Morgunblaðið - 20.03.1979, Blaðsíða 3

MORGUNBLAÐIÐ, ÞRIÐJUDAGUR 20. MARZ 1979
3
íslenzk ópera:
„Gengið eins vel og
við var að búast”
„ÞETTA hefur gengið alveg skín-
andi vel, það er að segja að það
hefur verið mikii aðsókn,“ sagði
buríður Pálsdóttir söngkona er
Morgunblaðið innti hana eftir því
í gærkvöldi hvernig gengi hjá
íslenskri óperu. Kvaðst hún von-
ast til að unnt væri að hafa
sýningu um næstu helgi, og yrði
það þá væntanlega fimmta og
síðasta sýning. Það færi þó eftir
því hvernig stæði á með
hljómsveitina.
Þuríður sagði að uppfærsla á
óperunni hefði tekist jafn vel og
hún hafði búist við miðað við allar
aðstæður, en mikið vantaði á að
þær væru eins og best yrði á kosið,
enda væri Háskólabíó ekki
fullkomið leikhús eins og öllum
væri kunnugt. Hvað aðsóknina
snerti sagði hún að hún hefði verið
mjög góð, uppselt hefði verið á
sýningarnar, þrátt fyrir að Há-
skólabíó væri stórt hús.
Um 600 barna
kór á Akureyri
Akureyri, 19. marz 1979.
LANDSMÓT íslenskra barnakóra fór fram á Akureyri á laugardaginn
með því að tvær söngskemmtanir voru haldnar í Iþróttaskemmunni.
klukkan 14 og 17. Tónmenntakennarafélag íslands gekkst fyrir
mótinu.
Sextán barnakórar komu fram á
mótinu og sungu þeir tvö lög hver.
Skiptust þeir jafnt á samsöngv-
ana, en í lok seinni söng-
skemmtunarinnar sungu allir kór-
arnir saman undir stjórn Jóns
Karls Einarssonar þrjú lög. Þar
var samankominn um sex hundruð
3 útvarps-
tækjum stol-
ið frá útvarps-
manninum
BROTIZT var inn hjá Sigmari
Haukssyni útvarpsmanni um
hclgina og telst það helst til
tíðinda, að þjófurinn stal frá
honum þremur útvarpstækj-
um.
Þjófurinn hafði einnig á
brott með sér peninga, mynda-
vél, erlendan gjaldeyri og
áfengi.
Rannsóknarlögregla ríkisins
hóf þegar rannsókn málsins og
hafði hún fljótlega upp á
þjófinum og þýfinu.
barna kór. Undirleikari mótsins
var Thomas Jackmann.
Barnakórarnir sem tóku þátt í
mótinu voru þessir:
Barnakór Akureyrar, stjórnandi
Birgir Helgason, Stúlknakór Sel-
foss, stjórnandi Jón Ingi Sigur-
mundsson, Kór Mýrarhúsaskóla,
stjórnandi Hlín Torfadóttir, Kór
Lundarskóla, stjórnandi Elínborg
Loftsdóttir, Skólakór Tálknafjarð-
ar, stjórnandi Sigurður Daníels-
son, Barnakór Húsavíkur, stjórn-
andi Hólmfríður Benediktsdóttir,
Barnakór Tónlistarskóla Rangæ-
inga, stjórnandi Sigríður Sig-
urðardóttir, Kór Árbæjarskóla,
stjórnandi Jón Stefánsson, Skóla-
kór Glerárskóla, stjórnandi
Jóhann Baldvinsson, Kór Barna-
skóla Akraness, stjórnandi Jón
Karl Einarsson, Kór Breiðagerðis-
skóla, stjórnandi Þorvaldur Gests-
son, Kór Melaskólans, stjórnendur
Helga Gunnarsdóttir og Magnús
Pétursson, Kór Barnaskólans í
Hveragerði, stjórnandi Anna Jór-
unn Stefánsdóttir, Kór Flúðaskóla,
stjórnandi Loftur S. Löftsson, Kór
Laugarnesskóla, stjórnandi Daníel
Jónasson, undirleikari Sigríður
Pétursdóttir, Kór Öldutúnsskóla,
stjórnandi Egill Friðleifsson.
- Sv.P.
Sjónvarpseign íslendinga:
18 þúsund litatæki
og 41 þús. svart-hvít
UM NÍTJÁN þúsund litasjónvarpstæki eru nú í notkun hjá
Islendingum samkvæmt upplýsingum sem Morgunblaðið fékk í ga>r
hjá innheimtudeild Ríkisútvarpsins. Fer litasjónvörpum fjölgandi, en
um leið fækkar svart-hvítum tækjum á skrá.
