Morgunblaðið - 15.12.1982, Blaðsíða 13

MORGUNBLAÐIÐ, MIÐVIKUDAGUR 15. DESEMBER 1982
13
Sigurgeir.
Margir þáðu kaffi og kleinur í afgreiðslusal Sparisjóðs Vestmannaeyja á
fertugsafmæli sparisjóðsins. Benedikt Ragnarsson sparisjóðsstjóri og eigin-
kona hans sáu um veitingarnar.
Sparisjóður Vestmannaeyja:
Bauð í kaffí á
afmælisdaginn
Vcstmannaeyjum, 7. desember.
I ÁR eru liðin 40 ár frá stofnun
Sparisjóðs Vestmannaeyja. Sam-
þykktir sjóðsins hlutu uppáskrift
ráðuneytis þann 3. desember 1942 og
telst það vera stofndagur sjóðsins en
regluleg starfsemi hófst í janúar árið
eftir. Stofnendur voru um 30 og voru
þeir fyrstu ábyrgðarmenn sjóðsins en
helsti hvatamaður að stofnun Spari-
sjóðs Vestmannaeyja var Þorsteinn
Þ. Víglundsson, þáverandi skóla-
stjóri og núverandi heiðursborgari
Vestmannaeyja. Þorsteinn varð
sparisjóðsstjóri við opnun og gegndi
því starfi allt fram til ársins 1974,
eða í 32 ár.
Fyrstu stjórn Sparisjóðsins
skipuðu: Þorsteinn Þ. Víglundsson
formaður, Guðlaugur Gíslason,
Helgi Benediktsson, Kjartan
Ólafsson og Karl Guðjónsson.
Sparisjóðurinn var fyrstu 20 árin í
leiguhúsnæði á ýmsum stöðum í
bænum en flutti árið 1962 í eigið
húsnæði að Bárugötu 15. Starfsemi
og þjónusta Sparisjóðsins hefur
jafnt og þétt aukist og bæjarbúar
ávallt beint verulegum viðskiptum
til þessarar vaxandi peningastofn-
unar. Starfsfólk Sparisjóðsins er
nú níu manns, sparisjóðsstjóri
Benedikt Ragnarsson frá 1974. í
stjórn Sparisjóðs Vestmannaeyja
er nú Sigurgeir Kristjánsson for-
maður, Arnar Sigurmundsson, Jó-
hann Björnsson, Ragnar óskars-
son og Þorbjörn Pálsson.
Hélt Sparisjóðurinn uppá fer-
tugsafmælið með því að bjóða öll-
um velunnurum og viðskiptavinum
uppá kaffiveitingar í afgreiðslusal
sjóðsins og kom gífurlegur fjöldi
fólks í afmælisveislu þessa.
- hkj.
Frá jólatónleikunum.
Morgunbla4iA/ÓUnir
Egilsstaðir:
Árlegir jólatón-
leikar Tónskólans
KgilNstöðum, 12. desember.
HINIR árlegu jólatónleikar
Tónskóla Fljótsdalshéraðs voru
haldnir í Egilsstaðakirkju í gær
fyrir þéttsetnu húsi að vanda. Um
60 nemendur komu fram á tón-
leikunum auk kennara.
Tónskóli Fljótsdalshéraðs tók
til starfa haustið 1971 og hefur
starfsemi hans og umfang sífellt
aukist með hverju árinu.
í haust var þriðji fasti kennar-
inn ráðinn að skólanum, enskur
tónlistarmaður, David Knowles að
nafni. Hann kennir fyrst og
fremst á strokhljóðfæri — sem
ekki hafði áður verið á verkefna-
skrá skólans í teljandi mæli.
I skólanum eru nú liðlega 100
nemendur, flestir á skólaskyldu-
aldri.
Skólastjóri Tónskólans frá upp-
hafi er Magnús Magnússon og var
hann lengi vel eini kennari skól-
ans. Árið 1976 var Árni ísleifsson
ráðinn að skólanum í fullt starf og
nú þriðji kennarinn, David Knowl-
es. Það hefur verið ómetanlegt
fyrir skólastarfið að þar hafa ekki
orðið breytingar á kennaraliði í
gegnum tíðina — nema þá hvað
tekur til stundakennara.
Tónleikunum í gær var vel fagn-
að af tilheyrendum.
— Ólafur
Nýja platan með Gunnari Þórðarsyni og Pálma Gunnars-
syni er komin í verslanir.____________________________
Frábær plata með tfu splunkunýjum lögum Gunnars. Enn
einu sinni sannar Gunnar að þaö er engin tilviljun að hann
hefur um árabil veriö í fararbroddi íslenskra popptónlist-
armanna, og Pálmi hefur aldrei sungiö betur en nú.
Ðarónsstíg 18,101 Reykjavík.
sími 18830.

HKjyira
Hljómma
sem talað
er um!