Morgunblaðið - 19.01.1982, Blaðsíða 3

MORGUNBLAÐIÐ, ÞRIÐJUDAGUR 19. JANÚAR 1982
3
T oy ota-varahlutaumboðið,
Ármúla 23, sími 81733.
Kjarakaup á kostagrip Kjarakaup á kostagrip
TOYOTA 5500 SAUMAVÉLIN
Sr. Harald Hopc
Sr. Harald
Hope látinn
LÁTINN er í Noregi íslandsvinur
inn sr. Harald Hope. Var hann 68
ára að aldri, en Hope hefur um lang-
an aldur látið ýmis íslensk málefni
til sín taka.
Sr. Harald Hope þjónaði sem
sóknarprestur í Noregi. Hóf hann
störf á stríðsárunum og þjónaði
síðast í Finnaas, en hafði látið af
því embætti. Árið 1949 kom hann
fyrst til íslands og var þá í hópi
norskra skógræktarmanna, en
hann lét skógrækt mjög til sín
taka. En sérstakan áhuga hafði
hann þó á kirkjumálum Islands og
um 1950 þegar ákveðin var endur-
reisn Skálholtsstaðar stóð hann
fyrir fjársöfnun í heimalandi sínu,
fyrst til kirkjubyggingarinnar og
síðar til skólans. Einnig hefur
hann staðið fyrir fjársöfnun vegna
Hallgrímskirkju. Enn má nefna að
sr. Harald Hope þýddi Passíu-
sálma Hallgríms Péturssonar á
norsku og komu þeir út fyrir 3
árum.
Hrauneyjafossvirkjun:
er frábært verkfæri
Toyota 5500 með saumaarmi er fullkomin þægileg
vél, sem leikur í höndunum á þér. Sjálfvirkur teygju-
saumur, fjölsporasaumur, kappmellusaumur, blind-
földun og hnappagatasaumur, zig-zag allt að 7 mm.
Við eigum nokkrar vélar á sérstöku verði aðeins
3.445 krónur með tveggja ára ábyrgð og sauma-
námskeið innifalið í verðinu.
Hja orIv'ÚT ?r viðurkennd viðgerðar- og varahluta-
þjónusta.
Kynnid ykkur Toyota-saumavélafjölskylduna áöur
en þið verzlið annars staðar. Hjá okkur er fjölbreytt
úrval við allra hæfi.
Seinni vélin gang-
sett á fimmtudaginn
Slæm vatnsstaða
á hálendinu
„VIÐ gerum ráð fyrir því, að önn-
ur vél Hrauneyjafossvirkjunar
verði tekin í rekstur nk. fimmtu-
dag, eða fljótlega upp úr því, sem
er nokkuð á undan áætlun, sem
gerði ráð fyrir gangsetningu 1.
febrúar nk.,“ sagði Halldór Jóna-
tansson, aðstoðarframkvæmda-
stjóri Landsvirkjunar, í samtali
við Mbl.
Með tilkomu annarrar vélar-
innar eykst afl virkjunarinnar
úr 70 megawöttum í 140 mega-
wött. Síðan gera áætlanir ráð
fyrir, að þriðja vélin komist í
gagnið fyrir lok þessa árs.
— Það er ekki hægt að neita
því, að vatnsstaðan á hálendinu
er frekar slæm um þessar
mundir, reyndar mun verri en
við höfðum reiknað með í okkar
áætlunum í haust, enda hefur
veðrið verið óhagstæðara en
svartsýnustu spár gerðu ráð
fyrir. Eg get hins vegar ekki
sagt til um stöðuna nákvæm-
lega, þar sem verið er að skoða
þessi mál einmitt nú.
Þrátt fyrir þetta slæma
ástand hefur ekki orðið nein
breyting á orkuafhendingu til
viðskiptavina Landsvirkjunar
og ekki hægt að segja til um það
hvort þar verður breyting á fyrr
en athugun okkar er lokið, sagði
Halldór Jónatansson aðstoðar-
framkvæmdastjóri Landsvirkj-
unar að síðustu.