Nú er verið að senda út inn- þeim svart-hvítu hefur talsvert
heimtuseðla fyrir næsta hálfa
árið, og þar eru á skrá 18.167
litasjónvörp, og 41.318 svarthvít
sjónvarpstæki. Síðan þessi skrá
var gerð hafa svo bæst við rösk-
lega 800 litasjónvarpstæki, og
fækkað.
Afnotagjald af litasjónvarps
tæki er nú 22.100 krónur fyrii
hálft ár, en fyrir svart-hvítt tæk
er það krónur 18.100.
Iðnaðarbankinn:
Starfsmenn njóta
ekki sérréttinda
MORGUNBLAÐINU hefur borist
cftirfarandi athugasemd frá
Iðnaðarbankanum:
í Morgunblaðinu þann 17. mars
s.l. er fullyrt, að starfsfólk allra
bankanna njóti sérstakra vaxta-
kjara á ávísanareikningum sínum
og jafnframt fái tékkar starfs-
manna, sem yfirdraga reikninga
sína, aðra meðferð en tékkar
viðskiptamanna. Þetta er rangt, að
því er Iðnaðarbankann varðar.
Starfsmenn Iðnaðarbankans fá
3% vexti af ávísanareikningum
sínum eins og viðskiptamenn. Að
öllu leyti er farið eins með tékka
starfsfólks og viðskiptamanna.
Komi fyrir að starfsmaður yfir-
dragi reikning sinn þarf hann að
greiða sektarvexti og innheimtu-
kostnað eins og hver annar við-
skiptamaður.
Kónnun a aamflkiptahopum í r.kólanum .
Þer hafa verii> gefnir 4 bíorniðar og þuÞun „I krónur iyrir fci<í)g;rti.
ÞÚ mátt bjó'Öa þremur krhkkum v liínum „v 'k;-. r/.cv þór á hí*ó.
Skrifafe'u nöfn þcirra krakka úr bekknuai - á bíó \ rcttri röð her íyrir neft.m: •m þú vilt helBt fara með
2.
3.
Skrifaðu nú nöfn þeirra þriggja krakka \ b fara á bíó mcð: ekknuni aem þú vilt ekki
i.
2.
3
9 ára börn
spurð að því
með hverjum
þau vilji
fara i bíó:
„Hvaða vísindaleg
um tilgangi þjóna
slíkar spurningar”
Á FUNDI fræðsluráðs Reykja-
víkurborgar í gærmorgun var
samþykkt tillaga frá Ragnari
Júlíussyni borgarfulltrúa sjálf-
stæðismanna þess efnis að athug-
að yrði hvaða vísindalcgum til-
gangi það þjónaði að leggja tvær
tilteknar spurningar fyrir 9 ára
nemendur I skólum borgarinnar,
þar sem börnin eru spurð um
með hvaða, bekkjarsystkinum
sínum þau kysu helst að fara í bíó
og hverjum ekki. Spurningarnar
hafa verið lagðar fram af svo-
kölluðum þroskarannsóknum, en
fyrir þeim hafa staðið dr. Sigur-
jón Björnsson prófessor og dr.
Wolfang Edelstein. Tillaga Ragn-
ars hlaut 5 atkvæði en einn
greiddi atkvæði á móti, Hörður
Bergmann. formaður ráðsins og
fulltrúi Alþýðubandalagsins.
Ragnar júlíusson sagði í samtali
við Mbl. í gær, að fyrirspurnin
væri til komin vegna þess, að
spurníngarnar tvær hefðu verið
lagðar fram í skóla þeim sem hann
veitir forstöðu, Álftamýrarskólan-
um, og vildi hann fá að vita hver
væri tilgangurinn með því að
leggja þær fram. Spurningablöðin,
sem öll 9 ára börn í skóianum
fengu, leit þannig út:
Könnun á samskipta-
hópum í skólanum
1. Þér hafa verið gefnir 4
bíómiðar og þúsund krónur
fyrir sælgæti. Þú mátt bjóða
þremur krökkum úr þínum
— spyr fræðslu-
ráð — „Erum
hættir við könn-
unina,” segir
dr. Sigurjón
Björnsson
bekk með þér á bió. Skrifaðu
nöfn þeirra krakka úr bekknum
sem þú vilt helst fara með á bíó
í réttri röð hér fyrir neðan:
2. Skrifaðu nú nöfn þeirra þriggja
krakka í bekknum sem þú vilt
ekki fara á bíó með:
Á eftir hvorri spurningu komu
númeraðir reitir, þar sem börnin
áttu að skrifa nöfnin, alls 6 nöfn
bekkjarsystkina sinna.
