Morgunblaðið - 09.01.1983, Blaðsíða 1

64 SIÐUR
6. tbl. 70. árg.
SUNNUDAGUR 9. JANÚAR 1983
Prentsmiðja Morgunblaðsins
„Fátækt
öllum til
handa“
Lítil saga af hugvitsmanni
í Kina og örlögum hans
Peking, 8. janúar. AP.
„GLÆPUR" Han Kuns var það eitt
að hafa tekið við greiðslum fyrir að
bjarga ríkisrekinni gúmmiverk-
smiðju, þar sem hann vann, frá
gjaldþroti og 100 starfsmönnum
verksmiðjunnar frá atvinnuleysi.
Nýverið var skýrt frá þessu í Kín-
versku dagblaði.
Öllum frístundum sat hann
heima hjá sér og reyndi að finna
lausn á vandánum, og að lokum
tókst það. Nýtt gúmmiþéttiefni, og
verksmiðjan skilaði 200.000 doll-
ara hagnaði árið eftir. Fyrir
hugmynd sína var honum greidd
umbun af hálfu verksmiðjunnar,
sem nam alls um 1500 dollurum á
22 mánaða tímabili.
Stjórn verksmiðjunnar komst
að því að Han Kun hafði fengið
aukalegar sporslur fyrir uppfinn-
ingu sína. Sá úrskurður var þar
kveðinn upp, að greiðslurnar til
Han Kun bæri að túlka sem mút-
ur, og að hann hefði gerst sekur
um „alvarlegan iðnaðarglæp" með
því að taka við peningunum. Hann
varð að skila peningunum aftur og
var sviptur réttindum til stöðu-
hækkunar innan verksmiðjunnar.
Héraðsdómstóll í Shanghai
komst hins vegar að þeirri niður-
stöðu, að Han Kun hefði ekkert af
sér brotið, en á hinn bóginn lagt
sitt af mörkum til þess að auka
velsæld þjóðarinnar. Dómarinn
var ekki sammála þessari niður-
stöðu, en féllst á þá málamiðlun,
að fella niður kæru, þar sem Han
Kun hefði skilað peningunum og
„játað."
Stjórn kommúnistaflokksins í
Shanghai hefur nú krafist þess, að
Han Kun væri hækkaður í tign og
gerður að verkstjóra í verksmiðj-
unni. Þessi þversögn hefur komið
fólki i Kína á óvart, og ennfremur
ýtt undir þann hugsunarhátt þar í
landi, að ef eitthvað skilar arði,
hljóti það að vera glæpur. Slag-
orðið „launajafnrétti" hafi nú snú-
ist upp í „fátækt öllum til handa.“
Þrettándagleði í Vestmannaeyjum.
Morgunblaðid/Sigurgeir.
Framtíð Líbanon undir stuðn-
ingi Bandaríkjamanna komin
Gemayel biðlar til Reagan um hjálp við enduruppbyggingu landsins
Beirút, 8. janúar. AP.
BAKDAGAR blossuðu enn upp í nótt
á milli stríðandi afla múhameðstrú-
armanna í hafnarborginni Tripóli eftir
að allt hafði verið þar með kyrrum
kjörum um skeið. Barist var í návígi
um alla borgina, þrátt fyrir þau til-
mæli ráðamanna landsins, að reynt
yrði að halda frið.
Fréttir í morgun hermdu, að
bardagar hefðu hafist um leið og
birti af degi. Talsvert manntjón
varð í skærununum, en lögreglan í
Tripóli hafði ekki nákvæmar tölur
látinna og særðra á reiðum hönd-
um.
Frekari viðræður á milli fulltrúa
hinna stríðandi afla voru fyrirhug-
aðar síðar í dag, til þess að reyna að
binda enda á átökin í Tripóli, sem
til þessa hafa orðið yfir 200 manns
að bana og tæplega 600 hafa særst.
Fréttirnar af frekari átökum í
Tripóli bárust aðeins nokkrum
klukkustundum eftir að Amin
Gemayel, forseti Líbanon, hafði á
ný farið þess á leit við Ronald Reag-
an, að Bandaríkjamenn réttu
Líbönum hjálparhönd við
enduruppbyggingu landsins. Sagði
Gemayel við þetta tækifæri, að
framtíð Líbanon væri nærri alfarið
undir stuðningi Bandaríkjamanna
komin.
Líbanskir ráðamenn telja, að
ekki þurfi undir 10 milljörðum
Bandaríkjadala til þess að koma
byggingum, vegakerfi landsins og
öðru nauðsynlegu í eðlilegt horf á
ný. Þá telja ráðamennirnir, að einn
milljarð Bandaríkjadala til viðbót-
ar þurfi til að endurskipuleggja
herinn. Til þessa hafa Bandaríkja-
menn reitt fram 112 milljónir doll-
ara til hjálpar og selt Líbönum
vopn fyrir 85 milljónir dollara.
