Morgunblaðið - 27.03.1980, Blaðsíða 3

MORGUNBLAÐIÐ, FIMMTUDAGUR 27. MARZ 1980
3
Athugun á útflutningi sjávarafurða:
Ovíst hvort nefndin
heldur áfram störfum
Um 20 fyrirtæki með yfir 10
milljóna króna verzlim í fyrra
NEFND SÚ, sem skipuð var aí viðskipta- og sjávarútvegsráðherrum
fyrir um ári siðan, til að gera athugun á útflutningsverzlun
sjávarafurða, hefur ekki starfað undanfarna mánuði og síðasti fundur
var haldinn i ágústmánuði siðastliðnum. Samkvæmt upplýsingum
Kjartans Ólafssonar formanns nefndarinnar er það til athugunar
þessa dagana hvort nefndin heldur áfram störfum.
— Við vorum búnir að vinna
allmikla undirbúningsvinnu og
safna saman miklu af upplýsing-
um frá útflutningsfyrirtækjum
síðastliðið haust, sagði Kjartan
Ólafsson í gær. — Síðan sú stjórn,
sem skipaði nefndina fór frá, hef
ég litið svo á, að rétt væri að fá að
vita vilja nýrra stjórnarherra um
framhald á störfum þessarar
nefndar. Ég og viðskiptaráðherra,
Tómas Árnason, erum að ráðgast
um þessi mál og það liggur fyrir
innan skamms hvort þessu verður
haldið áfram, sagði Kjartan.
Björn Dagbjartsson er einn
nefndarmanna í þessari nefnd og
sagði hann í samtali við Mbl. í
gær, að um 40 fyrirtækjum hefði
verið sendur spurningalisti. Svör-
in hefðu verið að berast undan-
farnar vikur og mánuði og sagði
Björn, að innan við helmingur
þeirra hefði verið með útflutn-
ingsverzlun yfir 10—20 milljónir
króna. Sagðist Björn geta gizkað á
að 20 fyrirtæki hefðu verið með
yfir 10 milljón króna verzlun við
útlönd með sjávarafurðir.
Siglufjörður:
Yerða Þormóður
rammi og Sigló-
síld sameinuð?
HUGMYNDIR eru uppi um samvinnu eða jafnvel samruna fyrirtækj-
anna Þormóðs ramma og Sigló-síldar í Siglufirði, en þessi fyrirtæki
eru meðal þeirra stærstu á staðnum. Rikið er eigandi Siglósildar og
Framkvæmdasjóður á 62% í Þormóði ramma.
Starfshópur á vegum iðnaðar-
ráðuneytisins hefur undanfarið
athugað ýmsar leiðir til að renna
traustari stoðum undir starfsemi
Sigló-síldar, en síðasta ár var
mjög erfitt hjá fyrirtækinu og það
sem af er þessu ári hefur ekkert
verið unnið þar. Ástæðan fyrir
verkefnaleysi í ár er sú, að það var
ekki fyrr en á miðvikudag að
samningar tókust við Sovétmenn
um gaffalbita, en það er nær eina
framleiðslugrein fyrirtækisins.
Að sögn Guðrúnar Hall-
grímsdóttur deildarstjóra hjá iðn-
aðarráðuneytinu hefur fyrrnefnd-
ur starfshópur komið með hug-
myndir um samvinnu eða sam-
runa fyrirtækjanna og sagði hún
að mjög nauðsynlegt væri fyrir
Sigló-síld að taka upp fleiri fram-
leiðslulínur heldur en gaffalbit-
ana. Starfshópurinn hefur ekki
lokið störfum, en það verður
væntanlega innan skamms.
Páll Ólafsson um símamál Kjalnesinga:
Póst- og símamála-
stjóri getur ekki skotið
sér undan ábyrgðinni
MORGUNBLAÐINU hefur borizt
eftirfarandi athugasemd frá Páli
Ólafssyni um símamál Kjalnes-
inga:
„í viðtali við Jón Skúlason, póst-
og símamálastjóra, um símamál
Kjalnesinga 25. þessa mánaðar
segir frá góðum vilja þeirra hjá
Pósti og síma til að leysa okkur
Kjalnesinga frá því fornaldarfyr-
irkomulagi í símamálum, sem nú
er.
Og nú er komið nýtt fram hjá
póst- og símamálastjóra, sjálf-
virkur sími á að koma með
haustinu, ef Alþingi veitir nóg
fjármagn til. Þeir sem stjórnuðu
einokunarverzluninni lofuðu líka
skipum til landsins með haustinu
hér á öldum áður, en allir lands-
menn þekkja þá sögu.
Alþingi ákveður ekki verkefna-
röðun hjá Pósti og síma eða lætur
setja upp fornaldarútbúnað hjá
landsímastöðinni í Reykjavík
þannig að símastúlkurnar verða
nánast að hafa það á tilfinning-
unni hvort verið sé að hringja á
stöðina.
Mér finnst að póst- og síma-
málastjóri verði að koma með
haldbetri skýringar hvers vegna
næsta nágrenni við Reykjavík er
boðið upp á slíka þjónustu árið
1980.
Nemendur annars bekkjar Stýrimannaskólans í Reykjavík um borð í Óðni ásamt kennara sínum.
Ingólfi Þórðarsyni. Myndir Helgi.
Verðandi stýrimenn
um borð í varðskipi
NEMENDUR. úr öðrum bekk
farmannadeildar Stýrimanna-
skólans í Reykjavík voru við
verklegt og bóklegt nám um
borð í varðskipinu Óðni fyrr í
þessum mánuði. Með þeim var
yíirkennarinn, Ingólfur Þórð-
arson. Nemendurnir voru i 3
sólarhringa um borð í varðskip-
inu við ýmsan lærdóm, svo sem
að taka sólarhæð með sextant,
að reikna út staðarákvörðun
með sextant, við ratsjána og við
staðarákvörðun með Loran C.
Þá voru nemendur þriðja bekkj-
ar skólans um borð í varðskip-
inu Ægi. Eru ferðir Stýri-
mannaskólanema með varð-
skipum orðnar fastur þáttur i
kennslunni.
Hér er sólarhæðin mæld með sextant.
HOOVER
bara ryksuga...
Teppahreinsarinn frá HOOVER ekki aðeins
ryksugar teppið, hann hreinsar að auki úr því
margskonar önnur óhreinindi sem ryksuga nær
ekki eins og t.d. • Klistur •Þráðarenda
• Dýrahár • Sand úr botni
• Bakteríumyndandi sveppa- og gerlagróður
Jafnframt ýfir hann flosið svo að teppið er ætið
sem nýtt á að líta, og það á jafnt við um
snöggtsem rya. Fjölþætt notagildi fylgihluta.
Og það er staðreynd að teppið endist þér lengur.
HOOVER
er

> ég banka bursta
og sýg...
.
: :
FALKIN N
SUOURLANDSBRAUT 8, SÍMI 84670