Morgunblaðið - 16.02.1982, Blaðsíða 15

MORGUNBLAÐIÐ, ÞRIÐJUDAGUR 16. FEBRÚAR 1982
15
Málað og þrykkt á tau
Myndlist
Bragi Ásgeirsson
Gallerí Langbrók heldur
áfram þeirri ágætu venju, að
kynna iðju þeirra er að athafna-
seminni standa og sannar það,
að i þeim fríða hópi ríkir engin
lognmolla. Um þessar mundir
sýnir þar Guðrún Auðunsdóttir
sautján myndir, sem eru allar
unnar á tau, en hún var einmitt
ein af stofnendum gallerísins á
sínum tíma. Gerandinn bæði
málar og þrykkir á tau og því er
þetta í síðara tilvikinu fjölföldun
eins og í grafík. Eru þannig til 15
og allt upp í 40 eintök af hverri
einstakri slíkri mynd. Myndirn-
ar eru margar frekar smáar og
þær stærstu rétt yfir meðal-
stærð mynda. Þetta er þannig
mjög lítil sýning og myndefnið
jafnframt í knappasta lagi, eins
konar úlpuform, sem endurtekin
eru í síbylju. Guðrún tileinkaði
sér þetta form fyrir fimm árum
og það hefur síðan fylgt henni
eins og skugginn. Sterkast tel ég
þetta form hafa komið út á sýn-
ingunni „Sumar á Kjarvalsstöð-
um“ á sl. ári og þá blómstrað í
þeim mæli, að sýningin á Gailerí
Langbrók er líkast eftirhreytum
þeirrar upphengingar. Guðrún
bryddar í öllu falli ekki upp á
neinu nýju í þessum síðustu
myndum sínum og ýmislegt virð-
ist benda til þess að hún hafi
ausið hugmyndabrunninn á
botn. Það er alveg víst, að í flest-
um tilvikum er það ákaflega
hæpið að vinna á jafn þröngum
grundvelli í það endalausa og án
þess að taka nein hliðarspor. Það
myndræna meinlæti er þá kem-
ur fram virkar að lokum sem
ófrjó endurtekning og kækur.
Mér þykir einhvern veginn sem
ungt fólk eigi að sækja frjóu
hugmyndaflugi eldsr.eyti til
fleiri átta og aka þá á fullu á
meðan drifkrafturinn er hvað
mestur.
Hrifmestu myndirnar á sýn-
ingunni þótt mér „Hvítt á
rauðu“ (1), „Sitt á hvað“ (10) og
„Krossbönd„ (17).
Dregið saman í hnotskurn er
þetta snotur sýning en hún er
mjög langt frá því að koma á
óvart þar sem Guðrún Auð-
undsdóttir er, því að listakonan
hefur svo margt til brunns að
bera verðmætara þessum vinnu-
brögðum.
Pétur Jónasson
Gítartónleikar
Tónlíst
Jón Ásgeirsson
Pétur Jónasson er góður gít-
arleikari og svo ungur og iðinn
sem hann er, verður að spá hon-
um velfarnaðar upp þrepin til
Parnassum, bústaðar mennta-
gyðjanna. Sú leið liggur þó ekki
beint af augum, en þangað rata
aðeins þeir er aldrei gleyma að
rækta sig og kunna að forðast
afvegi þá, er glæstari kunna að
sýnast en þunggengin og enda-
laus leið listögunarinnar.
Pétur hóf gítarnám sitt hjá
Eyþóri Þoriákssyni og enn liggja
leiðir þeirra saman, því Pétur
flutti þrjú verk eftir Eyþór,
raddsetningu yfir íslenskt þjóð-
lag, og tvö frumsamin lög, er
hann nefnir Preludio og Impro-
visacion nr. 1. Verkin eru
áferðarfalleg og ef það er rétt að
ráðleggja fólki, þá ætti Eyþór að
leggja rækt við raddsetningar á
íslenskum þjóðlögum, því þjóð-
lagaraddsetningar hafa reynst
mörgu tónskáldinu gagnlegar til
að efla tækni og stílkennd. Auk
fyrrgreindra verka eftir Eyþór,
lék Pétur Intermezzo, eftir Atla
Heimi Sveinsson, í gítarbúningi
Eyþórs. Önnur verk er skipta
máli voru Fimm bagatellur eftir
William Walton, þrjár æfingar
(1, 3 og 11) og Choros nr. 1 eftir
Villa-Lobos og tvö lög eftir
Moreno-Torroba. Verkin eftir
Villa-Lobos eru hefðbundin gít-
arverkefni, en sem tónsmíðar
var mest varið í bagatellurnar
eftir Walton og voru öll þessi
vandasömu verk frábærlega vel
leikin.
franskurlúxus
í ár velur þú þér einn af þessum frábæru
framhjóladrifsbuum frá Automobiles Peugeot
HORIZON GLS er
evrópsk gæðavara og
margfaldur verðlauna-
hafi. í bflnum er m.a.
1442 cc 4 cyl vél sem
eyðir 8,91. í bæjarakstri,
auk þess höfuðpúðum,
innistillanlegum úti-
spegli, hitaðrí afturrúðu,
barnalæsingum,
hátölurum og loftneti
og opnanlegrí fimmtu
hurð að aftan.
Verðkr. 137.510.
(gengi pr. 15.1.82.).
SOLARAGL8 er
lúxus fjölskyldubfll
fimm gíra, með
1600 cc 4 cyl vél,
elektrónískr i digital-
klukku, bamalæsing-
um, hátölurum og
loftneti, lituðu glerí,
rafmagnsrúðum að
framan, vökvastýri
og m.fl.
Verð kr. 162.546.-
(gengi pr. 15.1.82).
Evrópsk gæði og lúxus á betra en japönsku
verði. í ár velur þú franskt „Vive le France’’
Ifökull hf.
Ármúla 36 Sími: 84366