Morgunblaðið - 08.07.1983, Blaðsíða 14
14
MORGUNBLAÐIÐ, FÖSTUDAGUR 8. JÚLÍ 1983
Uppreisnarmenn halda
fast við fyrri kröfur
Túnisborg, 7. júní. AP.
SEX manna sendinefnd fri PLO sneri
í dag aftur til Damaskus eftir viðrsð-
ur við Yasser Arafat, formann sam-
takanna, og nánustu aðstoðarmenn
hans og ráðgjafa. Tilgangur nefndar-
innar í Damaskus er sem fyrr að
reyna að koma á sáttum við stjórn
Sýrlands og ennfremur innan samtak-
anna sjálfra. Ekki var frá því skýrt
hvort nefndin hefði fram að færa ein-
hverjar tilslakanir á stjórn Arafats
innan PLO.
Sendinefndin kom í gær til Tún-
isborgar og hélt rakleiðis til fundar
við Arafat. Var honum skýrt frá
árangri viðræðna í Damaskus. Við-
ræður nefndarinnar við Arafat
Flak bifreiðarinnar sem sprakk ( loft upp eiuni mínútu eftir að Shafik
Wazzan forsætisráðherra ók fram hjá benni. Jarðsprengju hafði verið komið
fyrir í bifreiðinni. _____________
Wazzan slapp naum-
lega frá morðárás
Beirút.7. júlí. AP.
SHAFIK Wazzan, forsætisráð-
herra Líbanons, slapp naumlega úr
moröárás, sem varö með þeim
hætti, aö bifreið hlaöin sprengjum
sprakk í loft upp rétt hjá skrifstofu
hans, er hann kom til vinnu í
stjórnarráðið í Beirút í morgun.
Bílalest Wazzans, sem var vand-
Barnamorðingi
fær gálgafrest
Parchman, Mississippi, 7. júlí. AP.
DÆMDUR barnamorðingi,
Jimmy Lee Gray, fékk í dag gálga-
frest, er aftöku hans í gasklefan-
um í Mississippiríki var frestað,
þar sem dómstólar ákváðu að mál
hans skyldi tekið upp að nýju.
Gray var dæmdur árið 1974
fyrir morð á þriggja ára gamalli
stúlku og sá dómur var síðar stað-
festur árið 1976. Var hann sekur
fundinn um að hafa kyrkt stúlk-
una.
lega gætt af lífvörðum, var nýkom-
in inn fyrir ytra hliöiö á garði þeim,
sem umlykur byggingu forsætis-
ráðuneytisins, er sprengingin varð
um 50 metra í burtu kl. tæplega
hálf níu að staðartíma í morgun.
Aðeins 5 kg sprungu af um 70 kg
af sprengiefni, sem komið hafði
verið fyrir í lítilli Honda-bifreið.
„Hefði allt sprengiefnið sprungið,
hefði sprengingin náð til svæðis
umhverfis forsætisráðuneytið,
sem er um 200 metrar í þvermál,"
var haft eftir talsmanni lögregl-
unnar í Beirút.
Wazzan, sem er 58 ára gamall
og múhameðstrúar, hefur verið
forsætisráðherra í Líbanon frá því
í október 1980. Hann hefur komið
fram sem eindreginn talsmaður
samvinnu kristinna manna og mú-
hameðstrúarmanna í landinu og
er fylgjandi samkomulagi því, sem
gert hefur verið við Israel um
brottflutning allra erlendra herja
frá Líbanon.
Aðeins samkomulag
um tvennt á milli stríð-
andi afla innan PLO
komu í kjölfar fjögurra daga
strangra fundarhalda miðstjórnar
Fatah, þess hluta PLO-samtakanna,
sem sér um alla ákvarðanatöku inn-
an þeirra. Á fundi miðstjómarinnar
var ákveðið að stofna sérstakar
nefndir til þess að fara með málefni
samtakanna og binda þar með endi
á allar sjálfstæða ákvarðanatöku af
hendi Arafats sjálfs.
Haft er eftir háttsettum embætt-
ismanni innan PLO, sem ekki vildi
láta nafns síns getið, að Arafat
muni stjórna fjármála- og hernað-
arnefndum Fatah, sem telur um
80% meðlima PLO-samtakanna.
Farouk Kaddoumi, sem til þessa
hefur verið yfirmaður stjórnmála-
deildar PLO, var skipaður yfirmað-
ur nefndarinnar „Ytri samskipti",
en Salah Khalef, nánasti aðstoðar-
maður Arafats á stjórnmálasviðinu,
var settur formaður nefndar, sem
ber heitið „Sameiningaröryggis-
nefndin". Þrjár aðrar, en ekki eins
mikilvægar nefndir, voru einnig
settar á laggirnar.
Að því er best verður að komist
voru báðir deiluaðilar innan sam-
takanna sammála um að halda sett
vopnahlé í Bekaa-dalnum í Líbanon
með öllum tiltækum ráðum. Þá er
einnig sagt, að báðir aðilar hafi ver-
ið einhuga um að flýta fyrir mál-
efnalegum viðræðum til lausnar
deilu innbyrðis i samtökunum.
Þetta munu hins vegar hafa verið
tvö einustu atriðin, sem hin stríð-
andi öfl voru sammála um.
