Morgunblaðið - 27.03.1980, Blaðsíða 47
MORGUNBLAÐIÐ, FIMMTUDAGUR 27. MARZ 1980
47
Pétur Guðmundsson var drjúffur í vörn sem sókn í
leiknum í gærkvöldi og hér er knötturinn á leið í
körfuna úr einu af skotum hans í leiknum, en Pétur
gerði 21 stig í leiknum og var stigahæstur íslenzku
leikmannanna. Emil(*
Álafosshlaup
á íþróttahátíð
Á LOKADEGI Íþróttahátíðar
Í.S.Í. nk. sumar, sunnudají-
inn 29. júní 1980, fer fram
almenningshlaup frá Alafossi
í Mosfellssveit til Laugardals-
vallar í Reykjavík. Vcga-
lengdin er um það bil 13
kílómetrar. Lagt verður af
stað frá Álafossi stundvíslega
kl. 19:45 (7:45 e.h.).
Álafosshlaup verður í senn
kapphlaup íþróttamanna og
heilsubótarskokk trimmara á
öllum aldri. Aliir sem koma í
mark fá vottorð um unnið
afrek og ennfremur verða 1., 2.
og 3. verðlaun (karla og
kvenna) veitt í hverjum ald-
ursflokki samkvæmt eftirfar-
andi skiptingu: yngri en 16
ára, 16-19, 20-29, 30-39,
40—49, 50 ára og eldri. Sigur-
vegari hlaupsins hlýtur veg-
legan farandbikar sem gefinn
er af Álafossi hf og er ætlunin,
að keppt verði um hann ár-
lega.
Skorað er á alla, sem vettl-
ingi geta valdið, að slást í
hópinn og byrja að æfa undir
Álafosshlaupið. Tilkynnið
þátttöku með nafni, heimilis-
fangi og aldri. Póstfang: Ála-
fosshlaup, FRÍ, íþróttamið-
stöðin, Laugardal, Pósthólf
1099,104 Reykjavík.
Alafossnefnd FRÍ
Knattþrautir og
miniknattspyrna
á námskeiöi KSÍ
KYNNINGARFUNDUR fyrir
miniknattspyrnu og knatt-
þrautir á vegum KSI fer fram
í Vogaskóla í dag klukkan
18.00. Er fundurinn ætlaður
unglingaþjálfurum, ungl-
ingaleiðtogum og íþrótta-
kennurum.
Dagskráin er þannig, að
klukkan 18.00 fer fram kynn-
ing á tilgangi námskeiðsins.
Klukkan 18.15 knattþrautir
og miniknattspyrna (íræði-
legt), klukkan 19.30 hlé,
klukkan 19,45 knattþrautir
og miniknattspyrna (verk-
legt). Síðan verða umræður
um knattþrautir og mini-
knattspyrnu og loks dag-
skrárlok um klukkan 22.15.
Námskeiðið er haldið á veg-
um tækni- og unglinganefnd-
ar KSÍ.
Þróttur sigraði
með yfirburðum
ÞRÓTTUR sigraði Aftureldingu
með miklum yfirburðum í gær-
kvöldi að Varmá í Mosfellssveit
með 28 mörkum gegn 16, eftir að
staðan hafði verið 13—6 í hálf-
leik. Leikurinn í heild var ekki
tilþrifamikill og bauð ekki upp á
burðugan handknattleik.
Að vísu var vörn Þróttar mjög
vel leikin en sóknarleikur liðsins
var ekki burðugur. Lið UMFA
var óvenjuslakt í leiknum og
sýndi lítii tilþrif, enda árangur-
inn eftir því.
Mörk Þróttar skoruðu: Páll
ólafsson 11, en hann var jafn-
—tiMFA 28:18
framt besti maður liðsins. Sig-
urður Sveinsson skoraði 8 mörk,
Ólafur Jónsson 4 mörk, Lárus 2,
Einar 2 og Magnús 1.
Mörk UMFA skoruðu: Lárus 6,
Steinar 6, Þórður 1, Þorvaldur 1,
Pétur 1, Gústaf 1. Besti maður
UMFA var Stcinar.
SÁH/LB
Kærkominn sigur i
100. landsleiknum
MEÐ MJÖG góðum leik í
byrjun síðari hálfleiks í
landsleiknum í körfu-
knattleik við Armena í
gærkvöldi lagði íslenzka
liðið grunninn að kær-
komnum og verðskulduð-
um sigri. Það hefur ekki
verið alltof mikið af sig-
rum í landsleikjum
íslands í körfuknattleik til
þessa og því var rík
ástæða til að gleðjast að
leikslokum þessa hundrað-
asta landsleiks í íþrótt-
inni. Þetta var fyrsti sigur
íslenzka liðsins gegn Arm-
enum og gott vegarnesti
fyrir ferðina til Noregs á
næstunni til þátttöku í
Norðurlandamótinu eða
Polar Cup.
Úrslit leiksins urðu 77:67 fyrir
ísland eftir að Armenía hafði leitt
með 41 stigi gegn 33 í leikhléi. Það
var Zastukov, fyrirliði armenska
liðsins, sem lék fyrstu fiðlu í fyrri
hálfleiknum og þessi fyrrum leik-
maður sovézka landsliðsins á
tvennum Ólympíuleikum var
hreint út sagt óstöðvandi. Hann
skoraði 24 stig í fyrri hluta
leiksins og missti varla skot. í
seinni hálfleiknum fataðist hon-
um flugið nokkuð eða öllu heldur
stöðvaði Torfi Magnússon „skipp-
erinn garnla" svo vel að hann
skoraði aðeins 8 stig í síðari
hálfleiknum.
