Morgunblaðið - 08.12.1983, Blaðsíða 18
MORGUNBLAÐIÐ, FIMMTUDAGUR 8. DESEMBER 1983
18
Einvígi Riblis og Smislovs:
Kasparov leit inn
í tíu mínútur
liondon 7. de.sember. Frá Hjálmari JónsHyni, hlaðamanni VlorgunhlaÓNÍn.s.
UNGVERJINN Zoltan Ribli og Sovétmaöurinn Vassily Smyslov sömdu
um jafntcfli í 8. einvígisskák sinni, sem tefld var hér í London í kvöld.
Sömdu þeir um jafnteflið í 41. leik eftir að Kibli hafði lent í nokkru
tímahraki. Staðan í einvígi þeirra er nú 5 vinningar gegn 3 Smyslov í vil.
Ribli lét bíða eftir sér í 5 mín-
útur áður en hann mætti til 8.
skákarinnar í einvígi sínu við
Vassily Smyslov og þegar hann
kom, kom hann gangandi fram
úr sölum Great Eastern-hótels-
ins, en ekki í gegnum hliðardyr á
sviðinu eins og keppenda er
vandi.
Ribli, sem var tveimur vinn-
ingum undir þegar fimm skák-
um var ólokið, stýrði hvítu
mönnunum og lék drottningar-
peðinu. Hann fékk snemma verri
tíma en Smyslov, notaði rúman
klukkutíma á fyrstu 15 leikina,
meðan Smyslov notaði aðeins 15
mínútur.
Rúmlega 30 ára aldursmunur
er á keppendum, Ribli rúmlega
þrítugur, en Smyslov kominn á
sjötugsaldurinn, en báðir eiga
það sameiginlegt að vera rólegir
og yfirlætislausir. Áberandi
minni áhugi er fyrir einvígi
þeirra en fyrir einvígi Kasparovs
og Kortsnojs og einungis fáir
áhorfendur að skákinni í dag.
Smyslov hugsaði sig um í 45
mínútur áður en hann lék sínum
17. leik og þegar leiknir höfðu
verið 20 leikir þótti mönnum
staða svarts vænlegri með vel
staðsettan svartreitabiskup, en
uppskipti tókust á biskupunum
og eftir það þótti staða hvíts
betri. Tímahrak fór hinsvegar að
hrjá keppendur og átti Ribli 22
mínútur til að leika síðustu 12
leikina og Smyslov 40.
„Ég veit það ekki, en Ribli hef-
ur góða stöðu og það fer eftir
því, hvernig honum tekst upp,
hver úrslitin verða," sagði
stórmeistarinn John Speelmann
aðspurður um stöðuna í skák
þeirra Riblis og Smyslovs, þegar
klukkutími var eftir af henni.
„Smyslov hefur leikið mjög vel
í síðustu tveimur skákum og
uppskorið í samræmi við það.
Hins vegar finnst mér Ribli hafa
teflt mjög einkennilegar byrjan-
ir, og það er eins og einhver
sagði, Smyslov var farinn að
leika mjög vel áður en Ribli
fæddist. En ég þori ekki að spá
neinu um heildarúrslitin, ég held
þau fari mikið eftir úrslitunum í
kvöld. Ég er áhugasamur áhorf-
andi og bíð þess bara hvað verð-
ur,“ sagði Speelmann ennfrem-
ur.
„Mér finnst Kortsnoj hafa ver-
ið sjálfum sér verstur í undan-
förnum tveimur skákum," sagði
Speelmann aðspurður um hitt
einvígið, sem einnig fer fram á
Great Eastern-hótelinu. „En
hann er mikill baráttumaður,
eins og hann sýndi glögglega í
einvígi sínu við Karpov, þegar
hann var kominn undir, en tókst
að jafna að nýju, þó svo að hann
tapaði því einvígi. Hvort hann
leikur þann leik aftur nú skal
hins vegar ósagt látið," sagði
Speelmann að lokum.
