Morgunblaðið - 27.11.1981, Blaðsíða 15

HVAÐ ER AÐ GERAST UM HELGINA?
Ljósmyndasýning
í Pizzahiisinu
Laugardaginn 21.11 opnaði Loftur Atli
sýningu á ljósmyndum í Pizzahúsinu
Grensásvegi 7. Myndirnar eru unnar í lit,
svart-hvítu og með blandaðri tækni. Þetta
er fyrsta einkasýning Lofts Atla og er hún
opin frá 11—23.30 daglega fram til 15. des.
Myndirnar eru allar til sölu og er aðgang-
ur að sýningunni ókeypis.
Djassað í Djúpinu
Djassað verður í Djúpinu laugardags-
kvöld kl. 21.00 til miðnættis og í Stúdenta-
kjallaranum á sama tíma á sunnudegin-
um. Það eru Viðar Alfreðsson, Jón Páll
Bjarnason og félagar sem spila. I næstu
viku verða þeir einnig í Djúpinu á fimmtu-
daginn og laugardaginn en á sunnudaginn
aftur í Stúdentakjallaranum.
Body-Building í
Háskólabíói:
Islenskir karlar
og konursgna
Meimsmeistari atvinnumanna í vaxtarrækt
1980, Andreas Cahling.
Mr. International í vaxtarrækt (Body-
Building) 1980, Andreas Cahling mun ræða
og sýna vaxtarrækt í Háskólabíói nú á sunnu-
daginn, klukkan 13.30. Vaxtarrækt á vaxandi
fylgi að fagna hér á landi sem víðar á Vestur
löndum, þar sem áhugi á heilbrigðu líferni og
líkamsrækt fer vaxandi.
Auk Cahlings, sem er sænskur að upp-
runa, munu 15 íslenskir áhugamenn um
vaxtarrækt, bæði karlar og konur, sýna.
Er það í fyrsta skipti sem slíkt gerist hér-
lendis, en víða um lönd njóta slíkar sýn-
ingar mikilla vinsælda, ekki síst þar sem
konur sýna.
Það eru Landssamtök vaxtarrækta-
klúbba á Islandi, sem gangast fyrir sýn-
ingunni í Háskólabíói og komu heims-
meistarans hingað til lands.
Forsala aðgöngumiða er í þrem líkams-
ræktarstöðvum: Apolló, Brautarholti 4,
Orkubót, Brautarholti 22 og Orkubót,
Grensásvegi 7.
MORGUNBLAÐIÐ, FÖSTUDAGUR 27. NÓVEMBER 1981
47
„Knippafrœði
og frjáls viljiu
Sunnudaginn 29. nóvember mun Reynir
Axelsson, stærðfræðingur, flytja fyrirlest-
ur á vegum Félags áhugamanna um heim-
speki, er hann nefnir „Knippafræði og
frjáls vilji". Verður hann fluttur að Lög-
bergi stofu 101, kl. 2.30. Er þetta fyrsti
fundur félagsins á þessu starfsári.
Öllum er heimill aðgangur.
Útlaginn í
Keflavík
Islenska stórmyndin Utlaginn er nú
sýnd í Nýja bíói í Keflavík um helgina á
öllum sýningum, en einnig er hún sýnd í
Austurbæjarbíói í Reykjavík.
Leikfélag Reykjavíkur:
Fáar sýningar
eftir á Rommí
Nú eru fáar sýningar eftir á bandaríska
leikritinu Rommí, sem Leikfélag Reykja-
víkur hefur nú sýnt hátt á annað ár. Það
eru Gísli Halldórsson og Sigríður Hagalfn
sem fara með hlutverkin í leiknum. Jón
Sigurbjörnsson er leikstjóri, en leikmynd
gerði Jón Þórisson. Á föstudagskvöld er
Rommí sýnt í 114. sinn.
