Morgunblaðið - 08.12.1983, Blaðsíða 2
2
MORGUNBLAÐIÐ, FIMMTUDAGUR 8. DESEMBER 1983
Grýlukerti í Ólafsvíkurenni
Ólafsvík.
Björn Gudmundsson, ljósmyndari Morgunblaðsins
í Ólafsvík, fann þessa myndarlegu kertaverksmiðju,
sem Grýla á í hömrum Ólafsvíkurennis. Grýlukertin
verða þannig til, að vatn seytlar niður bergið, sem er
neðan við gamla Ennisveginn. Þar mætir það kaldri
norðanátt og kertin verða til á skömmum tíma. Lítið
er talað um Grýlu gömlu nú orðið og er hér með á
hana minnt. Helei
Samningum um
sæsímanna sagt
— 10—23% lækkun á talsímagjöldum til útlanda
SAMNINGAR um rekstur sæsím-
anna SCOTICE og ICECAN frá ís-
landi, annars vegar um Færeyjar til
Bretlands og hins vegar um Græn-
land til Kanada, voru á sínum tíma
gerðir til loka ársins 1985, með
tveggja ára uppsagnarfresti. Að
höfðu samráði við samgönguráð-
herra tilkynnti póst- og símamála-
stofnunin 1. desember sl. uppsögn
framangreindra samninga frá -<g
raeð 1. janúar 1986 að telja.
Aðilar að þessum samnir*gum
eru póst- og símamálastrfnanir
Bretlands, Danmerkur og íslands
auk símamálastofnunar Kanada
og Mikla norræna ritsímafélags-
ins. Þá hefur ennfremur í samráði
við samgönguráðherra verið
ákveðið að lækka talsímagjöld til
útlanda. Sem dæmi um lækkunina
má m.a. nefna eftirfarandi: Dan-
mörk, Færeyjar, Noregur og Sví-
þjóð lækkun 21%. Finnland og
Holland lækkun 23%. Bretland
lækkun 17%. Þýzkaland, Frakk-
land, Belgía, Lúxemborg, Spánn
og Sviss lækkun 19%. Austurríki,
rekstur
upp
Grikkland, Italía og Portúgal
lækkun 20%. Bandaríkin og Kan-
ada lækkun 10%.
Lækkanir þessar munu taka
gildi um næstu helgi segir í frétt
frá póst- og símamálastofnuninni,
en í samtali við Mbl., sem birtist á
þriðjudaginn, sagði Jón A. Skúla-
son, póst- og símamálastjóri, að
þessar lækkanir komu til vegna
stöðugs gengis íslenzku krónunn-
ar, sem þýddi að felldur yrði burt
sérstakur álagsstuðull, sem hafð-
ur var til tryggingar lækkandi
gengi.
Akureyri:
Fyrirtækið Hagi hætt-
ir starfsemi sinni
Akureyri, 7. desember.
„ÞAÐ ER rétt, að við höfum ákveðið að hætta rekstri fyrirtækisins frá og
með I. mars næstkomandi," sagði Haukur Árnason, forstjóri Haga hf. á
Akureyri, sem framleitt hefur eldhús- og baðherbergisinnréttingar og einnig
fataskápa, allt frá árinu 1961 þegar fyrirtækið var stofnað.
„Ástæðan er fyrst og fremst
minnkandi markaður fyrir fram-
leiðslu okkar vegna almenns sam-
dráttar í byggingaframkvæmdum
og þjóðfélaginu í heild. Rekstur-
inn hefur ekki staðið undir sér á
þessu ári enda ekki náð nema um
70% af áætlunum, sem við gerð-
um í upphafi árs. Þegar svo er
komið verður að grípa til ein-
hverra ráðstafana og okkar
ákvörðun er sú, að hætta rekstri
fyrirtækisins og mun það verða
auglýst til sölu og selt í einu lagi,
eða tresmíðavélarnar sér og hús-
næðið til annarra."
Hjá Haga hf. hafa unnið 30
manns, 25 á Akureyri og 5 í
Reykjavík. Á Akureyri á fyrir-
tækið verslunarhúsnæði við Gler-
árgötu og stórt verksmiðjuhús við
Óseyri. Þá hefur það rekið versl-
anir í Reykjavík, Vestmannaeyj-
um og á Akureyri. Um 90% fram-
leiðslunnar hefur verið flutt frá
Akureyri til annarra landshluta,
aðallega til höfuðborgarsvæðis-
ins. Á verkstæði Haga hafa verið
framleiddar innréttingar, þ.e. í
eldhús og böð, auk skápa, í að
meðaltali 2'h. íbúð á dag.
