Morgunblaðið - 25.04.1979, Page 28

28
MORGUNBLAÐIÐ, MIÐVIKUDAGUR 25. APRÍL 1979
raöauglýsingar — raöauglýsingar — raöauglýsingar
'ÉFélagsstarf
SjáUstœðtsffokksins\
Sjálfstæðisfélag
Grindavíkur
Fundur verður n.k. sunnudagskvöld kl. 21 í Festi. Dagskrá: Kosning
fulltrúa á landsfund.
Önnur mál.
Félagar fjölmennið.
Stjórnln.
Sjálfstæðisfélagið
Ingólfur Hveragerði
heldur almennan félagsfund í Hótel Hverageröi fimmtudaglnn 26.
apríl kl. 20:30.
Fundarefni:
Kjör fulltrúa i landafund Sjálfataaðiaftokkaina. _ ,
Önnur mál. ^tjOmÍn.
Þjóöræknisfélag íslendinga
Aðalfundur
Aöalfundur Þjóöræknisfélagsins veröur haldinn í safnaöarheimili
Bústaöakirkju fimmtudaginn 26. apríl kl. 7.30 s.d.
Dagskrá: Venjuleg aöalfundarstörf og umræöur um félagsmál
almennt.
stjórnin.
Sjálfstæðisfélagið
Njarðvíkingur
heldur félagsfund í Sjálfstæöishúsinu Njarðvík, fimmtudaginn 26.
apríl kl. 20.30.
Fundarefni: Kosning landsfundarfulltrúa.
Stjórnin.
Borgarnes Mýrarsýsla
Fulltrúaréð Sjálfstæöisfélaganna í Mýrarsýslu efnir til fundar fyrlr allt
sjálfstæöisfólk föstúdaglnn 27. apríl nk.
Fundarefni:
Fjárhagsáætlun Borgarneshrepps fyrir árlö 1979.
Málefni landsfundar.
önnur mál.
Stjórnin.
Sjálfstæðisfélagið Huginn
Árnessýslu
Aöalfundur félagsins verður í Aratungu,
þriöjudaginn 24. apríl kl. 21.
Dagskrá:
Venjuleg aöalfundarstörf.
Kosning fulltrúa á landsfund.
Önnur mál.
Steinþór Gestsson og Eggert Haukdal
mæta á fundinn.
Stjórnin.
ísfirðingar
Aöalfundur Sjálfstæöisfélags ísfiröinga veröur haldinn í Sjálfstæöis-
húsinu ísafiröi fimmtudagskvöldið 26. apríl kl. 8.30.
Venjuleg aöalfundarstörf.
Kosnir fulltrúar á landsfund.
Matthías Bjarnason alþingismaöur mætir á fundinn og segir frá
stjórnarástandinu.
Félagar fjölmenniö.
Stjórnin.
Verzlunarmannafélag Reykjavikur:
Frjáls álagning forsenda
frjáls afgreiðslutíma
Vegna samþykktar borgar-
stjórnar um endurskoðun reglu-
gerðar um afgreiðslutíma verzl-
ana í Reykjavík, var gerð eftir-
farandi samþykkt á aðaifundi
Verzlunarmannafélags Rvk.:
Reglugerðin er byggð á lögum
frá Alþingi, sém gera ráð fyrir, að
einstök sveitarfélög geti sett regl-
ur um afgreiðsluhætti verzlana.
Afgreiðsluhættir hafa mikil áhrif
á borgarlífið og snerta fjölmarga
félagslega þætti, sem borgarstjórn
ber að hafa afskipti af. Afgreiðslu-
tími verzlana er ráðandi um
vinnutíma afgreiðslufólks og hefur
mjög mikil áhrif á dreifingar-
kostnað vörunnar, sem neytendur
greiða í vöruverðinu. í því sam-
bandi vill félagið vekja sérstaka
athygli á samþykkt Verzlunar-
ráðsins frá 14. þ.m., þar sem mælt
er með frjálsum afgreiðslutíma
verzlana en tekið fram, að for-
senda þess sé, að álagning verði
gefin frjáls, til þess að hægt sé að
leggja á vöruna fyrir þeim viðbót-
arkostnaði, sem leiðir af lengri
afgreiðslutíma.
Vinnutíminn
Áður en núverandi reglugerð tók
gildi 1971, var mikil óánægja með
þá stjórnlausu afgreiðsluhætti,
sem þá höfðu verið við lýði um
alllangt skeið, sem m.a. leiddi til
miklu lengri vinnutíma afgreiðslu-
fólks en annarra stétta og fjöl-
margra félagslegra vandamála.
