Morgunblaðið - 13.09.1983, Blaðsíða 20

20
MORGUNBLAÐIÐ, ÞRIÐJUDAGUR 13. SEPTEMBER 1983

Utgefandi
Framkvæmdastjóri
Ritstjórar
Fulltrúar ritstjóra
Fróttastjórar
Auglýsingastjóri
hf. Árvakur, Reykjavík.
Haraldur Sveinsson.
Matthías Johannessen,
Styrmir Gunnarsson.
Þorbjörn Guömundsson,
Björn Jóhannsson.
Freysteinn Jóhannsson,
Magnús Finnsson,
Sigtryggur Sigtryggsson.
Baldvin Jónsson.
Ritstjórn og skrifstofur: Aðalstræti 6, sími 10100. Auglýsingar: Aö-
alstræti 6, sími 22480. Afgreiðsla: Skeifunni 19, simi 83033. Áskrift-
argjald 230 kr. á mánuöi innanlands. í lausasölu 18 kr. eintakiö.
I
0,74%
Igær var frá því skýrt,
að vísitala fram-
færslukostnaðar hefði
hækkað um aðeins 0,74%
á tímabilinu ágúst til
september. Þetta eru
ótrúleg tíðindi fyrir fólk,
sem búið hefur við óða-
verðbólgu í heilan ára-
tug. í þessu sambandi ber
að gæta þess, að auknar
niðurgreiðslur á dilka-
kjöti hafa dregið úr
hækkuninni sem svarar
0,93%. Jafnvel þótt þær
niðurgreiðslur hefðu ekki
komið til er ljóst, að
verðlag er að verða stöð-
ugra en við höfum vanizt
um langt árabil.
Ríkisstjórnin getur
með réttu bent á þessa
óverulegu hækkun fram-
færsluvísitölu, sem sönn-
un þess, að efnahags-
stefna hennar sé að bera
árangur. Vandi ríkis-
stjórnarinnar er hins
vegar sá, að enn hafa
ráðherrarnir lítið sem
ekkert gert til þess að
sannfæra þjóðina um, að
þær fórnir, sem hún þarf
að færa til þess að slíkum
árangri verði náð, séu
réttlætanlegar. Þar
stendur hnífurinn í
kúnní.
Frjáls gjald-
eyrisviðskipti
Igær skýrði Matthías
A. Mathiesen, við-
skiptaráðherra frá því,
að hann hefði tekið
ákvörðun um, að þeir
viðskiptabankar, sem
þess óska, fái heimild til
verzlunar með erlendan
gjaldeyri. í upphafi verða
þessi viðskipti miðuð við
opnun gjaldeyrisreikn-
inga og kaup og sölu
gjaldeyris til ferða-
manna. Jafnframt upp-
lýsti ráðherrann, að
stefnt væri að sams kon-
ar réttindum fyrir spari-
sjóði.
Á rúmum þremur
mánuðum hefur ríkis-
stjórnin stigið tvö mik-
ilvæg skref í átt til
frjálsræðis í meðferð er-
lends gjaldeyris. Hið
fyrra var afnám ferða-
mannaskatts á gjaldeyri,
en hið síðara frjálsari
gjaldeyrisverzlun í öllum
bönkum.
Þetta eru ánægjuleg
tíðindi, sem gefa vonir
um, að ríkisstjórnin muni
halda enn lengra á þess-
ari braut.
Breytt hugarfar
Asunnudag skýrði
Morgunblaðið frá því,
að Albert Guðmundsson,
fjármálaráðherra, hefði
gefið fyrirmæli um, að
ríkið og ríkisstofnanir og
ríkisfyrirtæki greiddu
dráttarvexti af skuldum
þessara aðila, sem lentu í
vanskilum.
Svo lengi, sem menn
muna, hefur það við-
skiptasiðferði ríkt hjá
opinberum aðilum, að
þeir gætu innheimt
dráttarvexti af skatt-
greiðslum og öðrum
gjöldum, sem ekki væru
greidd á réttum tíma.
Hins vegar bæri ríkinu
ekki að greiða dráttar-
vexti af vanskilum þess.
