Morgunblaðið - 18.03.1979, Blaðsíða 29

MORGUNBLAÐIÐ, SUNNUDAGUR 18. MARZ 1979
29
komið fram í sjónvarpi. Allir þekkja
okkur eöa vita aö minnsta kosti
einhver deili á okkur."
Er kók vinsælt?
Eruð þið vinsælir í Svíþjóð?
„Vinsælir, ja hvað er að vera
vinsæll. Sjálft orðið er óhentugt.
Hvernig getum við sagt að t.d.
Coca-Cola sé vinsælt. Er það bara
ekki svona mikið keypt, af því að
það fæst alls staðar, varla kaupir
fólk það vegna bragðsins. En við
erum ekki beint vinsælir í Svíþjóð,
öllu nær væri að segja að við værum
þekktir. Það er einnig rangt að segja
að við séum þekktir, það er tónlist
okkar, sem er þekkt, ekki við sem
persónur, enda viljum við ekki vera
eins konar guöir. Það er andstætt
okkar stefnu.
Meinið er að nú, eins og alltaf, eru
tveir mismunandi pólar í sænskri
tónlist. Annars vegar eru það diskó-
tekin og sú spilling, sem þrífst í
kringum þau og undir sama hatt
flokkum við pop-lögin, Svensk
Toppen og annað í þeim dúr. Hins
vegar er sú tónlist, sem ekki er
vinsæl. Við erum mikið á móti
diskótekum og þeirra fylgifiskum.
En í Svíþjóð, sem á öðrum stöðum,
eru bandarísk tónlistaráhrif mjög
sterk og á móti þeim viljum viö
sporna. Viö erum ekki and-banda-
rískir í þess orðs fyllstu merkingu.
Við viljum aðeins vernda hefð-
bundna, sænska tónlist fyrir háska-
legum bandarískum og öðrum er-
lendum áhrifum. Af þessu leiðir aö
margir staðir í Svíþjóö eru á móti
okkur og viö erum bannfæröir af
mörgum stöðum, sem eingöngu
dæmigerðum pop-hljómsveitum er
leyft að leika á. Þetta eru ekki stórir
hljómleikasalir, heldur í flestum
tilfellum staöir, þar sem bæði er
boðiö upp á lifandi tónlist og diskó-
tek. Þegar plötusnúöurinn gerist
þreyttur, er tjaldað til einhverri
hljómsveit, sem leikur dæmigerð
„diskólög" og lög í svipuðum dúr.“
ABBA fær
greitt í olíu?
Hvernig tónlist er vinsælust í
Svíþjóð í dag?
„Getur verið ertitt að hiusta á
tóniist, sem aðeins er
impróvíserinnar. “
„Svíþjóö hefur ekki fariö varhluta
af Grease-æðinu og lög úr kvik-
myndinni eru náttúrlega mjög vinsæl
þar. En Svensk Toppen er einnig
mjög vinsælt, aö ógleymdum ABBA.
ABBA er einn stærsti útflutningsiðn-
aður Svíþjóðar, tekjur þeirra eru
stjarnfræðilega háar, bæöi innan
Svíþjóðar og utan. Við gleymum því
oft að ABBA er ekki eingöngu greitt
í peningum, öll sænska þjóöin nýtur
góðs af hljómsveitinni. Þegar ABBA
leikur í Sovétríkjunum fá þau greitt í
olíu.“
Nú eruð þið vinstri sinnaðir, skap-
ar þaö ekki vissa andúð gegn
ykkur?
„Okkar pólitísku skoðanir hræða
visst fólk, þaö fólk, sem við ætlum
okkur að hræða. En það gildir í
þessu eins og öllu ööru aö við
verðum að vera heiöarlegir. Al-
menningur í Svíþjóð veit á hvaöa
Knu viö erum og sjálfir reynum við
ekki að vera með neinar kennisetn-
ingar varðandi okkar pólitík. Það
eru alls staðar til óheiðarlegir menn,
menn sem hafa ekki hreinan skjöld,
meira að segja hér við borðið eru
áreiðanlega einhverjir skúrkar, en
við nefnum engin nöfn.“ Þeir félagar
gjóa augunum hver til annars.
Getið þið lifað af tekjum ykkar
sem tónlistarmenn?
„Nei, það er af og frá. Við fáum,
eins og fleiri hljómsveitir, ríkisstyrk
og hann ásarrrt tekjum okkar nægir
til að fleyta okkur áfram. Tekjur
okkar af hljómleikum eða balli eru
mun minni en tekjur þeirra hljóm-
sveita, sem leika dægurlagatónlist.
