Morgunblaðið - 01.11.1978, Blaðsíða 17
MORGUNBLAÐIÐ, MIÐVIKUDAGUR 1. NÓVEMBER 1978
17
Eldur i DaKÍara úti af Vestfjörðum. skuttogarinn Runólfur kominn á vettvang.
15 tíma barátta við eld um borð í Dagfara
UNNIÐ ER AÐ ÞVÍ að gera við vélskipið Dagfara ÞH 70 á Patreksfirði, svo að draga megi skipið til
staðar, þar sem frekari viðgerðir fara fram. Eins og fram hefur komið í fréttum skemmdist skipið
mjög í eldi á sunnudag á leið á loðnumiðin út af Vestfjörðum. Tilkynnti skipstjórinn um eldinn í
gegnum Ísafjarðar-radíó klukkan 9.18 og sagði að skipverjar yrðu að yfirgefa bátinn.
Nærstödd skip voru beðin um aðstoð og var skuttogarinn Runólfur SH 135 þá um 6 sjómílur frá
Dagfara. Runólfur kom fyrstur að hinu brennandi skipi, en skipverjar voru þá enn um borð, klukkustund
eftir að tilkynnt var um eldinn. Settur var út bátur frá togaranum og línu komið á milli. Ahöfn Dagfara
var síðan dregin á milli skipanna og um borð í Runólf. Runólfur hélt síðan með Dagfara í togi til
Patreksfjarðar og varðskipið Týr, sem einnig var komið á vettvang, fylgdi skipunum.
Til Patreksfjarðar var komið um klukkan 15 og var lagst þar við akkeri því ekki þótti óhætt að fara
með Dagfara að bryggju vegna eld- og sprengihættu. Strax og Runólfur kom með Dagfara inn á leguna
fór sveit varðskipsmanna, undir stjórn Ólafs Vals Sigurðssonar, um borð í Dagfara með dælur og annan
slökkvibúnað og réðst til atlögu við eldinn. Þá var yfirbygging skipsins og nótin að mestu brunnin.
Skömmu síðar kom Dofri BA 25 einnig á vattvang með slökkviliðsmenn frá Patreksfirði og hófu þeir
einnig að dæla á eldinn.
Um klukkan 17 virtist að mestu búið að slökkva eldinn, en einni stundu síðar gaus aftur upp mikill
eldur og virtist þá hafa kviknað í olíu. Um klukkan 20 var að mestu búið að slökkva eldinn, en þó var
unnið fram undið miðnætti við að slökkva og kæla neista, sem víða leyndust í klæðningu skipsins. Þá var
kominn mikill sjór í skipið og var byrjað að dæla úr skipinu. Klukkan 02 um nóttina var Dagfari loks
dreginn að bryggju á Patreksfirði, en brunavakt úr varðskipinu var um borð í bátnum alla nóttina.
Skipverjar á Dagfara komu að máli við Morgunblaðið í gær og báðu fyrir beztu þakkir til allra þeirra,
sem þátt hefðu átt í björguninni, skipverja á Runólfi, varðskipinu Tý, vélbátnum Dofra, slökkviliðsmanna
á Patreksfirði og fólks þar, sem skotið hefði yfir þá skjólshúsi á Patreksfirði og hjálpað þeim á allan
mögulegan hátt.
Runólfur kominn með Dagfara inn á Patreksfjörð. Myndin er tekin
frá varðskipinu Tý, sem fylgdi skipunum allan tímann.
(Ljósmynd Leif Bryde).
imþykkt
Geir Gunnarsson
t>ingmenn Alþýðuflokksins
andvígir tveimur meginatrið-
um fjárlagafrumvarpsins
- segir Sighvatur Björgvinsson, formaður þingflokks Alþýðuflokksins
ÞINGMENN Alþýðu-
flokksins eru andvígir
tveimur meginatriðum
fjárlagafrumvarpsins og
munu reyna að fá þeim
breytt á Alþingi. „Ef það
tekst ekki tel ég vafasamt
að við munum samþykkja
þessa þætti frumvarpsins,“
sagði Sighvatur Björgvins-
son formaður þingflokks
Alþýðuflokksins er Mbl.
leitaði í gær álits hans á
fjárlagafrumvarpinu.
Þessi atriði eru« „mikil
hækkun á beinum sköttum
á einstaklinga“ og „að ekki
skuli vera gert ráð fyrir
því í frumvarpinu að
lækka allverulega útgjöld
ríkisins til framleiðsluauk-
andi framkvæmda í land-
búnaði og til útflutnings-
uppbóta“. Mbl. reyndi einn-
ig að ná í Kjartan Jóhanns-
son ráðherra, sem verið
hefur aðaltalsmaður Al-
þýðuflokksins við undir-
búning fjárlagafrumvarps-
ins í ríkisstjórninni en án
árangurs.
SÍKhvatur Björgvinsson
„Þetta fjárlagafrumvarp ber það
að sjálfsögðu með sér að ríkis-
stjórnin hefur haft mjög stuttan
tíma til að móta fjárlagafrumvarp
að sinni stefnu og því er fjölmargt
ófrágengið í þessu frumvarpi, eins
og tekið er fram í greinargerðinni
með frumvarpinu," sagði Sighvat-
ur. „Þá er einnig eðlilegt að þar
sem þrír flokkar eru saman í
stjórn, þá séu ýms atriði inni í
frumvarpinu, sem menn una mis-
jafnlega eða ekki.
Þingflokkur Alþýðuflokksins
hefur fylgzt með undirbúningi
fjárlagafrumvarpsins. Okkar af-
staða er sú að af meginþáttum
frumvarpsins eru tveir í andstöðu
við okkar stefnu. Við erum andvig-
ir mikilli hækkun á beinum
sköttum á einstaklinga eins og
frumvarpið gerir ráð fyrir og
höfum við óskað eftir því að
þessari stefnu frumvarpsins verði
breytt. I annan stað erum við
andvígir því að ekki skuli vera gert
ráð fyrir því í frumvarpinu að
lækka allverulega útgjöld ríkisins
til framleiðsluaukandi fram-
kvæmda í landbúnaði og til
útflutningsuppbóta.
Það segir í greinargerðinni að
ekki sé endanlega gengið frá
þessum málum og við innan
Alþýðuflokksins munum reyna að
fá þessum atriðum bre.vtt. Ef það
tekst ekki tel ég vafasamt að við
samþykkjum þessa þætti frum-
varpsins.“
1930 fleiri dilkum
slátrað hjá Slátur-
samlaginu en í fyrra
Saudárkróki. 31. október.
HJA Slátursamlagi Skag-
firðinga hófst fjártaka 15.
september og lauk 20.
október. Slátrað var 11.377
kindum eða 1930 fleira en í
fyrra. Þyngsti dilkur vó
31,1 kíló, eigandi Pétur
bóndi Pálmason, Reykja-
völlum í Lýtingsstaða
hreppi. Hann hafði jafn
framt hæstu meðalvigt
19,64 kíló af 120 dilkum.
Meðalþyngd í húsinu
reyndist 14,02 kíló.
Stórgripaslátrun stendur
nú yfir í báðum slátur-
húsunum á Sauðárkróki og
er búist við fleiri gripum til
frálags heldur en í fyrra.
— Jón.