Morgunblaðið - 08.12.1983, Blaðsíða 32
Oá/c^úce
JÓLAPAKKANN
HANS
^tgisttMiiMfr
Bítlaæöiö
cb'OADWC
*
FIMMTUDAGUR 8. DESEMBER 1983
VERÐ I LAUSASOLU 20 KR.
Deilt um sel-
veidilaunin
— skatturinn vill fá þau gefin upp
NÚ HAFA veiðzt rúmlega 4.000 selir á árinu og hafa rúmlega 2 milljónir
króna verið greiddar í veiðilaun. Meirhluti selsins seinnihluta ársins, eða 150
til 200 lestir, hefur farið í loðdýrafóður. Skattstjórar Vesturlands- og Vest-
fjarðaumdæmis hafa farið fram á það við hringormanefnd, að hún gefl út
launaseðla á veiðilaunin, en hringormanefnd hefur ekki fallizt á það.
„Hringormanefnd lítur á
greiðslur fyrir selinn sem veiði-
laun og þær séu því ekki fram-
talsskyldar. Því getum við ekki
fallizt á þessa beiðni. Okkur finnst
óeðlilegt að ríkið skuli ekkert
leggja af mörkum í baráttunni við
hringorminn og ætli sér þess í
Loðnuveiðin:
100.000 tonn
komin á land
ÞRJÁTÍU loðnuskip tilkynntu loðnu-
nefnd um afla frá miðnætti aðfaranótt
síðastliðins þriðjudags, samtals rúm-
lega 14.000 lestir til miðs dags í gær.
Er loðnunni nú landað allt frá Siglu-
firði og austur á Reyðarfjörð. Hefur
þá verið landað rúmlega 100.000 lest-
um af loðnu á þessari vertíð.
Bátarnir, sem tilkynntu um afla
á þriðjudag voru: Harpa RE, 550,
Guðmundur Ólafur ÓF, 450, Gull-
berg VE, 480, Dagfari ÞH, 520, Sig-
hvatur Bjarnason VE, 540, Ljósfari
RE, 400, Magnús NK, 460, Þórður
Jónasson EA, 100, Hrafn GK, 5 50
og Rauðsey AK 570 lestir.
Frá miðnætti aðfaranætur mið-
vikudags til miðs dags í gær höfðu
eftirfarandi 20 skip tilkynnt um
afla: Skírnir AK, 430, Hákon ÞH,
800, Albert GK, 500, Huginn VE,
500, Súlan VE, 700, Keflavík, 520,
Húnaröst ÁR, 600, Erling KE, 320,
Helga II RE, 140, Pétur Jónsson
RE, 680, Gísli Árni RE, 420, Þórður
Jónasson EA, 420, Hilmir II SU,
540, Jöfur KE, 300, Þórshamar GK,
320, Skarðsvík SH, 480, Víkurberg
GK, 500, Örn KE, 400, Eldborg HF,
750 og Jón Kjartansson SU, 900
lestir.
stað að skattleggja veiðarnar,"
sagði Björn Dagbjartsson, for-
maður hringormanefndar, er blm.
Morgunblaðsins innti hann álits á
þessu og bað hann að rekja gang
veiðanna.
„Selveiðarnar hafa nú gengið
svipað og í fyrra. Okkur er kunn-
ugt um að drepnir hafa verið
rúmlega 4.000 selir, en eitthvað er
enn útistandandi hjá umboðs-
mönnum. Við borgum hins vegar
ekki veiðilaun fyrir selinn eftir 1.
desember og eftir er að ákveða
hvernig þessu verður háttað á
næsta ári. Okkur reiknast til að
nú hafi veiðzt töluvert meira af
fullorðnum sel en í fyrra. Greidd-
ar eru 10 krónur á kílóið og kemur
það betur út fyrir veiðimenn en
laun fyrir kjammann. Annars eru
launin 300 krónur fyrir útselskóp,
100 fyrir landselskóp, 700 á land-
sel og 1.000 á útsel. Ekki er hægt
að fá greitt bæði fyrir kjamma og
kjöt,“ sagði Björn Dagbjartsson.
