Morgunblaðið - 20.05.1982, Blaðsíða 30
78
MORGUNBLAÐIÐ, FIMMTUDAGUR 20. MAÍ1982
BÆJAR- OG
SVEITARSTJÓRNARKOSNINGAR
Neskauostaður
Síðastliðinn fimmtudag var haldinn síðasti fundur bæjarstjórnar Neskaupstaðar á yfirstandandi kjörtímabili. Á
fundinum voru kjörskrárkærur afgreiddar og samþykkt tillaga frá sjálfstæðismönnum um að útvegað verði nú þegar
fjármagn til endurbóta á veginum yfir Oddsskarð.
í Neskaupstað hefur Alþýðubandalagið verið í meiri-
hluta innan bæjarstjórnar um áratuga skeið. Síðastliðið
kjörtímabil hafði það 5 fulltrúa af 9, Framsóknarflokk-
ur 2 og Sjálfstæðisflokkur 2. Samkvæmt upplýsingum
bæjarstjórans í Neskaupstað hafa félagslegar fram-
kvæmdir verið efstar á baugi undanfarin ár, en gatna-
gerð setið nokkuð á hakanum og verður á næstu árum
lögð mest áherzla á hana. Undanfarið hefur bygging
skólahúss og sjúkrahúss verið í gangi og lögð áherzla á
öldrunarmál og dagvistun barna. Þá hefur malbikun-
arstöð verið keypt til bæjarins og samgöngumál eru
ofarlega á baugi.
Texti HG Ijósmyndir Kristján
Hörður Stefánsson, efsti maður á lista Sjálfstæðisflokksins:
Tími til kominn að
skipta um meirihluta
og þó fyrr heföi verið
„Hver svo sem úrslit þessara kosn-
inga verða hef ég ekki umboð til að
lýsa neinu yfir um væntanlegt sam-
starf að þeim loknum. En það er þó
tími til kominn að skipta um forystu
hér i Neskaupstað og þó fyrr hefði
verið og það er auðvitað fjarstæða,
sem reynt hefur verið að koma inn hjá
bæjarbúum, að ef Alþýðubandalagið
missi meirihlutann hér, leggist at-
vinnulífið í rúst. I>að er af og frá og
meirihluti bæjarstjórnar breytir þar
engum um,“ sagði Hörður Stefáns-
son, nugumferðarstjóri og efsti maður
á lista Sjálfstæðisflokksins í Nes-
kaupstað.
„Við stefnum auðvitað að eins
miklu fylgi og unnt er að ná og von-
um hið bezta. Þó sagt sé, „að gott sé
það sem gamlir kveða," er líka til
spakmælið, „nýir vendir sópa bezt,“
og það hlýtur að vera akkur fyrir
bæjarfélagið að fá ungt fólk til
starfa og vil ég þar benda á, að
þriðja sætið hjá okkur skipar ung
kona, Sigurbjörg Eiríksdóttir. A
hinn bóginn kem ég til með að
sakna gömlu mannanna, Hauks
Ólafssonar og Jóhanns K. Sigurðs-
sonar, sem nú hafa ákveðið að
hverfa úr baráttunni, þeir hafa oft
verið skemmtilegir.
Það sem hefur þreytt okkur
sjálfstæðismenn í bæjarstjórn
mest, er það hvernig tekið er á til-
löguflutningi okkar. Okkur hefur
gengið mjög illa að fá tillögur okkar
samþykktar og hefur þá meirihlut-
inn oft á tíðum svæft þær með því
að vísa þeim til nefnda eða bæjar-
ráðs og oft á tíðum hefur hann
hnýtt einhverju við þær með breyt-
ingartillögum. Þess vegna verður
oft lítið úr þeim, nema við tökum
þær upp aftur og aftur, en það er nú
farið að verða minna um þetta nú.
Að sumu leyti hefur núverandi
meirihluti ekki staðið sig illa og
áhugamál hans og bæjarstjóra fá
yfirleitt nokkuð ákveðna afgreiðslu.
