Morgunblaðið - 18.01.1980, Blaðsíða 22

22
MORGUNBLAÐIÐ, FÖSTUDAGUR 18. JANÚAR 1980
Minning:
Kirstín Pálsdótt-
ir Flygenring
Fædd 18. ágúst 1897.
Dáin 9. janúar 1980.
Kirstín fæddist að Þingmúla í
Skriðdai. Hún var dóttir hjónanna
Páls Þorsteinssonar frá Víðivalla-
gerði í Fljótsdal og Elínborgar
Stefánsdóttur frá Þóreyjarnúpi í
V-Húnavatnssýslu, er ólst upp hjá
föðurbróður sínum sr. Halldóri
Jónssyni á Hofi í Vopnafirði og
konu hans Valgerði Finsen. Kir-
stín var heitin í höfuð á Kirstínu
Pétursdóttur Guðjohnsen orgel-
leikara konu sr. Lárusar frænda
síns, en til þeirra fór Elínborg
eftir að fóstri hennar lézt. Elín-
borg og Páll fóru snemma byggð-
um að Tungu í Fáskrúðsfirði. Börn
þeirra er upp komust urðu 12.
Átta þeirra lifa systur sína
Kirstínu.
Tunguheimili var rómað fyrir
menningu og búnað utan húss sem
innan. Minntist Kirstín of lífsbar-
áttu foreldra sinna og dáði þau
fyrir hugrekki og útsjón í búsýslu.
Ung að árum var Kirstín við
nám í Flensborgarskóla. Enn-
fremur lærði hún á orgel og var
um tíma kirkjuorganisti í heima-
byggð sinni. Til Noregs fór hún
með vinafólki foreldra sinna og
dvaldi með þeim árlangt.
Hún var þá þegar heitbundin
Ingólfi Ágústssyni Flygenring
frænda sínum, en Þórunn móðir
hans var systir Elínborgar. Ingólf-
ur hafði lært búfræði í Hólaskóla
og var byrjaður búskap á Hvaleyri
við Hafnarfjörð er þau gengu í
hjónaband 20. okt. 1917. Var
brúðurin tvítug en brúðguminn
tuttugu og eins árs. Eftir skamma
dvöl á Hvaleyri settust þau að í
Hafnarfirði. Samvistir þeirra
stóðu rúm 60 ár. Börn þeirra þrjú
eru: Þórunn húsfreyja í Hafnar-
firði, Ágúst forstjóri íshúss Hafn-
arfjarðar og Páll ráðuneytisstjóri
í Reykjavík.
Kirstín frá Tungu var stórfríð
kona sýnum, glaðsinna og prúð í
framgöngu. Heilsteypt var hún að
persónugerð, og vandvirk svo af
bar. Hún dró aldrei í efa gildi
þeirra verðmæta er kallast fornar
dyggðir og henni voru innrættar í
föðurgarði.
Heimilið, er hún unni mjög bar
þessu vott.
Kirstín var og virk við hlið
manns síns í örlæti og hjálpsemi
við náungann. Hjá þeim var oft
þröngt í búi framan af og aldrei
auður að ausa af. Þau voru þó ætíð
aflögufær vegna ósérplægni
beggja og hagsýni og trúmennsku
húsmóðurinnar.
Mjög lét Kirstín sér annt um
hag ástvina sinna og var óþreyt-
andi í viðleitni sinni að stuðla að
hamingju þeirra, enda fundvís á
leiðir.
Nokkur síðari ár var Kirstín
ekki heil heilsu eftir hjartaáfall og
tvö síðustu ár dvaldi hún á
Sólvangi í Hafnarfirði. Rúmföst
var hún aðeins síðasta mánuðinn
sem hún lifði. Maður hennar lézt í
september sl. svo segja má að þau
yrðu samferða burt eftir langar og
farsælar samvistir.
Eg kveð tengdamóður mína
Kirstínu með heilli þökk.
Þóra Jónsdóttir
í dag fer fram frá Þjóðkirkjunni
í Hafnarfirði útför Kirstínar Páls-
dóttur Flygenring, sem andaðist 9.
jan. Hún var eiginkona Ingólfs
Flygenring, en hann andaðist 15.
sept. s.l., og má segja að táknrænt
sé, hve stutt var á milli andláts
þeirra hjóna, þar sem hjónaband
þeirra var óvenju farsælt.
