Morgunblaðið - 30.04.1980, Blaðsíða 2

2
MORGUNBLAÐIÐ, MIÐVIKUDAGUR 30. APRIL 1980
Flugleiðir:
• • r
Orn 0. Johnson
stjórnarformaður
Stjórnin lýsir yfir
stuðningi við forstjórann
MORGUNBLAÐINU barst í gær
eftirfarandi fréttatilkynning frá
Flugleiðum:
Á fyrsta fundi nýkjörinnar
stjórnar Flugleiða í dag var Örn
Ó. Johnson kosinn stjórnarfor-
maður.
Vegna gagnrýni, sem frú Krist-
jana Milla Thorsteinsson, eigin-
kona Alfreðs Elíassonar, bar fram
á Sigurð Helgason forstjóra, sam-
þykkti stjórn félagsins á fundi
sínum í dag einróma eftirfarandi:
„í tilefni af þessu lýsir stjórnin
einróma yfir fyllsta stuðningi við
forstjóra félagsins, Sigurð Helga-
son, í vandasömu starfi hans“.
í nýkjörinni stjórn Flugleiða
eru:
Alfreð Elíasson,
Bergur G. Gíslason,
E. Kristinn Olsen,
Grétar Br. Kristjánsson,
Halldór H. Jónsson,
Óttarr Möller,
Sigurður Helgason,
Sigurgeir Jónsson,
Örn 0. Johnson.
Vestmannaeyjar:
Slíta alþýðuflokks-
menn samstarfi
meirihlutans?
HJÁ bæjarstjórn Vestmannaeyja
stendur nú fyrir dyrum ráðning
tómstundafulltrúa. Sóttu 8 manns
um starfið og hefur tómstundaráð
fjallað um umsóknirnar. Ekki náð-
ist eining með hverjum ætti að
mæla i starfið, en fulltrúar bæjar-
stjórnar meirihlutans, Framsókn-
arflokks, Alþýðuflokks og Alþýðu-
bandalags, mæitu með Guðmundi
Þ.B. ólafssyni bæjarfulltrúa og
fulltrúar Sjálfstæðisflokks með
Skæringi Georgssyni trésmið og
Ástþóri Jóhannssyni vélvirkja.
Aðrir umsækjendur eru Guðbrand-
ur Jónatansson verziunarmaður,
Halldóra Magnúsdóttir kennari,
Ómar Garðarsson lögreglumaður,
Þorvaldur Halldórsson rafvirki og
Úlfar Steindórsson íþróttakennari.
Samkvæmt upplýsingum sem
Mbl. aflaði sér í gær mun alþýðu-
flokksmönnum mikið í mun að
Guðmundur Þ.B. Ólafsson fái starf-
ið og talið er að þeir muni jafnvel
hóta að slíta meirihlutasamstarfinu
fái þeirra maður ekki starfið. í
bæjarráði gerði Sigurgeir Krist-
jánsson fulltrúi Framsóknarflokks
fyrirvara um ráðningu þessa og því
telja alþýðuflokksmenn leika vafa á
að Guðmundur hafi nægan stuðning
þegar málið kemur til kasta bæjar-
stjórnar nk. föstudag. Héldu alþýðu-
flokksmenn fund um þetta mál í
gærkvöldi þar sem meirihlutasam-
starfið var til umræðu, en ekki tókst
Mbl. að afla frétta af fundinum.
Sigurgeir Kristjánsson kvaðst í
samtali við Mbl. ekki vilja gera
mikið úr þessu máli og taldi ótrúlegt
að það hefði nokkur áhrif á sam-
starf meirihlutans. — Það sem mér
finnst óeðlilegt er að meirihluti
tómstundaráðs virtist vera búinn að
ákveða þennan mann jafnvel áður
en umsóknarfrestur var runninn út.
En málið verður ekki til lykta leitt
fyrr en á bæjarstjórnarfundi á
föstudag, en ég tel fráleitt að slíta
samstarfinu vegna þessa máls, það
hefur alltaf verið ágætt, sagði Sig-
urgeir.
í öruggum höndum
Þessi litla hnáta varð fyrir þeirri lífsreynslu á sumardaginn fyrsta
að týna foreldrum sínum. Lögreglan kom til hjálpar og tók telpuna
i sinar öruggu hendur. Og allt fór vel að lokum.
I.jósm. Mbl. Ól. K. Mag.
Hækkun
erlends
gjaldeyris
7 til 17% í
aprílmánuði
HÆKKUN Bandaríkjadoll-
ars gagnvart íslenzkri
krónu frá því í marzlok er
nú orðin 7,2%, en Evrópu-
gjaldmiðill hefur allur
hækkað mun meira, allt
upp í 17,6%, sem er hækk-
un svissnesks franka á
þessu sama tímabili. Inni-
falin í þessari hækkun er
3,5% gengisfelling gagn-
vart dollar, sem ríkis-
stjórnin ákvað að gera á
einum degi um síðastliðin
mánaðamót.
Samkvæmt gengisskráningu
Seðlabankans nr. 62 hinn 28.
marz síðastliðinn og síðan geng-
isskráningu nr. 80 frá því í gær
er hækkun dollarsins 7,2%,
sterlingspunds 12,5%, danskrar
krónu 14,3%, norskrar krónu
12,0%, sænskrar krónu 12,4%,
fransks franka 13,2%, svissn-
esks franka 17,6%, vestur-
þýzkra marka 15,0%, spánskra
peseta 9,1% og japanskra yena
12,0%.
