Morgunblaðið - 30.08.1979, Blaðsíða 27

MORGUNBLAÐIÐ, FIMMTUDAGUR 30. ÁGÚST 1979
27
Söfnun er hafin til
styrktar flóttafólki á
gíróreikning 46000
FJARSÖFNUN Hjálpar-
stofnunar kirkjunnar og
Rauða kross íslands til að-
stoðar flóttafólki í SA-Asíu
hófst þann 26. ágúst og
stendur yfir til 9. septem-
ber. Fjölmiðlar hafa undan-
farnar vikur og mánuði
flutt ítarlegar fréttir af
atburðum austur þar og
vandamál flóttamanna á
þeim slóðum eru lands-
mönnum því kunn, að svo
miklu leyti sem hægt er að
kynnast neyð úr fjarlægð.
Að baki þessarar fjársöfn-
unar sem Hjálparstofnun
kirkjunnar og Rauði kross-
inn beita sér fyrir, liggja þær
staðreyndir, að aðkallandi er
að aðstoðin berist eins fljótt
og kostur er, og hins vegar sú
staðreynd að við Islendingar
getum með sameiginlegu
átaki veitt aðstoð sem um
munar. Hjálparstofnanir á
Norðurlöndunum og í Vest-
ur-Evrópu efna á sama tíma
til landssafnana vegna þessa
flóttafólks, og er það von
manna að verulegt fjármagn
safnist þessa daga. Hér á
landi geta menn komið fram-
lögum til skila í söfnunar-
bauka sem verða staðsettir
víða, eða með því að fara í
banka, sparisjóð eða pósthús
og leggja þar inn á gíróreikn-
ing númer 46000 sem er
reikningur söfnunarinnar.
Sóknarprestar, Rauða kross
deildir um land allt og
skrifstofur Hjálparstofnun-
arinnar og Rauða krossins í
Reykjavík taka jafnframt við
framlögum. Fjársafnanalista
sem nota má við fjársafnanir
á vinnustöðum geta menn
fengið á skrifstofunum í
Reykjavík.
Gefi annar hver íslending-
ur að jafnaði 2000 krónur
verður útkoman liðlega 240
milljónir króna þegar upp er
staðið. Menn eru eindregið
hvattir til að láta ekki sitt
eftir liggja. Það gefur enginn
of lítið, nema sá sem gefur
ekkert. Það er von þeirra
sem að söfnuninni standa, að
þeir sem ekkert gefa verði
Sárafáir. (FrétUtilltynninB).
SUS-þingið á Húsavík:
Ungir sjálfstæðismenn
efna til undirbúnings-
funda víða um landið
SAMBAND ungra sjálfstæðismanna heldur þing sitt á Húsavík
dagana 14. til 16. september næstkomandi. Þegar hafa á vegum
stjórnar Sambandsins verið undirbúin drög að ályktunartillögum um
ýmsa málaflokka, sem teknir verða fyrir á þinginu. Til undirbúnings
þinginu verða og haldnir fundir á vegum SUS og félaga ungra
sjálfstæðismanna víðsvegar um landið um næstu helgi.
Verður á þessum fundum fjallað
um starfsemi SUS og undirbúning
þingsins á Húsavík og er allt ungt
sjálfstæðisfólk hvatt til að fjöl-
menna og sérstaklega er óskað
eftir því að væntanlegir þingfull-
trúar komi á fundina. Á fundina
mæta fulltrúar og stjórn SUS og
munu þeir fjalla um undirbúning
þingsins og starfsemi SUS.
Á Vesturlandi heldur Þór F.U.S.
á Akranesi fund á föstudagskvöld-
ið 31.' ágúst n.k. kl. 20.30 í Sjálf-
stæðishúsinu en gestir fundarins
verða Inga Jóna Þórðardóttir og
Haraldur Blöndal. Félag ungra
sjálfstæðismanna í Mýrasýslu
heldur fund að Borgarbraut 4,
Borgarnesi á mánudag, 3.
september kl. 21 og mæta Þorvald-
ur Mawby og Haraldur Blöndal á
fundinn. Á Vestfjörðum halda
kjördæmissamtök ungra sjálf-
stæðismanna fund í Sjálfstæðis-
húsinu á Isafirði, föstudaginn 31.
ágúst kl. 20.30 og koma á þann
fund Guðmundur Þórðarson,
Einar Guðfinnsson og Erlendur
Kristjánsson.
Víkingur, félag ungra sjálf-
stæðismanna á Sauðárkróki, held-
ur fund á laugardag, 1. september
kl. 13.30 í Sæborg á Sauðárkroki
og mæta á þann fund Pétur
Rafnsson og Jón Ormur Halldórs-
son. Laugardaginn 1. september
verður einnig fundur hjá Nirði,
félagi ungra sjálfstæðismanna í
Siglufirði kl. 17.30 í Sjálfstæðis-
húsinu. Á þann fund koma Pétur
Rafnsson og Jón Ormur Halldórs-
son.
