Morgunblaðið - 08.01.1983, Side 15

Kristján Ragnarsson vegna ummæla
bátaútgerðarmanna:
MORGUNBLAÐIÐ, LAUGARDAGUR 8. JANÚAR 1983
15
Engin leið að draga
línu milli útgerð-
ar báta og togara
„ÞAÐ ER engin leið aö draga línu
milli útgeröar báta og togara, menn
eyða mismikilli olíu, hvort sem um
bát eöa togara er aö ræöa. Það fer
eftir því hvaða veiöarfæri viökom-
andi bátar nota og aörir togarar afia,
tvisvar sinnum meira en aðrir og
með svona olíugjaldi er verið að
færa til þeirra, sem minna afla. Hér
er því fyrst og fremst um að ræða
tilflutning á fjármagni frá þeim, sem
vel afla til þeirra, sem minna afla
hvort sem um er að ræða togara eða
bát og það tel ég ekki rétta stefnu,
heldur á hver að standa ábyrgur
fyrir sínu,“ sagði Kristján Ragnars-
son, formaður og framkvæmdastjóri
LÍÚ, er hann var inntur álits á um-
mælum útgerðarmanna báta, sem
birt voru í Morgunblaðinu síðastlið-
inn miðvikudag.
„Það liggur fyrir að það var al-
gjör samstaða hjá LÍU um svo-
kallaða aðra leið, eða þá, sem ekki
var farin, en kom til umfjöllunar.
Við urðum algjörlega sammála
um það að kostnaðarhlutdeild
utan skipta upp á 17% olíugjald í
stað 7% væri æskilegri leið og síð-
an greiddi hver og einn að fullu þá
olíu, sem hann eyddi. í því fólst
engin millifærsla frá einum til
annars eins og var fyrir 1976, sem
þá var afnumið. Ríkisstjórnin
ákvað hins vegar að þetta skyldi
gert svona, það er með útflutn-
ingsgjaldi og niðurgreiðslu á olíu.
Þess vegna varð ég, fyrir hönd út-
gerðarinnar, að semja mig að
ákvörðun ríkisstjórnarinnar, sem
auðvitað er sá aðili, sem stjórnar
landinu. Þess vegna féllumst við á
þessa lausn, sem hefur vissa
ókosti í för með sér, en það er hins
vegar nákvæmlega sama fyrir sjó-
menn hvor leiðin hefði verið far-
in,“ sagði Kristján ennfremur.
Sjálfstæðismenn á Akureyri:
Vildu lækka fasteigna-
skatta um 1,9 millj. króna
„VIÐ sjálfstæðismenn i bæjarstjórn
Akureyrar lögðum það til við umræð-
ur um fasteignaskatta skömmu fyrir
jól, að Akureyrarbær nýtti ekki til
fulls heimildir til skattahækkana,"
sagði Gunnar Ragnars, bæjarfulltrúi
á Akureyri í samtali við blaðamann
Morgunblaðsins í gær. „Við urðum
hins vegar að láta í minni pokann,
þar sem meirihluti bæjarstjórnar og
fulltrúi Alþýðuflokksins greiddu at-
kvæði með hámarksálagningu fast-
eignagjaldanna," sagði Gunnar enn-
fremur.
„Nú verða fasteignagjöld hér á
Akureyri þvi 0,625% af fasteigna-
mati, en við lögðum til að þau yrðu
ekki nema 0,5625, sem er samtals
1,9 milljónum króna lægra. Við
teljum óverjandi og ástæðulaust
að Akureyri skuli jafnan vera
fremst í flokki sveitarfélaga í fast-
eignaskattheimtu. Fasteignamat
hér hefur hækkað um 65% á milli
ára, og það er ekki svo lítið, þegar
þess er gætt að kaup fólks hækk-
aði að meðaltali aðeins um 48%
milli áranna 1981 og 1982, og spáð
er svipaðri hækkun milli 1982 og
1983. Hér vilja meirihlutaflokk-
arnir í bæjarstjórn því hækka
fasteignagjöldin mun meira en
sem nemur kauphækkuninni. Það
er ekki síst athyglisvert að
Kvennaframboðið stendur að
þessu og skipar sér þar með í sveit
með gömlu skattheimtuflokkunum
sem við þekkjum," sagði Gunnar
Ragnars að lokum.
Tillaga meirihluta bæjarstjórn-
ar var samþykkt með 7 atkvæðum
gegn 4 atkvæðum sjálfstæð-
ismanna, þeirra Gunnars Ragn-
ars, Gísla Jónssonar, Jóns G. Sól-
ness og Sigurðar J. Sigurðssonar.
