Morgunblaðið - 25.11.1983, Blaðsíða 22

62
MORGUNBLAÐIÐ, FÖSTUDAGUR 25. NÓVEMBER 1983
Maiabu a rY\.k. eymalokkana.«
|peir kostuðu mig £>o XrC’
ást er...
... að leyfa henni
að eiga síðasta
höggið.
TM Rgq U S Pat Off. — all riQhts reserved
®1983Los AnQeies Times Syndicate
Sjáðu viðbrögðin — ég ætla að
blása í flautuna!
Með
morgunkaffinu
Ég hafði mig ekkert í frammi, ekki
við því að búast þegar maður er
bundinn í stól hjá skólasálfræð
ingnum!
HÖGNI HREKKVÍSI
Þér ber skylda til að fylgj-
ast með námi barns þíns
Barnaskólakcnnari í Kópavogi
skrifar:
„Kæri Velvakandi.
Vegna skrifa Haralds Blöndals
og Sighvats Björgvinssonar í DV
18. þ.m., um nýtt kennsluefni í ís-
landssögu, langar mig að leggja
orð í belg.
Undanfarin ár hafa orðið mikl-
ar breytingar á námsefni því, sem
kennt er í grunnskólum landsins.
Sumt hefur breyst til hins betra,
svo sem námsefni í kristnum
fræðum, annað hefur gjörsamlega
mistekist, svo sem landafræði,
sem er grein innan samfélags-
fræðinnar.
Ég býst við að foreldrar ætlist
til þess af skólum landsins, að þar
fari fram kennsla um landið og
þjóðina.
Þeir Haraldur Blöndal og Sig-
hvatur Björgvinsson fjölluðu í
blaðagreinum sínum um það sem
koma skal í íslandssögu, en ég
ætla að tíunda dæmi um það, sem
nemendum í 4. bekk grunnskóla er
nú ætlað að læra í stað ágætrar
bókar Erlings Tómassonar um
landafræði íslands.
Efnið er eftirfarandi:
I. „Samskipti" 1. eining.
a) „Ulfabörn" 22 bls. um börn, sem
sagt er a hafi alist upp meðal
dýra.
b) „Sinn er siður í landi hverju" 44
bís. Frásögn af japanskri fjöl-
skyldu í Tokyo.
c) „Til hvers eru reglur?" 50 bls.
Þessu efni er ætlað að auka skiln-
ing nemenda á gildi laga og
reglna.
II. „Með mönnum og dýrum" 2.
eining.
a) „í árdaga" 30 bls. Ýmis fróð-
leikur um fyrstu menn.
b) „Bavíanar" 20 bls. Lýsing á
samfélagi bavíana.
c) „Náttúrufólk" 50 bls. Lýsing á
þremur samfélögum „náttúru-
fólks"; jasödum á Filippseyjum,
búskmönnum í Kalahari og eipum
á Nýju Guineu.
Nú skyldi maður ætla að eitt-
hvað kæmi í stað landafræðinnar
hans Erlings Tómassonar um ís-
land, en ekki hefi ég spurnir af
því.
Mér er nær að halda að víða um
land séu nú starfandi barnaskólar,
þar sem landafræði íslands er
ekki á dagskrá, þ.e.a.s. þar sem
kennarar hafa tekið fræðsluyfir-
völd alvarlega. Margir kennarar
kenna þó enn gamla námsefnið,
sem enn er fáanlegt.
Nú kann einhver að spyrja:
Geta kennarar ráðið því hvaða
námsefni þeir kenna?
Svarið er já, það geta þeir og
ástæðan er einfaldlega skortur á
samræmdum prófum.
Samræmd próf (t.d. fullnað-
arpróf, sem nú er fallið niður)
voru ekki aðeins tæki til að kanna
þekkingu nemenda, þau tryggðu
það líka að nemendum var kennt
nokkurn veginn sama námsefni.
Grunnskólakennari á íslandi get-
ur nú til dags átölulaust ráðið
námsefni nemenda sinna, ákveðið
kennsluaðferðir sínar og metið
stöðu nemenda sinna að eigin geð-
þótta. Þetta taidi ég ókost, en tel
nú kost.
Þú sem lest þessar línur átt
e.t.v. barn í grunnskóla. Sé svo, þá
vil ég segja við þig: Þér ber skylda
til að fylgjast með námi barns
þíns. Athugaðu bækurnar sem eru
í skólatöksunni. Kannaðu al-
menna þekkingu barnsins. Láttu
engan telja þér trú um, að þú hafi
ekkert vit á menntun."
Löngu tímabær-
ar breytingar
Georg Georgsson hringdi og
hafði eftirfarandi að segja: — Til-
laga sú, er komið hefur fram á
Alþingi, um að bifreiðir skuli bera
sama númer frá upphafi til enda
ferils síns, ásamt öðrum tillögum
um breytingu á tilhögun bifreiða-
eftirlits, hefur fallið í góðan jarð-
veg, enda breytingar þessar löngu
tímabærar. Nái númerabreytingin
fram að ganga, langar mig til að
legga til, að þessu gamaldags og
drungalega útliti og gerð númer-
anna verði breytt þannig, að þau
líti t.d. eins út og bílnúmer á
Norðurlöndum, gul með svörtum
stöfum eða hvít með svörtum stöf-
um. Það myndi bæði auðvelda á-
lestur og létta yfirbragð númer-
anna.
Framkvæmdir við Völvufell:
Varanlegur
frágangur í vor
Ingi Ú. Magnússon, gatnamálastjóri
skrifar 23. nóv.:
„í dálknum „Velvakanda" nýlega
spyrst húseigandi við Völvufell fyrir
um hvað líði framkvæmdum við
veggstubb er loki bili frá Völvufelli
50 að Völvufelli 13.
Það er rétt með farið að þetta
verkefni hefir dregist úr hömlu, það
lagar aftur á móti ekki þann ann-
marka, sem bréfritari er argur út
af, að bílar leggi síður í innkeyrsl-
una hjá húseigendum, sé hann gerð-
ur. Þetta svæði þarna í kring er
meira og minna í vinnslu og hafa
verslunareigendur sýnt mikið fram-
tak upp á síðkastið við að ganga frá
því. Sunnan megin við verslunar-
húsið er verið að jafna undir
bifreiðastæði, sem ráðgert er að
verði malbikað næsta vor. Mun
borgin stefna að því að umræddur
veggur og annað sem vantar upp á
varanlegan frágang þarna í kring
fylgi þeim framkvæmdum, enda
þarf að samræma þessar aðgerðir.
Núna í haust verður sett þarna
bráðabirgða trégrindverk til að
fyrirbyggja slysahættu vegna hæð-
armunar, sem er á götu og gangstíg.
Kemur það væntanlega að sömu
notum og steyptur veggur.
Viróingarfyllst."
GÆTUM TUNGUNNAR
Sagt var: Ég kann illa við þannig málflutning.
Rétt væri: Ég kann illa við slíkan málflutning.
Hins vegar væri rétt: Ég kann illa við að þannig sé á
málum haldið.
(Þannig er atviksorð en ekki lýsingarorð).