Morgunblaðið - 14.08.1980, Blaðsíða 2

J2
Heyútflutningur til Noregs:
Rækjuveiðar:
MORGUNBLAÐIÐ, FIMMTUDAGUR 14. ÁGÚST 1980
Fá bændur 80 til 90
krónur fyrir heykíló-
ið komið að skipi?
„ÉG ER bjartsýnn á að við getum
selt hey til Noregs en það er hins
vegar annað mál, hvort menn hér
heima sætta sig við það verð sem er
i boði,“ sagði Gunnlaugur Björns-
son, aðstoðarframkvæmdastjóri
Búvörudeildar Sambandsins i sam-
tali við Mbl. í gær en hann dvaldi i
Noregi i síðustu viku til að kanna
möjíuleika á heysölu þansað.
GunnlauKur sagði, að enn væri
ekki búið að ganga frá neinum
samninKum um heysölu en hins
ve^ar væri nú í athusun að senda
500 tonn af heyi tii Norður-Noregs
í endaðan september.
Sagði Gunnlaugur, að hugsan-
legur kaupandi að heyinu í Norður-
Noregi hefði boðið 1.40 norskar
krónur fyrir kílóið af heyinu, komnu
til Noregs, en þó með ákveðnum
skilyrðum. „Við gætum því hugsan-
lega fengið milli 130 og 140 krónur
íslenskar fyrir kílóið komið út en þá
er flutningskostnaðurinn eftir. Mér
þætti ekki ólíklegt að unnt yrði að
greiða 80 til 90 krónur fyrir heykíló-
ið komið að skipi hér heima. Frá
þessu dregst svo kostnaður við að
flytja heyið frá bóndanum til skips.
Þetta eru þó allt tölur, sem ég nefni
sem dæmi, því enn hefur ekki verið
samið um neitt verð úti eða flutn-
ingana," sagði Gunnlaugur.
Gunnlaugur sagði, að mikið fram-
boð virtist vera á heyi nú en
ógerlegt væri að segja til um á þessu
stigi hversu mikið magn bændur
kynnu að vilja selja til útlanda.
Hugsanlega gæti þarna verið um
2000 til 3000 tonn að ræða, en
takmarkanir á heyútflutningi vegna
garnaveiki og riðu á einstökum
svæðum kynnu þó að lækka þessa
tölu eitthvað.
„Samkeppnin á heymarkaðnum í
Noregi er hörð og þeir eru kröfu-
harðir um gæði heysins. Við getum
nefnt að bændur í ákveðnum héruð-
um í Svíþjóð heyja hreinlega fyrir
norska bændur og hafa selt þeim
hey í nokkur ár. Það er líka annað
að flytja hey frá íslandi eða flytja
það með járnbraut yfir landamærin
frá Svíþjóð fyrir 20 til 25 norska
aura,“ sagði Gunnlaugur.
ASÍ leitar
kjötbirgðanna
Hólmatindur til
Frakklands eftir
sölu í Fleetwood
HÓLMATINDUR frá Eskifirði
landaði afla af íslandsmiðum í
síðasta skipti í Fleetwood í gær.
Fyrir 87,6 tonn fékkst 48,1 millj-
ón króna, meðalverð 549 krónur
á kíló. Hólmatindur var einn af
fyrstu skuttogurunum, sem
komu til landsins og var keyptur
frá Frakklandi 1970, en skipið
var smíðað 1967. Frá Bretlandi
heldur skipið til Frakklands, þar
sem það gengur upp í kaup
Hraðfrystihúss Eskifjarðar á
nýrra skipi.
I gær landaði Dagstjarnan í
Grimsby og fengust 69,5 milljón-
ir króna fyrir 118 tonn, meðal-
verð 589 krónur. Þá var landað
hluta af afla Sigureyjar eða 70
tonnum og fengust 542 krónur að
meðaltali fyrir hvert kíló.
4 millj. kr. í
hásetahlut
DJÚPRÆKJUVEIÐAR hafa
gengið ntjög vel í sumar og
mun betur heldur en t.d. í
fyrra. í Vestfirðingafjórð-
ungi komu á land í síðasta
mánuði 772 lestir af 28 bát-
um, en í sama mánuði i fyrra
fengu 15 bátar 223 lestir. Er
greinilegt að sjómenn eru
stöðugt að ná betri tökum á
þessum veiðum. Djúprækju-
veiðarnar tryggja atvinnu-
öryggi á smærri stöðunum og
rækjuvinnsla gæti með þess-
um veiðum orðið samfelld
allan ársins hring.