Á laugardagskvöld er uppselt á hið nýja
leikrit Kjartans Ragnarssonar Jói, sýnt í
28. sinn. Með helstu hlutverk í Jóa fara þau
Jóhann Sigurðarson, Sigurður Karlsson og
Hanna María Karlsdóttir. Leikmyndina
gerði Steinþór Sigurðsson og Kjartan Ragn-
arsson leikstýrir.
Á laugardagskvöld kl. 23.30 verður mið-
nætursýning í Austurbæjarbíói á revíunni
Skornir skammtar eftir þá Jón Hjartarson
og Þórarin Eldjárn. Miðasala er í bíóinu,
og hefst hún kl. 16 á daginn.
Á sunnudagskvöld verður 10. sýning á
leikritinu llndir álminum eftir Eugene
O’Neill. Með helstu hlutverk leiksins fara
þau Ragnheiður Steindórsdóttir, Gísli Hall-
dórsson og Karl Ágúst Ulfsson. Leikstjóri er
Hallmar Sigurðsson en leikmynd og bún-
ingar eru eftir Steinþór Sigurðsson. Sýning-
in á sunnudagskvöld er síðasta sýning
fyrir fasta áskriftargesti leikhússins og
jafnframt næst síðasta sýning fyrir jól.
Fjölskyldusam-
koma KFUM og K
Fyrsta sunnudag í aðventu kl. 16.30
verður haldin fjölskyldusamkoma í félags-
húsi KFUM og K við Amtmannsstíg 2b í
Reykjavík. Þar verður ýmislegt á dagskrá
m.a. mikill söngur, kveikt á fyrsta
aðventukertinu, fluttur leikur tengdur
ræðuefninu o.fl.
Frá klukkan 15.30 verður kaffi, gos og
gott á boðstólum fyrir þá sem það vilja, en
á meðan fær smáfólkið tækifæri til að
horfa á „skrípó“-myndir á kvikmynda-
tjaldinu.
Allir ungir sem aldnir eru velkomnir á
samkomuna. Ath. engin samkoma verður
um kvöldið.
Gönguferðir Útivistar:
Farið um Álfsnes
og Esjuhlíðar
Á sunnudaginn kl. 13.00 fer Útivist í
gönguferð um Álfsnes og Esjuhlíðar. Geta
menn valið um i hvora gönguna þeir fara.
Þeir sem vilja ennþá meiri göngu eiga kost
á að ganga alla leið upp á Esju. Þó að gott
skjól sé af Esjunni fyrir norðanáttinni, er
fólki bent á að búa sig vel og taka með sér
nesti.
I Álfsnesgöngunni verða skoðaðar hinar
sérkennilegu, friðuðu klettamyndir við
strönd Kollafjarðar. Lagt er af stað frá
Umferðarmiðstöðinni að vestanverðu og er
mæting við bíl.
Komið er til baka um kvöldmatarleytið.
Kvikmyndir lista-
manna í Nýlista-
safninu
Kvikmyndasýningar sem staðið hafa
yfir í rúma viku í Nýlistasafninu enda
laugardaginn 29. nóvember með sýning-
arprógrammi sem samanstendur af úrvali
kvikmynda er gefa yfirlit yfir fjölbreytta
notkun listamanna á þessum miðli.
Hér er um að ræða fjölbreytta samsetn-
ingu: Tilraunakvikmyndir, dokúmentarí-
myndir, auk annars konar persónulegrar
túlkunar listamanna í formi „lifandi
myndar". Er hér í fyrsta sinn sett saman
sem heild þróun myndlistar síðustu 25 ára,
þar sem íslenskir listamenn hafa unnið
með kvikmyndina samhliða fjölbreyttri
efnisgerð nútímalistar. Christine Koenigs
skýrir notkun kvikmyndar í myndlist,
jafnframt sem reynt verður að meta stöðu
kvikmyndar í íslenskri samtímalist.
Sýningar hefjast kl. 14.00
Tónl istarskól inn
á Seltjarnarnesi:
Kennararnir
með tónleika
Tónleikar verða haldnir í Tónlistarskól-
anum á Seltjarnarnesi, sunnudaginn 29.
nóvember kl. 14.30, en skólinn er til staðar
í nýju heilsugæslustöðinni við Melabraut.
