Morgunblaðið - 15.10.1985, Blaðsíða 1

72SÍÐUR B
STOFNAÐ1913
232. tbl. 72. árg.
ÞRIÐJUDAGUR 15. OKTÓBER 1985
Prentsmiðja Morgunblaðsins
Belgar styðja efna-
hagsstefnu Martens
Brussel, U. október. AP.
WILFRIED Martens, fráfarandi
forsætisráöherra, er óumdeilanlega
sigurvegari þingkosninganna í Belg-
íu um helgina. Búist er við að Bald-
vin Belgíukonungur feli honum
stjórnarmyndun og að ný stjórn taki
við völdum um næstu mánaðamót.
Stjórnarflokkarnir juku þingmeiri-
hluta sinn um tvö sæti.
Kristilegir demókratar og
Frjálslyndiflokkurinn, sem skipt-
ast í fylkingar frönskumælandi og
hollenskumælandi manna, hlutu
115 sæti af 212, en höfðu fyrir
kosningar 113 þingsæti. Martens
hafði gert kosningarnar að eins
konar þjóðaratkvæði, þar sem
farið var fram á dóm kjósenda um
efnahagsstefnu stjórnar hans.
Martens sagði kjósendur nú hafa
lýst stuðningi við þær fórnir, sem
hefur orðið að færa til þess að
rétta úr efnahag landsins, og sagði
hann stjórnarflokkana reiðubúna
að halda áfram á sömu braut.
Flokkar jafnaðarmanna og um-
hverfisverndunarmanna bættu við
sig fylgi á kostnað annarra flokka
stjórnarandstöðunnar, einkum á
kostnað kommúnista, sem féllu út
af þingi, en þeir hafa átt þar full-
trúa frá árinu 1925. Jafnaðarmenn
hlutu 67 þingmenn, bættu við sig
6, og umhverfissirinar, sem höfðu
4 þingmenn áður, hlutu 9. Flæmsk-
ir þjóðernissinnar hlutu 17 þing-
menn, töpuðu fjórum. Frönsku-
mælandi þjóðernissinnar hlutu 3
þingmenn en voru með 6, og flokk-
ur, sem vill afnema skatta, hlaut
1 þingmann en var með 2.
Myndi samsteypuflokkarnir
nýja stjórn, eins og allt bendir til,
er tryggt að áfram verður haldið
við að koma stýriflaugum NATO
fyrir í Belgíu. Hefur 16 flaugum
verið komið þar fyrir en 32 bíða
uppsetningar til ársins 1987.
Stjórn Freddy Martens, sem tók
við í Belgíu 17. desember 1981, hét
því að reisa efnahaginn við með
því að bæta aðstöðu einkarekstrar,
halda aftur af launahækkunum og
draga úr opinberum útgjöldum.
Árangurinn er að verðbólga hefur
AP/Símamynd
Stuðningsmenn Samstöðu í mótmælagöngu í Gdansk á sunnudag. Fjölmenni gekk um götur borgarinnar eftir
messur á sunnudagsmorgun til að lýsa stuðningi við hin óháðu verkalýðssamtök, sem hvöttu Pólverja til að sitja
heima á kosningadaginn. Skammstöfunin á fána göngumanna, RSA, stendur fyrir „Hreyfing fyrir nýrri
þjóðfélagsgerð".
minnkað um helming og er nú
undir 5% og lántökur hins opin-
bera nema innan við 12% af þjóð-
artekjunum, en voru 15,5% árið
1981. Atvinnuleysi hefur hins veg-
ar aukist.
Tvo daga í
haugasjó
Osló, 14. október. Frá Jmn Erik Lauré,
frétUriUra Morgunblaósins.
ÞAÐ ER kraftaverk að Sigfrid
Kristiansen frá Risör skuli á lífi
eftir óvenjulega hrakninga á
skektu sinni í fárviðri á Skagerak.
Sigfrid ætlaði að leggja net á
föstudagsmorgni við Risör, en
skyndilega drap utanborðsmót-
orinn á sér. Um leið tók að
hvessa og hana rak á haf út.
Brátt var komið aftakaveður og
bátskrílið tók sjó, enda ölduhæð
8-9 metrar. Varð Sigfrid að ausa
nær linnulaust í sólarhring til
að haldast ofansjávar.
Á laugardag gekk veðrið niður
og loks tókst henni að þurrausa
bátinn. En hún fannst ekki fyrr
en á sunnudag eftir tveggja sól-
arhringa volk. Mikill fagnaðar-
fundur varð er hún kom heim,
enda ekki að undra, þar sem
fjölskyldan hafði gefið upp alla
von um að hún bjargaðist.
Kjörsókn aldrei
minni í Póllandi
Varsjá, 14. október. AP.
PÓLSKA stjórnin tilkynnti í kvöld
að kjörsókn í kosningunum á sunnu-
dag hefði verið “yfir“ 78% en Lech
Walesa, leiðtogi Samstöðu, hinna
útlægu óháðu verkalýðsfélaga, taldi
kjörsóknina hafa orðið ennþá minni.
Walesa vísaði á bug fullyrðing-
um stjórnvalda þess efnis að pólsk-
ir kjósendur hefðu þverskallast við
áskorunum Samstöðu um að
hundsa kosningarnar. Hann sagði
álit Pólverja á stjórninni og traust
mundu ekki aukast, þrátt fyrir
fullyrðingar um góða kjörsókn.
