Morgunblaðið - 30.07.1985, Blaðsíða 47

MORGUNBLAÐIÐ, ÞRIÐJUDAGUR 30. JÚLl 1985
47
Um mannanöfn og
erlend orðskrípi
Málvcmdarmaður skrifar:
Mikið heur verið rætt að undan-
förnu um erlend nöfn á ýmsum
varningi og fyrirtækjum hér á
landi. Hafa málsvarar íslenskrar
tungu verið óþreytandi að berjast
gegn þessari óværu. Þeir virðast
þó ekki hafa haft erindi sem erfiði
því aldrei hafa útlend orðskrípi
vaðið eins uppi og nú að undan-
förnu. Það hafa verið opnaðir alls-
kyns skyndibitastaðir, sem eink-
um selja grillaða kjúklinga alls-
konar, og er þeim flestum sameig-
inlegt að skarta enskum nöfnum á
borð við Fried Chicken þetta og
Fried Chicken hitt. Nú mun það
standa í lögum að svona fyrirtæki
fáist ekki skráð á firmaskrá nema
þau beri íslensk nöfn. Þessi laga-
bókstafur virðist hins vegar vera
heldur lítils virði eins og fleiri í
íslenskum lögum. Fyrirtækin eru
að vísu skráð undir einhverju ís-
lensku nafni, en það er bara til að
fara í kringum þetta ákvæði. ís-
lenska nafnið er aldrei notað
nema á opinberum skýrslum, en
hin erlendu ónefni eru máluð feitu
letri á framhliðar húsanna og bás-
únuð yfir öllum landslýð í auglýs-
ingum í útvarpi, sjónvarpi og blöð-
um. Þetta verður að hindra og
skikka þá sem svona starfsemi
reka til að velja henni íslensk
heiti.
í þessu sambandi vil ég minnast
á það að útlendingum sem hingað
flytja og gerast íslenskir ríkis-
borgarar er uppálagt að skipta um
nafn og varpa nafni sínu sem þeir
hafa borið alla ævi fyrir róða.
Nafn hvers manns er meðal þess
sem honum er kærast að öllum
jafnaði og er þetta því mjög erfitt
fyrir margt fólk, en þessu er fylgt
allfast eftir að því er manni skilst,
þó eitthvað hafi verið slakað á hin
síðari ár. Þannig munu menn nú
fá að halda ættarnafni sínu.
Er ekki eitthvað bogið við
þetta? hvernig má það vera að á
sama tíma og við göngum fram af
hörku í því að svipta þá sem gera
okkur þann heiður að vilja verða
(slendingar nafni sínu, skulum við
sjálf klessa erlendum nafnskríp-
um á alla hluti eins og ekkert sé?
Var einhver að tala um að við
værum sjálfum okkur samkvæm
hér á (slandi?
Burt með bónusinn
Doddi skrifar:
Ég vil setja nokkrar línur á blað
í tilefni af grein sem Ólafur Á.
Kristjánsson skrifar í Velvakanda
miðvikudaginn 24. júlí sl. Þar er
margt skynsamlega mælt. Það er
vissulega rétt hjá ólafi að bæta
þarf kjör fiskvinnslufólks svo um
munar, svo ekki verði auðn í þess-
ari stétt sem öðrum fremur heldur
uppi lífskjörum á íslandi.
En í framhaldi af því sem Ólaf-
ur segir, og ég get í sjálfu sér tekið
heilshugar undir, vil ég koma á
framfæri einu atriði, sem ég hef
töluvert hugleitt. Það er blessaður
bónusinn, sem á sínum tíma var
settur á til að auka tekjur fisk-
vinnslufólks. Ég held hinsvegar að
hann hafi gengið sér til húðar og
beinlínis orðið til að halda kaupi
fólksins niðri. Það er nefnilega
notað sem afsökun fyrir lágu
kaupi að alltaf sé hægt að auka
tekjurnar með dugnaði þá fáist
svo góður bónus. Væri ekki nær að
leggja bónusinn niður og hækka
bara kaupið hjá öllum sem nemur
því sem dugleg manneskja fær í
bónus. Þetta mundi án efa bæta
vinnuanda og þá um leið vinnu-
brögð fólksins til muna, auk þess
sem streita myndi minnka og fólk
síður slíta sér út fyrir aldur fram.
