Morgunblaðið - 20.05.1982, Blaðsíða 10

58
MORGUNBLAÐIÐ, FIMMTUDAGUR 20. MAÍ 1982
BÆJAR- OG
SVEITARSTJÓRNARKOSNINGAR
Blönduós
Grein og myndir: Árni Johnsen
I>rír efstu menn á lista Sjálfstæðisflokksins á Blönduósi. Talid f.v. Sigurður Ey-
mundsson, sem skipar efsta sætið, Sigríður Friðriksdóttir, sem er í öðru sæti, og Jón
ísberg sem er í þriðja sætinu, sem jafnframt er baráttusætið.
í þessu fjölbýlishúsi sem byggt var á vegum hreppsins í stjórnartíð sjálfstæðismanna á árunum 1974—1978
eru 14 íbúðir. Þess má geta að þetta er eina blokkin á Blönduósi.
Verðum að gera stórátak í
umhverfís- og fegrunarmálum
Ef þessi mynd prentast vel kemur greinilega í Ijós að á þessum leikvelli má margt betur fara. Það er m.a. á
stefnuskrá sjálfstæðismanna að fjölga leiktækjum og bæta útbúnað á leikvöllunum.
Sjálfstæðismenn vilja breyta aðstöðu og umhverfi sorphauganna.
Rætt við þrjá efstu
menn á lista Sjálf-
stæðisflokksins
Blönduósi, 17. maí.
Kosningaundirbúningur vegna
sveitarstjórnarkosninganna stendur
nú sem hæst um land allt. Mbl. brá
sér á kosningaskrifstofu Sjálfstæðis-
flokksins á Blönduósi um síðustu
helgi til að kynna sér gang mála þar
og forvitnast um helstu baráttumál
flokksins í komandi kosningum. Þó
blaðamaður væri á ferð árla sunnu-
dagsmorguns var verið að starfa af
fulíum krafti á skrifstofunni, enda
stutt til kjördags og mikill hugur í
mönnum að endurheimta meirihlut-
ann í sveitarstjórn. Sjálfstæðisflokk-
urinn á nú tvo menn þar, á móti
þrem fulltrúum vinstri manna og
óháðra, sem bjóða fram sameigin-
lega.
Atvinnu- og fjármál
efst á baugi
Þrír efstu menn á lista flokksins
eru Sigurður Eymyndsson, rafveitu-
stjóri, Sigríður Friðriksdóttir, for-
maður Verkalýðsfélags Austur-Hún-
vetninga og Jón ísberg, sýslumaður.
Mbl. ræddi við þau um kosningaund-
irbúninginn og fyrst spurðum við
hvaða málaflokkar það væru sem
sjálfstæðismenn á Blönduósi settu á
oddinn í komandi kosningum. Það
eru náttúrulega fyrst og fremst fjár-
mál sveitarfélagsins og atvinnu-
málin. I sambandi við álagningu
gjalda á íbúana má segja að okkur
finnst að þeim verði að stilla í hóf og
við viljum t.d. ekki innheimta fast-
eignaskatta með álagi nema í algjör-
um undantekningartilfellum. Við
viljum öruggari og raunhæfari fjár-
hagsáætlun en verið hefur. Nú, öflugt
atvinnulíf er undirstaða allra fram-
fara hér á Blönduósi. Flokkurinn vill
veita núverandi fyrirtækjum allan
hugsanlegan stuðning, án þess þó að
sveitarfélagið gerist beinn þátttak-
andi í atvinnurekstri. Virkjun
Blöndu hlýtur óhjákvæmilega að
hafa mikil áhrif á atvinnulífið hér og
það þarf að gera ráðstafanir til að
mæta þeirri röskun sem virkjunin
kann að hafa á meðan á byggingu
hennar stendur. Einnig þarf að fara
að huga að því hvað tekur við að
virkjunarframkvæmdum loknum.
Við þurfum að laða hingað ný iðnfyr-
irtæki og búa vel í haginn fyrir
þau. Svo þarf líka að kanna rækilega
hvort stóriðja gæti komið til greina
hér á svæðinu. Nú virðist mönnum
hafa tekist að leysa þau mengunar-
vandamál sem slíkum iðjuverum
Frambjóðandi Sjálfstæðisflokksins
til sýslunefndar, Sigursteinn Guð-
mundsson, héraðslæknir.
hafa fylgt og sjálfsagt fyrir okkur að
athuga sem flesta atvinnumöguleika
hér.
Húsnæðisskortur
Sem stendur er mikill húsnæðis-
skortur hér á staðnum og það þarf að
gera stórátak í þeim efnum. A síð-
ustu árum hafa aðeins verið byggðar
6 íbúðir í verkamannabústöðum á
vegum hreppsins, á móti 14 á kjör-
tímabilinu þar á undan, en þá fór
Sjálfstæðisflokkurinn með stjórn
hreppsmála. Þá gagnrýndu vinstri
menn okkur fyrir dugleysi á þessu
sviði. Einnig þarf hreppurinn ávallt
að hafa byggingarhæfar lóðir fyrir
þá sem vilja byggja sjálfir.
Hvaö með skólamál og dagvistun?
Við teljum að unglingar eigi að
geta fengið sem mesta menntun
heima í héraði. Það er bæði dýrt og
ákveðið óhagræði að því að þurfa að
senda unglinga í burtu til náms.
