Morgunblaðið - 30.05.1984, Page 29

MORGUNBLAÐIÐ, MIÐVIKUDAGUR 30. MAÍ 1984
77
VELVAKANDI
SVARAR i SÍMA
10100 KL. 11—12
FRÁ MÁNUDEGI
TIL FÖSTUDAGS
tíffítlíi
Frammistaða stjórnarinnar
Friðfinnur Finnsson skrifar:
Heill og sæll Velvakandi!
Segja má að við aldamótamenn
höfum lifað stóran kapítula úr Is-
landssögunni sem við höfum
fylgst með eftir bestu getu. Þá er
margt sem kemur í hugann þegar
litið er til baka eftir því sem
minnið nær og ekki síst þegar
maður er svo heppinn að hitta
jafnaldra sína og spjalla um fortíð
og nútíð.
Ég var einn af þeim mörgu sem
létu í ljósi álit sitt á núverandi
ríkisstjórn þegar hún var mynduð
svo nú fer vel á því að segja til
með hvernig manni finnst hún
hafa staðið sig.
Mér finnst hún hafa staðið sig
býsna vel á mörgum sviðum, ekki
síst þegar hún spilaði út tromp-
ásnum í fyrsta spili og hóf mark-
vissa sókn gegn verðbólgu, með
þeim árangri sem þjóðin öll fagn-
ar.
En með því að setja lög um af-
nám samningsréttar og kaupbind-
ingar held ég að heppilegra hefði
verið að þeir sem hefðu 25 þúsund
á mánuði eða meira fengju enga
kauphækkun, hún yrði að bíða
betri tíma. Én það sem við þetta
sparaðist gengi til þeirra lægst
launuðu því þeir hafa allt of lítið
kaup og vinna þar að auki öll
verstu verkin. Við þá lægst laun-
uðu á að gera vel og betur má ef
duga skal.
Eg sagði í greinarkorni, sem
birtist um svipað leyti og stjórn-
armyndunin varð, að allt væri
undir því komið að innan stjórn-
arinnar ríkti einhugur sem þróað-
ist af heiðarleika, sjálfsvirðingu,
orðheldni og óeigingjörnum til-
löguflutningi. Mér virðist sem
þetta hafi tekist og innan stjórn-
arinnar ríkti einhugur um hennar
áform.
Sparsemi hefur ætíð verið talin
dyggð og við hana var aldamóta-
kynslóðin alin upp. Ríkisstjórnin
hefur líka hvatt þjóðina til spar-
semi á öllum sviðum, og er það vel,
en til þess að verulegur árangur
náist þarf ríkisstjórnin að ganga
fram fyrir skjöldu og spara.
Við sem munum nokkuð aftur í
tímann minnumst þess þegar
ráðherrar voru ekki nema fjórir
eða fimm og þá virtist þjóðarskút-
unni samt reiða ágætlega af. Núna
eru þeir orðnir tíu og flestir þeirra
hafa aðstoðarmann. Ekki efast ég
um að margt sé orðið betra en það
áður var en með öllum þeim tölv-
um og tilfæringum sem nú eru
komin til hagræðingar mætti fara
að fækka í ráðherraliðinu.
Úr því farið er að ræða um
ráðherrana er stutt í það að ræða
um fríðindi þeirra og bílastyrki.
Ráðherrarnir eru með háar tekjur
og eru ekki neinir gustukamenn og
eiga að sjálfsögðu að kaupa sína
bíla á fullu verði eins og aðrir.
Auk þessara fríðinda eru tíu bíl-
stjórar á fullum launum við að
keyra þá fram og til baka, gætu
ekki ráðherrar keyrt sína bíla
sjálfir en hafðir væru tveir, þrír
bílar til sendiferða. Um þetta er
rætt meðal þeirra sem vilja að
menn séu samkvæmir sjálfum sér
í einu og öllu.
Fyrir nokkru las ég um það í
blaði að ráðherrar hefðu rétt á að
fá bíl tollfrjálsan einu ári eftir að
þeir létu af embætti. Það er svo
best að hver svari því fyrir sig
hvort ráðherrar síðustu ríkis-
stjórnarinnar hafi unnið til þess.