Skarðsvíkin Hellissandi
kom með mestan rækjuafla á
land, en hún landaði 59,7
tonnum á Bíldudal. Flest
rækjuskipanna eru þó miklu
minni en Skarðsvíkin og má
nefna báta eins og Val og
Sigrúnu frá Súðavík, sem
komu með 40 og 32 lestir af
rækju að landi í mánuðinum.
Eru þessir bátar aðeins um 30
tonn að stærð. Láta mun
nærri að hásetahlutur á Val
hafi verið um 4 milljónir
króna í mánuðinum.
- neitar að taka niðurgreiðslur
í vísitölu. ef ekkert finnst
MIÐSTJÓRN Alþýðusambands
íslands fól í gær Asmundi Stef-
ánssyni, framkvæmdastjóra ASÍ
og fulltrúa þess i kaupgjalds-
nefnd, að kanna, hvort kjöt það
og kartöflur, sem nýsamþykktar
niðurgreiðslur eiga að ná til, er
raunverulega til eða ekki, en
fyrirfinnist þessar vörtutegundir
ekki mun ASÍ neita að taka
niðurgreiðslurnar inn i vísitöl-
una.
Guðmundur J. Guðmundsson,
formaður Verkamannasambands
ísiands, sagði í samtali við Mbl. á
mánudag: „Ef varan er ekki til,
sem verið er að greiða niður, þá er
þetta hreint plat. Ef það kemur í
ljós að undangenginni rannsókn
að þetta kjöt finnist ekki, þá er
ekki hægt að taka niðurgreiðslu
vísitölunnar gilda.“
Axel Óskar Ólafsson látinn
AXEL óskar Ólafsson. lögfræð-
ingur og innheimtustjóri Ríkis-
útvarpsins. er látinn, 63ja ára að
aldri, en hann var fæddur 21.
janúar 1917 á Brekku i Fljótsdal.
Axel lauk lögfræðiprófi frá Há-
skóla Islands 1947 og stundaði
lögfræðistörf í Vestmannaeyjum
fram til ársins 1951. Hann starf-
aði á skrifstofu Tollstjórans í
Reykjavík 1953—1963 og síðan
fulltrúi Borgarfógetans í Reykja-
vík 1963—1966, er hann tók við
starfi innheimtustjóra Ríkisút-
varpsins.
Axel var giftur Þorbjörgu And-
résdóttur og áttu þau þrjú börn,
Ólaf Óskar, Ingibjörgu og Önnu.
Axel Óskar ólafsson
Gengisfelling á næsta leiti?
Fiskveiðasjóður veitir
um 650 milljónir króna
í formi hagræðingarlána
STJÓRN Fiskyeiðasjóðs hefur
nýverið tekið ákvörðun um veit-
ingu hagræðingarlána til tíu
frystihúsa víða um land, en um
miðjan síðasta mánuð tilkynnti
sjávarútvegsráðherra Fiskveiða-
sjóði, að úr gengismunarsjóði
væru til ráðstöfunar riflega 400
milljónir króna til hagræðingar-
deildar sjóðsins, að sögn Daviðs
ólafssonar, formanns sjóðstjórn-
ar.
„Jafnframt beindi hann þeim til-
mælum til sjóðsins, að hluti af
þessu fé, yrði veittur sem hagræð-
ingarlán til þriggja húsa, þ.e.
Hraðfrystihúss Patreksfjarðar,
Búlandstinds á Djúpavogi og
Þormóðs ramma á Siglufirði.
Sjóðsstjórnin ákvað að taka sér
frest til að athuga þessi mál og sl.
þriðjudag var tekin ákvörðun í
því. Reyndar var nokkrum fisk-
vinnslufyrirtækjum bætt við. Það
má því segja, að lánveitingunum
hafi verið skipt í tvennt, annars
vegar stærri lán til fyrrnefndra
þriggja fyrirtækja og ísbjarnarins
í Reykjavík. Hraðfrystihús Pat-
reksfjarðar fær um 150 milljónir
króna og hin þrjú um 100 milljónir
króna, en þetta eru allt frystihús,
sem hafa verið byggð ný frá
grunni og er annað hvort rétt
ólokið, eða nýlokið við.
