Morgunblaðið - 18.04.1982, Blaðsíða 20

2 0 MORGUNBLAÐIÐ, SUNNUDAGUR 18. APRÍL 1982
Stefni að því að efla menningartengsl landanna:
„Urðum að takmarka innflutninginn
— en engu að síður þurfum við á skreið að halda"
„VIÐ þurfum á skreiðinni að
halda, en sökum efnahagsástands-
ins í Nígeríu um þessar mundir, þá
get ég því miður ekki sagt um
hvenær innflutningur á skreið
verður heimilaður á ný, enda eru
til töluverðar birgðir í landinu,“
sagði Luke Osobase, nvskipaður
sendiherra Nigeríu á Islandi, í
samtali við Morgunblaðið í gær.
Osobase er fyrsti sendiherrann,
sem Nígeríustjórn hefur skipað á
íslandi, en hann hefur aðsetur í
Dublin á írlandi, og er hann einnig
sendiherra lands síns þar i landi.
„Ég afhendi ykkar fallega for-
seta trúnaðarbréf mitt á mánu-
dag, en ég hef hitt forsetann og
flesta ykkar ráðamenn að máli
nú þegar. Þegar ég heyrði fyrst
rætt um að Islendingar hefðu
kosið sér konu sem forseta, þá
hélt ég, að kosin hefði verið göm-
ul kona og varð ég því hissa þeg-
ar ég hitti forsetann að máli.
Hún er mjög aðlaðandi. Hingað
kom ég á fimmtudag, og hafa
allar móttökur verið frábærar.
Ég átti von á, að hér yrði kald-
ara, en þetta er ekkert ósvipað
því, sem ég á að venjast á ír-
landi,“ segir Osobase. Osobase
hefur starfað í utanríkisþjón-
ustu Nígeríu frá árinu 1962 og er
hann 57 ára að aldri, en lítur
ekki út fyrir að vera eldri en 40
ára. Hann er giftur og á 6 börn.
Kona hans og börn urðu eftir í
Dublin að þessu sinni. „Hingað
kem ég aftur í júní næst kom-
andi og verð hér með fjölskyld-
una á þjóðhátíðardaginn ykkar,
er hann ekki hinn 17?“ segir
Osobase. „Annars reikna ég með
að verða mikið á íslandi á næstu
mánuðum, en það er margt sem
þarf að gera til að efla viðskipti
landanna.
Mér er vel kunnugt um mikil-
vægi skreiðarmarkaðarins í Níg-
eríu fyrir íslendinga og við þurf-
— segir Luke
Osobase ný-
skipaður sendi-
herra Nígeríu á
íslandi
Luke Osobase sendiherra fyrir
utan Hótel Sögu í gærmorgun.
um líka á skreiðinni að halda.
Skreiðin er ákaflega góður mat-
ur og vissulega ætti vera hægt
að selja meiri skreið til Nígeríu,
því hún er mest borðuð í austur-
hluta landsins og reyndar eins á
því svæði sem ég kem frá, Benin.
Hins vegar er það svo, að seðla-
banki Nígeríu varð að gera
eitthvað til að hægja á innflutn-
ingi til landsins. Við höfum tap-
að óhemju tekjum sökum sam-
dráttar í olíuframleiðslu. Ef ekk-
ert hefði verið að gert, hefðum
við átt erfitt með að standa við
okkar skuldbindingar. Undan-
farin ár hefur margt verið flutt
til Nígeríu, sem við höfum ekki
þörf fyrir. Má þar nefna bíla af
dýrustu gerð eins og Mercedes
600 og Rolls Royce, það er hreinn
óþarfi og málið er, að það eru of
margir bílar í stóru borgunum
eins og til dæmis Lagos. Þá er
alveg óhætt að stöðva margskon-
ar óþarfa innflutning. Þegar bú-
ið verður að skipuleggja inn-
flutningsmálin á ný, á ég von á,
að innflutningur á skreið verði
heimilaður á ný, því hana þurf-
um við eins og ég sagði. Þjóðin er
svo mannmörg, að við þurfum að
flytja inn mikið af matvælum.
Skreiðin er einhver sú besta
matvara sem við flytjum inn,
sökum þess að ekki þarf að
geyma hana í kæli.