Fram kom hjá Hauki Árnasyni,
að ljóst er að margir atvinnurek-
endur á Akureyri hyggjast á
næstunni draga saman seglin í
rekstri sínum og jafnvel hætta ai-
veg. Fulltrúar nokkurra þessara
aðila gengu fyrir nokkru á fund
bæjarráðs Akureyrar og atvinnu-
málanefndar bæjarins og gerðu
þeim grein fyrir slæmri stöðu
fyrirtækja í bænum. Viðbrögð
þessara aðila hafa engin verið,
þannig að verði ekki breyting á
afstöðu bæjaryfirvalda á Akur-
eyri á næstunni til þessara mála
mætti vænta alvarlegs ástands í
atvinnumálum.
- G.Berg.
Sjólastöðin hf. í Hafnarfirði:
Segir upp 65 starfs-
mönnum í fiskvinnslu
SJÓLASTÖÐIN hf. í Hafnarfirði,
fiskvinnslufyrirtækið, hefur sagt upp
65 starfsmönnum, að því er Har-
aldur Jónsson, framkvæmdastjóri
fyrirtækisins, sagði í samtali við
blaðamann Morgunblaðsins í gær.
Ástæðu uppsagnanna sagði hann
vera afialeysi og þar með hráefn-
isskort, en einnig að nú sigldu mjög
mörg íslensk fiskiskip með afla sinn
til útlanda.
Sjólastöðin gerir út eitt skip,
Sjóla, en afla þess sagði Haraldur
hafa verið dræman undanfarið og
dygði hann ekki til að halda starf-
semi frystihússins gangandi. Þá
kæmi það einnig tii, að vegna hrá-
efnisskipta milli húsa á Suður-
nesjum væri nú komið að Sjóla-
stöðinni að leggja afla upp hjá
öðrum, og myndi Sjóli því ekki
landa hjá Sjólastöðinni úr næstu
veiðiferðum. Aflaskipti þessi eða
tilfærslur sagði Haraldur vera al-
gengar milli frystihúsa og til þess
gerðar að auka rekstraröryggið.
Sjólastöðin hefði t.d. getað tryggt
vinnu af og til með afla frá öðrum
útgerðaraðilum.
Haraldur sagði að ekki hefði
þurft að segja fólki upp kaup-
tryggingu í tvö ár, fyrr en nú.
Vafasamt sagði hann að þessu
fólki tækist að fá sér aðra vinnu,
en vonandi væri að úr rættist inn-
an tíðar. Eftir eru í vinnu hjá
Sjólastöðinni um 20 starfsmenn.
„Krydd í til-
veruna“ komið út
— Leifur Sveinsson lögfræðingur heið-
ursgestur bókarinnar
BÓKAÚTGÁFAN Vaka hefur sent frá sér annað bindi af „Kryddi í tilver-
una“, sem eru íslenzkar skopsögur, en fyrsta bindið kom út fyrir jólin í fyrra.
Bókina skrá Ólafur Ragnarsson og Axel Ammendrup, en þeir bjóða síðan
„heiðurskryddara í bókarauka" og er hann að þessu sinni Leifur Sveinsson,
lögfræðingur. Arni Elfar myndskreytir
I formála útgefenda að bókinni
segir að hún eigi að vera upplífgun
á erfiðum tímum. Um fjórðungur
bókarinnar eru sögur Leifs, og
nefnist „Leifs þáttur Sveinsson-
ar“. Honum er fylgt úr hlaði með
svofelldum orðum: „Heiðursgestur
okkar hér í öðru bindi Kryddsins
er kunnur húmoristi úr Reykjavík,
Leifur Sveinsson, lögfræðingur,
forstjóri Timburverslunarinnar
Völundar hf. Leifur er mikill
hestamaður, laxveiðigarpur og
stundar Sundlaugarnar i Laug-
ardal af kappi (að minnsta kosti
heita pottinn).
Viggó Maack heyrði hann ryðja
úr sér gamansögum í útiskýli
lauganna og spurði þá Berg G.
Gíslason, hvort hann væri heill
hafsjór af sögum. „Iss, miklu
meira en það,“ var svarið.