Walesa sagði að á morgun,
þriðjudag, yrðu birtar tölur Sam-
stöðu yfir kjörsókn. Hann sagði
athugun Samstöðu benda til að
kjörsókn í Gdansk-kjördæmi hafi
verið 45-47%, en stjórnin sagði
kjörsókn þar “um“ 70%.
í þingkosningum í marz 1980 var
kjörsókn 98,87%, samkvæmt opin-
berum tölum. Kjörsóknin nú er sú
minnsta frá lokum heimsstyrjald-
arinnar síðari. Talsmaður stjórn-
arinnar tjáði fréttamönnum að
ekki væri hægt að skoða fjarvistir
frá kjörstöðum sem stjórnarand-
stöðu, því flestir þeirra sem ekki
kusu hefðu gert slíkt af persónu-
legum ástæðum eða fjölskyldu-
ástæðum. Kosið var um 460 þing-
sæti, en 85% sætanna eru frátekin
fyrir Kommúnistaflokkinn og tvo
litla fylgiflokka hans.
Sjóræningjarnir fluttir
til ókunns dvalarstaðar
RómaborK, 14. október. AP.
SJÓRÆNINGJARNIR fjórir, sem rændu ítalska farþegaskipinu Achille
Lauro, voru fluttir úr fangelsi því, sem þeir hafa verið í haldi í, eftir yfir-
heyrslur í dag, en ekki var vitað hvert. Snurða hefur hlaupið á þráðinn í
samskiptum Itala og Bandaríkjamanna þar sem þeir fyrrnefndu leyfðu for-
sprakka sjóræningjanna, Mohammed Abbas, leiðtoga Frelsisfylkingar Palest-
ínumanna, PLF, að fara úr landi á laugardag í stað þess að framselja
Bandaríkjamönnum hann.
Kreppa er í stjórnarsamstarfinu
á Ítalíu vegna málsins og mætti
Giovanni Spadolini varnarmála-
ráðherra ekki á sérstakan fund 7
valdamestu ráðherranna í stjórn
Bettino Craxi í mótmælaskyni við
að Abbas skyldi leyft að fara til
Júgóslavíu, en hann var ekki hafð-
ur með í ráðum er sú ákvörðun var
tekin.
Abbas yfirgaf Júgóslavíu í dag,
að sögn heimilda innan PLF, og
hélt til ókunns Arabaríkis. Virðast
möguleikar Bandarikjamanna á að
sækja hann til saka fyrir morð á
Bandaríkjamanni, meðan á sjórán-
inu stóð, fara dvínandi. Abbas var
um borð í egypsku þotunni, sem
neydd var til að lenda á banda-
rískum flugvelli á Italíu er hún
hugðist flytja sjóræningjana til
Túnis. Hann mun samt ekki hafa
tekið þátt i aðgerðum um borð í
Achille Lauro.
Hosni Mubarak, forseti Egypta-
lands, krafði Ronald Reagan,
Bandaríkjaforseta, um afsökunar-
beiðni fyrir að neyða egypsku
þotuna til að lenda á Italíu. Kvaðst
Mubarak enn of reiður til að lesa
skilaboð frá Reagan, sem hann
fékk í gær. Þar í segir Reagan
Bandaríkjamenn hafa skilning á
þeirri afstöðu Egypta að reyna
koma ræningjunum til stöðva PLO
í Túnis.
ítalskir aðilar, sem vinna að
rannsókn sjóránsins, segja að lík-
lega hafi fjórmenningarnir ekki
verið einir að verki, og að þeir
hafi átt samstarfsmenn á Ítalíu.
Kurt Waldheim, fyrrum fram-
kvæmdastjóri Sameinuðu þjóð-
anna, sagði töku egypsku þotunnar
réttlætanlega frá mannúðarsjón-
armiði séð, en hún væri “óleyfileg"
samkæmt alþjóðalögum.
Blindur maður
í ráðherrastól
Stokkhólmi, 14. október.
Frá fréttaríUra Morgunblaóoins.
OLOF Palme forsætisráðherra
tilkynnti í dag breytingar á stjórn
sinni og vekur mesta athygli að
blindur maður hefur verið gerður
að ráðherra. Þá hefur Lennart
Bodström verið færður úr utan-
ríkisráðuneytinu og settur yfir
menntamálin.
Bengt Lindqvist, sem gerður
var að aðstoðarfélagsmálaráð-
herra, er blindur. Hann hefur
setið á þingi fyrir jafnaðar-
menn í þrjú ár. Hann er for-
maður hins sænska blindrafé-
lags.
Annars fólust breytingarnar
fyrst og fremst í því að fimm
ráðherrar skiptu um stóla. Nýr
utanríkisráðherra Svíþjóðar er
Sten Andersson, sem verið
hefur félagsmálaráðherra síð-
ustu þrjú árin. Við sæti hans
tók Gertrud Sigurdsen, fyrr-
verandi heilbrigöismálaráð-
herra. Fyrrum menntamála-
ráðherra, Lena Hjelm-Wallen,
flyzt yfir í utanríkisráðuneytið
og tekur þar við málefnum er
snerta þróunaraðstoð. Við
varnarmálunum tekur Roine
Carlsson, en Anders Thunborg,
fyrrum varnarmálaráðherra,
bauð sig ekki fram við kosning-
arnar. Auk Bengt Lindqvist er
annað nýtt nafn í stjórninni,
Sven Hulterström, sem verður
samgönguráðherra.