Hins vegar er það svo, að okk-
ur finnst tímabært að íslend-
ingar kaupi eitthvað af Nígeríu-
mönnum. Fyrst ber að nefna
olíu. Alþjóð er kunnugt, að níg-
erísk olía er í mjög háum gæða-
flokki. Ýmislegt annað gætuð þið
keypt beint af okkur, eins og til
dæmis kakó. Kakó frá Nígeríu
þykir eitt hið besta í heiminum
og er notað við súkkulaðigerð um
allan heim. Sjálfsagt kaupið þið
kakó í gegnum breska aðila, en
það kakó er þá væntanlega upp-
runnið í Nígeríu eða Ghana. Þá
ræktum við mikinn fjölda alls-
konar ávaxta, en því miður hefur
til þessa ekki verið hægt að
flytja mikið út af þeim, sökum
þess að við þurfum sjálfir á þeim
að halda. Ef íslendingar sýndu
aftur á móti áhuga á að kaupa
eitthvað af ávöxtum eða græn-
meti frá okkur, þá yrði það at-
hugað. Allur áhugi sem þið sýnið
á að kaupa nígerískar vörur leið-
ir til þess að auðveldara verður
fyrir ykkur að selja skreiðina til
okkar.
Ég fór í ökuferð um Reykjavík
og nágrenni í gær, og um leið og
ég lagði af stað bað ég bílstjór-
ann að fara með mig á einhvern
stað, þar sem verið væri að
framleiða skreið, því ég hafði
aldrei séð og reyndar ekki vitað
á hvern hátt þið þurrkuðuð
fiskinn. Ég hreifst mjög af þess-
ari aðferð ykkar, og hér eru ekki
flugurnar, til að eyðileggja
fiskinn," segir Osobase.
Osobase er menntaður í Níg-
eríu og í Bretlandi. Hann hefur
verið sendiherra lands síns í
fjölmörgum löndum, áður en
hann settist að í Dublin var
hann seniherra í Nairobi í
Kenýa og var jafnframt sendi-
herra á Madagaskar. Þá hefur
hann verið sendiherra í Rúm-
eníu og Búlgaríu.
En það eru ekki aðeins við-
skiptatengsl Nígeríu og íslands,
sem þarf að efla, sem ég vonast
þó til að geta eflt. Við þurfum að
efla menningartengslin og mun
ég stefna að því. Báðar þjóðirnar
eiga sér merkilega arfleið og því
þarf að kynna Island í Nígeríu
og Nígeríu á íslandi. Þótt langt
sé á milli landanna, er auðvelt að
efla menningartengslin. Til
dæmis er ég viss um að einhverj-
ir nígerískir stúdentar eru til-
búnir að koma til náms hér og
mun ég athuga alla möguleika á
að efla samskipti landanna á
næstu mánuðum," sagði Osobase
að lokum.
BENIDROM 1982:11. MAI 1.& 22.JUNI 13.JULI 3.& 24. AGUST 14.SEPT. 15.0KT0BER
BEINT FLUG í SÓLINA OG SJÓINN
UMBOÐSMENN:
Sigurbförn Gunnarsson,
Sporthusiö hf . Akureyri — simi 24350
Helgi Þorstemsson,
Asvegi 2. Dalvik — simi 61162
Ferösmióstöð Austurlands.
Anton Antonsson -*■ Selas 5. Egilsstöóum —
simi 1499 og 1510
Viöar Þorbjörnssonn,
Noröurbraut 12. Höfn Hornafiröi — simi 8367
1=?. FEROA
l!SJ!l MIÐSTODIIM
AÐALSTRÆTI 9 S. 28133
Friöfinnur Finnbogason,
c/o Eyjabuó. Vestmannaeyjum — simi 1450
Bogi Hallgrimsson,
Managerói 7. Grindavik — simi 8119
Bjerni Valtýsson,
Aóalstööinni Keflavik. Keflavik — simi 1516
Gissur V. Kristjansson.
Breióvangi 22. Hafnarfirói — simi 52963
Ólafur Guóbrandsson,
Merkurteig 1. Akranesi — simi 1431
mkv«"í'’9U
tcröaKy____.
25 apr,‘
A8- oð 2f>-
í pórscafe

Sj