IBBPI
SUÐUREY
w
ffir:
m*
aæ:--
'4* -V. ' ■ &**£*?<' *
Loðna, sfld og björgunarbátur
ÁGÆT síldveiði hefur verið hjá Eyjabátunum að undanförnu og
síðustu daga hefur komið talsvert af loðnu til Eyja. Suðurey VE
kom með nokkuð óvenjulegan farm í byrjun vikunnar — björgun-
arbát af þýska flutningaskipinu Kampen, sem fórst austan við
Vestmannaeyjar 1. nóvember sl. Báturinn hafði marað í hálfu kafi
á siglingaleið síðan skipið fórst og þótti ástæða til að fjarlægja
hann, svo hann væri ekki hættulegur sæfarendum.
Morgunbladið/Gunnl. Sigurgeirsson
FBI rann-
sakar flakið
af TR-RÁN
RANNSÓKN á orsök þess að TF-
RÁN fórst í Jökulfjördum í fyrra
mánuði stendur enn í Bandaríkjun-
um, m.a. hjá bandarísku alríkislög-
reglunni, FBI. I gær voru sendir
vestur um haf fleiri hlutir úr flaki
þyrlunnar og frekari upplýsingar,
sem rannsóknaraðilar óskuðu eftir.
Þetta kom fram í fréttatilkynningu,
sem Flugslysanefnd sendi frá sér í
gær.
í fréttatilkynningunni segir, að
tilteknir hlutar þyrlunnar hafi áð-
ur verið sendir til Bandaríkjanna,
„þar sem þeir voru teknir til rann-
sóknar undir eftirliti Öryggiseft-
irlits samgönguráðuneytis Banda-
ríkjanna, NTSB, og íslensku
flugslysanefndarinnar. Rannsókn
þessari er ekki lokið og rannsak-
endur hafa beðið um fleiri hluti og
upplýsingar.
Auk sérfræðinga NTSB og Sik-
orsky-verksmiðjanna hefur verið
leitað aðstoðar tæknideildar
bandarísku alríkislögreglunnar
(FBI), sem hefur fullkomin tæki
til að rannsaka skemmdir, er urðu
í slysinu. „Á þessu stigi er því mið-
ur enn ekki tímabært að fullyrða
neitt um orsakir slyssins, né held-
ur að gefa nánari upplýsingar um
rannsóknina, sem enn er unnið að
bæði hér heima og í Bandaríkjun-
um,“ segir í tilkynningu Flug-
slysanefndar.
26 þúsund atvmnuleysisdagar í nóvember:
Jafngildir atvinnuleysi
1200 manna allan mánuðinn
Atvinnuleysisdagar í nóv-
embermánuði nýliðnum voru 26 þús-
und talsins, en það jafngildir því að
um 1.200 manns væru án atvinnu
ailan mánuðinn eða um 1,1% vinn-
andi manna hér á landi, að því er
Óskar Hallgrímsson í félagsmála-
ráðuneytinu tjáði blaðamanni Morg-
unblaðsins í gær. Mest atvinnuleysi
sagði hann vera á höfuðborgarsvæð-
inu, þar voru atvinnuleysisdagar
8.500 í nóvember, næstflestir
atvinnuleysisdagar voru á Norður-
landi eystra, um 6.000, þá kom Vest-
urland með 3.300 daga og á Suður-
landi voru 3.100 atvinnuleysisdagar í
nóvembermánuði.
Atvinnuleysið í nóvember sagði
Óskar vera mun meira en í októ-
ber, en þá voru 15 þúsund atvinnu-
Sverrir Hermannsson iðnaðarráðherra:
Upplýsingar Morgunblaðsins
ekki úr lausu lofti gripnar
SVERRIR Hermannsson iðnaðarráðherra sagði í gærkvöldi, að upplýsingar
Morgunblaðsins um stöðu mála hjá Rafmagnsveitum ríkisins væru ekki úr
lau.su lofti gripnar og hann vildi ekki taka undir það að frétt Mbl. væri röng
eða algjör fjarstæða, þar sem um þetta hefði verið rætt, eins og forráða-
menn RARIK vissu fullvel.