Núverandi reglugerð var sam-
þykkt á grundvelli langra og víð-
tækra umræðna fulltrúa allra
þeirra aðila, sem hagsmuna eiga
að gæta. Reglugerðin heimilar 62
stunda afgreiðslutíma á viku, en
þó miklu lengri tíma í desember-
mánuði. Er það 22—24 tímar
umfram almenna vinnuviku og
u.þ.b. helmingi lengri þjónustu-
tími en fjölmargra opinberra
stofnana. Reglugerðin hefur í stór-
um dráttum reynst vel og þeirrar
almennu óánægju, sem áður ríkti,
hefur ekki orðið vart eftir gildis-
töku hennar. Vinnutími af-
greiðslufólks hefur verið skapleg-
ur og ekki hefur heyrst almenn
óánægja frá neytendum, sem gera
sér yfirleitt grein fyrir því, að
þessari þjónustu eru takmörk sett,
m.a. vegna vinnutíma afgreiðslu-
fólks og kostnaðar, eins og annarri
þjónustu.
Þjónustan
V.R. leggur áherzlu á, að sem
bezt þjónusta sé veitt á hverjum
tíma, m.a. með því að sníða þjón-
ustutímann sem bezt að þörfum
neytenda. Rétt er þó að benda á, að
þegar rætt er um þjónustu við
neytendur, kemur fleira til en
lengd afgreiðslutímans. Það ræður
t.d. miklu um þjónustu við neyt-
endur, að verzluninni séu á hverj-
um tíma sköpuð skilyrði til að vera
samkeppnisfær við aðrar starfs-
greinar á vinnumarkaðinum varð-
andi vinnutíma og önnur kjör
starfsfólksins, svo að henni haldist
á góðu starfsfólki. Hagsmunir
neytenda eru einnig fólgnir í að
kostnaði við dreifingu vörunnar sé
haldið í lágmarki hverju sinni,
sem lengd afgreiðslutímans ræður
miklu um.
V.R. vill benda á, að sá þjón-
ustutími, sem reglugerðin heimil-
ar, er ekki nýttur til fulls af
verzlunum, sem m.a. munu stafa
af því að neytendur hafa ekki talið
þörf á að nýta hann og verzlanir
því dregið úr þjónustutímanum
t.d. á föstudagskvöldum og laugar-
dögum. Félagið telur að athuga
eigi hvort ekki sé mögulegt að
auka þjónustu við neytendur innan
þess ramma, sem reglugreðin
Leiðbeiningar um
bætta hey verkun
Búnaðarfélag Islands hefur
skipað fjóra ráðunauta sína í
starfshóp til að kanna hey-
verkun hjá bændum og
skipuleggja leiðbeiningar um
bætta heyverkun í samráði
við héraðsráðunauta og sér-
fræðinga Rannsóknastofnun-
ar landbúnaðarins.
í starfshópnum eru: Óttar
Geirsson, Sigfús Olafsson,
Haraldur Árnason og Magn-
ús Sigsteinsson. Munu þeir í
þessum mánuði halda fundi
með stjórnum og starfs-
mönnum flestra búnaðar-
sambanda í landinu þar sem
rætt verður hvað hefur verið
gert sameiginlega til að bæta
úr heyverkun.
heimilar t.d. með því að hafa opið
frá kl. 12:30 til 14:00 en margar
verzlanir hafa nú lokað á þeim
tíma. Þá er þýðingarmikið að
neytendur búi við öruggan og
vissan þjónustutíma, sem þeir geta
treyst.
Mótmæli
. V.R. mótmælir eindregið þeirri
hugmynd tveggja borgarfulitrúa,
að nema reglugerðina úr gildi og
vísar í því sambandi til þess
ófremdarástands, sem ríkti í þess-
um málum áður, og bendir jafn-
framt á umsagnir lögreglustjór-
ans, borgarlæknis og Húsmæðra-
félags Reykjavíkur þegar tillaga
var flutt í borgarstjórn um að
afnema reglugerðina, en allir þess-
ir aðilar vöruðu eindregið við því.
Hins vegar telur félagið eðlilegt,
að enda þótt núgildandi reglugerð
hafi reynst vel, þá verði hún
endurskoðuð, enda rúm 7 ár liðin
frá gildistöku hennar. í því sam-
bandi bendir félagið á eftirfarandi
atriði, sem skoða ætti sérstaklega:
1. Heimila verzlunum að hafa
opið til kl. 22:00 á fimmtudög-
um í stað föstudaga. Benda má
á í því sambandi, að ekki er
sjónvarp á fimmtudögum, en
gera má ráð fyrir að sjónvarp á
föstudagskvöldum dragi úr, að
þau séu notuð til innkaupa.
Einnig hefur aukizt, eftir að
flestar vinnustéttir ljúka
vinnu um kl. 16:00 og sumar kl.
12:00 á föstudögum, að fólk
sæki skemmtistaði á föstu-
dagskvöldum.
2. Fjölgar verði vörutegundum,
sem heimilt er að selja í sölu-
turnum.
3. Kannað verði til reynslu hvort
mögulegt er að hafa 2 til 3
matvöruverzlanir opnar á
kvöldin og e.t.v. um helgar,
þegar aðrar verzlanir eru lok-
aðar.
