Morgunblaðið - 15.10.1985, Blaðsíða 29

MORGUNBLADIÐ, ÞRIDJUDAGUR15. OKTÓBER1985
29
Bók Arne Treholts komin út í Noregi:
Almenningur hvattur
til að kaupa hana ekki
Osló, 14. október. Frá Jan Erik Laure, fréltarit
ara Morgunbladsina.
I DAG kemur út í Noregi bók Arne
Treholts, sem dæmdur var fyrir
njósnir, og nefnist hún Aleinn. Hafa
þegar risið úfar út af innihaldi bókar-
innar og útkomu.
Tuttugu frammámenn í norsku
atvinnulífi og her landsins mælast
til þess í auglýsingu i fjölmiðlum
í dag, að almenningur kaupi ekki
bókina, en hún fékk sérstök verð-
laun Cappelen-forlagsins að upp-
hæð 25.000 norskar krónur (um
130.000 ísl. kr.) í samkeppni fyrir-
tækisins um bestu heimildaskáld-
söguna.
Fyrrnefndir tuttugu einstakl-
ingar halda því fram, að Treholt
beri að taka út refsingu sína í stað
þess að vera umbunað, og þeir telja
vitavert, að bókin skuli gefin út,
áður en hæstiréttur hefur lokið
umfjöllun um mál Treholts.
í bókinni lýsir Arne Treholt til-
finningum sínum og umþenking-
um, frá því að hann var hand-
tekinn og fram að réttarhöldunum.
Sá sem fær hörðustu útreiðina af
hálfu höfundar er Örnulf Tofte,
er stjórnaði rannsókn njósnamáls-
ins af hálfu leyniþjónustunnar, en
hann er aðeins nefndur „E“ í texta
bókarinnar.
Treholt telur vinnuaðferðir
Toftes hafa verið gjörræðislegar
og hann hafi gert allt sem í valdi
hans stóð til að gera sakborning-
inn tortryggilegan, meðan á yfir-
heyrslunum stóð. Eru lýsingar
Treholts á Tofte með þeim hætti,
að margir telja þær ganga langt út
yfir meiðyrðalöggjöfina.
Og eiginkona Treholts, Kari
Storækre, fær einnig harðan dóm.
Einkum er Treholt bitur yfir, að
hún skyldi gefa út bók sína, áður
en réttarhöldin yfir honum hófust,
og birta þar viðkvæm bréf sem
hann skrifaði henni i fangelsinu.
Indland:
Kona kveikir
í eiginmanni
sínum
Nýju Dehlí, Indlandi, 14. október. AP.
REIÐ eiginkona indversks eit-
urlyfjaneytanda, hellti yfír
hann steinolíu og kveikti í
honum í gær. Maðurinn
brenndist illa, en slapp þó lif-
andi. Konan hefur verið ákærð
fyrir morðtilraun, en hún hafði
verið gift manninum í tíu ár.
Á Indlandi er algengt að
eiginmenn brenni konur sín-
ar, verði misbrestur á því að
þeir fái þann heimanmund,
sem þeir telja sig eiga að fá
með konunni. Aðeins í Nýju
Dehlí dóu 350 konur vegna
brunasára á síðasta ári, vegna
mála af þessu tagi. Reiði
konunnar stafaði af heróín-
neyslu eiginmannsins og hún
gerði einungis það, sem eigin-
menn gera konum sínum
venjulega, sagði lögfræðingur
konunnar í samtali við frétta-
menn.
Kari Storækre
Bók Arne Treholts, Aleinn, er
gefin út í metupplagi, eða 50.000
eintökum, og hefur þegar verið
seld til Norðurlandanna og nokk-
urra landa í Evrópu. Búist er við,
að Treholt fái a.m.k. eina milljón
n.kr. fyrir bókina. En ólíklegt er,
að hann fái notið þess fjár. Hluti
þess gengur beint til skattyfir-
valda, og þar að auki hefur Treholt
verið dæmdur til að endurgreiða
norska ríkinu rúma milljón n.kr.
eða jafnvirði þess fjár, sem hann
fékk að launum fyrir njósnir sínar
í þágu Sovétríkjanna og Iraks.
Fyrir helgina fengu verjendur
Treholts þeirri kröfu sinni fram-
gengt, að ákæruvaldinu verði gert
að færa sönnur á að nýju, að unnt
hafi verið að koma 15.000 dollurum
í seðlum fyrir í umslagi, sem sagt
var, að fundist hefði í fórum sak-
bornings. Vegna þessa verða tveir
lögreglumenn yfirheyrðir á nýjan
leik.
Þar að auki greindu verjendurn-
ir frá því í dag, að þeir mundu
höfða mál á hendur yfirmanni
norska hersins. Halda þeir fram,
að hann hafi tekið allt of djúpt i
árinni, er hann lýsti, hversu mikl-
um skakkaföllum herinn hefði
orðið fyrir vegna njósna Treholts.
Fara verjendurnir fram á, að yfir-
maðurinn, sem heldur hefur viljað
draga úr fyrri yfirlýsingum sínum,
verði yfirheyrður á ný.
Á hverjum degi birtast nýjar
fregnir eða athugasemdir um Tre-
holts-málið í norskum fjölmiðlum.
Ekki hefur verið ákveðið, hvenær
málið verður tekið fyrir í hæsta-
rétti. En áhugi almennings er svo
sannarlega ennþá til staðar.
þjónusta
E” _A/
SKIPTU ÚT GÖMLU HURÐUNUM!
Við bjóðum viðskiptavinum á Suður-
nesjum og Stór-Reykjavíkursvæðinu,
sem eiga gamlar hurðir og vilja skipta
um, nýja þjónustu frá Tré-X Keflavík.
Svona auðveld eru hurðaskiptin frá TRÉ-X.
1. Þið hafið samband við sölumann okkar í síma
92-4700 eða 92-3320.
2. Við mætum heim til þín með sýnishorn af fjöl-
breyttu úrvali viðartegunda, tökum mál af
hurðunum og göngum frá samningi á föstu
verði.
3. Við sendum uppsetningarmenn á staðinn
með nýju hurðirnar og fjarlægja þeir þær
gömlu.
Við ábyrgjumst að öll vinna við innihurðirnar
' verði fagmannlega unnin.
Staðgreiðsluafsláttur eða greiðsluskilmálar, sem
allir ráða við.
TRÉSMIÐJA ÞORVALDAR ÓLAFSSONAR hf.
IÐAVÖLLUM 6 KEFLAVÍK.
Símar 92-4700 og 3320.
Hvað kostar
að fara út að borða?
Könnun á verði á 14 sambærilegum 1 réttum 1 18 veitingahúsum í Reykjavík. Niðurstaðan er svolítið óvænt. W? NÝR OG HRESS I Á BLAÐSÖLUSTÖÐUM ■ ALLT LAND