Morgunblaðið - 29.11.1979, Blaðsíða 34

34
MORGUNBLAÐIÐ, FIMMTUDAGUR 29. NÓVEMBER 1979
í FYRRADAG voru form-
lega opnaðir tveir nýir
þjóðvegir í Garðabæ. Jón
Gauti Jónsson bæjarstjóri
í Garðabæ sagði á blaða-
mannafundi þá, að þess
væri vænst, að nýju vegirn-
ir, Arnarnesvegur og Bæj-
arbraut, myndu létta til
muna á umferðarþunga
Hafnarfjarðarvegar í
gegnum Garðabæ. Það hef-
ur verið reiknað út, að af
sex þús. bifreiðum, sem nú
fara um Vífilsstaðaveg í
Garðabæ, muni um 3—5
þús. bifreiðar nota þessa
nýju leið. Þýðir það veru-
lega aukið öryggi skóla-
barna og annarra vegfar-
enda á Vífilsstaðavegi.
Þó svo opnun Bæjarbrautar
létti nokkuð á umferð um
þrengsta hluta Hafnarfjarðar-
vegar, fer eftir sem áður um
hann allur þungaflutningsakstur
til og frá Suðurnesjum og Hafn-
arfirði og það vandamál leysist
ekki fyrr en með tilkomu
Reykjanesbrautar, að sögn Jóns
Gauta. Hann sagði einnig, að
hann vænti þess, að stjórnvöld
beittu sér hið fyrsta fyrir lagn-
ingu þess vegar.
Forsaga þess, að ráðist var í
lagningu þessara vega var sú, að
á s.l. hausti samþykkti bæjar-
stjórn Garðabæjar að fara þess
á leit við Vegagerð ríkisins, að
Bæjarbraut, frá Vífilsstaðavegi
að væntanlegum Arnarnesvegi,
yrði tekin í tölu þjóðvega í
þéttbýli. Jafnframt var þess ósk-
að, að Vegagerðin legði þann
hluta Arnarnesvegar, sem liggur
milli Hafnarfjarðarvegar og
Bæjarbrautar. S.l. vor var vegur-
inn samþykktur sem þjóðvegur í
þéttbýli og Vegagerðin ákvað að
ráðast í lagningu og frágang
Arnarnesvegar að Bæjarbraut
og veitt var fé í það verkefni.
Garðabær fékk einnig fjárveit-
ingu úr 25% vegasjóði og ákvað
bæjarstjórn þá að undirbyggja
og leggja slitlag á veginn frá
Arnarnesvegi að Karlabraut.
Með tilkomu þessara vega
getur stór hluti íbúa Garðabæj-
ar nú ekið mun styttri vegalengd
til Reykjavíkur og akstursleiðin
er nú öll lögð sliglagi. Einnig
mun nú nokkuð létta því umferð-
aröngþveiti, sm jafnan er á
Hafnarfjarðarvegi frá Arnar-
nesi að Vífilsstaðavegi.
Bæjarstjórinn benti á, að með
tilkomu veganna myndi umferð-
arþungi á neðsta hluta Vífils-
staðavegar einnig minnka til
muna, en sökum staðsetningar
skólabygginga bæjarins er þar
mikil umferð skólabarna og ann-
arra vegfarenda.
10% umferðar á
þjóðvegum um
Hafnarf jarðarveg
Bæjarstjórinn lauk máli sínu
með því að ítreka þá skoðun
bæjarstjórnar, að hið fyrsta yrði
að ráðast í lagningu Reykjanes-
brautar, fyrr yrði ekki fengin
endanleg lausn á núverandi
ástandi á Hafnarfjarðarvegi.
Skv. upplýsingum Jóns Rögn-
valdssonar hjá Vegagerð ríkisins
fer í dag um 10% af akstri á
öllum þjóðvegum landsins um
Hafnarfjarðarveg, þ.e. sex
kílómetra kafla frá Fossvogsdal
í átt til Hafnarfjarðar. Sveinn
Torfi Sveinsson verkfræðingur,
sem einnig var staddur á fundin-
um í fyrradag bætti því við, að af
þessari umferð hirti ríkið á
annan milljarð króna. Sagði
hann sína skoðun vera þá, að
ríkið ætti að geta séð af ein-
hverjum hluta þess fjármagns
til varanlegra úrbóta á þessum
vegum.
Garðabær:
Á kortinu má sjá legu nýju veganna.

i
Nýr tengivegur við
Hafnarfjaröarveg'
Þegar nýja leiðin inn í Garðabæ
er valin af bifreiðastjórum, sem
koma úr Reykjavík, er beygt til
vinstri á háhæð Arnarneshæðar
eins og bifreiðin með G-númer-
inu hér á myndinni. Bifreiða-
stjórar sem aka þessa leið
næstu daga ættu að sýna fyllstu
aðgæzlu á þessum nýja stað
meðan fólk er að átta sig á nýju
vegatengingunni. Ljósm. Mbl.
Emilía.
„Léttir á um-
ferðarþungan-
um en varan-
leg lausn fæst
ekki fyrr en
með tilkomu
Reykjanes-
brautar,“ segir
Jón Gauti
bæjarstjóri
Vegagerðin hefur látið lagfæra
aðstæður á Arnarneshæðinni.
Er nú ágætt rými fyrir bifreið-
ar á Arnarnesvegi, sem bíða
eftir að komast yfir akreinina
sem liggur til Reykjavíkur.
Þarna er stöðvunarskylda, en
bifreiðastjórar ættu þó að sýna
fyllstu aðgæzlu, því útsýni er
ekki alltaf sem bezt, sérstak-
lega á þessum tima ársins.