Viðskiptaaðilar ríkis-
stofnana og ríkisfyrir-
tækja hafa einfaldlega
ekki þorað að fylgja eftir
kröfum um greiðslu
dráttarvaxta í slíkum til-
vikum af ótta við að
missa viðskiptin. Þetta er
auðvitað fyrst og fremst
spurning um hugarfar.
Það er framfaraspor að í
fjármálaráðuneytinu
skuli ekki lengur ríkja
það hugarfar, að því beri
að sýna almenningi
óbilgirni í viðskiptum.
Hið nýja skóladagheimili við Hraunberg í Breiðholti III, sem brátt verður tekið í notkun.
Markús Öm Antonsson, formaður fræðslu- og félagsmálaráðs:
Tvö ný skóladagheimili tekin
í notkun í októbermánuði nk.
Unnið að hönnun nýs skóla í Grafarvogi
TVÖ NÝ skóladagheimili á vegum Reykjavíkurborgar verða tekin í notkun í
októbermánuði næstkomandi. Annars vegar er um að raeða skóladagheimili
fyrir 12—14 börn, sem starfrækt verður í húsakynnum Laugarnesskóla, þar
sem áður voru húsakynni sérdeildar fyrir blind börn. Þá er nú um þessar
mundir verið að Ijúka byggingu skóladagheimilis í Breiðholti III, nánar til
tekið við Hraunberg og verður það heimili fyrir 20 börn, samkv«mt upplýs-
ingum sem Morgunblaðið fékk hjá Markúsi Erni Antonssyni, formanni
frsðslu- og félagsmálaráðs Reykjavfkurborgar.
„Það vekur athygli við uppbygg-
ingu heimilisins við Hraunberg,
að framkvæmdahraði hefur verið
mun meiri en áður hefur þekkst,
við byggingu samsvarandi stofn-
ana og hefur þetta skóladagheim-
ili risið á fjórum mánuðum, í stað
þess að við samsvarandi bygg-
ingar á undanförnum árum hefur
byggingartiminn verið 12 mánuðir
eða meira,“ sagði Markús Örn í
samtali við Morgunblaðið.
„Á næstu lóð við skóladagheim-
ilið í Breiðholti standa svo yfir um
þessar mundir framkvæmdir við
nýja dagvistarstofnun, dagheimili
og leikskóla, sem áformað er að 74
börn geti sótt á degi hverjum,"
sagði Markús.
Að sögn Markúsar Arnar var
ákveðið að hefja skóladagheimil-
isrekstur í Laugarnesskóla, þegar
sýnt var að húsnæðisþörf fyrir
sérdeild blindra barna myndi leys-
ast í öðrum skólum borgarinnar,
en hún hefur nú flutt og tekið til
starfa í endurbættum húsakynn-
um í Álftamýrarskóla. Gert er ráð
fyrir að rekstur skóladagheimilis-
isn í Laugarnesskóla geti hafist
um miðjan októbermánuð og um
líkt leyti geti hið nýja skóladag-
heimili í Breiðholti III tekið til
starfa.
Nýjum aðferðum var beitt við
útboð heimilisins í Breiðholti
þannig að gert var ráð fyrir að
hægt yrði að byggja upp húsið sem
einingahús eða með hefðbundnum
hætti. Að sögn Markúsar varð
ofaná að byggingameistarinn,
Sveinbjörn Sigurðsson, sem á und-
anförnum árum hefur byggt mörg
dagvistarheimiii fyrir Reykjavík-
urborg með hefðbundnum bygg-
ingaraðferðum, var með lægsta
tilboð og lægra en einingahúsa-
framleiðendur og sagði Markús að
hann hefði reist húsið á aðeins
fjórum mánuðum.
Varðandi önnur mál sem hafa
verið á dagskrá hjá fræðsluráði
Reykjavíkur nú um það leyti sem
skólar eru að hefja starf, nefndi
Markús Örn sérstaklega, lengingu
kennslutíma fyrir 6 ára börn, sem
fræðsluráð og borgarráð Reykja-
víkur ákváðu að taka upp og fjár-
magna, þar sem þessi lengdi
kennslutími er umfram þann
kvóta sem menntamálaráðuneytið
ákveður. „Nú virðist það vera svo
að í skólum borgarinnar að al-
mennt geti 6 ára börn verið við
nám frá klukkan 9 á morgnana til
klukkan 12 á hádegi eða frá klukk-
an 13 til klukkan 16. Þetta er hin
almenna regla, en nokkur frávik
með þessar tímasetningar munu
vera í sumum skólum og ræðst það
af nemendafjölda í bekkjardeild.