Armenarnir lentu strax í villu-
vandræðum og eftir aðeins 8
mínútna leik misstu þeir mann út
ísland —
Armenía
77:67
af með 5 villur. Fyrir leikhlé
bættist annar við og þar sem þeir
voru tveir af hávaxnari mönnum
liðsins áttu Sovétmennirnir í erf-_
iðleikum í seinni hálfleiknum.
Einar Bollason hefur örugglega
messað yfir sínum mönnum i
leikhléi og eftir rétt miðlungs
fyrri hálfleik kom baráttuglatt
íslenzkt landslið til leiks í seinni
hálfleik. Torfi gætti Zastukov
mjög vel, pressan tókst og eftir
skamma stund var landinn kom-
inn yfir, hafði skorað 10 stig gegn
engu og staðan 43:41. Baráttan
hélt áfram og munurinn jókst upp
í 10 stig. Lokatölur urðu 77:67,
verðskuldaður sigur.
Lið Armenanna leikur nokkuð
einhæfan körfuknattleik, mikið er
um klippingar fyrir framan vörn-
ina og síðan skot af löngu færi,
það er líka í góðu lagi hjá þeim,
þar sem hittni margra leikmanna
liðsins er mjög góð. Liðið skortir
þó hæð og ekki bættu villuvand-
ræði og meiðsli úr skák í þessum
leik.
Pétur Guðmundsson var hinn
sterki í íslenzka liðinu í þessum
leik, en margir aðrir stóðu fyrir
sínu og kannski rúmlega það.
Símon og Torfi voru góðir í
leiknum og varnarleikur þess
síðarnefnda í seinni hálfleik var
sérlega góður. Jón Sigurðsson var
seinn í gang og skoraði ekki stig í
fyrri hálfleik, en bætti það upp í
þeim síðari. Jónas Jóhannesson
gerði margt gott í leiknum, og þá
átti Kristinn Jörunds'son góðan
leik.
Dómgæzlan að þessu sinni var
alls ekki afleit og frammistaða
Sovétmannsins, sem dæmdi á móti
Guðbrandi Sigurðssyni, ekkert í
samræmi við umsagnir um rússn-
esku dómarana i hinum leikjun-
um.
Stig íslands: Pétur Guðmunds-
son 21, Símon Ólafsson 14, Torfi
Magnússon 12, Kristinn Jörunds-
son 9, Jón Sigurðsson 8, Flosi
Sigurðsson 5, Jónas Jóhannesson
4, Kristján Ágústsson 2, Gunnar
Þorvarðarson 2.
—áij.
Villa
lagði
Norwich
NOKKRIR leikir fóru fram í
ensku deildarkeppninni í gær-
kvöldi og urðu úrslit þeirra
sem hér segir:
1. deild:
Aston Villa — Norwich 2—0
3. deild:
Chester — Exeter 1—3
Reading — Oxford 2—0
4. deild:
Wigan — PortVale 3—1
Áuk þess sigruðu Englend-
ingar Dani 4—0 í unglinga-
landsleik, auk þess sem Frakk-
ar og írar gerðu jafntefli í
sams konar leik, 1—1.
1 ' X j í ; I 2 í ***** Mvc , . ! j r
« l/r,*> i • ! «• únr tt U í • ám, [.. i n ? i
• Tony Woodcock (sem skallar) skoraði glæsilegt mark gegn Spánverjum í gærkvöldi.
Spænski markvörðurinn
bjargaði frá stórtapi
ENGLENDINGAR sigruðu Spán-
verja með tveimur mörkum gegn
engu í vináttulandsleik í knatt-
spyrnu í Barcelona í gærkvöldi.
Undirstrikaði sigur enska liðsins
þær framfarir sem orðið hafa hjá
Englcndingum síðustu mánuð-
ina. Aðeins markvörður Spánar
Arconada, bjargaði liði sínu frá
enn stærra tapi. Ilann varði t.d.
meistaralega skot Trevor Franc-
is, tvívegis, annað frá Tony
Woodcock og það fjórða frá Steve
Coppel.
Tony Woodcock skoraði fyrra
mark Englands á 15. mínútu,
einlék hann frá miðju, lék á hvern
varnarmanninn af öðrum áður en
hann renndi knettinum í netið af
öryggi- Á 54. mínútu bætti Trevor
Francis siðara markinu við með
þrumuskoti af 10 metra færi.
Spánverjar áttu lítið í leiknum,
einna næst því að skora komst
Enrique Saura frá Valencia, en
Peter Shilton í marki Englands
var vel á verði.
O O O
írar sigruðu Kýpur 3—2 í
undankeppni HM í Nikósíu í
gærkvöldi. Staðan í hálfleik var
3—1 fyrir Ira, en eigi að síður kom
góð frammistaða Kýpurbúa á
6vart' o o o
Svisslendingar unnu sannar-
lega óvæntan sigur á Evrópu-
meisturum Tékka í vináttulands-
leik í knattspyrnu sem fram fór í
Basel í Sviss í gærkvöldi. 12000
manns í ausandi rigningu trúðu
varla sínum eigin augum þegar að
heimaliðið lék hina' tignu gesti
sína sundur og saman. Claudio
Sulser skoraði fyrra mark Sviss úr
víti á 40. mínútu. Barberis bætti
öðru við á 61. mínútu.
000
Uruguay vann nauman og o-
sannfærandi sigur á Luxemborg,
1—0, í landsleik í Luxemborg í
gærkvöldi. Var það fyrsti sigur
Suður-Ameríkumannanna í fjór-
um leikjum gegn evrópskum lið-
um. Victorino skoraði sigurmark
Uruguay á 69. mínútu.