Morgunblaðið - 25.10.1983, Blaðsíða 18

18
MORGUNBLAÐIÐ, ÞRIÐJUDAGUR 25. OKTÓBER 1983
Stuðningsmenn Maurice Bishops, forsætisríðherranns sem var myrtur á eynni Grenada á Karibahafi, ganga fylktu
liði um götur höfuðborgarinnar St. George’s til að leggja áherzlu á stuðning sinn við Bishop. Göngunni stjórnaði
Kenrick Radix, iðnaðarráðherra, sem er annar frá vinstri.
Vilja fara frá Grenada
Bridtjetown, Barbados, 24. október. AP.
TVÖ TIL þrjú hundruð Bandaríkjamenn, þeirra á meðal 20—25
skemmtiferðamenn, og 40—50 brezkir þegnar vilja fara frá Grenada að sögn
vestrænna diplómata.
Flestir Bandaríkjamennirnir
eru stúdentar í læknadeild háskól-
ans í St. George’s. Englendingun-
um finnst þeir vera „innilokaðir".
Fjórir bandarískir diplómatar
og einn brezkur sneru aftur til
Grenada i gær. Útvarpið á Gren-
ada hafði áður greint frá því að
„aðeins 50 til 60 útlendingar vildu
fara“.
Kenneth Kurze, starfsmaður
bandaríska sendiráðsins á Barba-
dos og einn hinna fimm diplómata
sem fóru til Grenada, kvaðst vona
að þeir „fengju góða hugmynd um
hve margir Bandaríkjamenn vildu
fara frá Grenada". „Við höfum
ekki mælt með því að þeir fari,“
sagði hann.
Bandarísk skipalest nálgast
Grenada og hún á að vernda um
1.000 bandariska borgara, sem þar
eru, ef með þarf.
Leiðtogar Karíbahafsríkja lýstu
því yfir á fundi í Port-of-Spain,
Trinidad, i gær að hin nýja herfor-
ingjastjórn á Grenada væri ógnun
við öryggi svæðisins.
Útvarpið á Grenada tilkynnti í
gær að búizt væri við að reynt yrði
að gera innrás í eyríkið þá um
kvöldið.
Morðin hafa vak-
ið viðbjóð og reiði
Sovétmenn segja Bandaríkin misnota aðstööu sína
FJÖLDAMORÐ hryðjuverkamannanna á bandarískum og frönskum friðar-
gæslumönnum í Líbanon á sunnudagsmorguninn hafa vfðast hvar vakið
viðbjóð og reiði. „Þegar við komumst að því hverjir stóðu á bak við morðin
munum við grípa til viðeigandi mótaðgerða," sagði Larry Speakes, talsmaður
Hvíta hússins í gær. Talið er líklegt að franskir öfgamenn hafi staðið á bak
við morðin, en talsmenn drúsa, PLO og shita hafa aftekið með öllu að bera
ábyrgð á atburðunum.
Ólíklegt er talið, að Bandaríkin
kalli heim hermenn sina þrátt
fyrir mannfallið og likurnar á því
að enn fleiri falli. „Það myndi
leiða til blóðbaðs milli stríðandi
fylkinga i landinu og öfgasinnuð
vinstri öfl myndu hugsanlega ná
yfirhöndinni. Þó að bandarísk al-
þýða skilji illa nauðsyn þess að
halda liðinu úti í Líbanon, verðum
við að gera það,“ sagði ónafn-
greindur embættismaður í Hvíta
húsinu. Ronald Reagan vottaði að-
standendum hinna föllnu samúð
sína, fordæmdi „dýrslega hegðun“
árásarmannanna og tilkynnti svo
að „Bandaríkjamenn yrðu ekki
hraktir frá Líbanon". Búist er við
miklum deilum á bandaríska þing-
inu á næstunni vegna þessa at-
burðar og talið líklegt að þeir sem
andvígir eru veru bandarískra
hermanna i Libanon muni færast f
aukana.
