Morgunblaðið - 15.10.1983, Blaðsíða 21

MORGUNBLAÐIÐ, LAUGARDAGUR 15. OKTÓBER 1983
Þórarinn Þórarinsson
lætur af formennsku
Skálholtsskólafélagsins
Skálholtsskólafélagið heldur aðal-
fund sinn föstudaginn 21. okt. í sam-
komusal Hallgrímskirkju kl. hálf
níu síðdegis. A fundinum fara fram
venjuleg aðalfundarstörf.
Skálholtsskólafélagið er lands-
félag sem stofnað var 1969 „til
undirbúnings- og eflingar kristi-
legum lýðháskóla í Skálholti", eins
og stendur í fyrstu fundargerð fé-
lagsins.
I félaginu er níu manna stjórn,
þar af einn stjórnarmaður fyrir
hvern landsfjórðung. Stjórn fé-
lagsins skipa nú: Þórarinn Þórar-
insson, fyrrv. skólastjóri, sem er
formaður, Guðrún Halldórsdóttir,
skólastjóri, ritari, og sr. Magnús
Guðjónsson, biskupsritari, gjald-
keri.
Auk þeirra eru í stjórn félagsins
þeir sr. Pétur Sigurgeirsson, bisk-
up, sr. Guðmundur óli ólafsson,
Skálholti, sem er varaformaður,
sr. Lárus Þ. Guðmundsson, Hoiti,
Steinar Þórðarson, kennaraskóla-
nemi, Egilsstöðum, Jón R. Hjálm-
arsson, fræðslustjóri Selfossi, og
sr. Hjalti Guðmundsson, Reykja-
vík.
Samkvæmt lögum félagsins
ganga þrír úr stjórninni þriðja
hvert ár og að þessu sinni eru það
þeir sr. Pétur Sigurgeirsson, sr.
Guðmundur Óli ólafsson og Þór-
arinn Þórarinsson, sem verið hef-
ur formaður Skálholtsskólafélags-
ins frá upphafi, en hann mun þó
biðjast undan endurkosningu fyrir
aldurs sakir.
Nýir félagar eru velkomnir á
fundinn.
(Fréttatilkynning)
Norræna félagið:
Gylfi Þ. Gíslason endurkosinn
formaður Reykjavíkurdeildarinnar
GYLFI Þ. Gíslason prófessor var
endurkosinn formaður Reykjavík-
urdeildar Norræna félagsins á að-
alfundi deildarinnar sem haldin
var fyrir nokkru. Með honum í
stjórn voru kosin Gils Guð-
mundsson, Jóna Hansen, Arn-
heiður Jónsdóttir, Svava Storr,
Matthías Haraldsson og Úlfur
Sigurmundsson og Halldór Ólafs-
son til vara.
Ákveðið hefur verið að halda
áfram útgáfu ritsins Norræn
jól, en það var gefið út fyrir síð-
ustu jól eftir aldarfjórðungshlé.
Segir í fréttatilkynningu frá
Reykjavíkurdeildinni að allir
félagar deildarinnar, yfir 4.000
að tölu, fái nýtt hefti fyrir
næstu jól.
Óperutónleikar
Tónlist
Jón Ásgeirsson
Argentínska sópransöngkonan
Martha Colaillo og ítalski tenór-
söngvarinn Piero Visconti slógu
í gegn á aukatónleikum Sin-
fóníuhljómsveitar íslands, sl.
fimmtudag. Efnisskráin var til
skiptis forleikir að óperum, aríur
og dúettar. Forleikir flestra
ópera eru svo kallaðir „pot-
pourri" (hrærigrautur) forleikir,
sem eru eins konar lagaflokkar
að formi og oft lítilfjörlegar
tónsmíðar. Þessir „fúa-pottar“
njóta sumir hverjir mikilla vin-
sælda, er þakka má lögunum
sem enn eru í fullum gangi. Það
er síður en svo auðvelt að leika
sum þessi verk og lék hljóm-
sveitin oft vel, þó nokkuð væru
blásararnir of sterkir á köflum.
Forte er sterkt en þaðan á að
vera nokkuð bil upp í að minnsta
kosti þrjú forte. Stundadansinn
eftir Ponchielli var skemmtilega
og vel leikinn. Colailio söng aríur
Mikaelu úr Carmen og tvö atriði
úr La Travíata og það síð-
arnefnda aldeilis glæsilega.
Visconti söng aríur úr Mörtu,
Rigolettó og La Gioconda en
saman sungu þau dúetta úr Aídu
og La Bohéme. t heild voru tón-
leikarnir glæsiiegir enda var
hrifning áheyrenda mjög mikil.
Jón Ásgeirsson
CIVIC 3ja dyra.
Verö frá kr. 250.000
TÖKUM
ACCORD SEDAN
Verð frá kr. 378.000
5 gíra m. fleiru.
NOTAÐA BÍLA UPPÍ ÞANN NÝJA.
Opiö í dag
1—5
HONDA Á ÍSLANDI, VATNAGÖRÐUM 24 , Símar 38772 — 39460