Hitaveita Akraness og Borgarfjarðar:
30 milljón kr.
tap á sl. ári
Borgarnesi, 5. janiiar.
HITAVEITA Akraness og Borgar-
fjarðar á nú í talsverðum fjárhags-
erfiðleikum. Að sögn Ingólfs
Hrólfssonar hitaveitustjóra stafa
erfiðleikarnir fyrst og fremst af
óhagstæðri vaxtaþróun, þ.e. vaxta-
kostnaður væri verulega miklu
hærri en reiknað var með í upphafi,
auk þess sem vatnssala hitaveit-
unnar væri um 30% minni en búist
var við. Ingólfur sagði að mikið tap
hefði verið á rekstrinum síðastliðið
ár, uppgjör liggur ekki fyrir en ekki
væri ólfklegt að tapið væri um 30
milljónir króna. Árið væri þó ekki
viðmiðunarhæft að öllu leyti þar
sem veitan hefði verið að komast í
gagnið á árinu og mætti líta á hluta
af kostnaðinum sem stofnkostnaö.
Ingólfur sagði að ef ekki verða
gerðar gjaldskrárbreytingar færi
tapið á árinu 1983 í 27—28 millj-
ónir króna, samkvæmt áætlun-
um HAB. Ef gjaldskráin verður
hækkuð úr 50% af kyndingar-
kostnaði með olíu í 70%, mínútu-
lítrinn hækkaði þá um 40%, úr
470 krónum í 650 krónur, þá
verður tapið hinsvegar um 12
milljónir og þyrfti samt að taka
að láni um 1 milljón dollara til að
endar næðu saman.
Ingólfur sagði að sér fyndist
óeðlilega lítið vatn keypt og ljóst
að ekki næðu allir að halda full-
um hita yfir kaldasta tímann, þó
væri þetta afar misjafnt hjá
fólki. Að lokum sagði Ingólfur
Hrólfsson að rekstur hitaveit-
unnar hefði að öðru leyti gengið
vel og raunar truflunarminna en
hægt hefði verið að búast við.
HBj.
AF ERLENDUM VETTVANGI
eftir JEFFREY ULBRICH
Götumynd frá Ajaccio, höfuðborg Korsíku. Korsíkubúar hafa lagt fram sinn skerf til franskrar
sögu. í þessu húsi í Ajaccio fæddist Napoleon Bona-
parte, einhver frægasti sonur Frakklands.
Korsíka:
Aðskilnaðarsinnum
sagt stríð á hendur
Vaxandi ókyrrðar er nú farið að gæta á Korsíku og berast stöðugt
fréttir þaðan af sprengjutilræðum og öðrum hermdarverkum þeirra
manna, sem berjast fyrir fullum aðskilnaði eyjarinnar við Frakkland.
Skömmu eftir að Francois Mitterrand varð forseti, reyndi hann að bera
klæði á vopnin og friða aðskilnaðarsinna með því að veita eyjarskeggjum
aukna sjálfstjórn í ýmsum efnum, en nú, í upphafi árs 1983, kveður við
annan tón. Mitterrand, leiðtogi franskra sósíalista, hefur nú ákveðið að
lýsa yfir allsherjarstríði á hendur óeirðaseggjunum og sýnist ekki ætla að
viðhafa nein vettlingatök hvað það varðar.
Mitterrand og stjórn hans
eru búin að fá meira en
nóg af glæpaverkum aðskilnað-
arsinnanna. Á síðasta ári stóðu
þeir fyrir 804 sprengjutilræðum
og skotárásum og aðeins á síð-
ustu sjö dögum hafa þeir borið
ábyrgð á níu ofbeldisárásum.
Fyrstu aðgerðir frönsku stjórn-
arinnar voru að endurskipu-
leggja lögregluna á Korsíku.
Margir æðstu yfirmenn lögregl-
unnar voru fluttir til starfa á
meginlandinu, en í þeirra stað
var settur Robert Broussard,
„súperlöggan", eins og hann er
kallaður, fyrrum rugby-leikmað-
ur, sem þykir mjög harður í horn
að taka.
Þessar aðgerðir frönsku
stjórnarinnar geta verið nokkuð
tvíbentar. Korsíkubúum svipar
um margt til Norður-íra. Til-
finningarnar eru heitar, fjöl-
skylduböndin sterk og staðan í
stjórnmálunum ákaflega flókin.