Á hinn bóginn hefur bæjarstjórinn
ekki skorazt undan því að svara
fyrirspurnum okkar og veita þær
upplýsingar, sem óskað er.
Það, sem ég legg nú mesta
áherzlu á að gert verði á vegum
bæjarfélagsins, og það sem sífellt
brennur á bæjarbúum, er gatna- og
holræsagerð, sem setið hefur á hak-
anum nokkuð lengi. Þá þarf að gera
endurbætur í hafnarmálum, þau
þurfa sífelldra endurbóta við með
breyttum tímum og þó aðstaða
fyrir smábáta sé með því bezta á
landinu, er nauðsynlegt að bæta
hana enn frekar og það er ekki svo
ýkja fjárfrek framkvæmd. Þó
gatnagerðinni hafi verið ábótavant,
verður líka að taka tillit til þess,
sem vel hefur verið gert. Hingað
hefur verið keypt malbikunarstöð
og mun malbik í sumar verða selt á
aðra firði, en gæta verður þess að
framkvæmdir innan Neskaupstaðar
verði ekki látnar sitja á hakanum
vegna þess.
Samgöngumál hafa ætíð skipt
Norðfirðinga miklu málu og er þar
af mörgu að taka, en miklu máli
skiptir ástand vegarins yfir
Oddsskarð, sem ætíð er slæmt þeg-
ar frost er að fara úr jörð. Á síðasta
fundi bæjarstjórnar fyrir kosn-
ingar var til dæmis samþykkt til-
laga frá okkur sjálfstæðismönnum
með öllum atkvæðum um að fjár-
magn til lagfæringar vegarins yfir
Oddsskarð verði útvegað nú þegar.
Samþykktinni fylgdi að vísu það
fororð að við gerðum nánar grein
fyrir henni og er það í samræmi við
það, sem ég sagði áðan um meðferð
tillagna okkar. Að lokum vil ég
hvetja kjósendur til að veita
Sjálfstæðisflokknum í Neskaupstað
brautargengi við kosningarnar nú
og munu kjörnir fulltrúar hans ekki
bregðast kjósendum sínum," sagði
Hörður.
Sjálfstædisflokkurinn kaupir eigið húsnæði
SJÁLFSTÆÐISFÉLAGIÐ á Neskaupstað hef-
ur nýlega fest kaup á efri hæð hússins nr. 9 við
Þiljuvelli. Þar hafa félagsmenn innréttað
kosningaskrifstofu og er fyrirhugað að þarna
verði flokkurinn með húsnæði í framtíðinni.
Að sögn Harðar Stefánssonar, efsta manns
á lista Sjálfstæðisflokksins, hefur þetta hús-
næði gerbreytt aðstöðu flokksins í Neskaup-
stað og kemur í veg fyrir það að spilla þurfi
húsfriði félagsmanna með fundahöldum. Sagði
hann að alþingismennirnir Egill Jónsson og
Friðrik Sophusson hefðu komið í heimsókn
síðastliðinn sunnudag og hefði þá verið fullt út
úr dyrum á velheppnuðum viðræðufundi með
þeim.
Kosningaskrifstofa Sjálfstæöisflokksins er á efri hæð hússins við Þiljuvelli 9,
en flokkurinn hefur fest kaup á þeirri hæð hússins. Ljáam. jgk.
Efsti maður á lista Sjálfstæðis-
flokksins, Hörður Stefánsson við
innganginn á kosningaskrifstofunni.
l.jÓHmynd JGK.
gttsnmguskní
Sjnlfclæíisílokí
Málin rædd á flokksskrifstofunni. Frá vinstri eru: Omar Sigurðsson, Hörður
Stefánsson, Stella Steinþórsdóttir, Rúnar Jón Árnason og Sigurbjörg Ei-
riksdóttir með barn sitt. LjiHm. jgk.
Unnið við jarðvegsskipti f Mýrargötu.