Leifur segir að ein regla gildi
um gamansögur: „Ef sagan er góð,
þá er hún sönn“.“
Leifur Sveinsson sagði í samtali
við Morgunblaðið, að þeir Ólafur
Ragnarsson og Axel Ammendrup
hefðu frétt af því að hann segði og
kynni skemmtilegar sögur. Þeir
hefðu því farið þess á leit við sig
að hann yrði heiðursgestur
Kryddsins líkt og Vilhjálmur
Hjálmarsson hafi verið í fyrra
bindinu. Hann hafi síðan samið 50
sögur norður á Akureyri, er hann
bókina.
Leifur Sveinsson
dvaldist þar, og aðrar 50 hér
syðra, og þessar 100 sögur hafi
hann sent í bókaraukann, en 71
birtist nú. Leifur kvaðst lítið hafa
gert af því að skrifa sögur, fyrr en
nú, þó hefði hann aðeins borið það
við, þegar hann var í ritnefnd
Hestsins okkar, Veiðimannsins og
Húseigandans. Hins vegar kvaðst
hann hafa haldið áfram eftir þetta
og hafi hann nú skráð samtals 235
sögur. Myndu þær væntanlega
koma út einhvern tíma síðar.
Bókin „Krydd í tilveruna" er 164
blaðsíður.
Brynhildur Georgía Björnsson ásamt systur sinni, Hjördísi, og afa, Sveini
Björnssyni, forseta.
Ný bók Steingrfms Sigurðssonar:
Ellefu líf — lífssaga Bryn-
hildar Björnsson-Borger
„ÞETTA er fyrsta bók mín síðan 1967, en sú fimmta í röðinni frá upphafi,
eins konar „come-back“ mitt í bókmenntum," sagði Steingrímur Sigurðsson
listmálari og rithöfundur, er hann leit við á ritstjórn Morgunblaðsins í gær
með glænýja bók sína, „Ellefu líf“. í bókinni segir Brynhildur Georgía
Björnsson-Borger frá óvenjulegu lífshlaupi sínu, en útgefandi bókarinnar er
Bókaútgáfa Arnar og Örlygs.
Brynhildur, sem er sonardóttir
forsetahjónanna Georgíu og
Sveins Björnssonar, segir meðal
annars frá því í bókinni er hún bjó
um skeið í Argentínu, en þar um-
gekkst hún meðal annars hóp
Norðurlandabúa, sem voru í nánu
vinfengi við Peron, þáverandi for-
seta landsins. — í kynningu útgef-
anda á bókinni segir svo meðal
annars:
„óhætt er að fullyrða að fáar
íslenskar konur eiga eins stórbrot-
inn og ævintýraríkan æviferil og
Brynhildur Georgía Björnsson-
Borger og er hún þó enn á besta
aldri. Þegar á barnsárum sínum
varð hún fyrir þeirri óhugnanlegu
lífsreynslu að lifa og sjá stríðið
eins og það var verst, en Brynhild-
ur átti þá heima í Þýskalandi.
Hún lifði af tvær hatramar loft-
árásir sem Bandamenn gerðu á
borgir í Þýskalandi þar sem hún
átti heima. Terror-angriff voru
þessar árásir kallaðar enda til
þess að skapa ógn og lama siðferð-
isþrek.
Brynhildur hefur einnig komist
lífs af úr tveimur sjósköðum og
tívegis hefur hún lifað af ofbeldis-
og morðárásir, aðra í Danmörku
og hina í Argentínu. Hún á einnig
að baki fjögur hjónabönd, og býr
nú í því fimmta.
Ellefu líf segir í raun í hnot-
skurn það sem Brynhildur
Georgía Björnsson-Borger hefur
lifað, en með því nafni er þó engan
veginn sagt það sem að baki býr.
Því kynnast lesendur aðeins i
magnþrunginni frásögn hennar
sjálfrar. Hún hefur frá heimi að
segja sem Islendingar þekkja að-
eins af afspurn og munu örugglega
staldra oft við og undrast í sam-
fylgdinni með Brynhildi.
Skrásetjari bókarinnar,
Steingrímur Sigurðsson, kemst vel
að orði í formála sínum þegar
hann segir að Brynhildur hafi ver-
ið reikunarkona hér á jörðu og
skipst hafi á með ýmsum veðrum.
Lífsstríð hennar hafi verið þannig
að nýtt hafi tekið við eftir síðustu
orrustu og hvort hún hafi sigrað
eða tapað viti hún best sjálf."