Okkur finnst því full ástæða til að
vinna að því að koma á kennslu á
framhaldsskólastigi í áföngum hér á
Blönduósi. Þó við séum ekki að fara
fram á að fá fjölbrautaskóla í einu
vetfangi er fyllilega tímabært að
fara að hreyfa þessum málum. Nú, og
svo fer einnig að líða að því að huga
þarf að stækkun grunnskólans. Og
síðast en ekki síst viljum við koma á
fullorðinsfræðslu nú þegar. Það er
nauðsynlegt að fólk geti nýtt sér vax-
andi frítíma bæði til menntunar og
skemmtunar.
Og í beinu framhaldi af skólamál-
unum. Hver er stefna sjálfstœð-
ismanna vardandi dagvistun og
leikvelli?
Þar sem dagheimilið er nú fullsetið
þarf nú þegar að bæta úr þeim skorti
sem er á dagvistarplássum. Leikvell-
ina þarf að girða og útbúa betur.
Bæta við leiktækjum, koma upp skýl-
um og snyrtiaðstöðu og jafnvel gæslu
hluta úr degi. Svo má líka huga mun
betur að starfsvöllunum.
fþróttamál?
Það þarf að halda íþróttavellinum
í betra horfi en gert hefur verið að
undanförnu. Þá má geta þess að á
hátíðarfundi hreppsnefndar árið
1976 var ákveðin bygging íþróttahúss
og væri æskilegt að skriður kæmist
aftur á þau mál.
Nú er hitaveita hér á Blönduósi.
Hvemig hefur rekstur hennar geng-
id?
Hitaveitan hefur verið hálfhorn-
reka hjá núverandi meirihluta og
þarf að taka mál hennar föstum tök-
um á ný. Hefja þarf byggingu miðl-
unargeymis við Dýhól og koma upp
vararafstöð að Reykjum. Svo fer líka
að líða að því að hefja þurfi leit eftir
meiru af heitu vatni til að vera
viðbúin stækkun bæjarins.
Er œskilegt fyrir Blönduós að huga
aö kaupstaöarréttindum ?
Nei, slíkt myndi engu breyta fyrir
sveitarfélagið og er varla timabært
að svo komnu máli.
Útivistar- og
fegrunarmál
Fer ekki aö koma aö því aö Blönd-
ósingar þurfi aö taka skipulagningu
útivistarsvceöa fastari tökum en ver-
iö hefur?
Jú, með auknum frítíma fólks hlýt-
ur að koma að því að þessum málum
verði gefinn meiri gaumur en verið
hefur. Sjálfstæðisflokkurinn hefur
mótað ákveðna stefnu í þessum efn-
um. Við viljum að brúað verði út í
Hrútey strax í vor. Afmarkað verði
svæði austan þjóðvegar í Vatna-
hverfi sem yrði friðað fyrir skepnum
og að Blöndósingar geti fengið skákir
þar til þess að planta i trjám og
runnum. Haldið verði áfram að reyna
ið græða upp brekkurnar hér í kring
>g einnig þeirri uppgræðslu sem haf-
in var í Vesturhólfinu en legið hefur
niðri síðustu fjögur árin. Sorp-
brennslunni þarf að koma í betra
horf. Einnig þarf að reisa skýli við
tjaldstæðin og koma þar fyrir snyrti-
aðstöðu.
Svo þarf einnig að koma algjörlega
í veg fyrir ágang búfjár á lóðir bæj-
arbúa. Við höfum alls ekkert á móti
því að menn stundi hér búskap en við
teljum að þeir sem hann stundi verði
að girða lóðir sínar.
Hver er stefna flokksins varðandi
gatnagerö?
Það liggur fyrst fyrir að ljúka
þeim áfanga gatnagerðar sem hafinn
var síðastliðið sumar. Þá þarf að
ganga frá kantsteinum, gangstéttum
og lýsingu svo fljótt sem auðið er.
Nýjar götur þarf að búa undir slitlag
jafnóðum og þær eru lagðar. Eins og
gefur að skilja er það dýrt fyrirtæki
að fá tæki hingað norður til að leggja
varanlegt slitlag, þannig að það verð-
ur að gerast í áföngum.
Nú hafa heyrst hér gagnrýnisradd-
ir vegna þess aö formaöur verkalýös-
félagsins á staönum er í framboöi
fyrir Sjálfstœðiqflokkinn. Hverju
svarið þið slíkum málflutningi?
Það má segja að það sé alveg út í
hött að ganga út frá því sem vísu að
þeir sem taka að sér formennsku í
verkalýðsfélögum þurfi að vera
flokksbundnir alþýðubandalags-
menn.
Það er nú einu sinni staðreynd að
Sjálfstæðisflokkurinn er stærsti
launþegaflokkur landsins og það má í
því tilviki minna á að varaforseti
ASÍ er í miðstjórn Sjálfstæðisflokks-
ins.
Og svona aö lokum. Hverju finnst
ykkur helst hafa veriö ábótavant í
stjóm hreppsmála hér undir stjóm
núverandi meirihluta?
Rólegheitin hafa verið helst til
mikil. Málin hafa farið í athugun og
athugunin tekið langan tíma og
árangur eftir því.