Morgunblaðið - 24.05.1981, Blaðsíða 27

MORGUNBLAÐIÐ, SUNNUDAGUR 24. MAÍ1981
27
Árni Sighvatsson, Sigurður Bragason, Viðar Gunnarsson og Elísabet
Waage — á myndina vantar Signýju Sæmundsdóttur. Mynd Emiiia.
5 söngnemendur
halda tónleika
Mánudagskvöldið 25. og
þriðjudagskvöldið 26. mai nk.
halda 5 söngnemendur sina VIII
stigs tónleika i Söngskóianum i
Reykjavik.
Að þessu sinni þreyttu 5 nem-
endur VIII stigs söngpróf og
stóðust allir prófið. Þeir eru:
Árni Sighvatsson — baritone,
Elísabet Waage — mezzo-sopran,
Signý Sæmundsdóttir — sopran,
Sigurður Bragason — tenor og
Viðar Gunnarsson — bassi.
Þessir tónleikar eru ekki út-
skriftartónleikar frá skólanum
heldur er hér um að ræða lið í VIII
stigs prófi, sem er lokapróf úr
almennri deild, og um leið inn-
tökupróf í einsöngs- og kennara-
deild.
Prófdómari að þessu sinni var
Mr. Reymond Thorpe frá Kon-
unglegu tónlistarháskólunum í
Bretlandi.
Á tónleikunum mánudagskvöld-
ið 25. maí syngja Árni Sighvats-
son og Elísabet Waage, við undir-
leik Láru Rafnsdóttur og Debru
Gold.
Á tónleikunum þriðjudags-
kvöldið 26. maí syngja Sigurður
Bragason, Signý Sæmundsdóttir
og Viðar Gunnarsson, við undir-
leik Debru Gold, Guðrúnar A.
Kristinsdóttur og Katrínar Sig-
urðardóttur.
Báðir tónleikarnir hefjast kl.
20.30 og eru í tónleikasal Söng-
skólans, að Hverfisgötu 44.
Fyrirlestur um
eldsneyti§fram-
leiðslu á Islandi
MÁNUDAGINN 25. mai kl. 17.15
mun dr. James H. Kelley frá
Tækniháskólanum i Kaliforniu
flytja fyrirlestur á vegum Verk-
fræði- og raunvisindadeildar Ilá-
skóia Islands um hugsanlega
framleiðslu eldsneytis á íslandi úr
innlendri orku og innlendu hrá-
efni. Fyrirlesturinn verður flutt-
ur á ensku og nefnist: „Mcthanol
from peat and hydro-power as an
energy independence approach
for Iceland". Fyrirlesturinn er
öllum opinn og verður haldinn i
húsi Verkfræði- og raunvisind-
adeildar (VR II) stofu 158.
Dr. Kelley er starfsmaður Jet
Propulsion Laboratory, sem er
hluti af Tækniháskólanum í Kali-
forníu. Hann er jafnframt
forstöðumaður fyrir deild, sem
fæst við rannsóknir á framleiðslu
vetnis og notkun þess í aflvélum,
annað hvort á þann hátt að brenna
því beint eða breyta því fyrst í
fljótandi eldsneyti, t.d. methanol.
í Kaliforníu er nú lögð á það
mikil áhersla að rannsaka fram-
leiðslu og notkun tilbúins eldsneyt-
is, er komið gæti í stað núverandi
bensíns og olíu. Af líklegum elds-
neytistegundum er methanol fram-
leitt úr vetni og kolefni (kolum eða
mó) talið einna álitlegast. Þar sem
methanol er ein þeirra eldsneytis-
tegunda, sem til greina kemur að
framleiða og nota á íslandi, er ekki
ólíklegt að þarna sé um að ræða
rannsóknarsvið áhugavert fyrir
bæði ísland og Kaliforníu. Erindi
dr. Kelleys til íslands er meðal
annars að kanna áhuga á slíkri
rannsóknarsamvinnu landanna.
(Frétt frá Háskóla íslands,
Verkfræði- og raunvís-
indadeild.)
Teikning vöðva og
beina mannsins
Sigurður Eyþórsson
SIGURÐUR Eyþórsson listmál-
ari heldur þriðja námskeiðið í
einkaskóla sinum fyrir byrjend-
ur og áhugamenn sem eru lengra
komnir, en fyrri námskeiðin í vor
voru fjölsótt.
Á þriðja námskeiðinu verður
lögð sérstök áherzla á teikningu
vöðva mannslíkamans og beina-
byggingu. Skóli Sigurðar er til
húsa að Borgartúni 19 og geta þeir
sem vilja komið til viðtals með
verk sín síðdegis til kl. 9 á
mánudag og þriðjudag, 25. og 26.
maí, en námskeiðið hefst föstu-
dagin 29. mai og stendur til 11.
júlí.
Mér hefur borist lyfseðill frá Árna frá Múla, er
hann sendi Kristni Jónssyni í Reykjavíkur-Apóteki.
Það var á bannárunum. Lyfseðillinn var svona:
Þungan geng ég þrautastig
þorstinn brennir kokið.
Svo er ekki meir um mig,
mér er öllum lokið.
En þarflegt væri það ég finn
þó að önd mín visni
að hella í mig i hinsta sinn
hundaskammt frá Kristni.
Um svipað leyti sendi Þórarinn Sveinsson á
Kílakoti í Kelduhverfi svohljóðandi bréf til héraðs-
læknisins á Kópaskeri:
Mér vill ama meinlegt bann,
munnur þráir stútinn.
vertu svoddan sjentilmann
að senda mér á kútinn.
