Morgunblaðið - 03.03.1984, Síða 18

18
MORGUNBLAÐIÐ, LAUGARDAGUR 3. MARS 1984
Reykjavíkurkynn-
ing í Sjallanum
Þriðja kynningarkvöldið á landsbyggðinni
Reykjavíkurkvöld verður haldið
næstkomandi laugardagskvöld í
Sjallanum á Akureyri, en þetta er í
þriðja skiptið sem kynning af
þessu tagi fer fram, en áður hefur
Reykjavíkurkynning verið f
Hnífsdal, fyrir ísafjörð og ná-
grenni, og einnig hefur kynning
verið á Egilsstöðum. Á kynningar-
kvöldinu á Akureyri verður svipuð
dagskrá og verið hefur á hinum
stöðunum tveimur, en á kynn-
ingarkvöldunum hafa komið fram
fulltrúar frá Leikfélagi Reykjavík-
ur og íslensku óperunni, en einnig
hafa verið tískusýningar og dans-
sýningar. Kynnir á Reykjavíkur-
kynningunni í Sjallanum verður
Hermann Ragnar Stefánsson,
danskennari og útvarpsmaður, en
hann verður jafnframt veislustjóri.
I*essar upplýsingar fékk Morgun-
blaðið hjá þeim Markúsi Erni Ant-
onssyni, formanni Samstarfs-
nefndar um ferðamál í Reykjavík,
og Ómari Einarssyni, fram-
kvæmdastjóra nefndarinnar, en
hann er jafnframt framkvæmda-
stjóri /Eskulýðsráðs Reykjavíkur-
borgar.
Á Reykjavíkurkynningunni í
Sjallanum mun Davíð Oddsson,
borgarstjóri Reykjavíkur, flytja
ávarp, en þeir Markús Örn hafa
verið í fyrirsvari fyrir kynning-
una. Eins og áður sagði munu
leikarar frá Leikfélagi Reykja-
víkur skemmta, en þeir munu
flytja atriði úr Gísl og einnig
þætti úr ýmsum revíum. Þá
munu söngvarar frá fslensku
óperunni flytja atriði úr óperu
sem verið hefur til sýningar þar.
„Á kynningunum á Egilsstöð-
um og í Hnífsdal var mjög góð
aðsókn," sagði Markús Örn.
„Dagskráin á Akureyri hefst á
laugardagskvöldið klukkan
19.30. Borðhald verður síðan
klukkan 20.00 og dagskráin mun
standa til klukkan 23.30, en eftir
að henni lýkur verður dansleik-
ur. Þá verður ferðabingó haldið,
en vinningar þar verða utan-
landsferð, auk tveggja „helg-
arpakka“-ferða til Reykjavíkur."
„Reykjavík — góð
heim að sækja“
„Þeir Ólafur Jónsson og Skúli
J. Björnsson hafa unnið að und-
irbúningi þessara kynninga,"
sagði Ómar Einarsson. „Starfið
hefur tekist mjög vel og höfum
við átt gott samstarf við Leikfé-
lag Reykjavíkur, íslensku óper-
una og Flugleiðir. Þá höfum við
gefið út sérstaka kynningar-
bæklinga í tilefni Reykjavíkur-
kynningarinnar, þar sem getið
er helstu viðburða á næstunni í
menningarlífi og skemmtanalífi
í Reykjavík," sagði ómar.
„Yfirskrift Reykjavíkurkynn-
inganna hefur verið „Reykjavík
— góð heim að sækja" og höfum
við lagt áherslu á að Reykjavík
sé höfuðborg allra landsmanna,"
sagði Markús Örn. „Þar af leið-
andi sé þar ýmislegt að finna
sem fólk utan Reykjavíkur ætti
að kynna sér eins og kostur er. í
Reykjavík er mikil fjölbreytni í
lista- og skemmtanalífi og þar er
tilvalið að leita sér afþreyingar.
Enda getur dvöl í Reykjavík
jafnast á við það sem gerist í
stórborgum erlendis," sagði
Markús Örn.
„Á kynningarkvöldunum hafa
Omar Einarsson.
1
Markús Örn Antonsson
fulltrúar viðkomandi byggðar-
laga flutt nokkur orð og þakkað
okkur Reykvíkingunum fyrir
komuna og þarna hafa skapast
aukin tengsl á milli fulltrúa
borgarinnar og viðkomandi
svæða. Ennfremur höfum við
haft tækifæri til að ræða sam-
eiginleg hagsmunamál við sveit-
arstjórnarmenn og hafa þær
umræður verið gagnlegar," sagði
Markús Örn.
