Morgunblaðið - 25.05.1983, Blaðsíða 38

20
MORGUNBLAÐIÐ, MIÐVIKUDAGUR 25. MAl 1983
Juventus dýrasta knattspyrnufélag Evrópu
40 þúsund áhorfendur fylgja
lióinu til Grikklands
Draumaúrslitaleikur í Evrópukeppni meistaraliða í
knattspyrnu á milli Juventus Tórinó og Hamburger
Sportverein er samdóma álit allra sem fylgjast náið með
knattspyrnu. Juventus Tórinó með 7 landsliðsmenn sem
urðu heimsmeistarar í knattspyrnu á síðasta ári.
Af mörgum sérfræöingum er Juventus Tórinó taliö
besta knattspyrnufélag veraldar. Úrslitaleikurinn í
Aþenu í kvöld gæti skorið úr um það. Eitt er þó nokkuó
víst, að aðeins sigur í þessum sögulega úrslitaleik kem-
ur til greina hjá þessu „dýrasta félagi“ Evrópu.
Þegar nafnið Juventus er nefnt tengja menn það
ósjálfrátt við nafnið Fiat enda ekki aö ósekju. Juventus
og Fiat er „hjónaband“ sem staðið hefur í 84 ár. Félagið
var stofnað árið 1887 og gekk undir nafninu „knatt-
spyrnudaman Juve“. Tveimur árum síðar kom forstjórí
Fiat, Agnelli til liös við félagiö. Síðan hafa peningar
streymt til félagsins og það þekkir ekki fjárhags-
vandræöi.
Ádur hétu stjörnur félagsins Omar Sivori og Helmut
Haller. í dag eru það leikmenn eins og Rossi, Zoff, Gent-
ile, Boniek og Platini svo að aðeins fáir séu nefndir.
Þegar Juventus leikur við erkióvininn, Inter, þá er
stemmningin eins og hún gerist best á Ítalíu. Þá flýgur
grjót um áhorfendastæðin, þá eru skoruð falleg mörk.
Hinir 70.000 áhorfendur skjóta upp eldflaugum og
fleygja reykbombum inn á leikvanginn. í stuttu máli:
knattspyrna á ítalskan máta. Eitthvað í þessari líkingu
verður stemmningin þegar Juventus leikur til úrslita við
Hamburger Sprotverein í kvöld, því aö minnsta kosti
40.000 áhorfendur fylgja liöi sínu til Aþenu.
Aðalbækistöðvar Juventus eru í
mióri borginni. Juventus vill halda
sem bestum tengslum við fólkiö.
Þegar íbúar Tórinó eru aö versla
geta þeir alltaf komið við og keypt
myndir af stjörnum sínum, fengiö
eiginhandaráritanir eöa aöra
minjagripi félagsins.
Fyrir þá sem eiga einhvern tíma
eftir aö koma til Tórinó, þá liggja
bækistöövar félagsins í fínasta
hverfi Tórinó, „Galleria San Feder-
ico“ númer 54, rétt viö Via Roma.
Aftur á móti er leikvangur fé-
lagsins i noröurhluta borgarinnar,
þar sem iðnaöurinn er sem mest-
ur. Þegar félagið æfir, er yfirleitt
margt um manninn þar. Verka-
menn, nunnur, konur og börn
horfa á æfingar félagsins. Leik-
menn félagsins gefa sér jafnan
góóan tíma til aó skrifa eiginhand-
aráritanir fyrir aðdáendur sína og
ýtir þaö auövitaö undir vinsældir
íiösins.
„Dino, eina eiginhandaráritun
þar sem á stendur, ástin mín.“
„Ekkert vandamál, sjálfsagt," segir
Dino Zoff og skrifar ástin mín á
blaö ungu konunnar, sem um
stund upplifir sig sem prinsessu.
Vegna glæsilegs landsleikjaferils
hefur Dino Zoff fengið viöurnefnið
„Nazionale".
Ekki verða fagnaöarlætin minni
þegar Paolo Rossi mætir á æfingu.
200 aödáendur ærast þegar goöiö
kemur í eigin persónu. Paolo Rossi
sló í gegn í síöustu heimsmeistara-
keppni þegar hann tryggöi Itölum
heimsmeistaratitilinn meö mörkum
sínum. Hann gefur sér einnig góö-
an tíma til aö skrifa eiginhandar-
áritanir. Þaö er ekki skrítiö þó aö
knattspyrnumenn Juventus séu
eins elskaöir og raun ber vitni þeg-
ar þeir eru alltaf í góöum tengslum
viö aódáendur sína.
Aöalatriðiö fyrir fólkiö er aö fá
aö tilheyra Juve og Juve leitar til
fólksins. Hvorki meira né minna en
6.000 aödáendaklúbbar eru starf-
ræktir í Tórinó og aörir 6.000 eru
starfandi annars staöar á ítalíu. Aö
gerast meölimur í aödáendaklúbb
Juventus kostar 90 krónur. í staö-
inn áttu kost á aö feröast ódýrt á
alla útileiki liösins í ítölsku 1. deild-
arkeppninni. Tórinó-búar bera
óbilandi traust til Juventus og telja
algjörlega óhugsandi aö annað liö
geti oröið Evrópumeistari í knatt-
spyrnu. Hvernig geturt lið með
Platini, Boniek, Rossi, Tardelli,
Zoff og Bettega tapaö? Italirnir í
liðinu hafa aö baki 393 landsleiki.
Leikmenn með þessa leikreynslu
geta ekki tapað segja aödáendur
Juventus Tórinó.
