Morgunblaðið - 28.10.1984, Blaðsíða 33

MORGUNBLAÐIÐ, SUNNUDAGUR 28. OKTÓBER 1984
97
Væntanleg er á markað-
inn plata með söngvar-
anum Kristni Sig-
mundssyni ásamt und-
irleikaranum Jónasi Ingimund-
arsyni. Kristinn hefur náð
óvenju góðum árangri í list sinni
á skömmum tíma. Hann hélt
utan til frekara náms nú í haust
og hitti blm. hann að máli
skömmu áður.
„Á plötunni eru bæði íslensk
og erlend sönglög. Efnisvalið er
mjög fjölbreytt, íslensku lögin
eru allt frá gömlum þjóðlögum
til Atla Heimis og Gunnars
Reynis, og sama er að segja um
erlendu sönglögin þar er m.a. að
finna ítalska slagara og sönglög
eftir Richard Strauss."
Er ekki hætta á að platan sé
fremur sundurlaus?
„Við tókum upp efni sem hefði
rúmast á 3 plötur og völdum síð-
an úr. Þegar við hlustuðum svo á
það í heild fannst okkur þetta
ekki sundurlaust, og held ég að
vel hafi tekist með efnisval.
Markmiðið var að halda plötunni
á háu plani hvað gæði varðar, en
eins ætluð til afþreyingar. Það
má segja að þetta sé rjóminn af
því sem ég hef haft á efnis-
skránni undanfarið.
Upptakan á þessari plötu var
með öðrum hætti en gengur og
gerist. Við fórum ekki í stúdíó,
því að þar er nánast enginn
hljómburður, en við vildum fá á
plötuna ákveðinn tónleikablæ.
Upptökur fóru fram í Logalandi
í Borgarfirði, þar er mikil kyrrð,
t.d. enginn umferðarhávaði, og
þar er eitt besta píanó á landinu.
Við vorum þarna í 4 daga og allt-
af eitthvað fólk í salnum, því að
heimsóknir voru tíðar. Halldór
Vikingsson tók upp plötuna og
lagði hann mikinn metnað í
hana og er upptakan með þvi
besta sem gerist.
Ég er líka svo heppinn að hafa
fengið að vinna með Jónasi Ingi-
mundarsyni, samstarf okkar
hefur alltaf verið mjög gott.“
ferli, ég er eiginlega hálfgert
dekurbarn!"
Þú hefur þá ekki viljað fara til
Vínar aftur?
„Ef ég hefði ekki fengið þetta
tækifæri hefði ég líklega farið til
Vínar aftur. Það sem mér leidd-
ist við Vín, var að mér fannst ég
ekki koma nógu miklu í verk.
Skólinn var frekar illa skipu-
lagður, þar var enginn lesstofa,
og erfitt að fá pláss til æfinga."
Heldur þú að þú hefðir átt að
byrja fyrr í söngnámi?
„Ég er ekkert viss um að mér
hefði gengið svo vel ef ég hefði
byrjað fyrr. Ég held að þá hefði
ég ekki unnið eins markvisst. Ég
fór í háskólanám og lærði vinnu-
brögð, og seinna þegar ég var að
kenna lærði ég að koma fram
fyrir hóp fólks án þess að setja
mig í ákveðnar stellingar, sem er
mikill kostur. Ég hef öðlast lífs-
reynslu sem hefur hjálpað mér
mikið. Lífsreynslan og þroskinn
eru nauðsynleg til að geta túlkað
texta. Maður verður að leita uppi
tilfinningu sem maður hefur
sjálfur og setur hana utan um
ljóðin.
Túlkunin verður dýpri eftir
því sem menn eldast. T.d. söngv-
arar d Souzay, það má segja að
þeir séu raddlega búnir að vera,
en þeir hafa gengið í gengum svo
margt á langri æfi að þeir geta
túlkað ljóð eins og þeir séu að
gera það í fyrsta skipti, alltaf á
nýjan og dýpri hátt.