Þegar leiknir höfðu verið 34
leikir átti Ribli 10 mínútur eftir
til að leika síðustu 6 leikina, en
Smyslov rúman hálftíma. Ribli
lenti í miklu tímahraki en tókst
að ná tímamörkunum og í 41.
leik sömdu keppendur um jafn-
tefli eins og áður sagði.
Garrí Kasparov var í fyrsta
skipti áhorfandi að skákeinvígi
þeirra Smyslovs og Riblis í dag.
Hann kom inn í skáksalinn um
áttaleytið og dvaldi þar í rúmar
10 mínútur.
Ekkert bítur á Smyslov sem
nálgast óðfluga sigurinn
Skák
Margeir Pétursson
Varnir Vassily Smyslovs, 62ja
ára fyrrverandi heimsmeistara,
héldu enn einu sinni í gærkvöldi er
hann gerði jafntefli við Zoltan
Ribli í áttundu einvígisskákinni.
Smyslov heldur því enn tveggja
vinninga forskoti sínu, hann hefur
fimm vinninga gegn þremur vinn-
ingum Riblis. Mcð hverju jafntefli
nálgast Smyslov sigurinn, nú duga
honum þrjú jafntefli til viðbótar.
Taflmennska Smyslovs í ein-
víginu hefur verið róleg og yfir-
veguð. 'Með hvítu hefur hann
unnið þrjár skákir af fjórum og
með svörtu lætur hann sér
nægja að tefla til jafnteflis.
Þetta hefur tekist frá því í ann-
arri skákinni, en þá vann Ribli
sinn eina sigur.
í dag tefla þeir Korchnoi og
Kasparov áttundu einvígisskák
sína og verður fróðlegt að sjá
hvort Korchnoi nær að hrista af
sér slenið eftir tvo slæma daga í
röð, en hann hefur hvítt í dag. Á
morgun tefla síðan Smyslov og
Ribli sína níundu skák.
Hvítt: Zoltan Ribli
Svart: Vassily Smyslov
Slavnesk vörn
I. d4 — d5, 2. c4 — c6, 3. Rc3 —
Rf6, 4. e3 — g6
Schlechter-afbrigðið. Því
beitti Smyslov einnig í sjöttu
skákinni, sem lauk með jafntefli.
5. Rf3 — Bg7, 6. Bd3 — 0-0, 7. <W)
— Bg4, 8. he — Bxf3, 9. Dxf3 —
He8
í sjöttu skákinni lék Smyslov
9. — e6 sem reyndist fullhæg-
fara.
10. Hdl — Dd6
Svartur ætlar að leika 11. —
Rbd7 og 12. — e5. Ribli verður
fyrri til að taka af skarið á mið-
borðinu.
II. e4 — dxe4, 12. Bxe4 — Rbd7,
13. a3 — Rxe4, 14-. Rxe4
Hér hafði Ribli notað klukku-
stund, en Smyslov aðeins stund-
arfjórðung.
14. — De6, 15. b3 — b5!
Smyslov teflir af sömu rökvís-
inni og fyrr í einvíginu. Með
þessari hliðarárás á hvíta mið-
borðið tryggir hann sér jafnt
tafl.
16. cxb5 — cxb5, 17. a4 — Dd5,
18. axb5 — Dxb5, 19. Bf4 — Rb6,
20. Hacl — Had8
Smyslov ætlar sér að vinna
staka peðið á d4, en nú nær Ribli
frumkvæðinu með snjallri vend-
ingu. Eftir 20. — Had8 hefði
svartur staðið sízt lakar, því 21.
Rc5?! leyfir 20. — Bxd4.
21. Be5! — Bxe5, 22. Hc5 — Db4,
23. Hxe5 — Rd7, 24. Hd5 — Kg7,
25. h4! — Rf6
Smyslov viðurkennir að sér
hafi orðið á mistök og tekur á sig
stöðu sem greinilega er lakari,
en þó traust.