Þá voru samþykkt smærri lán
til sex fyrirtækja að upphæð
tæplega 200 milljónir króna og er
hugmyndin að fjármagna þau með
fjármagni, sem kemur inn vegna
innheimtufjár, sem hefur verið
lánað. Við eigum von á að fá
200—250 milljónir króna inn á
þessu ári og ætlum sem sagt að
veita hluta af því fé til þessara sex
fyrirtækja, sem eru í Vestmanna-
eyjum, Grindavík og Stokkseyri,"
sagði Davíð Ólafsson ennfremur.
Davíð sagði og aðspurður, að
það væri ekkert nýtt, þótt sjávar-
útvegsráðherra kæmi með tillögur
um hagræðingarlán til fyrirtækja,
eins og haldið hefur verið fram í
fjölmiðlum. — „Fyrirrennarar
hans í embætti hafa allir gert það
sama, enda er þetta fjármagn
komið til í gegnum ráðstafanir
ríkisstjórnarinnar," sagði Davíð
að síðustu.
Hafþór í lag
Ahrif
inni í
TILLÖGUR efnahagsmálanefndar
verða lagðar fyrir ríkisstjórnar-
fund i dag. Þar mun vera um að
ræða tillögur um heilsteyptar að-
gerðir, sem snerta marga þætti
efnahagslifsins. þ.e.a.s. peninga-
mál, fjármál ríkisins og aðgerðir.
sem tryggja eiga samræmda hag-
stjórn.
Svigrúm til gengissigs er nú
orðið mjög lítið og reikna menn
almennt með töluverðri gengis-
lækkun, en í kjölfar hennar fylgi
stöðugleiki gengisskráningar um
hennar ekki
vísitölunni
nokkurn tíma. Til að draga úr
víxlverkunum kaupgjalds og verð-
lags mun verða gripið til sérstakra
ráðstafana til að áhrif hugsanlegr-
ar gengisfellingar komi ekki fram í
verðbótavísitölu og hafi þar af
leiðandi ekki áhrif til kauphækk-
ana.
Stefnt er að því að meðalhækkun
verðlags verði ekki meiri en 9% á
tímabilinu ágúst—nóvember og
hefur verið rætt um að verðhækk-
anir sem valda muni meiri hækkun
verði látnar bíða seinni tíma.
Það mun vera álit margra stjórn-
arliða, að útlán bankakerfisins hafi
farið úr böndum og má gera ráð
fyrir að til að draga úr því verði
bindiskylda Seðlabanka hækkuð,
en hún er nu 28% og mun ýmsum
þykja nóg, eða þá að Seðlabankinn
grípi til þess að neita um yfirdrátt-
arheimildir. Rætt hefur verið um
að vextir afurðalána verði lækkaðir
og heyrst hefur að afurðalán iðnað-
arins verði hækkuð. Samkvæmt
lögum áttu almennir vextir að
hækka nú 1. sept. en útlit er fyrir
að þeirri hækkun verði frestað.
Hafrannsóknaskipið
Hafþór kom inn til
Reykjavíkur í gærkvöldi
úr tveggja daga reynslu-
för og reyndist allt vera í
bezta lagi um borð.
Sem kunnugt er hefur
orðið mikill dráttur á því
að skipið kæmist til rann-
sóknarstarfa vegna sí-
felldra bilana í spili þess.
Tókst ekki að ráða þar bót
á þrátt fyrir ítrekaðar við-
gerðir allt þar til nú. Er
kostnaðurinn vegna skips-
ins orðinn geysilegur.
Skipið mun væntanlega
halda til kolmunnarann-
sókna einhvern næstu
daga.
Miðfjarðará:
276 laxar á
tveimur dögum
Staðarbakka. Miðfirði. 13. áapist.
ALLS hafa borizt á land 276 laxar
í Miðfjarðará á síðustu tveimur
dögum á tíu stengur. Ekki er
leyfilegt að taka fleiri en 15 laxa á
stöng á dag, þannig að nokkrir
þurftu að hætta veiðum áður en
dagur var á enda.
Frá því að vertíðin hófst hér 11.
júní sl. hafa alls borizt á land 1356
laxar, sem er yfir meðallagi.
— Benedikt.