Flytjendur eru allir kennarar skólans, þau:
Elísabet Waage, Halldór Víkingsson,
Kristján Þ. Bjarnason, Sigríður H. Þor-
steinsdóttir, Inga Huld Markan og Hjálm-
ur Sighvatsson. Miðasala er við inngang-
inn. Fjölbreytileg efnisskrá.
Samkór Selfoss
með haust-
tónleika
Samkór Selfoss verður með hausttón-
leika sína sunnudaginn 29. nóvember kl.
16.00 í Selfossbíói. Þá verður kórinn í Ár-
nesi seinna á sunnudeginum eða kl. 21.30.
Einnig verður samkórinn í Þjórsárveri á
mánudaginn 30. nóvember. Söngstjóri er
Björgvin Þór Valdimarsson.
Aðstandendur
drykkjusjúkra með
kynningarfund
AI-Anon, aðstandendur drykkjusjúkra,
heldur opinn kynningarfund laugardaginn
28. nóvember kl. 16.00 í Langholtskirkju.
Það eru allir velkomnir.
Ungmennafélag
Hrunamanna sýnir:
„Betur má
ef duga skalu
Að undanfómu hefur Ungmennafélag
Hrunamanna æft gamanleikinn Betur má ef
duga skal, eftir enska gamanleikarann og
leikritahöfundinn Peter Ustinov í þýðingu
/Evars R. Kvarans.
Leikstjóri er Jón Sígurbjörnsson og er
þetta 6. leikritið sem hann setur upp með
þeim Hrunamönnum. 14 manns taka þátt í
sýningunni.
Frumsýnt verður að Flúðum, föstudag-
inn 27. nóvember kl. 21.
Leikritið gerist í Bretlandi árið 1967
þegar hippaæðið gengur yfir England.
Leikritið fjallar um hershöfðingja sem
kemur heim eftir 4 ára fjarveru. Margt
hefur breyst á þeim tíma. Börn hans hafa
tekið upp breytta lifnaðarhætti og sagt
skilið við gamlar hefðir. Ýmsir óvæntir
atburðir gerast og ekki er allt sem sýnist.
Næstu sýningar á leikritinu verða 29.
nóv. í Borg, Grímsnesi, 6. des. í Þjórsárveri
og 11. des. Aratungu.
„Fimm daga
áœtlun(í
Fyrir þá sem eru að hugsa um að hætta
að reykja verður námskeið sem ber heitið
„Fimm daga áætlun" í stofu 101, Lögbergi
í Háskólanum. Hefst það á sunnudags-
kvöld kl. 20.00. Islenska bindindisfélagið
og Reykingavarnanefnd standa að nám-
skeiði þessu.
Orgeltónleikar
í Þjóðkirkjunni
í Hafnarfirði
Antonio Corveiras heldur orgeltónleika í
Þjóðkirkjunni í Hafnarfirði, sunnudaginn
29. nóvember og hefjast þeir kl. 17.00.
Einnig eru þeir á sama tíma viku seinna.
Fjölbreytt efnisskrá.
Þjóðleikhúsið:
, Sýningum á
„Ástarsaga aldar-
innar(( að Ijúka
Á föstudagskvöldið verður sýnt leikritið
„Dans á rósum" eftir Steinunni Jóhannes-
dóttur og verður það kl. 20.00. Á laugar
dagskvöld verður sýnt leikritið „Hótel Para-
dís“ eftir þann franska Freydeu og er það ein
af síðustu sýningunum. Á sunnudagskvöld
verður svo aftur sýning á „Dans á rósum“ á
sama tíma.
Á litla sviðinu verður á sunnudagskvöld-
ið sýnt leikritið „Ástarsaga aldarinnar",
kl. 20.30, en það er næst síðasta sýning.
Minna má á að í Þjóðleikhúskjallaranum
eru nú í gangi á föstudögum og laugardög-
um skemmtiatriði eða kabarett fyrir mat-
argesti.