Þegar ljóst var að draga þyrfti
um 40% úr veiðum á helsta nytja-
fiski okkar íslendinga og aflinn
yrði þá ekki nemá helmingur þess
sem hann var fyrir tveimur árum
síðan var ljóst að okkur var mikill
vandi á höndum. Þá var tekið upp
kvótakerfið sem svo mjög er um-
deilt en eitthvað verður að gera
því framundan er mikill vandi.
Eftir því sem maður les nú nýlega
um kvótaskiptinguna norðan- og
sunnanlands virðist koma skáhallt
réttlæti. Hvernig hefði verið að
byrja vertíðina 15. febrúar eins og
til stóð, sleppa veiðum í mesta
skammdeginu fyrst ekki mátti
veiða meira en þetta.
Það er mikið talað um fjárlaga-
gatið sem ríkisstjórnin glímir nú
við með Albert í fararbroddi. Þeg-
ar ríkisstjórnin tók við var sagt að
verðbólguhraðinn hefði verið um
130% og erlendar skuldir næmu
um 60% af þjóðarframleiðslunni,
sem sagt allt í grænum sjó.
Mér hefur heyrst að sameigin-
legt álit fólks á ríkisstjórninni sé
að hún hafi á sínum stutta ferli
komið því í framkvæmd að hafa
fullkomna stjórn á efnahagsmál-
unum. Og í ljósi þess hver aðkom-
an var má það kallast gott.
Nú ætti þjóðin að geta hafið
nýja sókn í átt til aukinna lífs-
gæða og það mun takast ef þjóðin
ber gæfu til að standa sarnan um
þá ríkisstjórn sem hún kaus með
yfirburðum.
Það er trú mín að ef íslenska
þjóðin ber gæfu til að starfa eins
vel í hálfa öld í viðbót og hún hef-
ur gert á fyrri helmingi þessarar
aldar, verður eftirsóknarvert að
búa á íslandi.
En aldrei má þjóðin gleyma hin-
um fleygu orðum skáldsins, að
hver þjóð sem í gæfu og gengi vill
búa, á guð sinn og land sitt skal
trúa.
Þurfum sífellt
að hlusta á
bítla og popp
Sjónvarpsáhorfandi hringdi og
hafði eftirfarandi að segja:
Ég opna sjónvarpið skömmu
fyrir klukkan 20 á kvöldin og
hvað heyri ég þá? Það er ekki
„Fögur er vor fósturjörð", „Is-
land, Island vort ættarland" eða
„Ég vil elska mitt land“. Nei, það
er ekki aldeilis íslenska þar á
ferð. Þess í stað fáum við sífellt
að hlust á bítla og popp, garg og
væl á erlendum tungumálum
utan úr heimi. Svo koma fréttir,
sem að mestu eru fluttar á ís-
lensku af ágætum þulum en þeg-
ar taiað er við erlenda menn
þyrfti að túlka það á íslensku
máli eða láta textann líða hægar
yfir skjáinn.
Síðan koma kvikmyndir, sem
eru að visu fáar til menningar-
auka en allt of margar eru þær,
sem eru til skammar fyrir ís-
lenskt menningartæki. Að láta
sjást klám og glæpamyndir er
fyrir neðan allar hellur. Það sem
vantar er meira af íslensku
skemmtiefni og fróðleik um land
og líf.
Það sem gott er, er þakkarvert.
Meira af íslenskum söng og tal-
máli, en minna af ofbeldi.
Við eigum
geysimikið úrval
af rúmum
og nú bjóðum
við þér alveg
sérstök
tilboðskjör
Meðan birgðir
endast
RUM MEÐ DÝNU
Undir 10.000, 2.000 út gr. 1.000 á mán.
10.000—15.000, 3.000 út. gr. 1.500 á mán.
15.000—20.000, 4.000 út gr. 2.000 á mán.
Yfir 20.000, 5.000 út gr. 2.500 á mán.
Hilda
Úrvalið af fururúmum er geysilega gott. Á mynd-
inni sérðu tegund Hilda.
Verð með dýnum kr. 19.910.
Náttborö verö kr. 2.860.
Daisy
með dýnum
kr. 23.590.
Dolly er fallegt hentugt hjónarúm þar sem her-
bergið er frekar lítiö.
Verð með dýnum kr. 17.210.
Taktu eftir verðinu á þessu setti.
Allt settið kr. 14.780 m/dýnum.
HUSGACNAHOLLIN
BÍLDSHÖFÐA 20-110 REYKJAVlK « 91-81199 og 81410