„Eyðilegg
niðurstöðurnar”
„Ég tel,“ sagði Ragnar Júlíus-
son, „að þessar spurningar þjóni
þeim eina tilgangi að hvert og eitt
barn fari að velja sér vini og óvini
í hópi, sem kannski á eftir að
vinna saman í mörg ár. Ég tel
þetta vera persónulega hnýsni og
þótt svarendur gefi ekki upp nöfn
sín held ég að auðvelt sé að finna
út hvert er svar hvers og eins ef
einhver vill það. Skólabörn hafa
áður svarað spurningum þessara
aðila og þá aðeins úrtak nemenda,
þar sem óskað var leyfis frá
foreldrum til þess að börnin
mættu svara spurningunum. En
nú eru öll 9 ára börn spurð og
spurningarnar þannig, að ómögu-
legt er að sjá hvaða tilgngi þær
þjóna. Ég hef safnað saman niður-
stöðunum úr mínum skóla og er
ákveðinn í því að eyðileggja þær.“
„Könnuninni hætt“
Morgunblaðið sneri sér i fram-
haldi af þessu til dr. Sigurjóns
Björnssonar. Hann sagði að könn-
un þesi væri nýhafin og væri
henni ætlað að kanna félags-
þroska nemenda fyrst og fremst.
Þess hefði orðið vart að spurning-
arnar hefðu valdið óánægju og
þess vegna yrði könnuninni nú
hætt og spurningalistar innkallað-
ir.
„Þessar spurningar eru lagðar
fram í framhaldi af öðrum spurn-
ingum, sem hafa áður verið lagðar
fyrir börnin. Tilgangurinn er sá að
reyna að finna út hvers vegna sum
börn verða vinsæl í bekkjum én
önnur eigi erfitt uppdráttar og
hvað það er í fari þeirra, sem
veldur því. Niðurstaða slíkrar
könnunar gæti veitt mikilvæga
vísbendingu um það hvernig hægt
er að hjálpa börnum, sem þannig
er ástatt fyrir og finnst mér
einkennilegt að skólastjóri skuli
ekki hafa áhuga á því að slik
könnun fari fram.“
—— ------— —AUGLYSING
Hrókur alls fagnaðar
í fermingarveizlunni
Löngum hefur gítarinn
verið vinsælt hljóðfæri.
Góður til að slappa af með
úti í horni, þegar streitan
sverfur að, eða þegar tekið
er lagið í margmenni og þú
vilt gerast hrókur alLs
fagnaðar. Vandamálið er
bara hvernig á að læra
svolítið á hljóðfærið án
þess að fara til kennara,
hinda sig við ákveðna tíma
og mæta í hverri viku.
Nú er, þetta vandamál
leyst á íslandi. Þú getur
fengið sent heim nám-
skeið, kennslubók og tvær
kassettur, en með því er
hægt að læra svolítið á
gítar sér til ánægju bara
með einföldu og skemmti-
legu heimanámi. Alveg
sama á hvaða aldri þú ert
— þetta er fyrir alla, sem
kupna að lesa.
I bókinni eru heilmörg
rip og fjöldi iagá sem þú
ekkir, en auk þess undir-
stöðuatriði í nótum, sem
þú getur lært ef þú vilt, en
lika sh’ppt ef þú kýst held-
ur. Á kassettunum tveim,
sem fylgja með bókinni,
eru leiðbeiningar og út-
skýringar. Þar eru öll grip,
allar æfingar og lög leikin
fyrir þig og ætlunin er að
þú æfir þig með kassett-
unni. Þannig verður þú
miklu fljótari að komast
upp á lag með að leika á
eigin spýtur undir hjá
sjálfum pér, eða öllum í
partýinu ef svo ber undir.
Þetta er því upplögð
fermingargjöf, bæoi
spennandi og þroskandi.
Námskeiðið, bókin og
kassetturnar tvær, er í
sérhönnuðum plastumbúð-
um, vandað að öllum frá-
angi og útliti, og kostar
r. 17.000 auk sendingar-
kostnaðar. Það fæst aðeins
hjá Gítarskóla Ólafs Gauks
og er upplag takmarkað.
Sendu pöntunarseðilinn,
sem fylgir hér með, eða
hringdu í síma 85752 eða
27015 (síðdegis) og við
sendum námskeiðið sam-
stundis meðan eitthvað er
' eftir, eða veitum þér meiri
upplýsingar ef þú vilt.
PÖNTUNARSEÐILL
Gjörið svo vel aö senda mér undirrK. í póstkröfu gítarnámskeiöið
Leíkur að lasra á gítar. tvær kassettur og bók, verð kr. 17.000 auk
sendíngarkostnaðar.
NAFN ....................................................
HEIMA ...................................................
Utanáskrift: Gíarskóli Ólafs Gauks, pósthólf 806. 121 Reykjavík