Morgunblaðið - 08.01.1983, Blaðsíða 5
MORGUNBLAÐIÐ, LAUGARDAGUR 8. JANÚAR 1983
5
§UMIR MENNERU EINFRLDLEGR
SKRRPSKYGóNRRl EN RÐRIR
*
Arsafmæli
íslenzku Óperunnan
47 þús. hafa
séð sýning-
ar óperunnar
í TILEFNI eins árs afmælis ís-
lcnzku Ópeninnar verður afmælis-
sýning á Töfraflautunni, sunnudag
inn 9. janúar, en einmitt þann dag
fyrir ári tók Óperan til starfa.
Á þessu eina ári hafa þrjú verk
verið sett upp hjá íslenzku Óper-
unni og hafa samtals 47.000
manns séð sýningarnar. 24 þúsund
sáu Sígaunabaróninn, 13 þúsund
manns hafa séð Litla Sótarann og
10 þúsund manns hafa séð Töfra-
flautuna. Alls hefur því fimmt-
ungur þjóðarinnar komið í ís-
lenzku Óperuna á þessu eina ári.
í frétt frá íslenzku óperunni
segir svo m.a.:
„Á þessum tímamótum er að-
standendum óperunnar efst í huga
þakklæti til allra þeirra er gert
hafa þetta ævintýri að raunveru-
leika og mun ekki á neinn hallað,
þó nefnd séu hjónin Helga Jóns-
dóttir og Sigurliði Kristjánsson,
sem með höfðinglegri dánargjöf
sinni skiptu sköpum í sögu ís-
lenzku Óperunnar."
Tónlistarfélagið:
Amerískur bassasöngvari
kemur fram á tónleikum í dag
FJÓRÐU áskriftartónleikar Tónlist-
arfélagsins í Reykjavík á þessu
starfsári verða í Austurbæjarbíói í
dag, laugardag, klukkan hálf þrjú
eftir hádegi.
Þar kemur fram ameríski
bassasöngvarinn Laurence Albert,
en hann er meðal efnilegustu
yngri söngvara vestanhafs og hef-
ur unnið til margra góðra verð-
launa, m.a. þrisvar til Schubert-
verðlauna fyrir ljóðasöng í Aust-
urríki. Hann hefur einnig sungið í
óperum og komst t.d. í úrslit í
söngkeppni á vegum Metropolit-
an-óperunnar í New York 1981.
Píanóleikarinn, Mary Dibbern,
mun leika með honum á þessum
tónleikum, en hún er einnig
bandarísk þó hún hafi fyrst og
fremst lært list sína í Evrópu, á
Ítalíu hjá Paul Velucci og í Eng-
landi hjá Dalton Baldwin. Hún
hefur starfað með mörgum fræg-
um söngvurum, t.d. Bernac,
Souzay og Elly Amelin.
Á efnisskránni á laugardaginn
Laurence Albert
eru aríur eftir Hándel og Vivaldi,
og sönglög og lagaflokkar eftir
Schubert, Hugo Wolf og Poulenc.
(Fréttatilkynning frá Tónlistarfélaginu)
Skákþing Reykja-
víkur hefst á morgun
SKÁKÞING Reykjavikur 1983 hefst
á morgun, sunnudag, 9. janúar, og
verður teflt í félagsheimili Taflfélags
Kcykjavíkur að Grensásvegi 46.
Sú breyting verður nú gerð á
aðalkeppninni, að keppendur
munu tefla saman í einum flokki.
Tefldar verða ellefu umferðir eftir
Monrad-kerfi. Umferðir verða
þrisvar í viku, á sunnudögum kl.
14 og á miðvikudögum og föstu-
dögum kl.. 19.30. Biðskákadagar
verða inn á milli.
Keppni í flokki 14 ára og yngri á
skákþingi Reykjavíkur hefst laug-
ardaginn 15. janúar. í þeim flokki
verða tefldar niu umferðir eftir
Monrad-kerfi, umhugsunartími er
40 mínútur á skák fyrir hvorn
keppanda. Keppnin tekur þrjá
laugardaga, þrjár umferðir í senn.
Bókaverðlaun verða fyrir a.m.k.
fimm efstu sæti.