Að sögn heimildarmanns AP-
fréttastofunnar halda uppreisnarm-
en innan PLO fast við þá kröfu sína,
sem sett var fram í upphafi déilunn-
ar, að Fatah-hreyfingin eigi að
hafna alfarið friðartillögum Reag-
ans í Miðausturlöndum. Tillögurnar
fela m.a. í sér, að Palestínumenn
sameinist Jórdönum á Vesturbakk-
anum og Gaza-svæðinu. Uppreisn-
armenn krefjast eigin yfirráðasvæð-
is Palestínumanna. Þá hafa þeir
einnig farið fram á, að Arafat veiti
Hussein Jórdaníukonungi ekki und-
ir neinum kringumstæðum umboð
til þess að ræða málefni Palestínu-
Þá var skýrt frá því í Moskvu í
dag, að Nayef Hawatmeh, leiðtogi
einnar fylkingar innan PLO, væri
kominn þangað til viðræðna við
ráðamenn um hugsanlega lausn
deilumála samtaknna. Hawatmeh
kom til Moskvu í gær, en ekki er
vitað hversu lengi hann dvelur, né
við hverja hann ræðir.
ERLENT
Ristu þrjá skurði á
8 mán. gamla stúlku
Lundúnum, 7. júlí. AP.
TVEIK ræningjar réðust að konu á
götu úti í Lundúnaborg um hádegis-
bilið í dag. Höfðu þeir á brott með
sér tvo hringa og armbandasúr, sem
ekki er talið meira en 50 sterlings-
punda virði.
Það, sem hins vegar þótti öllu
óhugnalegra við þessa áraás var að
ræningjarnir skáru átta mánaða
gamalt barn konunnar, sem hún ók
í vagni á undan sér, á höfði og fæti
með glerbroti.
Ræningjar höföu
andvirði 50 punda
upp úr krafsinu
Að sögn móðurinnar, sem er 21
árs gömul, reyndi annar ræninginn
að ná af henni veskinu, en hún sló
hann í andlitið með því. Hinn
braut þá flösku, sem hann hafði í
hendi, og hótaði að skera dóttur
hennar í vagninum á háls.
Hún grátbændi ræningjann um
að snerta ekki barnið, en hann lét
sér ekki segjast og risti það tvíveg-
is í andlitið og einu sinni á fæti,
áður en móðirin hafði ráðrúm til
að leggja fram skartgripi sína.
Hún var ekki með neina peninga á
sér, að eigin sögn.
Enginn skurðanna, sem litla
barnið hlaut, reyndist vera djúpur
þannig að ekki þurfti að flytja það
til meðferðar á sjúkrahús.
Guatemala:
Systur
forset-
ans rænt
(•uatemala ( ity, 7. júlí. AP.
VOPNAÐIR mannræningjar
rændu systur Efrain Rios,
forseta Guatemala 29. júní
sl. Enn er ekkert vitað um,
hverjir mannræningjarnir
eru né heldur, hver tilgangur
þeirra með mannráninu er.
Konan, Marta Elena Rios de Ri-
vas, er 37 ára gömul og er þunguð.
Af þeim sökum hafði hún viðhaft
sérstakt mataræði og orðið að
taka inn lyf reglulega.
Mannránið átti sér stað sama
dag og Efrain Rios forseti lýsti
yfir „neyðarástandi" í landinu og
afnam öll mannréttindi, sökum
tilraunar til valdaráns í landinu,
-em þá átti að hafa farið fram.
Fyrirliggjandi í birgðastöð
PLOTUR
(ALMg3)
Sæ- og seltuþolnar.
Hálfhart efni í þykktum frá 0.8 mm - 6.0 mm.
Plötustærðir 1250 mm x 2500 mm.
SINDRA
Víkjum aldrei
af okkar braut
— segir Walesa og boðar skipu-
lagðar aðgerðir bráðlega
V»rsjá, 7. júlí. AP.
ÞRÁ7T fyrir það að því hafi verið lýst yfir af opinberri hálfu í Póllandi, að
stjórnmálaferill Lech Walesa sé á enda og ýmsir telji hann þjóna málsstað
pólskra verkamanna bezt sem þögult tákn, þá sýnir Walesa sjálfur þess
engin merki, að hann hyggist hverfa inn ( skugga gleymskunnar. „Við
munum aldrei víkja af þeirri braut, sem við erum á nú,“ sagði hann í viðtali
við erlendan fréttamann í dag. „Ég mun halda áfram að berjast fyrir
hugsjónum okkar og það verður hvergi gert betur en undir merki Samstöðu."
Walesa sagði ennfremur, að ýms- hann, að Samstaða væri ekki á
STALHF
Ðorgartúni 31 sími 27222
ir hópar innan Samstöðu, sem nú
er bönnuð, hygðust bráðlega efna
til vel skipulagðra aðgerða í tilefni
þess, að senn eru þrjú ár liðin frá
stofnun samtakanna, en hinn 14.
ágúst 1980 hófust verkföll þau, sem
voru undanfari þess, að Samstaða,
samtök hinna óháðu verkalýðsfé-
laga f Póllandi, var stofnuð. Sjálfur
kvaðst Walesa eiga eftir að gefa út
sérstaka yfirlýsingu á næstunni og
hann vildi ekki útiloka að koma
kynni að nýju til verkfalla og mót-
mælaaðgerða f Póllandi. Sagði
undanhaldi, því að 90% pólsku
þjóðarinnar styddu hana.
Walesa vildi ekkert segja um
fund þann, sem hann hafði átt með
Jóhannesi Páli páfa II, er sá síðar-
nefndi heimsótti Pólland fyrir
skömmu. Hann dró ekki dul á, að
framundan kynni að vera erfið bar-
átta fyrir hugsjónum Samstöðu og
sagði: „Sumar af aðgerðum okkar
eiga eftir að bera árangur, en við
megum eiga von á því að verða
settir í fangelsi vegna baráttu
okkar."