Mig langar að minnast elsku-
t
Eiginmaöur minn
BJARNI ÆVAR ÁRNASON
veröur jarösunginn frá Selfosskirkju, laugardaginn 19. janúar kl.
14.30. Blóm afþökkuö, þeim sem vilja minnast hans er bent á
Krabbameinsfélag íslands.
Fyrir hönd barna okkar og annarra vandamanna,
Lóa Guömundsdóttir
t
Útför
SALVARAR ÁGÚSTU ÓFEIGSDÓTTUR,
fer fram frá Ólafsvallarkirkju á Skeiöum, laugardaginn 19. janúar
kl. 14. Bílferð veröur frá Umferöarmiöstööinni kl. 12.
Aðstandendur.
t
Eiginkona mín
ÞÓRA JÓHANNA SIGURDARDÓTTIR,
Hringbraut 61,
Keflavík
sem andaöist 13. þessa mánaðar veröur jarösungin frá Kefla-
víkurkirkju 19. þessa mán. kl. 2.00 síödegis. Fyrir hönd barna
okkar og annarra vandamanna,
Sveinbjörn Davíösson.
t
INGIMAR OLASON
bifreiöastjóri,
Skólagötu 8,
isafiröi,
veröur jarösunginn frá ísafjaröarkirkju laugardaginn 19. janúar kl.
2 e.h.
Fyrir hönd ættingja hins látna,
Aöalheiöur Guömundsdóttir.
legrar föðursystur minnar með
nokkrum orðum.
Kirstín fæddist að Þingmúla í
Skriðdal 18. ágúst 1897, en þar
bjuggu þá foreldrar hennar, hjón-
in Elínborg Stefánsdóttir og Páll
Þorsteinsson. Árið eftir fluttust
þau að Tungu í Fáskrúðsfirði og
bjuggu þar síðan og þar ólst
Kirstín upp. Hún var áttunda
barn þeirra hjóna, en þau voru
alls fjórtán og af þeim komust tólf
til fullorðins ára.
Páll, faðir Kirstínar, var ætt-
aður úr Fljótsdal. Elínborg, móðir
hennar, fæddist á Þóreyjarnúpi í
Vestur Húnavatnssýslu en ólst
upp á Hofi í Vopnafirði hjá
föðurbróður sínum Halldóri
Jónssyni, prófasti og konu hans
Valgerði Olafsdóttur, og síðar á
Valþjófsstað hjá syni sr. Halldórs,
Lárusi og hans konu Kirstínu
Guðjohnsen. Þaðan mun Kirstínar
nafnið vera komið, því að Elínborg
amma mat fósturmæður sínar
mikilis og kom upp nöfnum þeirra
beggja.
Kirstín var elst af dætrum Páls
og Elínborgar, sem upp komust, og
má því nærri geta að snemma
þurfti hún að hjálpa til við
heimilissstörfin. Kom sér því vel
að hún var bráðþroska og dugleg
við öll störf og ekki síður við nám.
Heimiliskennarar voru fengnir til
að kenna barnahópnum eftir því
sem kostur var og fljótlega var
keypt orgel og byrjaði Kirstín að
læra á það innan við fermingu.
Þegar hún var 16 ára var hún
beðin að sækja organistanámskeið
í Reykjavík til að geta spilað við
messugerðir í Kolfreyjustaðar-
kirkju. Kennai hennar þar var
Brynjólfur Þorláksson. Árið eftir
stundaði hún nám við Flensborg-
arskóla í Hafnarfirði og var jafnt-
framt í orgeltímum hjá Friðriki
Bjarnasyni, tónskáldi.
Sumarið 1916 fór Kirstín til
Noregs og dvaldi þar og í Dan-
mörku um eins árs skeið.
Haustið 1917, þann 20. október,
giftist Kirstín Ingólfi Flygenring
og settust þau að í Hafnarfiðri og
áttu þar heima æ síðan. Bjuggu
þau lengst af á Suðurgötu 70, en
síðustu tæp tvö árin voru þau bæði
sjúklingar og nutu þá góðrar
umönnunar, Kirstín á Sólvangi og
Ingólfur á St. Jósepsspítala í
Hafnarfirði.