Útflutningur til Bandaríkjanna:
Jókst um 54,4% fyrstu
þrjá mánuði ársins
FYRSTU þrjá mánuði
þessa árs nam útflutning-
ur íslendinga til Banda-
ríkjanna rúmlega 19 millj-
örðum króna og hafði þá
aukizt um 54,4% miðað við
sömu mánuði í fyrra. Þá
Fara fram á leiðrétt-
ingu á lóðaúthlutun
var flutt út til Banda-
ríkjanna fyrir andvirði 9,9
milljarða króna, en sé sú
upphæð hækkuð miðað við
gengishækkun dollars
gagnvart krónu er upp-
hæðin 12,4 milljarðar
króna.
Útflutningur íslendinga til
Bandaríkjanna nam mánuðina
janúar til marz að báðum með-
töldum 19.074,2 milljónum króna,
en nam í fyrra 9.883,1 milljónum
króna. Gengi Bandaríkjadollars er
nú 25% hærra en það var í fyrra
þessa þrjá mánuði. Því var verð-
mætið í fyrra á sama gengis-
grunni og nú 12.353,9 milljónir
króna.
Til samanburðar má geta þess,
að útflutningur Islendinga til
Bretlands jókst á sama tíma um
13,8%.
INGVAR Björnsson lögmaður
hefur fyrir hönd nokkurra
þeirra, er sóttu um lóðir á
svonefndu Rauðagerðissvæði i
Reykjavík og telja að þeim hafi
verið vanreiknaðir punktar þeg-
ar til úthlutunar kom, ritað
Reykjavíkurborg bréf og farið
fram á leiðréttingu.
— Svo virðist sem einhver mistök
hafi átt sér stað í sambandi við
punktakerfið, en á þessu stigi er mér
ekki ljóst í hverju þau mistök liggja,
sagði Ingvar Björnsson í samtali við
Umbjóðendur mínir hafa rætt
við forseta borgarstjórnar og full-
trúa í lóðanefnd en töldu sig ekki fá
fullnægjandi svör og því sneru þeir
sér til mín og báðu um aðstoð. Ég
skrifaði því borgaryfirvöldum og var
bréfið tekið fyrir í borgarráði og því
síðan vísað til lóðanefndar.
Ingvar Björnsson kvaðst ekki vita
hvort erindið hefði verið tekið fyrir
af lóðanefnd og aðspurður sagði
hann ekki ákveðið hvort umbjóðend-
ur sínir færu fram á að fá lóðir á
Rauðagerðissvæðinu eða hliðstæðar
lóðir.
Arnarflug:
Leiguflug fyrir 750
millj. kr. í Jórdaníu
Guðmundur J. um skattahækkanirnar:
Leysa Astralíustúlk-
urnar húsmæðurnar
af hólmi í fiskinum?
í S JÓN V ARPSÞÆTTI í gær-
kvöldi bar skattamál mjög á góma
Þorsteinn Pálsson, framkvæmda-
stjóri Vinnuveitendasambands
íslands, lýsti þar þeirri skoðun
sinni, að skattalækkanir væru
eina raunhæfa leiðin til kjara-
bóta eins og efnahagsástandið
væri.
Guðmundur J. Guðmundsson,
formaður Verkamannasambands
íslands, tók undir þetta með því að
segja, „að það hefði verið ákaflega
hyggilegt hjá ríkisstjórninni að
lækka tekjuskattinn og þá á lægri
launin". Hann kvaðst ekki hafa greitt
atkvæði með hækkun tekjuskattsins
enn og lét í ljós ótta yfir þeim
skattahækkunum, sem fyrirsjáan-
legar væru á útivinnandi eiginkonum
svo sem í frystihúsum. Hann kvaðst
„óttast að við þyrftum að flytja inn
4000 Ástralíustúlkur næsta ár.“
ARNARFLUG hefur tekið á leigu
Boeing 707-þotu hjá bandariska
flugfélaginu Western Airlines og
verður flugvélin notuð til leigu-
flugs fyrir The Royal Jordan
Airlines i Jórdaniu á timabilinu
frá júní—september og mögulega
nokkra mánuði í viðbót. íslenzk-
ar áhafnir verða í þessu verkefni,
alls 25 —30 manns.
Tekjur Arnarflugs af þessu
verkefni fyrir rekstrarkostnað
vélarinnar verða tæpar 750 millj-
ónir króna. Boeing 707 320 C tekur
189 farþega.
Jórdanska flugfélagið heitir
öðru nafni Alia eftir elztu dóttur
Husseins Jórdaníukonungs. Aðal-
verkefni leiguflugsins er að flytja
sýrlenzka og Jórdanska kennara
heim í leyfi frá Persaflóa og
Saudi-Arabíu og síðan aftur til
starfa. Einnig verður um að ræða
áætlunarflug fyrir Alia á miðju
tímabilinu.
Verkalýðsfélagið Fram, Sauðárkróki:
Hafa áhyggjur
af seinagangi

707 Boeing 320 C frá Western Airlines.
AÐALFUNDUR Verkamannafé-
lagsins Fram á Sauðárkróki, sem
haldinn var 23. apríl, lýsti í
ályktun, sem samþykkt var,
áhyggjum sínum með seinagang i
samningaviðræðum í yfirstand-
andi kjaradeilu. „ , ,
Bent var á rýrn-
andi lífskjör vegna vaxandi óða-
verðbólgu og aukinnar skatt-
heimtu og hve þetta ástand hefir
ískyggileg áhrif á kjör og af-
komu láglaunaheimila.
Fundurinn telur, að niðurstaða
samninga verði að leiða af sér
verulega bætt kjör láglaunafólks
og tryggingu þeirra kjara Og að til
þess verði að beita tiltækum
ráðum á sviði skattamála og
félagslegra úrræða. Skoraði fund-
urinn á verkalýðshreyfinguna í
heild að standa vörð um þetta
yfirlýsta markmið og jafnframt á
samningsaðila að ljúka gerð nýrra
kjarasamninga svo fljótt sem auð-
ið er.