Jafnframt því, sem V.R. lýsir
vilja sínum til endurskoðunar á
reglugerðinni, sem leitt gæti til
aukinnar þjónustu við neytendur,
leggur félagið þunga áherzlu á, að
við slíka endurskoðun verði þess
vandlega gætt, að hugsanlegar
breytingar leiði ekki til óhóflegs
vinnutíma afgreiðslufólks og veru-
legs kostnaðárauka frá því sem nú
er og neytendur verða að greiða.
Ef farið er út yfir slík mörk,
gæti það knúið fram aðgerðir, sem
leiddu til skemmri þjónustutíma
Samband grunnskólakennara:
Tilmæli st jórnvalda í
„hrópandi ósamræmi við
markmið skólastarfsins,,
Blaðinu heíur borist eftirlar-
andi ályktun frá stjórn og skóla-
málanefnd Sambands grunn-
skólakennara vegna hugmynda
stjórnvalda um sparnað í rekstri
grunnskóla:
Svo sem öllum er kunnugt hefur
íslenskt þjóðfélag gjörbreyst á
síðustu áratugum. Margir foreldr-
ar vinna báðir utan heimilis. í
kjölfar þjóðfélagsbreytinga
vaknar krafa um gjörbreytt og
aukið hlutverk skólanna.
Kennsluhættir breytast, nýtt
námsefni leysir gamalt af hólmi
og nýjar námsgreinar ryðja sér til
rúms. Samhliða þessu hefur kraf-
an um uppeldishlutverk skólanna
orðið æ áleitnari, svo sem kemur
skýrt frá í 2. grein grunnskólalag-
anna.
„Lög um grunnskóla (63/1974).
2. gr.
Hlutverk grunnskólans er, í
samvinnu við heimilin, að búa
nemendur undir líf og starf í
lýðræðisþjóðfélagi, sem er í
sífelldri þróun. Starfshættir
skólans skulu því mótast af
umburðarlyndi, kristilegu siðgæði
og lýðræðislegu samstarfi. Skólinn
skal temja nemendum víðsýni og
efla skilning þeirra á mannlegum
kjörum og umhverfi, á íslensku
þjóðfélagi, sögu þess og sérkenn-
um og skyldum einstaklingsins við
samfélagið.
Grunnskólinn skal leitast við að
haga störfum sínum í sem fyllstu
samræmi við eðli og þarfir
•nemenda og stuðla að alhliða
þroska, heilbrigði og menntun
hverá og eins.
Grunnskólinn skal veita
nemendum tækifæri til að afla sér
þekkingar og leikni og temja sér
vinnubrögð, sem stuðli að stöðugri
viðleitni til menntunar og þroska.
Skólastarfið skal því leggja grund-
völl að sjálfstæðri hugsun
nemenda og þjálfa hæfni þeirra til
samstarfs við aðra“.
Tillögur og tilmæli stjórnvalda
um að draga úr kostnaði við
skólahald eru í hrópandi ósam-
ræmi við markmið skólastarfsins.
Skólar eru flestir reknir með
lágmarkstilkostnaði og lágmarks-
útbúnaði bæði hvað varðar skóla-
húsnæði, kennslutæki, námsgögn
og starfaðstöðu. Skólarnir eru
flestir tvísetnir og víða eru
bekkjardeildir óhæfilega fjöl-
mennar. Slíkir skólar eru ófærir
um að gegna vandasömu fræðslu-
og uppeldishlutverki.
Til að svo megi verða þurfa að
koma til kostnaðarsamar
umbætur:
Skulu hér tilgreindar tvær þeirra.
a. Skólinn sé einsetinn þannig að
dvöl nemenda þar sé samfelld.
Æskilegt er að nemendur geti
lokið sinni daglegu vinnu í skólan-
um við góð skilyrði enda dregur
það úr vinnuálagi og jafnar um
leið aðstöðu þeirra til náms. í
einsetnum skóla geta nemendur
fengist við þroskandi viðfangsefni
á eðlilegum starfstíma skólans,
m.a. ýmis félags- og tómstunda-
störf.
b. Hver kennari hafi aldrei fleiri
nemendur í sinni umsjá en svo að
hann geti sinnt þörfum hvers og
eins. Ljóst er að kennurum í fullu
starfi er þetta ókleift þar sem þeir
hafa umsjón með 50—60
nemendum.
Sé það einlægur vilji stjórnvalda
að þau markmið sem skólum hafa
verið sett verði annað og meira en
fögur fyrirheit, er nauðsynlegt að
hefjast þegar handa um að hrinda
þeim í framkvæmd.
Óskandi er að á yfirstandandi
ári, sem tileinkað er börnum verði
stigið spor fram á við í þessum
efnum en ekki hörfað til baka.
Kennarar þurfa að vera vel á
verði í þessum efnum. Þeim hefur
verið falið að gæta hagsmuna
nemenda sinna og hlotið í því
skyni tiltekna starfsmenntun. Þeir
munu standa fast gegn því að
aðstaða nemenda í grunnskólum
landsins verði skert.