Ég var svo lánsöm að fá að
dvelja á heimili þeirra hjóna sem
unglingur um tveggja ára skeið, og
var Kirstín mér því sem önnur
móðir á viðkvæmum aldri. Fyrir
þetta er ég ákaflega þakklát og
ekki sízt fyrir að fá að njóta þess
að dveljast á þessu hlýlega menn-
ingarheimili, þar sem maður hlaut
að finna þá gagnkvæmu ást og
virðingu, sem ríkti á milli hjón-
anna og setti sinn svip á heimil-
islífið. Þessi áhrif hafa eflaust
orðið okkur unglingunum, sem
dvöldust þarna á heimilinu um
lengri og skemmri tíma, gott
veganesti út í lífið. Við erum víst
nokkuð mörg, sem lítum til baka
með þakklæti, því að margir
unglingar bjuggu hjá þeim hjón-
um á meðan þeir stunduðu nám í
Flensborgarskóla. Haustið, sem ég
kom á heimilið, vorum við fimm,
þar af fjögur systkinabörn
Kirstínar utan af landi. Aldrei
fundum við fyrir því, að börnum
þeirra hjóna fyndist að sér þrengt,
þó að þau þyrftu að taka okkur
frændsystkinin inn til sín, enda
voru þau mótuð af ljúfmennsku
foreldranna og bera það með sér
enn í dag.
Kirstín reyndist öllu sínu skyld-
fólki ákaflega vel og var boðin og
búin til hjálpar ef á þurfti að
halda. Systur hennar voru oft
lengri og skemmri tíma á heimil-
inu bæði við vinnu og nám og
föður minn, sem hafði legið veikur
á sjúkrahúsi í Reykajvík, tók hún
heim til sín og hjúkraði honum af
alúð. Fyrir þetta og margt fleira
vorum við öll ákaflega þakklát.
Kirstín var framúrskarandi
húsmóðir og kom það sér vel á
þessu mannmarga og gestkvæma
heimili, en þau hjón voru bæði
einstakir höfðingjar heim að
sækja. Kirstín var greind og
minnug og hafði ríka kímnigáfu.
Sagði hún okkur oft skemmtilegar
sögur af sérstæðum persónuleik-
um, sem hún hafði kynnzt. Störf
Kirstínar voru auðvitað mest
bundin hennar heimili og uppeldi
barnanna þriggja, sem hún rækti
af stakri alúð. Einnig vann hún
nokkuð að félagsmálum einkum í
kvenfélaginu Hrignum.
Börn Kirstínar og Ingólfs eru:
Þórunn, gift Magnússi Eyjólfs-
syni, þau eiga tvær dætur. Ágúst,
kvæntur Guðbjörgu Magnúsdótt-
ur, þau eiga tvo syni og tvær
dætur. Páll, kvæntur Þóru Jóns-
dóttur, þau eiga einn son og tvær
dætur.
Blessuð sé minning Kirstínar
Flygenring.
Drottinn minn gefi dánum ró,
en hinum líkn, er lifa.
Elínborg Steíánsdóttir.
Frú Kirstín Flygenring, ekkja
Ingólfs Flygenring forstj. og al-
þingismanns, verður til moldar
borin í dag frá Hafnarfjarðar-
kirkju en frú Kirstín andaðist 9.
jan. s.l. í elli- og hjúkrunarheimil-
inu Sólvangi þar sem hún hafði
+
Þökkum auösýnda samúö og vinarhug viö andlát og jarðarför
móöur okkar
GUÐNÝJAR GUÐMUNDSDÓTTUR
Guörún Jónsdóttir
Jónbjörg Jónsdóttir
Margrét Jónsdóttir
t
Þökkum innilega auösýnda samúö og vinarhug við andlát og útför
eiginmanns mín, fööur okkar, tengdafööur, afa og langafa,
SIGURÐAR KR. BÁRDARSONAR,
Bergþórugötu 2.