Hvati fyrir fólk til þess
að heimsækja Reykjavfk
„Samhliða kynningarkvöldun-
um hefur komið í ljós að fólk fær
aukinn almennan áhuga á
Reykjavík og því sem þar er að
gerast, til dæmis hafa nemendur
í skólum á landsbyggðinni unnið
að verkefnum um Reykjavík eða
henni tengdum," sagði Markús
Örn.
Aðspurður um hvort þessar
kynningar muni fljótlega skila
árangri í auknum ferðalögum
landsbyggðarfólks til borgarinn-
ar, sagði Markús Örn: „Eg býst
ekki við því að á því fari að bera
strax í kjölfar kynninganna eða
fyrstu vikurnar á eftir, en þetta
er hinsvegar hvati fyrir fólk til
að heimsækja Reykjavík. Á
kynningarkvöldunum fær fólk
ýmsar upplýsingar um borgina,
til þess ætlaðar að gera ferðir til
Reykjavíkur áhugaverðar. Þá
hefur þessi árstími verið einkar
vinsæll til þess að ferðast til
Reykjavíkur, þrátt fyrir það að
veðurfar geti hamlað þar að
nokkru leyti,“ sagði Markús Örn.
„Það er ekkert ákveðið um
áframhald kynninganna," sagði
Leikarar frá Leikfélagi Reykjavíkur sýna leikatriði á Egilsstöðum.
Denia Mazzola
Yordy Ramiro
Jean-Pierre Jacquillat
Kristinn Sigmundsson
Lucia di Lammermoor
Tónlist
Jón Ásgeirsson
ítölsk óperugerð á 19. öldinni
er að miklu leiti ósnortin af róm-
antíkinni og stendur því sér hvað
varðar stíl og leikrænt innihald.
Þessi sérstaða byggist á því, að
óperutónlist eftir Rossini, Doniz-
etti og Verdi er eins konar fram-
hald klassíska tímabilsins eins
og það kom skýrast fram hjá
Mozart. Auk þess að láta lönd og
leið ýmsar hugmyndir róman-
tíska tímabilsins, réði dýrkun ít-
ala á söngröddinni miklu um öll
stíltök, þar sem túlkunartækið
var mannsröddin ein og texti,
leikrænn umbúnaður og hljóm-
sveitin voru oft í besta falli
hjálpartæki söngsnillinga. Fjög-
ur mestu óperutónskáld ítala á
19. öldinni, Rossini, Donizetti,
Bellini og Verdi, fæðast öll á
tuttugu ára tímabili, frá 1792 til
1813, en starfsdagur þeirra sam-
anlagður var heil öld, eða sem
því næst, til ársins 1901, er Verdi
lést. Rossini gaf tóninn og Doniz-
etti stældi hann í fyrstu verkum
sínum. Með óperunni Anne Bol-
eyn nær hann að slíta sig frá
meistaranum og í verkum eins og
L’elisir d’amore, La Fille du
Regiment, Don Pasquale og
Lucia di Lammermoor skapar
Donizetti eftirminnileg og glæsi-
leg söngverk. Lucia di Lamm-
ermoor er einkum vinsæl meðal
söngvara og á því sviði er óperan
stórkostlegt viðfangsefni og hafa
söngkonur eins og Patti, Jenny
Lind, Sembrich, Melba, Tetraz-
ini, Galli-Curci, Lily Pons og
Joan Sutherland innsiglað frægð
sína með því að flytja þetta
glæsilega söngverk. Ung söng-
kona, Denia Mazzola, söng tit-
ilhlutverkið í konsertuppfærslu
Sinfóníuhljómsveitar Islands sl.
fimmtudag og var söngur hennar
frábær, einkum í síðasta atriði
hennar, í þriðja þætti, þar sem
Lucia hefur misst vitið og til-
finningar sveiflast milli örvænt-
ingar og sælublandinna minn-
inga. Það er ekki aðeins að
sönghlutverkið sé bæði marg-
brotið og erfitt, heldur bregður
Donizetti á leik með röddina í
samspili við flautuna, sem var
aðal sérgrein hans, og þar náði
óperan í raun hápunkti sínum, i