Francois Mitterrand lét það
verða sitt fyrsta verk, að fljúga til
Líbanon til viðræðna við franska
herforingja og hermenn, auk líb-
anskra ráðamanna. Pierre
Mauroy, forsætisráðherra Frakk-
lands, sagði i viðtali á sunnu-
dagskvöldið, að atburðurinn yrði
ekki til þess að franska gæslu-
sveitin yrði kölluð heim, bæði Am-
in Gemayel, forseti, og Walid
Jumblatt, leiðtogi drúsa, hefðu
óskað eftir því að franska sveitin
yrði um kyrrt. öll stjórnmálaöfl í
Frakklandi hafa verið einhuga um
stöðu Frakka í Líbanon.
Yfirvöld í Bretlandi og á ítaliu,
sem einnig hafa friðargæslusveit-
ir í Líbanon, fordæmdu morðin
harðlega. Bettino Craxi, forsætis-
ráðherra ítala, sagði að ítalir
myndu ekki kalia heim lið sitt,
hins vegar myndi vera erfiðara að
verja dvöl þess i Líbanon fyrir
þjóðinni. Talsmaður bresku
stjórnarinnar sagði að Bretar
myndu íhuga stöðu sína, en ekki
flana að neinu.
Samúðarkveðjur, þar sem árás-
irnar voru jafnframt harðlega for-
dæmdur, streymdu til Mitterrands
og Reagans víðs vegar að. Meðal
þeirra er tjáðu samúð voru Páll
páfi, Helmut Kohl, Javier Perez
De Cuellar, forseti SÞ, Amin
Gemayel forseti Líbanon, Walid
Jumblatt, leiðtogi drúsa, Yitzhak
Shamir, forsætisráðherra ísraels,
og margir fleiri. Sovéska flokks-
blaðið Pravda sagði í forystugrein
á sunnudagsmorguninn að svo
virtist sem Bandaríkin væru að
sökkva æ dýpra í nýtt „Víetnam-
mál“. Sagði blaðið jafnframt að
bandaríska gæslusveitin hefði
misnotað friðarumboð sitt með því
að blanda sér í átök drúsa og
shita, en Bandaríkjamenn hafa
haldið fram að þeir hafi einungis
hleypt af vopnum í sjálfsvörn.
Greinin í Pravda virtist rituð áður
en árásirnar voru gerðar. Sjá i 'n-
ar frétt á forsiðu.
Bandarískur hermaður á skurðarborði á sjúkrahúsi í Beirut. Simamynd AP
írakar hrella írani
með eldflaugaárás
Nikósía, 24. október. AP.
ENN ER BARIST af krafti á vígstöðvum í írak, þar sem íranskar hersveitir
hafa sótt fram síðustu dagana. Að venju ber mikið á milli í frásögnum
stríðsaðilanna. íranir segja frá glæstum landvinningum, en írakar hafa aðra
sögu að segja, segja íranska hermenn ætíð mæta sameiginlegum örlögum,
sem „sundurtættir líkamar í eldi írakskra byssukjafta".
Hin opinbera fréttastofa stjórn-
valda í Iran, IRNA, greindi frá því
að alls hefðu 700 ferkílómetrar af
iröksku landi verið hernumdir.
Sagði IRNA að hersveitir íraka
hefðu reynt gagnsókn á mánu-
dagsmorguninn, en þær hefðu ver-
ið brotnar á bak aftur og mannfall
hefði verið óskaplegt.
Irakar voru þessu ekki sammála
og sögðust hafa orðið vel ágengt á
vígstöðvunum í Kúrdafjöllunum.
Auk þessa sagði útvarpið í
Baghdad að írakar hefðu svarað
árásum írana með stórfelldri
eldflaugaskothríð á íranskar
landamæraborgir með þeim af-
leiðingum að hundruðir manna
hefðu fallið og enn fleiri særst.
IRNA staðfesti þetta og gat þess
að írönsk stjórnvöld hefðu álasað
Sameinuðu þjóðunum og alþjóð-
lega Rauða Krossinum fyrir að
fordæma ekki aðför íraka að sak-
lausu fólki.