Sumarhitar í Evrópu
Blómin hlæja við skíöamönnunum og ferðamálafrömuðir eru lagstir
í þunglyndi — Allt að þakka íslensku lægðunum segja veðurfræðingar
Krankfurl, 8. janúar. AI*.
GESTIRNIR í hinum glæsilegu
fjallahótelum í Sviss og Ítalíu hafa
það nú heist fyrir stafni að horfa á
skíðamyndir, í bröttum brekkunum
í Austurríki glitrar á blómaskrúðið,
í Frakklandi drúpa rósirnar sínu
dumbrauða höfði og yfirmenn á
dönsku ísbrjótunum eru i „sumar-
fríi“ á sólarströndum. Sumarið er
með öðrum orðum komið til Evrópu
og hvernig skyldi standa á því? Jú,
það er að þakka íslensku lægðun-
um, sem hafa brugðið á „mjög
skemmtilegan" leik að þessu sinni.
„Hlýtt eins og á Svölu sumri,"
var aðalfyrirsögnin í einu
Frankfurt-blaðanna en í gær var
þar í borg 13,6° hiti, sá mesti í
janúar í 116 ár. Janúarhttinn í
Svíþjóð, Danmörku, Austurríki,
Sviss og víðar hefur einnig slegið
öll met og segja veðurfræðingar,
að ástæðan sé lægðafaraldurinn
við ísland, sem veiti hlýju sjávar-
lofti inn yfir meginlandið. Búast
þeir ekki við breytingum fyrr en í
næstu viku í fyrsta lagi.
Ekki eru allir jafn ánægðir
með blessaða tíðina. í Ölpunum
líður skíðamönnunum eins og
þorskum á þurru landi og í
Þýskalandi hefur orðið að aflýsa
þremur heimsbikarmótum í þess-
ari vinsælu vetraríþrótt. „Þetta
er ömurlegt," sagði Max Hofer
hjá Ferðaskrifstofu ríkisins í
Sviss og hóteleigendur og eigend-
ur skíðaverslana horfa bara í
gaupnir sér. Það er eins og þeir
geti ekki glaðst og tekið undir
með sumarbjörtum hlátrasköll-
unum, sem óma um borg og bý.
Moskvubúar, sem eru vanir að
skemmta sér á skautum og skíð-
um á þessum árstíma, eru að
verða nokkuð langþreyttir á veð-
urblíðunni en í dag var þar 2ja
stiga hiti þegar frostið á vera 20
stig. I Georgíu suður við Svarta-
haf var hins vegar allt í voða
vegna fannkyngis en þar á vera
hálfgert hitabeltisloftslag. Á há-
annatíma dönsku ísbrjótanna
liggja þeir við festar og fólkið í
fríi, í Vínarborg var 17 stiga hiti í
dag og blómin farin að spretta í
brunbrekkunum, í Frakklandi eru
rósir sums staðar í blóma og
brumknappar komnir á trén.
Er þá hvergi vetur í Evrópu?
Jú, jú. I Portúgal auðvitað en þar
hefur héraðið Traz-Os-Montes
verið hálfeinangrað síðustu daga
vegna ísilagðra vega og stöðug
næturfrost hafa slitið sundur
síma- og raflínur á sömu slóðum.
Fylgjast vel
með sovéska
hnettinum
New Vork, 8. janúar. Al*.
BANDARÍKJAMENN eru við öllu
búnir vegna gervihnattarins, sem
Sovétmenn misstu af braut og fellur
nú stjórnlaust til jarðar, en hann er
knúinn kjarnaofni með 45 kg af
geislavirku úrani. Hnötturinn er
einn af 4.799 hlutum á braut um
jörðu, sem Bandaríkjamenn fylgjast
með og þeir geta sagt um það með
90 mínútna fyrirvara, þegar hann
verður í tæpra 10 km hæð, hvar hann
muni koma niður.
Embættismenn í Pentagon
telja, að Rússar hafi misst hnött-
inn af braut vegna þess að eld-
flaugarnar, sem hafi átt að koma
honum á fjarlægari braut, hafi
bilað. Þeir telja einnig engan vafa
leika á að hann sé njósnahnöttur,
vegna þess hve jarðnánd hans var
mikil, um 240 km. Ef hnötturinn,
Cosmos 1402, brotnar á leið inn í
gufuhvolfið, geta leifar hans
dreifst yfir 518.000 km2 svæði.
Cosmos 954, annar sovéskur
kjarnorkuhnöttur, féll til jarðar
yfir auðnum Kanada í janúar 1978
og olli mikilli geislavirkni við
Stóra Þrælavatn. Það kostaði
Kanadastjórn sex milljónir doll-
ara að hreinsa svæðið, eftir því
sem unnt var.
/