Heimskan mér í huga býr,
hálfvelgjan og sútin,
en þetta hyski þaðan flýr,
þegar ég fæ á kútinn.
Lotinn geng ég út og inn
með augu rauð og þrútin,
en unaðslíf ég aftur finn,
ef ég fæ á kútinn.
Hamingjan, sem hef ég treyst,
hrapaði í grútinn,
en hún verður endurreist,
ef ég fæ á kútinn.
Jón Friðriksson frá Hömrum í Reykjadal orti
áttræður:
Ég er að bíða, bíða eftir þér,
bölvaður karlinn með stóra, skörðótta ljáinn.
en það skaltu vita og það skal sannast á mér
að þú þarft að brýna á elstu og seigustu stráin.
Fyrir nokkru kom nýr og glæsilegur togari til
Húsavíkur, Kolbeinsey, og var þá mikið um dýrðir.
Þegar bæjarstjóri hvatti menn til þess að taka til
máls, helst í bundnu máli, flutti ég togaranum þessa
kveðju:
Alla dreymir fagurt fley,
föng úr sjó að draga.
— Að komin sé hún Kolbeinsey
er kynleg fiskisaga.
I vísnasafni Péturs Guðmundssonar er þessi vísa,
eignuð Friðrik Þeydal, og sögð ort eftir Kristján
Jónsson í Úlfsbæ:
Aldurhniginn féll á fold
— felldu margan örlög köld —,
sjaldan hef ég svartri mold
seldan vitað betri höld.
Eiríkur Eiríksson frá Dagverðargerði segir mér
aftur á móti að vísan sé í sínu minni eftir Karl
Jónasson, sem lengi var spítalaráðsmaður á Seyðis-
firði.
Mér bárust fyrir skömmu nafnlausar stökur, sem
bera yfirskriftina „Oft er í holti heyrandi nær“:
Skáldið hefur við og við
vægt á dyrnar barið.
En nú ég held að helvítið
hérumbil sé farið.
P.s.
Vandi er að velja úr
virkjunum í bili.
Ein í moll og önnur dúr
og ansi reimt á Kili.
Þetta er svona hógvært spé út af vandræðaskapn-
um kringum virkjanirnar, þar sem engir nema
innvígðir geta áttað sig á hvað sé rétt og hvað rangt.
Upplýsingarnar sem lagðar eru á borð fyrir menn
eru sem sé ekki til upplýsingar heldur til þess að
villa fyrir þeim.
Til áréttingar er rétt að rifja upp limru Jóhanns
Hannessonar:
Að í lýrík sé mikið um mjúkyrði
og mikið í satírum fúkyrði
er víst til að hrósa,
en í vönduðum prósa
það virðist mér hvorugt sé brúkyrði.
í fyrri iðnaðarráðherratíð Hjörleifs Guttormsson-
ar lét hann verða sitt síðasta embættisverk að
fyrirskipa Bessastaðaárvirkjun, og síðan var það
fyrsta embættisverk Braga Sigurjónssonar að aft-
urkalla þá ákvörðun. Þessi virkjun hefur verið
kölluð gælunafninu Bessí. Móri kvað:
Þar sem Hallormur helgaði staðinn
er Hjörleifur nýuppstaðinn.
Til Bessíar fer
með sitt virkjunarver.
Sökum vatnsleysis bættur er skaðinn.
Þegar mest var um leyniplagg ríkisstjórnarinnar
skrifað var varpað fram í vísnaleik þessum fyrri-
hluta:
Þó leyniplagg þeir létu gera
er lítils virði trygging slík.
Sigurður Pétursson botnaði:
Laumukommar látast vera
lausn á okkar pólitík.
Það halda áfram að berast botnar við fyrrihlut-
ann:
Einatt hefur lítil limra
lífgað upp á kveðskapinn.
Andrés Kristjánsson botnar:
Og úr smiðju orða fimra
opnað í þrívídd sjónhringinn.
Eða:
En verði úr henni illvíg flimra
afvopnar hún höfund sinn.
Eða:
Á Akureyri er nú dimmra,
ekkert sólfar, Dóri minn.
Eða:
í Hólmi út fer Árna að svimra
ef hann lítur í Moggann sinn.
Jón F. Hjartar botnar:
Þú mátt áfram að því imra
elsku besti Halldór minn.
Og Jón heldur áfram:
Mér líkar stakan stórum betur
straumurinn þaðan ei liggja má.
Hún endist mönnum alla vetur
ef þeir vilja kveðast á.
í framhjáhlaupi lætur Jón F. Hjartar þess getið
að vitaskuld hafi hann gaman af limrum og lesi þær
sér til stórrar ánægju.
I síðasta Vísnaleik var varpað fram þessum
fyrrihluta Margrétar Ólafsdóttur:
Kannast þær við karlagrobbið
konurnar.
Margrét lét fylgja að þetta væri dverghenda. Og
hér kemur svo hringhenda, einnig eftir hana:
Saman hrannast skúraský
skapi manna breyta.
Ekki verður meira kveðið að sinni.
Halldór Blöndal
Limran
Tam.: listamannsnafn
Jóns söngkonu.
Tilamundu
„Ég syng,“ maelti söngmeyjan Tam
„hvert sumar á eyjunni Guam.
Mig elska þeir þarna
og óðfúsir barna
sem hverannan á kappleik í Pram.“
K.K.
VANTAR ÞIG VINNU
VANTAR ÞIG FÓLK

Þl' AK.I.YSIR IM ALLT
LAND t>E(. \R W ALG-
LYSIR I MORGl NRLADINl