„Ég er eiginlega
hálfgert dekurbarn“
Styrkur frá Rotary
En nú ert þú að fara erlendis í
nám, hvert?
„Ég er að fara til Washington
og verð hjá kennara sem heitir
John Bullock, sem kenndi Willi-
am Parker. Það var Parker sem
kom þessu öllu í kring, ég var
hjá honum á námskeiði fyrir 2
árum, og svo þegar ég hitti hann
síðasta vetur var hann búin að fá
þennan kennara til að taka mig í
tíma og skipuleggja þetta allt.
Ég fer ásamt fjölskyldu minni og
fékk styrk til þessarar náms-
dvalar, sem nægir til dvalar í
eitt ár. Styrkurinn er frá Rotary
félögum í Reykjavík. Ég hef
fengið þetta upp í hendurnar án
þess að ég hafi þurft að hafa
mikið fyrir því, eins og segja má
um flest annað á mínum söng-
- segir Kristinn Sigmundsson, söngvari,
sem gefur út hljómplötu og fer í framhaldsnám í söng
Það er á engann hátt hægt að
gefa einhverja eina leiðbeiningu
hvernig eigi að túlka ljóð. Eg
lærði hjá Eric Werba að það sem
aldrei má gera er að herma eftir
öðrum, túlkunin verður að vera
persónuleg."
Fólk sem einungis
sækist eftir frægð
nær aldrei langt
Ráðleggur þú ungu fólki að fara út
á þessa braut?
„Walder Berry var spurður
þessarar spurningar einu sinni,
og hann sagðist segja við fólk
sem hygði á þessa braut, „farðu
ekki nema þú megir til, þ.e. ef þú
hefur ekkert val“. Það getur eng-
inn náð langt nema hafa mjög
sterka innri þörf og þörfin ein er
megnug til að knýja menn
áfram, þörfin fyrir að ná full-
komnun í túlkun.
Fólk sem sækist einungis eftir
frægð eða viðurkenningu nær
aldrei langt. Það kom mér mjög
á óvart út í Vín hve margir þar
sóttust fyrst og fremst eftir
frægð og því að verða ríkir. Fólki
er haldið út í námi í gegnum
falskar gyllivonir vegna þess að
einhver kennari sagði einhvern
tíma að það yrði starna ef það
lærði að syngja.
Það er svo mikil samkeppni og
svo mikið af góðum söngvurum,
að það er nánast heppni ef hann
kemst að og menn þurfa að hafa
óskaplega mikið fyrir því.“
Þarf ákveðinn persónuleika?
„Já ég held það, flestir hafa
þörf fyrir að láta ljós sitt skína
og miðla öðrum af sjálfum sér,
eru alla vega sjálfsöruggir á yf-
irborðinu. Ef menn eru feimnir
og lokaðir i það minnsta upp á
sviði, geta þeir ekki orðið söngv-
arar.“
Hélst vildi ég
helga mig ljóðasöng
Hvort á Ijóðasöngurinn eða
óperusöngurinn betur við þig?
„Helst af öllu vildi ég helga
mig ljóðasöngnum, en þar er
miklu harðari samkeppni en í
óperusöngnum, enda markaður-
inn miklu minni. Ég hef fengist
minna við óperur en ljóðasöng
og vil auka við mig á því sviði.
Ég hugsa að ég láti ljóðin til
hliðar fyrst í stað. Ljóðasöngur-
inn höfðar betur til mín en auð-
vitað mótast þetta að einhverju
leyti af atvinnumöguleikum.
Maður leggur miklu meiri pers-
ónuleika í ljóðin, annað glepur
miklu meira í óperunni, eins og
hreyfingar á sviði. Það er mjög
gaman að vinna að óperusýn-
ingu, og andrúmsloftið þar er
engu líkt.