Lokaskráning í aðalkeppnina
verður í dag, laugardag, 8. janúar,
kl. 14-18.
Taflfélag Reykjavíkur hefur
haldið skákþing Reykjavíkur árl-
ega síðan 1931. Ingi R. Jóhannsson
hefur oftast orðið skákmeistari
Reykjavíkur, alls sex sinnum.
Næstir koma Ásmundur Ásgeirs-
son, Baldur Möller, Eggert Gilfer,
Benóný Benediktsson, Björn
Þorsteinsson og Jón Kristinsson,
en þeir hafa unnið meistaratitil-
inn fjórum sinnum hver. Núver-
andi skákmeistari Reykjavíkur er
Sævar Bjarnason.
Brúnn hestur tapaðist
SKÖMMU fyrir jól hvarf úr girð-
ingu við Laxárnes í Kjós brúnn
sex vetra hestur. Markið er heilt
hægra og stýft og fjöður aftan
vinstra. Hesturinn er einkenna-
laus að öðru leyti, ójárnaður og
hefur gengið úti í vetur, styggur.
Hafi einhverjir orðið hestsins
varir frá því um jól, eru þeir vin-
samlega beðnir að hafa samband
við Gunnar H. Magnússon í síma
(91)78801.
Kammersveitin með tón-
leika í Gamla Bíói á morgun
KAMMERSVEIT Reykjavíkur
efnir til 2. tónleika starfsársins í
Gamla Bíói sunnudaginn 9. janúar
klukkan 16.00. Stjórnandi verður
Paul Zukofsky frá Bandaríkjun-
um, sem lagt hefur mikið af mörk-
um til íslensks tónlistarlífs á und-
anförnum árum, meðal annars
með sumarnámskeiðum í tónlist,
sem við hann eru kennd og haldin
eru á vegum Tónlistarskólans í
Reykjavík.
Á þessum tónleikum ræðst
kammersveitin í að flytja
Kammersinfóníu Schönbergs,
sem er stórvirki á sínu sviði, en
hún er fyrir 15 hljóðfæri og talin
eitt af erfiðustu kammerverkum
sem samin hafa verið. Þá verður
Dance Preludes fyrir 9 hljóðfæri
eftir pólska tónskáldið Lutosl-
awski á dagskránni og tónleik-
unum lýkur með tónverkinu La
Création du Monde fyrir 17
hljóðfæri eftir Milhaud.
I kynningu kammersveitar-
innar á dagskrá sinni i vetur, er
komist svo að orði, að við undir-
búning og flutning þessara verka
njóti hljómlistarmennirnir
ómetanlegrar leiðsagnar Paul
Zukofskys, sem svo oft hefur
lagt kammersveitinni lið við
flutning kammerverka frá 20.
öld.
Miðar á tónleikana verða seld-
ir við innganginn, en fastir
áskrifendur að tónleikum
kammersveitarinnar eru minnt-
ir á það að taka með sér áskrift-
arkort sín til að framvísa þeim
við dyravörð.
(Fréttatilkynning frá
Kammersveil Keykjavíkur)
Plast-línuballar
Linuballar úr plasti hafa
sömu eiginleika og fisk-
kassar sem hafa sannað
notagildi sitt fyrir löngu.
Ástæðurnar liggja í augum
uppi: sterkir, góð ending og
lögun, auðvelt að halda
þeim hreinum.
Brúnir ballanna eru sérstak-
lega styrktar, einnig rand-
aðar, (má nota fyrir öngla,
sérstaklega þegar notuð er
girnislína). Botninn er
þannig frágenginn að ball-
arnir renna ekki á dekki,
þeir þola mikið hnjask,
m.a., að þeim sé kastað um
borð og upp á bryggju, jafn-
vel í 15° frosti, en ballarnir
þola vel frost, verða ekki
stökkir.
Línuballarnir eru hannaðir
af fólki sem þekkir til línu-
veiða, og einmitt þess
vegna munu þeir létta
starfið.
Línuballarnlr fást hjá:
Kr. Ó. Skagfjörð hf., Innkaupadeild L.Í.Ú.,
Þ. Skaftason hf„
sfml 91-15750
simar 91-29500, 17028
simi 91-24120
Aðalumboð:
O. Johnson & Kaaber hf.
sími 91-24000.