Morgunblaðið - 20.05.1982, Blaðsíða 9

MORGUNBLAÐIÐ, FIMMTUDAGUR 20. MAÍ1982
57
Vestmannaeyjar:
Markviss
uppbygging
hjálparsveitar
skáta
HJÁLPARSVEIT skáta í Vestmannaeyjum hélt fyrir skömmu kynningarfund
til þess aö vekja athygli á og þakka fyrir góöar gjafir sem sveitinni hafa
borist að undanförnu, en frá upphafi er sveitin var stofnuð fyrir 16 árum hafa
95 manns verið skráðir í hana. í dag eru 45 skráðir og þar af 30 starfandi.
Hjálparsveit skáta í Vest-
mannaeyjum hefur ásamt öðrum
hjálparsveitum í landinu gengið
til skipulags samstarfs við Al-
mannavarnir og gert samning um
að leysa brýnan og afmarkaðan
þátt í neyðarþjónustu í landinu, ef
til válegra atburða dregur. Hafa
hjálparsveitirnar tekið að sér að
vera aðal stuðningur við sjúkra-
þjónustu með fyrstu hjálp á
slysstað, umönnun slasaðra,
sjúkraflutninga og rekstur vara-
sjúkrahúss. Má af þessu sjá að í
stórt er ráðist og mikið verk fram-
undan.
I dag hefur sveitin á að skipa 4
skyndihjálparkennurum sem hafa
fengið sína kennslu í Björgunar-
skóla HLS.
LHS er Landsamband Hjálpar-
sveitar skáta. Var sveitin í Eyjum,
með í að stofna það samband 1971.
Á þriggja mánaða fresti er gerð
starfsáætlun sem unnið er eftir.
Þar eru t.d. skyndihjálparæfingar,
leitar- og klifuræfingar, áttavita-
æfingar og skemmti- og fræðslu-
kvöld. Síðan sveitin eignaðist far-
artæki hafa verið farnar ferðir
upp á land., Ferðir þessar hafa
verið æfinga- og leitarferðir og
einnig ferðir til að kynnast land-
inu, því að hlutverk sveitarinnar
er mikið ef til Suðurlandsjarð-
skjálfta kemur.
Samstarf sveitarinnar við
björgunaraðila og bæjaryfirvöld
hefur verið gott öll þau ár sem
sveitin hefur starfað. Sveitin hef-
ur verið kölluð út rúmlega 50 sinn-
um. Til að leita að týndu fólki,
fólki í sjálfheldu, vegna skips-
skaða og við að aðstoða lögreglu
og bæjaryfirvöld vegna óveðurs og
fannfergis. Yfir 4000 þúsunds
manns hafa notið aðstoðar sveit-
arinnar þessi ár.
Helstu fjáröflunarleiðir sveitar-
innar eru flugeldasala um áramót,
merkjasöludagur, kökubasar og
sala á línubyssum í flota Eyja-
manna. Einnig hafa félagasamtök
og einstaklingar stutt sveitina vel.
Þrjú síðustu ár hefur sveitin
verið að koma sér upp nýju fjar-
skiptakerfi. VHF-kerfi í samvinnu
við björgunaraðila í landinu, og
hefur það reynst mjög vel, þegar
hið hörmulega slys gerðist, er Pel-
agus strandaði austur á nýja
hrauninu, og tveir björgunarmenn
fórust, þeir Hannes K. Óskarsson
og Kristján Víkingsson og tveir
skipverjar. Gerðist það þá í fyrsta
skipti í sögu björgunarmála á ís-
landi að talstöðvarsamband var í
lagi. Björgunarmenn gátu talað
við Vestmannaeyjaradíó, Lóðsinn,
stjórnstöð HSV, gúmmíbát HSV
og þyrlu Landhelgisgæslunnar.
Hér í dag eru einmitt komnir
þeir aðilar og fulltrúar þeirra sem
hafa stutt sveitina á síðustu árum.
Eykyndill gaf 5000 kr. sem fóru
í kaup á fjallaspili (sem kostar
14.361 kr.). Eykyndill gaf 12.000
kr. sem fóru í kaup á talstöð með
fylgihlutum (sem kosta 12.000 kr.).