Eyjarskeggjar eru vanir því að
gera sjálfir út* um sín mál og
vendettan, blóðhefndin, er þar í
fullu gildi. Margir stjórnmála-
flokkar eru á eyjunni. Aðskiln-
aðarsinnar, þar með talin neðan-
jarðarhreyfingin FLNC og opin-
ber samtök þeirra út á við, CCN;
flokkar, sem berjast fyrir sjálf-
stjórn í tengslum við Frakka og
aðrir, sem vilja óbreyttt ástand.
Frakkar hafa ráðið Korsíku
frá árinu 1768 og nú er staða
eyjarinnar sú sama og annarra
héraða í Frakklandi. Langflestir
Korsíkubúar gera sig ánægða
með það, en margir halda því þó
fram, og með nokkrum rétti, að
stjórnin í París hafi vanrækt
eyjuna efnahagslega. Lögreglan
telur, að innsti kjarni FLNC,
neðanjarðarhreyfingar aðskiln-
aðarsinna, sé ekki nema um 200
manns og stuðningsmenn þeirra
um 1000, en vandinn er sá, að
þeir eru allir sonur einhvers,
bróðir eða frændi, og á Korsíku,
þar sem þagnareiðurinn er
óskrifuð lög, fæst enginn til að
vitna gegn ættingja sínum.
„Hér á eyjunni er ekki einu
sinni hægt að finna mann, sem
þorir að fullyrða að hann hafi
ekkert séð,“ er haft eftir einum
lögreglumanni, sem langþreytt-
ur er orðinn á árangurslausum
eftirgrennslunum.
Þegar Mitterrand komst til
valda í maí árið 1981, lýsti hann
því yfir, að Jtiann ætlaði að gera
eitthvað i málum Korsíku og
FLNC brást við með því að lýsa
yfir „vopnahléi“, sem að mestu
var haldið fram í ágúst á síðasta
ári. Mitterrand leysti úr haldi
menn, sem gerst höfðu sekir um
pólitísk ofbeldisverk og jók um-
boð heimaþingsins í eigin málum
eyjarskeggja. Fækkað var í lög-
reglunni, símahlerunum hætt,
eftirlit minnkað og lögreglunni
settar strangari starfsreglur.
Hann batt líka alveg enda á að-
ferðir fyrri stjórnar, sem ein-
kenndust af fjöldahandtökum,
miklum yfirheyrslum og aug-
lýstum réttarhöldum, sem jafn-
an höfðu í för með sér nýja varg-
öld á eyjunni.
Þetta var þó ekki nóg fyrir
FLNC-samtökin, sem lýstu því
yfir í ágúst sl., að aftur yrði
gripið til vopna. Nokkru seinna
byrjuðu svo aðskilnaðarsinnar á
þeirri kúgunaraðferð að heimta
„byltingarskatt" af öllum þeim
ibúum á eyjunni, sem ekki eru
þar bornir og barnfæddir.
Síðastliðinn miðvikudag þótti
Mitterrand og stjórn hans sem
mælirinn væri fullur og „leysti
upp“ FLNC-samtökin. Það þýðir,
að hér eftir varðar það eitt við
lög að vera félagi í þeim. Margir
Korsíkubúar óttast þó, að þessar
aðgerðir verði aðeins til að auka
á ofbeldið og efast um, að harð-
jaxli eins og Broussard vegni
betur en fyrirrennurum hans.
Fyrir rannsóknarlögreglu-
menn skipta uppljóstranir
miklu, en þeir eru fáir á Korsíku.
Þótt allir flokkar nema CCN, hin
opinberu samtök aðskilnaðar-
sinna, hafi fordæmt hryðju-
verkin, þá er enginn fús til að
gerast vitni yfirvaldanna. Allt
það lögreglustarf, sem unnið
hafði verið fram til 1981, fór for-
görðum með aðgerðum Mitter-
rands og Broussard á erfitt verk
fyrir höndum í baráttunni við
hermdarverkamennina, sem
starfa í fámennum hópum og oft
án mikilla tengsla sín í milli.
Franska stjórnin er ekki alveg
samkvæm sjálfri sér, því að hún
hefur gert hvort tveggja að
banna FLNC-samtökin og bjóð-
ast til að ræða við liðsmenn
þeirra um hugsanlega lausn. „Ég
tel það ekki skyldu mína að
fangelsa sem flesta Korsíkubúa,
heldur að finna friðsamlega
lausn sem fyrst,“ segir Gaston
Deferre, innanríkisráðherra
Frakka.
Eitt er þó víst. Friður er ekki á
næstu grösum. Korsíkubúar bíða
nú bara eftir því hvor verði fyrri
til að láta höggið ríða — „súper-
löggan" Broussard eða FLNC.
— sv