26. Rxf6 — exf6, 27. Hxd8 —
Hxd8, 28. h5 — Dd6
Smyslov er auðvitað ekki
ginnkeyptur fyrir 28. — Hxd4?,
29. h6+! o.s.frv.
29. De3 — gxh5
Svarta kóngsstaðan er í tætl-
um og umframpeðið skiptir auð-
vitað engu máli. Ribli á því
ákveðna möguleika í stöðunni,
en hann var kominn í tímaþröng
auk þess sem Smyslov er fastur
fyrir í vörninni.
30. d5 — Hd7, 31. Dh3 — Kh6!,
32. b4 — He7, 33. Dc3 — Hc7, 34.
De3+ - Kg7, 35. Df3
Nú nær Smyslov mótspili sem
tryggir honum jafntefli, en 35.
Dd4 — De5, hefði heldur ekki
skilað árangri.
35. — Hc4!, 36. b5 — Hg4, 37. De3
— h4, 38. Hd4 — h5!
Smyslov notfærir sér tíma-
hrak andstæðingsins til hins
ýtrasta
39. Hxg4+ — hxg4, 40. Dd4 — g3,
41. Dxh4. Jafntefli, því uppskipti
á flestum peðanna eru fyrir-
sjáanleg.
Guðlaug Tinna Grétarsdóttir dreg-
ur vinningsnúmerin
Dregið í happdrætti SÁÁ
Stefnt er að því að vigja hina
nýju sjúkrastöð SÁÁ sunnudaginn
18. desember nk. Þá verður til-
kynnt um nafn stöðvarinnar, sem
borizt hafa yfir 10 þúsund tillögur
um nafn.
Dregið hefur verið í happ-
drætti SÁÁ. Vinningarnir, 10
Saab-bifreiðir komu á eftirtalin
númer: 104897, 178021, 198343,
219952, 271660, 276116, 286191,
299384 og 307043.
(Birt án ábyrgðar.)
„Vonin“ sýnd í
Regnboganum
Kvikmyndaklúbbur Alliance
francais í Reykjavík sýnir í dag,
fimmtudaginn 8. desember, mynd-
ina „Von“, sem er frönsk-spænsk
mynd gerð árin 1938 til 1939 af
André Malraux eftir samnefndri
skáldsögu hans. Sýningin verður
endurtekin miðvikudaginn 14. des-
ember og aftur fimmtudaginn 15.
desember.
Myndin fjallar um borgara-
styrjöldina á Spáni og er styrjöld-
in séð með augum Malraux, sem
barðist í fjallahéruðum Spánar
gegn herjum Francos. Hluti
myndarinnar er tekinn á meðan á
loftárásum stóð.
Kvikmyndin er sýnd í E-sal
Regnbogans alla dagana klukkan
20.30.
Sýnir 37
myndir
Mishermt var í frétt af mál-
verkasýningu Benedikts Gunnars-
sonar í safnaðarheimili Kárs-
nessóknar í Kópavogi fjöldi mynd-
anna, sem er á sýningunni. Bene-
dikt sýnir þar 37 málverk og
teikningar. Hlutaðeigendur eru
beðnir velvirðingar á þessum mis-
tökum.
Jóla-bingo
Hiö árlega jóla-bingó Framsóknarfélags Reykjavíkur veröur
haldiö í Sigtúni í kvöld fimmtudagskvöld, 8. desember, og hefst kl. 20.30.
Húsiö opnað kl. 19.30.
Glæsilegir ferðavinningar
M.a. ferðir til London og Amsterdam. Margir eigulegir munir. Ur og tölvur,
nýjustu jólabækurnar, snyrtivörur, stórglæsilegar matarkörfur, heilir kjúkl-
ingakassar og margt fleira.
Aðgangur ókeypis. Verð á spjaldi kr. 100.- Spilaðar verða 18 umferðir.
Stjórnandi Baldur Hólmgeirsson FRAMSÓKNARFÉLAG REYKJAVÍKUR