Ingibjörg Jónsdóttir,
Valgeröur Sigurðardóttir, Guólaugur Eyjólfsson,
Þorsteina Siguröardóttir, Benedikt Hafliðason,
Béröur Sigurösson,
Jakob Sígurösson, Gyöa Gísladóttir,
barnabörn og barnabarnabörn.
dvalist um nokkurt skeið og átt
við erfiðan sjúkdóm að stríða.
Frú Kirstín var af austfirsku
bergi brotin. Fædd í Þingmúla í
Fljótsdal 18. ágúst 1897, dóttir
þeirra hjóna Elínborgar Stefáns-
dóttur frá Þóreyjarnúpi í Húna-
vatnssýslu og Þorsteins Pálssonar
frá Víðivallargerði í Fljótsdal.
Að Tungu í Fáskrúðsfirði flútt-
ust foreldrar frú Kirstínar þegar
hún var árs gömul og þar ólst hún
upp í hópi 14 barna þeirra Tungu-
hjóna á rómuðu heimili þeirra.
Frú Kirstín mun ekki hafa verið
gömul þegar hún hleypti heim-
draganum. Skömmu eftir ferm-
ingu fór hún til orgelnáms í
Reykjavík hjá Brynjólfi Þorláks-
syni organista og þegar heim var
komið kenndi hún orgelleik og var
organisti í Fáskrúðsfjarðarkirkju.
Frú Kirstínu var ekki ætlaður
langur dvalartími þar eystra. Arið
1915 kom sem kaupamaður að
Tungu Ingólfur Flygenring frændi
hennar úr Hafnarfirði en hann
hafði þá nýlokið búfræðiprófi frá
Hólum í Hjaltadal.
Örlagadísirnar höfðu ofið vef
Kirstínar og 20. okt. 1917 giftist
hún Ingólfi og flyzt búferlum til
Hafnarfjarðar.
I meira en 60 ár veitti frú
Kirstín forstöðu myndarlegu og
friðsælu heimili þeirra hjóna hér í
Hafnarfirði. Húsbóndinn mikill
athafnamaður auk þess sem opin-
ber störf urðu ekki umflúin og
starfsdagurinn því oft langur.
Það vill ætíð verða svo að hlutur
húsfreyjunnar á slíku heimili er
ekki metinn sem skyldi, sér í lagi
þegar um hógværð og hlédrægni
er að ræða, en þannig var einmitt
frú Kirstín. Ég vissi hins vegar vel
hversu mikils Ingólfur Flygenring
mat sína góðu og greindu konu og
ég veit að hún var honum sú stoð
og stytta sem góðar eiginkonur
ævinlega eru og til hennar leitaði
hann þess styrks sem honum var
nauðsynlegur.
Frú Kirstín og Ingólfur eignuð-
ust þrjú börn, Þórunni, sem gift er
Magnúsi Eyjólfssyni fyrrv. póst-
og símstöðvarstjóra, Ágúst for-
stjóra, sem kvæntur er Guðbjörgu
Magnúsdóttur, og Pál verkfræðing
og ráðuneytisstjóra, sem kvæntur
er Þóru Jónsdóttur, og öll eiga þau
myndarlegar fjölskyldur, börn og
barnabörn.
Þegar frú Kirstín nú hefur
fengið hvíld og gengið til fundar
við Herra sinn, minnast Hafnfirð-
ingar þeirra hjóna með virðingu
og þakklæti og biðja þeim Guðs
blessunar.
Börnum þeirra og fjölskyldum
sendum við samúðarkveðjur.
Matthías Á. Mathiesen.
Birting
afmælis- og
minningar-
greina
ATHYGLI skal vakin á því, að
afmælis- og minningargreinar
verða að berast blaðinu með
góðum fyrirvara. Þannig
verður grein, sem birtast á í
miðvikudagsblaði, að berast i
síðasta lagi fyrir hádegi á
mánudag og hliðstætt með
greinar aðra daga. Greinar
mega ekki vera í sendibréfs-
formi. Þess skal einnig getið
af marggefnu tilefni að frum-
ort ljóð um hinn látna eru
ekki birt á minningarorðasíð-
um Morgunblaðsins. Handrit
þurfa að vera vélrituð og með
góðu línubili.
MYNDAMÓT HF.
PRENTMYNDAGERÐ
AÐALSTRÆTI • SlMAR: 17152-17355