Ósló, 31. október.
JIMMY Carter, forseti Banda-
rikjanna mun koma í heimsókn
til Óslóar, í tilefni afhendingar
friðarverðlauna Nóbels 10.
desember n.k., að því er segir í
frétt frá utanríkisráðuneytinu
í dag.
Einnig kom fram í frétt
ráðuneytisins að ekki væri
ennþá ljóst hvort þeir Sadat og
Begin kæmu báðir til að taka við
verðlaununum.
Það var Reiulf Steen, for-
maður Nóbelsnefndarinnar sem
átti hugmyndina að því að bjóða
Carter að koma til Óslóar og
vera viðstaddur afhendingu
friðarverðlaunanna.
Hræringar
í Argentínu
Buenos Aires, 31. október — AP
JORGE Vídela, forseti Argen-
tínu, féllst í dag á lausnarbeiðni
fimm ráðherra úr stjórn sinni,
og sagði að sá sjötti fengi lausn
frá embætti í næsta mánuði.
Á fundi meö fréttamönnum
sagöi Videla aö þessar breyting-
ar á stjórn landsins væru aöeins
einn liður í áætlun hans um
breytingar á heildarstjórn lands-
ins í lýðræðisátt.
Einu ráðherrarnir, sem eftir
eru í stjórn Videla, eru fjármála-
ráöherrann, Martinez, og innan-
ríkisráðherrann, Harguindeguy,
en þeir eru báðir mjög óvinsælir
meöal landsmanna.