Ljósm. Kmilía
Um 50 þátttakendur sitja ráðstefnuna um laxastofna í NorðurAtlantshafi, sem standa mun þessa viku.
Ráðstefna um laxastofna í NorðurAtlantshafi:
Vilja samræma rann-
sóknir og verndun
ALÞJÓÐLEG ráðstefna um vernd-
un laxastofna á NordurAtlantshafi
stendur nú yfir í Reykjavík og að
sögn Tómasar Karlssonar, deildar
stjóra í utanríkisráðuneytinu, er
stefnt að því með henni að sam-
ræma rannsóknir og í framhaldi af
þeim aðgerðir til verndunar laxa-
stofninum í NorðurAtlantshafi.
Ráðstefnu þessa sækja full-
trúar frá Bandaríkjunum, Efna-
hagsbandalagi Evrópu, Dan-
Karl með biðskák við Saeed
KARL Þorsteins á nú biðskák
við Saeed frá Dubai, en hann er
stigahæsti einstaklingur alþjóð-
lega unglingamótsins í Brazilíu.
Staðan er óljós, en Karl á
vinningsmöguleika. Zuninga frá
Perú hefur forustu í mótinu,
með 10 vinninga að loknum 13
skákum, en þeir Karl og Saeed
hafa 9'/2 vinning og biðskák.
D’Lugy frá Bandaríkjunum hef-
ur 9 vinninga og biðskák.
Karl tapaði mjög óvænt í 12.
umferð fyrir Taterson frá
Brazilíu. Hann yfirspilaði
andstæðing sinn og hafði náð
gjörunninni stöðu þegar hann
lék af sér manni í tímahrakinu
og þar með skákinni.
Biðstaðan í skák Karls og
Saeed er.
Hvítt: Karl Þorsteins
Svart: Saeed.
Svartur á biðleik.
mörku fyrir hönd Færeyja, ís-
landi, Kanada, Noregi og Svíþjóð.
1 frétt frá utanríkisráðuneytinu
segir, að stefnt sé að því að ganga
frá milliríkjasamningi um vernd-
un laxastofna, sett verði á lagg-
irnar milliríkjastofnun sem
stuðli að samvinnu ríkja í þessu
máli. Ráðstefnan hófst í gær-
morgun og setti hana Ólafur Jó-
hannesson utanríkisráðherra.
Guðmundur Eiríksson þjóðrétt-
arfræðingur var kjörinn forseti
ráðstefnunnar, en hann er for-
maður íslensku nefndarinnar.
Auk hans sitja í henni: Þór
Guðjónsson veiðimálastjóri,
Haukur Ólafsson fulltrúi í
utanríkisráðuneytinu og Þor-
steínn Þorsteinsson bóndi á
Skálpastöðum. Varaforsetar
ráðstefnunnar voru kjörnir Janus
Paludan, sendiherra Danmerkur
í Reykjavík, og Larry Snead, þeir
eru báðir formenn sendinefnda
landa sinna.
150.019 farþegar
komu til íslands
ALLS komu 150.019 farþegar til fs-
lands árið 1981, þar af 77.825 ís-
lendingar og 72.194 útlendingar. Er
þetta nokkur aukning frá 1980 en þá
kom alls 135.191 farþegi til landsins.
Langflestir farþegar komu frá
Bandaríkjum Norður-Ameríku
eða samtals 17.904 en næstir á eft-
ir Bandaríkjamönnum eru Vest-
ur-Þjóðverjar, alls 9.901 farþegi.
Þá komu 8.135 farþegar frá Dan-
mörku, 7.880 frá Stóra-Bretlandi,
6.303 frá Svíþjóð, 5.062 fá Noregi,
3.354 frá Sviss, 1.569 frá Hollandi
og 1.391 frá Finnlandi.
Fæstir farþeganna komu frá
Ruanda, Toga, Vatíkaninu, Víet-
nam, Fiji-eyjum, Eþíópíu, Kýpur,
Bermuda, Guineu, Nicaragua, Ug-
anda og Tonga eða einn farþegi
frá hverju landi. 18 farþegar komu
til Islands ríkisfangslausir árið
1981.