Morgunblaðið - 25.03.1983, Blaðsíða 3
MORGUNBLAÐIÐ, FÖSTUDAGUR 25. MARZ 1983
3
Stal lyf-
seðlum
— og falsaði beiðni
um morfínskammt
MAÐUR nokkur reyndi í
gærmorgun að fá afgreitt
morfín í iyfjaverzlun. Ymis-
legt þótti hins vegar grun-
samlegt í fari mannsins og í
Ijós kom að lyfseðillinn, sem
maðurinn framvísaði, var
falsaður.
Maðurinn hafði stolið eyðublöð-
um fyrir lyfseðla á sjúkrahúsi í
borginni og stílaði morfínbeiðnina
á nafn ákveðins læknis. Þegar
maðurinn kom í lyfjaverzlunina
þótti mönnum ýmislegt athuga-
vert við manninn og einhver hafði
á orði, að lyfseðillinn væri of vel
skrifaður til að vera skrifaður af
lækni. Haft var samband við við-
komandi lækni og kannaðist hann
ekki við að hafa skrifað lyfseðil-
inn. Því var kallað á lögreglu. Um-
ræddur maður hefur komið við
sögu í fíkniefnamálum áður.
12.283 hafa
séð Húsið
ALLS hafa nú 12.283 áhorf-
endur séð nýju íslensku
kvikmyndina, Húsið, sem
sýnd er í Háskólabíói. Björn
Björnsson, einn aðstandenda
kvikmyndarinnar, sagði í
gær, að þeir væru mjög
ánægðir með aðsóknina, sem
virtist fara vaxandi.
„Þetta hefur farið vel af stað,“
sagði Björn, „og við erum bjart-
sýnir á framhaldið. Aðsóknin mun
vera eitthvað líkt því sem var með
Stuðmannamyndina, það var met-
aðsókn að henni, og við hljótum að
vera hressir með þetta.
Nú á laugardaginn verður
myndin svo frumsýnd á Akureyri
með smáviðhöfn. Egill Eðvarðsson
er frá Akureyri og við höfum boð-
að til sérstakrar frumsýningar
þar. Þá fer myndin af stað í Vest-
mannaeyjum nú um helgina, og
verður síðan páskamyndin bæði á
ísafirði og í Keflavík. Þrjú eintök
myndarinnar verða því í sýningu í
einu, enda hafa fjölmargir staðir
út um land óskað þess að fá mynd-
ina til sýningar."
Skákþing
hefst í dag
KEPPNI í landsliðsflokki
Skákþings íslands hefst í
kvöld klukkan 19 í skák-
heimilinu að Grensásvegi 46.
Önnur umferð hefst á morgun
klukkan 14 op þá hefst keppnin í
áskorenda- og opnum flokki.
Þriðja umferð verður á sunnudag í
landsliðsflokki og 2. umferð i hin-
um flokkunum tveimur.
Nafn drengs-
ins sem fórst
LITLI drengurinn, sem fórst í um-
ferðarslysi á Akureyri á þriðju-
daginn, hét Heiðar Þeyr Fjölnis-
son til heimilis að Sunnuhlíð 2,
Akureyri.
Fyrirpáska
ferNóí
í hörku samkeppní
við hæntirtiar!
Páskaeggin frá Nóa og Síríus, - eggin hans Nóa,
hafa ýmislegt fram yfir þau „páskaegg" sem hænumar
eru að kreista úr sér þessa dagana. Eggin hans Nóa fást í 6 stærðum,
þau eru fagurlega skreytt og búin til úr hreinu súkkulaði.
Þau hafa líka mun Qölbreyttara innihald en egg keppinautarins,
t.d. brjóstsykur, karameilur, konfekt, súkkulaðirúsínur og kropp,
að ógleymdum málshættinum.
Þrátt fyrir þessa kosti mælum við ekki með eggjunum
hans Nóa í bakstur, ofan á brauð eða með beikoni!
Eggin hans Nóa eru gómsæt, - og úr hreínu súkkulaðí!
JMOl
X
■