A Akureyri heldur Vörður
F.U.S. fund föstudaginn 31. ágúst
kl. 20.30 á skrifstofu Sjálfstæðis-
flokksins, Kaupvangsstræti 4 og
koma á þann fund Hilmar Jónas-
son og Jón Magnússon. Félag
ungra sjálfstæðismanna á Húsa-
vík heldur fund laugardaginn 1.
september kl. 14 á Hótel Húsavík
en á þann fund mæta Hilmar
Jónasson og Jón Magnússon.
Fjölnir F.U.S. Rangárvallasýslu
heldur fund fimmtudaginn 30.
ágúst kl. 20.30 í Verkalýðshúsinu á
Hellu og koma á þann fund
Anders Hansen og Tryggvi Gunn-
arsson. Á föstudagskvöld 31. ágúst
kl. 20.30 verður fundur hjá F.S.U. í
Árnessýslu í Sjálfstæðishúsinu,
Tryggvagötu 8 á Selfossi og mæta
á þann fund Anders Hansen og
Tryggvi Gunnarsson. Eyverjar
F.Ú.S. Vestmannaeyjum haida
fund fimmtudaginn 30. ágúst kl.
20.30 í Sjálfstæðishúsinu í Eyjum
og mæta á þann fund Þorvaldur
Mawby og Sigurður Jónsson.
í Reykjavík heldur Heimadallur
fund þriðjudaginn 4. september kl.
20.30 í Valhöll, Háaleitisbraut 1. Á
þann fund koma Pétur Rafnsson
og Jón Magnússon.
Jón Magnússon, formaður
Sambands ungra sjálfstæðis-
manna, sagði að oft hefði verið
kvartað undan því að þinggögn
lægju ekki fyrir fyrr en sama dag
og SUS-þing hæfust. Stjórn SUS
hefði því ákveðið í vor að láta
undirbúa ályktunartillögur um
nokkra málaflokka, sem lægju
fyrir síðast í ágúst og þessi
ályktunardrög yrðu þá send út til
félaganna. Nú lægju fyrir álykt-
unardrög í nokkrum málaflokkum
og mætti þar nefna tillögur um
breytingar á stjórnarskránni, ein-
staklinginn og persónuvernd hans,
nýjar leiðir í stjórnmálabarátt-
unni, þróun ísl. atvinnuvega,
verkalýðsbaráttuna og Sjálf-
stæðisflokkinn, utanríkis- og
varnarmál, efnahagsmál, mennta-
mál og landbúnaðarmál. Jón sagði
að mikill áhugi hefði komið fram
innan stjórnar SUS fyrir því að
þingið yrði helgað málinu: sókn í
verkalýðsbaráttunni, og eins og
fram hefði komið lægju fyrir
ályktunardrög varðandi þennan
málaflokk.
Einar Ólafsson fyrrverandi bóndi í Lækjarhvammi í Reykjavfk heldur
hér á heiðursskjalinu. Einar bjó lengi í Lækjarhvammi og hefur
stundum verið nefndur sfðasti bóndinn f Reykjavfk en Einar hefur
einnig tekið mjög virkan þátt í félagsmálum bændastéttarinnar.
Einar í Lækjar-
hvammi heiðurs-
félagi í Jarð-
ræktarfélagi
Reykjavíkur
EINAR ólafsson fyrrverandi
bóndi í Lækjarhvammi í Reykja-
vík, vai kjörinn heiðursfélagi í
Jarðræktarfélagi Reykjavíkur á
síðastliðnu vori. Fimmtudaginn
23. ágúst kom stjórn félagsins
saman ásamt heiðursfélaganum
og nokkrum gestum. þar sem
Einari var afhent heiðursskjalið,
en það teiknaði listamaðurinn og
bóndinn Jón Kristinsson f LamÞ
ey.
Jarðræktarfélag Reykjavíkur
var stofnað 17. október 1891.
Einar Ólafsson sem nú er 83 ára,
hefur verið formaður þess í 36 ár,
en iét af störfum í stjórn félagsins
á síðastliðnu ári.
Fram undir 1930 voru um 200
félagar í Jarðræktarfélagi, enda
voru þó nokkrir bændur á höfuð-
borgarsvæðinu. Nú eru félagar 50,
það eru aðallega hestamenn og
garðyrkjumenn.
Núverandi stjórn Jarðræktarfé-
lagsins skipa þeir Edwald Malm-
quist, Birgir Matthíasson og Helgi
Kristófersson.

umbúðum. Prófaðu þig
*•••* áfram . Finndu þitt bragð.
Salmiak-lakkrís, salt lakkrís, mentol
eucalyptus eða hreinn lakkrís.
Kosta ekki meira
en venjulegar hálstöfluri!
(32 í pakka) "