Morgunblaðið - 19.02.1984, Blaðsíða 5

MORGUNBLAÐIÐ, SUNNUDAGUR 19. FEBRÚAR 1984
53
tökumál. „Ég keypti lóð við
Skólavörðustíginn og byggði þar
tveggja hæða hús um 1919. Þetta
var á Skólavörðustíg 44a og þar
bjó ég síðan í 62 ár. Þá var öðru-
vísi um að litast við Skólavörðu-
stíginn en núna, allt autt, engin
hús fyrir ofan mitt.
Maðurinn minn var orðinn
veikur, þegar ég fór út í bygging-
una, svo ég stóð í þessu ein. En
ég gifti mig tuttugu og þriggja
ára og varð ekkja tíu árum síðar.
Hann hét Haraldur Jóhannesson
og var bílstjóri hjá Kveldúlfi.
Þegar við vorum nýgift kom í
Ijós að hann var með berkla og
varð að fara á hæli, þar sem
hann var meira og minna til
dauðadags. Við áttum eina dótt-
ur, Soffíu Aðalheiði. Hún á fjóra
syni og þeir eiga allir börn,
þannig að ég á nóg af afkomend-
um þó að ég hafi ekki verið að
hlaða niður börnum, enda finnst
mér mesta vitleysa í konum að
vera að eiga fleiri en tvö til þrjú
börn.
Áður en ég gifti mig hafði ég
verið trúlofuð öðrum manni I
þrjú ár. En hann fórst með skipi
um það bil sem ég var að ljúka
við að sauma brúðarskartið. Við
vorum búin að leigja okkur hæð
í Hafnarfirðinum og ætluðum að
gifta okkur þegar hann kæmi i
land næst. Eg hef alltaf verið
mikill spíritisti og síðan þetta
gerðist hefur mér verið illa við
brot, ég var nýbúin að brjóta
mynd af okkur saman þegar
fréttin barst," segir Soffía, lítur
um leið á ljósmynd af ungum
manni í stórum ramma á veggn-
um. „Eftir að ég varð ekkja átti
ég marga kosti á því að giftast
aftur," bætir hún við, „en ég
hafði ekki áhuga á að kynnast
þriðju persónunni."
„Vakti alltaf á ný-
ársnótt á Borginni“
„Það hefur aldrei verið mikið
um frístundir hjá mér, en heima
sungum við mikið, systkinin. í
stríðinu keypti ég svo orgel af
ísólfi Pálssyni og spilaði mikið á
það.
En skemmtilegasta atvinna
sem ég hef haft um dagana er að
servera. Ég byrjaði að servera á
Hótel Borg daginn sem þar var
opnað, 18. janúar 1930, og var
þar næstu tuttugu og fjögur eða
fimm árin. Við vorum allar á
upphlut þá, stúlkurnar, sem
gengum um beina og þó ég segi
sjálf frá, þá fór upphluturinn
best á mér. Það var nú starf, sem
átti við mig. Ég var svo fljót á
fæti og hann Jóhannes á Borg
þekkti fótatakið mitt frá því að
ég kom hlaupandi fyrir hornið á
apótekinu, en af tuttugu stúlkum
vorum við sex sem vorum í sér-
stöku uppáhaldi hjá honum.
Fyrstu árin spiluðu danskar og
þýskar hljómsveitir á Borginni
og það var líf og fjör, ekki vant-
aði það. Sérstaklega fannst mér
gaman á nýársnótt, þá vakti ég
alltaf með honum Sigurði Grön-
dal, yfirþjóni. Þá var nú oftast
fyllerí, eins og nú er, en þó held
ég að fólkið hafi verið heldur sið-
samara.
Seinna var ég svo hjá honum
Freysteini, sem rak búð og kaffi-
sölu í Aðalstræti 9 og á Morgun-
blaðinu, en þar hætti ég þegar ég
varð áttræð. Mér leið vel á
Mogganum, en ósköp var fólkið
orðið margt undir lokin,“ segir
Soffía og biður fyrir kveðju til
Elínar og „strákanna".
„Það er ævintýri hvað tíminn
líður," segir hún og úti fyrir er
skammdegismyrkrið skollið á.
„ótíðin fer illa í fólkið hérna og
mér líst illa á ástandið," segir
Soffía, en hún fylgist vel með
gangi heimsmálanna, nær og
fjær. „En heimurinn ferst nú
ekki nema af mannavöldum,"
bætir hún við. „Annars hugsa ég
nú ekki eins djúpt og ég gerði,
því ég veit að ég er á förum. En
maður á ekki að vera svartsýnn í
lífinu, heldur óhræddur og hugsa
vel um sjálfan sig og aðra.“
H.H.S.
SÆNSK ÚRVALSVARA - ÓTRÚLEGA ÓDÝR
HANN 6R KOMINN
OPGL A5CONA1984
Fyrsta sending af OPEL ASCONA 1984 er komin
til landsins. Ætternið segir til sín. Fallegur og
rúmgóður. Öruggur og þægilegur. Sprettharður
og sparneytinn. Fjölskyldubíll. Vestur-þýskur fram
í felgur.
OPEL byrjaði að framleiða bíla 1898. Reynsla 86
ára kemur þér til góða, þegar þú kaupir OPEL.
Tákn vestur-þýskrar vandvirkni. Tækni, sem
treystandi er á. Öryggi, kraftur, ending. OPEL.
g| BIFREIPAPEILP SAMBANDSINS
GM

HÖFÐABAKKA 9 SÍMI 687300 GÆÐAEFTIRLIT MEÐ GÆÐAVÖRUM
Verð kr. 378.800
með sex ára ryðvarnarábyrgð
(miðað við gengi 16.2. 1984).