Auk þess myndi sparast allur sá
kostnaður og fyrirhöfn sem nú fer
í að vera alltaf að vigta sömu
bakkana hvað eftir annað og
reikna út og mæla og skrá til að
finna út bónusinn. Hvernig væri
að athuga þetta nú í fullri alvöru?
Næla
tapaðist
Sigríður Karvelsdóttir hringdi:
Þegar ég las í Velvakanda bréf
frá konu sem var að þakka fyrir
skilvísi datt mér í hug að siðastlið-
ið haust tapaði ég nælu en aug-
lýsti aldrei eftir henni. Nú þegar
ég las þetta fór ég að sjá eftir því
og von vaknaði hjá mér um að ég
gæti ef til vill fengið hana aftnr.
Þetta var næla, eða klemma, til að
klemma saman perlufesti, úr
hvítagulli með bláleitum steini i
miðjunni og auk þess með þremur
litlum steinum, einum rauðum og
tveimur safírum. Nælan týndist
annað hvort í Neskirkju eða veit-
ingastaðnum „f Kvosinni" eða á
leiðinni þar á milli. Ef einhver
skilvís hefur fundiö næluna getur
hann haft samband við mig í síma
34809.
Sýnið
„Miss
World“
Stcinunn skrifar:
Ég vil styðja beiðnina um að fá
Miss World-keppnina sýnda í
sjónvarpinu. Um leið vil ég
skamma stelpuna sem skrifaði í
blaðið þann 23. júli sl. fyrir að
segja að Simon Le Bon hafi verið
falskur. Að vísu er það satt að
hann hafði vissar ástæður, meðal
annars þá að piltarnir fimm höfðu
ekkert spilað saman svo vikum
skipti og gátu ekkert æft fyrir
tónleikana.
Ég þakka sjónvarpinu kærlega
fyrir Live Aid-tónleikana og Dur-
an Duran-þáttinn, en þó vil ég
biðja sjónvarpið að sýna afgang-
inn af tónleikunum. Það var líka
alger óþarfi að stytta Duran
Duran-þáttinn um þriðjung eða
meira. Én maður má víst ekki vera
vanþakklátur.
Vísa vikunnar
'Enn aflast vel á Vestfjarðamiðuni:
Stanslaust mok sfðan í maf
— segir Ásgeir aOakóngur á GuAbjörgu ÍS
Hafnar-Dóra eymdin öll
er í blóra rangan.
Drafnar óra víðan völl
veður stóra gangan.
Hákur
Útsala — Útsala
Mikil verölækkun.
Glugginn,
Laugavegi 40, (Kúnst-húsinu), sími 12854.
Á timabilinu 1. mai til 30. september: A timabilinu I5.júni til 31 agust:
MANUDAGA ÞRIÐJUDAGA
Fra Stykkishólmi kl 9 00 ardegis Fra Brjánslæk Kl 14 00 siðd Til Stykkishólms kl 18 00 (ruta til Reykjav ) Fra Stykkisholmi kl 14 00 (eftir komu rutu) Fra Brjanslæk kl. 18 00 Til Stykkisholms um kl 21 30
FIMMTUDAGA MIÐVIKUDAGA
Sama timatafla og manudaga FÖSTUDAGA Sama timatafla og manudaga LAUGAROAGA
Fra Stykkishólmi kl 14 00 (eftir komu rutu) FraBrjánslæk kl 18 00 Viðkoma i mneyjum Til Stykkisholms kl 23 00 Frá Stykkishólmi kl 9 00 ardegis Siglmg um suöureyjar Fra Brjánslæk kl 15.00 siödegis Til Stykkishólms kl 19 00
BILAFLUTNINGA ER NAUOSYNLEGT AÐ PANTA MEÐ FYRIRVARA
FRA STYKKISHÖLMI: Hja afgreiðtlu Baldurs. Stykkishólmi, simi: 93-8120 FRA BRJANSLÆK: HjS Ragnari Guðmundssyni, BrjAnslæk, simi: 94-2020.
TUDOR
RAFGEYMAR
Isetning
innanhúss
umboösmenn um
land allt
TUDOR
umboóió
Laugaveg 180 - simi 84160
.. Já —þessir meb 9 lif!