Sem dæmi má nefna að viö fáum
3.000 sænskar krónur (223.000
íslenzkar) fyrir aö leika í þrjá klukku-
tíma, en aðrar hljómsveitir fá allt að
helmingi hærra kaup fyrir einn og
hálfan tíma. Það er enginn ákveðinn
taxti til fyrir hljómsveitir. Þess vegna
gildir sama um okkur og aðrar
RlO-hljómsveitir, að við höfum sult-
arlaun og rétt náum að draga fram
lífið. Sumir okkar eiga þó kost á
annarri vinnu en þessari. Eino
Happala, er t.d. arkitekt að mennt,
en hann getur ekki hugsaö sér aö
stunda þá vinnu, vera nauðbeygður
til aö sitja inni á skrifstofu allan
liðlangan daginn og teikna skýja-
kljúfa, sem raska jafnvægi náttúr-
unnar. Þá er betra aö leika á gítar
og hafa gaman af, þótt kaupiö sé
lélegt.
Annars er það ekki kaupiö, sem
skiptir mestu máli hjá okkur. Við
veröum aö hafa nógan tíma fyrir
áhorfendur, svo þeir sjái okkar
mannlegu hliðar. Þaö má eiginlega
segja að við séum jafn nauðsynlegir
fyrir þá og þeir fyrir okkur.“
Hefðum aldrei
komið hingað
á eigin vegum
Svo viö vendum okkar kvæöi í
kross, hver voru tildrög þess aö þið
fóruö í hljómleikaferðalag til ís-
lands?
„Þannig er að Zamla hefur oft-
sinnis leikið á hljómleikum í félagi
við aðrar hljómsveitir. Eitt sinn er
ein þessara „vinahljómsveita" var að
leika opinberlega, kynntust meðlimir
hljómsveitarinnar íslendingi, er
fannst mikiö til hljómsveitarinnar
koma. Sá baö hana endilega aö
koma til íslands og þaö varö úr aö
við ákváðum að fara tvær hljóm-
sveitir til íslands. Við töluöum viö
Ámunda, hver sem það nú er, og
hann skipulagöi fyrir okkur ferðina.
Þá datt hin hljómsveitin út og
endirinn varð sá að Zamla kom ein
til íslands. Við höfum aldrei áður
komið til íslands, og hefðum aldrei
komið hingaö á eigin vegum.
Tilgangurinn meö ferðinni var
náttúrlega sá aö reyna að opna
sænskum hljómsveitum einhvern
markað á íslandi, þótt svo við
stórefumst um að við verðum millj-
ónamærlngar af því að verða fræglr
á íslandi." Þeir glotta og reka upp
hæðnishlátur. „En það má alltaf
reyna. Þá vildum við einnig kynna
tónlist RlO-hljómsveitanna hér á
landi, viö efum aö margir hafi heyrt
þessi samtök nefnd. Hver veit nema
áhuginn á spunatónlist eigi eftir aö
stóraukast á íslandi í kjölfar feröa-
lags okkar. Þess má geta aö við
höfum fengið okkar eiginn „plötu-
sala" á íslandi og geta þeir, sem
áhuga hafa hringt í síma 10956 á
kvöldin og fengið frekari upplýsingar
um plötur okkar.“
Engir þursar
Nú voruö þið auglýst sem hinn
sænski Þursaflokkur, hvað viljið þið
segja um það?
„Tónlist okkar er gerólík tónlist
Þursaflokksins, svo það var náttúr-
lega algjör della, aö vera auglýsa
okkur sem slíka. Tónlist Þursanna á
sér djúpar rætur í íslenzkri þjóölaga-
tónlist, ef hægt er aö komast svo aö
orði. Þótt við viljum fyrir hvern mun
halda í sænska þjóölagahefö, er
okkar tónlist langt frá því aö vera,
þaö sem kalla mætti þjóölagatónlist.
Þegar viö tölum um þjóölagatónlist,
eigum við viö tónlist sem hefur
þróast með viökomandi þjóð í marg-
ar aldir. Spunatónlist er langt frá því
aö vera þjóöleg. Sennilega hefur átt
að tryggja góða aösókn aö hljóm-
ieikum okkar, með því aö auglýsa
okkur á þennan hátt. En sú auglýs-
ing var mjög villandi.“
Endur
skins
merki
fyrir
nlln
4 [í ín^
t: f
i T~ I7Í
tí [» i3
ALFORMAR
Framleiðum
úr
ál-formum:
ÚTIHURÐIR
INNIHURÐIR
RENNIHURÐIR
SKILRÚMSVEGGI
ÚTVEGGI
HANDRIÐ
Ennfremur bjóðum
við hverskonar
VINKLA
RÖR og
PLÖTUR
úrÁLI
Eftirfarandi litir
fyrirliggjandi:
AMBER
NATUR
3Í

Siðumúla 20, simar: 38220 og 81080.
-. . J
Nú getur þú valið úr um
það bil þrjátíu gerðum af
sófasettum, —
borgað 30% út og eftir-
stöðvarnar á tíu eða jafnvel
tólf mánuðum.
Komdu sem fyrst,svona til-
boð býðst ekki á hverjum
degi.
Þú getur að minnsta kosti
skoðað úrvalið. Það kostar
ekkert!
HÚSGAGNAVERZLUN
GUÐMUNDAR GUÐMUNDSSONAR
HAGKAUPSHÚSINU Sími 82898
SA