Þaö eru heldur engin sultarlaun
sem leikmenn Juventus Tórinó fá í
sinn hlut. Leikmenn á borö viö
Rossi og Platini hafa 7 milljónir
króna í árslaun auk „bónusa" og
auglýsingatekna. Þaö er ekki aö
furöa þó aö ítalskir knattspyrnu-
menn brosi út í annaö þegar þeir
bera laun sín saman viö kollega
sína í Vestur-Þýskalandi.
íbúar Tórinó og aðdáendur Ju-
ventus öfunda þó ekki leikmennina
af þessum launum, þeim finnst þau
sjáifsögö. Aöalatriöið er aö þeir
vinni sem flesta leiki og séu vina-
legir viö fólkið.
Forseti Juventus er Boniperti.
Hann lék 444 sinnum í búningi Ju-
ventus Tórinó og stjórnar félaginu
af festu og kunnáttu. Hann var
einu sinni spurður hvort forráöa-
menn Juventus græfust fyrir um
persónueiginleika þeirra leik-
manna sem keyptir væru til félags-
ins. Hann svaraði því til, að svo
væri ekki. Juventus Tórinó er svo
sterkt félag, aö þaö getur beygt
hvaða persónuleika sem er.
Hann vill aldrei ræöa fjármál viö
blaðamenn. Þaö virkar ósamúöar-
fullt á fólkiö, segir hann. Hér er
enginn spilling. Þaö er engin furöa
þó hann vilji fá að taka þaö fram,
því að ítölsk knattspyrna er einmitt
þekkt fyrir fjölmörg mútu- og
hneykslismál sem hafa oft sett
svartan blett á ítalska knattspyrnu.
Hann segir aö Juventus og Fiat
séu nátengd en þó algjörlega aö-
skilin. Allir vita þó aö Agnelli for-
stjóri Fiat á 90% hlutabréfa Ju-
ventus. Hann skiptir sér þó ekki af
daglegum rekstri félagsins. Hann
hefur þó afskipti af þegar erlendir
knattspyrnumenn eru keyptir til fé-
lagsins. Hann sá meöal annars um
kaupin á Platini. Einn knattspyrnu-
mann hefur honum þó ekki enn
sem komiö er tekist aö lokka til
é
• Pólverjinn Boniek lék meó landsliói Póllands um síöustu helgi og
fór síðan beint til Aþenu. Hann þykir vera einn af sterkustu miðvallar-
leikmönnum í Evrópu í dag. Og eftir síðustu HM-keppni á Spáni var
hann keyptur til Juventus. Hár sést hann í leik meö liöinu.
sín, en þaö er knattspyrnusnilling-
urinn Zico, sem leikur meö brasil-
íska landsliöinu og margir telja
besta knattspyrnumann heimsins.
Boniperti forseta Juventus fól
hann aö fá fram breytingar hjá ít-
alska knattspyrnusambandinu
þess efnis aö á næsta keppnis-
tímabili yröi hverju félagi leyft aö
hafa þrjá erlenda leikmenn innan
• Gentile, er hann haröskeyttasti varnarmaður sem leikur knatt-
spyrnu í dag? Því vilja margir halda fram. Gentile hefur leikió meö
Juventus um langt árabil og er einn af leikreyndustu mönnum liösins.
Honum tekst jafnan vel upp í stórleikjum.
sinna vébanda, „svo að knatt-
spyrnan veröi meira aölaöandi".
Boniperti heföi alveg eins getað
sagt viö ítalska knattspyrnusam-
bandiö: „svo aö Agnelli gæti keypt
Zico“.
Þaö er talið sjálfsagt mál aö Ju-
ventus sé ítalskur meistari í
knattspyrnu á hverju ári. Aöeins
toppárangur skiptir máli. Að
tryggja sér evrópusæti er ekki taliö
líruviröi hjá Juventus Tórinó. Þjálf-
ari Juventus er Giovanni Trapatoni
og hefur hann veriö viö stjórnvöl-
inn síðustu 7 ár. Hjá Juventus gerir
hann aldrei skriflegan samning. Ef
hann skilar árangri, semur hann
með því aö taka í hendina á for-
seta félagsins, Boniperti, aö lokn-
um siöasta leik keppnistímabilsins.
Eftir aö ítalir uröu heimsmeistar-
ar í knattspyrnu, fóru stjörnur Ju-
ventus fram á enn hærri laun hjá
félaginu. Eftir umhugsun gaf for-
seti félagsins, Boniperti, eftir.
Hann gat þaö einnig meö góöri
samvisku, því aö áhorfendum
fjölgáöi um 30—50%.
Traponi, þjálfari Juventus, segir
aö á Italíu hati fólkiö landsliöið
þegar þaö tapi, en elski þaö þegar
þaö sigrar, en félagiö elskar maöur
alltaf.
Atvinnuleysi og kreppa kemur
ekki í veg fyrir að verkamaöur
kaupi sér miöa á völlinn. Hann kýs
fremur að sleppa úr máltíð heilan
dag og fara á völlinn til aö sjá Ju-
ventus Tórinó. Þó ekki væri nema
þess vegna, krefjast allir Tórinó-
búar og aödáendur Juventus Tór-
inó sigurs á Hamburger Sportver-
ein í Aþenu í kvöld.
• Leikmenn Juventus komu fil Aþenu í gærmorgun og dvelja nú á sumarhóteli um 40 km frá miöborginni þar sem leikur Juventus og
Hamburger fer fram. Eiginkonur sumra leikmanna eru líka mættar á staóinn. Hér má sjá, taliö frá vinstri, Boniek og frú meö barn sitt,
eiginkonu Platini, Crystel, og síöan snillinginn Platini.