Skátafélagið Faxi gaf 8.190 kr.
sem fór í kaup á rafstöð (sem kost-
aði 8.190 kr.). Steini og Stjáni gáfu
3.500 kr. sem fóru í kaup á 40 háls-
bindum (sem kosta 3.500 kr.).
Eyjakjör gaf matvörur að and-
virði 2.446 kr. Heiðmundur Sig-
mundsson og frú gáfu matvörur að
andvirði 2.290 kr. Bernharður Ing-
imundarson og frú gáfu 2.500 kr.
peningagjöf til minningar um
Hannes K. Óskarsson. Fjölskyldan
Hruna gaf 3.500 kr. peningagjöf til
minningar um Hannes K. Óskars-
son. Sigurgeir Jónsson 500 kr. pen-
•ngagjöf og myndir. Einar Stein-
grímsson gaf gjallarhorn. Óskar
Kristinsson gaf 2.000 kr. pen-
ingagjöf. Friðrik Óskarsson gaf
2.600 kr. peningagjöf til minn-
ingar um Hannes K. Óskarsson.
Kiwanis gaf 7.500 kr. og Kvenfé-
lagið Líkn gaf 5.000 kr. sem fóru í
kaup á talstöð (sem kostaði 12.000
kr.). Vestmannabær gaf 22.000 kr.
Þar af höfum við fengið 12.000 kr.
sem fóru í kaup á talstöð. Lions-
klúbbur Vestmannaeyja gaf 5.000
kr. sem fóru í kaup á 10 merkja-
byssum og 10 hjálmum (sem kosta
4.370 kr.) og loforð um áframhald-
andi stuðning. Lionsklúbburinn
Freyr Rvík gaf 10.000 kr. pen-
ingagjöf. Armann Óskarsson sem
hefur lánað sveitinni húsnæði og
verkfæri. Til að gera svona sveit
að góðri björgunarsveit þarf góða
þjálfun, peninga og góðan félags-
legan anda. Hjálparsveit skáta í
Vestmannaeyjuni er viðbúin því að
fara hvert sem er, hvenær sem er og
í hvernig veðri sem er, þegar kall
kemur.
VELDUR HVER
Á HELDUR
x®
Kökubasar á vegum Kven-
félags Laugarnessóknar
I DAG, uppstigningardag, 20. maí,
verður kökubasar á vegum Kvenfé-
lags Laugarnessóknar. Hefst basar
inn kl. 15.00 i kjallarasal kirkjunnar
að aflokinni messu.
Messan verður tileinkuð öldruð-
um og þeir sérstaklega boðnir
velkomnir. Séra Pétur Ingjalds-
son, fyrrv. prófastur, prédikar og
aldraðir lesa ritningarorð.
Kvenfélag Laugarnessóknar
leggur mikið starf af mörkum til
styrktar kirkjustarfinu. Strax
meðan verið var að byggja Laug-
arneskirkju voru það kvenfélags-
konur sem dyggastan þátt áttu í
fjáröfluninni. Nú, 40 árum síðar,
hafa þær enn gengið fram fyrir
skjöldu og safnað miklu fé til
byggingar safnaðarheimilis kirkj-
unnar, sem komið er vel á veg.
Kökubasar Kvenfélagsins er
þekktur fyrir góðar kökur og hvet
ég velunnara kirkjunnar til að
styrkja gott málefni með því að
kaupa kökur.
Jón D. Hróbjartsson,
sóknarprestur.
Hjálparsveitarmenn og forustumenn Faxa á kynningarfundinum.
Stjórn Hjálparsveitar skáta fyrir framan nýja bifreið sem sveitin á.
I.jósniuid Mbl. Simiri»t ir Jónassttn
VIÐSYNUM
Á HÚSAVÍK OC AKUREYRI
Laugard. 22. maí ki. 10.00 -17.00
Sunnud. 23. maí kl. 13.00-17.00
GOLF
JETTA
PASSAT
AUDI 100
AKUREYRI:
ÞÓRSHAMAR HF. - SÍMI 22700
HÚSAVÍK:
JÓN ÞORGRÍMSSON HF. - SÍMI 41515
m
VOLKSWAGEN
ÞÝSKUR BÍLL
SEM ALLIR ÞEKKJA
HF
Laugavegi 170-172 Sími 21240