Hér á landi er skiptingin milli
Ijóðasöngvara og óperusöngvara
ekki eins ákveðin og erlendis,
hér verða sðngvarar að geta
sungið allt. Okkar þjóðfélag er of
lítið fyrir þessa skiptingu. Og
flestir söngvarar vinna eitthvað
annað með söngnum. Hér eru
söngvara svo fáir að þeir geta
ekki verið veikir, erlendis er allt-
af vara fólk en hér er það ekki
hægt. Það gat enginn t.d. sungið
rakarann þegar ég veiktist síð-
asta vetur og var það mjög erfitt
— það er svakaleg tilfinning að
vera ómissandi!"
Heldur þú að ef samkeppnin
væri mciri hér á landi næðist betri
árangur?
„Það er hugsanlegt að árangur
væri betri ef samkeppnin væri
til staðar. En þrátt fyrir allt þá
er hann góður. Hér er góður
starfsandi, en ef samkeppnin
væri meiri myndi hann versna
til mikilla muna. Erlendis er
hann oft á tíðum mjög slæmur,
þar eru illindi milli fólks og mik-
ið baktal. Það eru til margar
miður fallegar sögur úr óperu-
heiminum þar sem hver reynir
eins og hann getur að klekkja á
keppinaut sínum. Ef við þyrftum
að skipta á þvi vil ég frekar hafa
það eins og það er.
Sýningarnar hér eru mjög
góðar og unnið mjög vel. Oft
næst ekki mikil heild á sýning-
um erlendis vegna þess að
stjörnurnar koma á nokkrar sið-
ustu æfingarnar. Hér er held ég
ekki eins rikjandi sveit-
amennska eins og margir vilja
vera láta.“
Hvað cr svo framundan?
„Það er alveg óráðið. Aðal at-
riðið núna er að ná framförum
og ég held að ég hafi öll ytri
skilyrði til þess i vetur. Ég hef
aldrei verið of bjartsýnn, þá
verður maður líka siður fyrir
vonbrigðum.“
SN
Lautinant Miriam Oskarsdóttir til starfa í Panama
SUNNUDAGINN 28. október
verður sérstök kveðjusamkoma í
Herkastalanum í Revkjavík fyrir
lautinant Miriam Óskarsdóttur,
sem nýlega var vígð til kristniboða.
Hún er nú á förum til Panama, þar
sem hún mun taka til starfa við
flokk Hjálpræðishersins í Panama-
borg í byrjun nóvember.
í frétt frá Hjálpræðishernum
segir að nú séu rúm fimmtíu ár
síðan Hjálpræðisherinn á ís-
landi sendi siðast kristniboða til
starfa erlendis. Þá fór brigader
Árni M. Jóhannesson heitinn til
starfa í Perú ásamt fjölskyldu
sinni. För Miriam er því
merkisviðburður í sögu Hjálp-
ræðishersins hér á landi.
Blaðamaður Morgunblaðsins
hafði sambandi við Miriam af
þessu tilefni og var hún spurð
hvernig henni litist á nýja starf-
ið.
„Mér líst vel á þetta," sagði
hún. „Þessi ferð hefur verið I
undirbúningi í langan tíma, þó
að ég hafi ekki vitað í hvaða
landi ég myndi starfa fyrr en nú
í vor. Það eina sem ég vissi var
að ég ætti að fara til Latnesku
Ameríku. Undirbúningurinn
hefur aðallega fólgist í því að ég
hef að rifjað upp spænskuna,
farið í bólusetningar og fengið
ýmsar praktískar upplýsingar.”
Hvemig verður starfi þínu
háttað í Panama?
„Ég býst við að ég starfi mikið
við samkomuhald en starfið mun
einnig tengjast alls konar félags-
legri aðstoð. Annars veit ég ekki
nákvæmlega, enn þá, hvað ég
mun gera. Það stendur til að
víkka út starfsemi Hjálpræðis-
hersins þarna og mun ég taka
þátt í því.“
Hve lengi býst þú við að dvelja
í Panama?
„Ég reikna með að vera í fjög-
ur ár. Ég hef hitt fólk sem hefur
verið í Panama og það segir mér
að þar sé fallegt, en mjög heitt,
en ferðin leggst mjög vel í mig,“
sagði Miriam að lokum.
Lautinant
Miriam Óskarsdóttir.