Morgunblaðið sneri sér til
Sverris Hermannssonar iðnað-
arráðherra í gærkvöldi og leitaði
álits hans á ummælum forráða-
manna RARIK og innihaldi
fréttatilkynningar, sem blaða-
mönnum var afhent af stjórnar-
formanni og forstjóra fyrirtækis-
ins á fréttamannafundi í gær, en
þar segir m.a. að frétt Mbl. sé úr
lausu lofti gripin.
Ráðherrann sagði ennfremur
að Hagvangur ynni að úttekt á
fyrirtækinu og niðurstöður
myndu liggja fyrir von bráðar.
Hann sagðist myndu birta þessar
niðurstöður við fyrsta tækifæri
og stefnt væri að því að gera
ráðstafanir sem fyrirtækinu
væru fyrir beztu, en allt væri mál
þetta á viðkvæmu stigi þar sem
um atvinnu margra manna gæti
verið að ræða.
Þá sagði iðnaðarráðherra að
ætlunin hefði verið að ræða þetta
mái eftir áramót og þá með þeim
hætti að nægilegur aðdragandi
yrði áður en staðreyndir væru
settar fram, en hann myndi
reyna að finna þann flöt á málinu
sem væri bestur fyrir starfsfólk
fyrirtækisins og hagkvæmastur
fyrir fyrirtækið sjálft, ríkið og þá
sem þyrftu að nota þjónustu
RARIK. Upplýsingar Mbl. væru
því ekki úr lausu lofti gripnar, en
hitt væri annað mál hver yrði
niðurstaðan þegar upp yrði stað-
Sverrir Hermannsson
ið. Þá sagði hann og að forráða-
menn RARIK mættu ekki taka
tillögur um lagfæringar persónu-
lega og bætti því við að þeir hefðu
fram að þessu tekið mjög vel
framkomnum ábendingum.
Kannanir Hagvangs sagði iðn-
aðarráðherra vera í athugun hjá
sér og nauðsyn væri á skipu-
lagsbreytingum innan fyrirtækis-
ins, en manneskjulega yrði að
þeim staðið eins og ráðherrann
komst að orði. Fara þyrfti að
málinu með mikilli gát og í góðu
samstarfi við starfsfólkið.
Um tölur Mbl. þess efnis að
væntanlega yrði sagt upp á milli
90—100 starfsmönnum RARIK
sagði ráðherrann að það væri há
tala, enda hefði 46 manns þegar
verið sagt upp störfum, sam-
kvæmt því sem forráðamenn
RARIK upplýstu sjálfir. Um 70
millj. kr. sparnað vildi ráðherr-
ann ekkert segja ákveðið á þessu
stigi málsins.
Sjá: greinargerð RARIK, frá-
sögn af blaðamannafundi og
leiðara á miðopnu.
leysisdagar á landinu, sem jafn-
gildir atvinnuleysi 576 manna, og í
nóvember í fyrra voru atvinnu-
leysisdagar um 12 þúsund, sem
samsvarar atvinnuleysi 560
manns. — Alls eru atvinnuleysis-
dagar á þessu ári orðnir um 260
þúsund að sögn Óskars.
Óskar sagði ekki auðvelt að bera
saman atvinnuleysi í ár og í fyrra,
vegna þess að þá hefði verið sjó-
mannaverkfall í janúar, sem fjölg-
aði mjög atvinnuleysisdögunum.
Væri hins vegar miðað við 10
mánuði ársins í fyrra, febrúar til
nóvember, kæmi í ljós að atvinnu-
leysisdagar þá voru um 100 þús-
und, en eru á sama tima í ár um
200 þúsund. Aukningin er því um
100%, en í fyrra nam atvinnuleys-
ið um 0,5% af öllum vinnandi
mönnum á íslandi.
Nákvæmari tölur um atvinnu-
leysi í nóvember sl. verða til í dag,
fimmtudag.