Hins vegar er það ljóst að vel hef-
ur tekist til með skipulagningu
kennslu 6 ára barnanna með tilliti
til lengri kennslutíma og greini-
legt er að almennur viðverutími
barnanna er 3 klukkustundir fyrir
eða eftir hádegi," sagði Markús
Örn.
„Á fundi fræðsluráðs, mánudag-
inn 5. september, var samþykkt að
tilnefna tvo fulltrúa frá fræðslu-
ráði, til þess að vinna með starfs-
mönnum fræðsluskrifstofu að
undirbúningi og hönnun nýs skóla
í Grafarvogi," sagði Markús.
„Fræðsluráð ákvað á síðasta vetri
hvar skólamannvirki skyldu byggð
á Grafarvogssvæðinu. Sú bygging
sem undirbúningur er að hefjast
við núna, er í miðhluta Grafar-
vogshverfisins, á því byggingar-
svæði sem íbúðarhús munu fyrst
rísa og verður það aðal skóli
hverfisins. Það er reiknað með því
af hálfu fræðsluráðs, að leitað
verði lausna með byggingarlag
þessa skóla, þannig að uppbygg-
ingin geti orðið samfara uppbygg-
ingu hverfisins sjálfs og flutningi
fólks í það, þannig að skólann
megi með auðveldum hætti byggja
upp í áföngum. I þessu efni er litið
til þeirrar reynslu sem fengist
hefur við byggingu Seljaskóla, en
þar er um að ræða mannvirki sem
reist var í áföngum og úr for-
steyptum einingum, þannig að
kostnaðarlega séð kom hann mjög
vel út í samanburði við aðrar
skólabyggingar í borginni," sagði
Markús Örn.
Markús sagði að gert væri ráð
fyrir því að undirbúningsnefnd
fræðsluráðs í samvinnu við
starfsmenn fræðsluskrifstofu,
ynni við hönnun skólans á næstu
vikum og mánuðum og að því
stefnt að skólinn geti hafið starf-
semi og getið tekið á móti nem-
endum þegar að íbúar flytjast inn
í hið nýja hverfi.
Allt selt vestra sem við
höfum sent frá okkur
— segir Reimar Charlesson, framkvæmdastjóri Víðis
„HÍJSGÖGNIN hafa verið á sýn-
ingu á Miami nú nýverið og þar
fengu þau mjög góðar viðtökur,“
sagði Reimar Charlesson, frara-
kvæmdastjóri trésmiðjunnar Víðis,
í samtali við Morgunblaðið, en
eins og sagt hefur verið frá í Morg-
unblaðinu gerði trésmiðjan Víðir
nú í vor, samning við bandaríska
aðila um sölu á húsgögnum að upp-
ha*ð 2 milljónir dollara. Víðir hefur
nú hafið afhendingu húsgagnanna
í samræmi við samninginn.
„Það sem við höfum sent frá
okkur er þegar selt og banda-
ríski aðilinn vill hraða afgreiðsl-
unni og taka við eins miklu og
við getum framleitt. Við getum
framleitt upp í samninginn sem
við gerðum, en fram úr því er
erfitt fyrir okkur að fara, nema
farið sé út í viðbótarvélvæðingu
og það tekur sinn tíma. Það
borgar sig heldur ekki að flana
að neinu í þessum efnum," sagði
Reimar.
„Auðvitað verðum við að gera
það, en það verður að gerast í
takt við vaxandi viðskipti," sagði
Reimar er hann var spurður um
hvort fyrirtækið hygðist færa út
kvíarnar. „Við erum nú þegar að
búa okkur undir það. Við eigum
2000 fermetra grunn hér við
hliðina á okkur og byggingarrétt
á 4500 fermetrum til viðbótar,
þannig að stækkunarmöguleika
eigum við alla.
Við erum með samning til
ársloka 1984 og það er ekki að
sjá annað en næstu árin verði
þarna nægur og vaxandi mark-
aður fyrir okkar vöru,“ sagði
Reimar að lokum.