Morgunblaðið - 16.10.1985, Blaðsíða 20

20
MORGUNBLAÐIÐ, MIÐVIKUDAGUR16. OKTÓBER1985
Mesti fíkniefnafundur í Noregi til þessa:
Hasshundur þefaði tólf
kíló af amfetamíni uppi
Osló, 15. október. Frá Jan Erik Laure, fréttaritara Morgunblaðsins.
í FRAMSÆTINU sat ung kona med
kornabarn sitt á brjósti. Við hlið
hennar sat velklæddur karlmaður
og ók bílnum frá borði. Hasshundur
átti leið framhjá bflnum og nusaði
grunsamlega að bflnum. Vakti það
grunsemdir lögreglunnar svo hún hóf
leit í bflnum með þeim afleiðingum
að hún fann þar 12 kfló af amfeta-
míni. Talið er að söluverðmæti þess
séu 12 milljónir króna, eða 65 millj-
ónir íslenzkra.
Fíkniefnafundur þessi er hinn
mesti í Noregi og er talið að hjúin,
með ungabörnin tvö, hefðu sloppið
í land ef hasshundurinn Pinto
hefði ekki verið settur um borð í
ferjuna við komuna til Noregs. Er
þetta ekki í fyrsta sinn sem hann
kemur upp um stórsmyglara.
Að sögn lögreglunnar er það ný
Brezka sam-
veldisráð-
stefnan
hefst í dag
Namau, Bahamaiyjum, 15. október. AP.
GERT ER ráð fyrir að á ráðstefnu
brezku samveldisríkjanna í Nassau á
Bahamaeyjum verði lagt hart að Bret-
um að þrýsta enn frekar á stjórn
Suður-Afríku í þeim tilgangi að binda
enda á kynþáttaaðskilnaðinn í land-
inu. Skýrði Shridath S. Ramphal, að-
alframkvæmdastjóri samveldisins,
frá þessu í dag.
Ramphal sagði, að samstaða
væri um það innan samveldisins að
fá Suður-Afríku til þess að falla frá
kynþáttastefnunni. Ágreiningur
væri aðeins um leiðir og aðferðir til
þess að koma þessu markmiði
fram.
Hann gagnrýndi hins vegar
Bandaríkin fyrir að hafa aðeins
viljað beita stjórnmálaaðgerðum
gegn Suður-Afríku, þar til fyrir
skömmu, en þá sneri Bandaríkja-
stjórn við blaðinu og ákvað að taka
upp refsiaðgerðir gagnvart stjórn-
inni í Pretoríu.
Ráðstefnan hefst á morgun, mið-
vikudag og sitja hana fulltrúar 49
samveldisríkja.
aðferð fíkniefnasmyglara að taka
börn sín með sér í ferðir og láta
líta út fyrir að fjölskyldan sé að
koma úr fríi til þess að vekja síður
grunsemdir. Segir lögreglan að
þetta sé andstyggileg misnotkun
Veður
víða um heim
Laglt Hæil
Akureyri 6 súld
Amsterdam S 15 Skýjaó
Aþena 10 15 skýjað
Barcelona 23 hálfskýjað
Berlín 6 13 skýjað
Brúasel 3 14 rigning
Chicago 9 16 heiðskírt
Dublín 6 16 heiðskírt
Feneyjar 16 þokumóða
Frankfurt 12 16 skýjað
Genf 9 20 skýjað
Helainki 2 8 heiðskírt
Hong Kong 26 28 skýjað
Jerúsalem 15 25 heiðskírt
Kaupmannah. 8 14 heiðskírt
Lissabon 16 32 heiðskírt
London 11 16 skýjað
Los Angeles 16 32 heiðskírt
Lúxemborg 12 súld
Malaga 25 léttskýjað
Mallorca 25 léttskýjað
Miami 26 30 heiðskírt
Monlreal 6 12 rigning
Moskva 5 9 skýjað
NewYork 16 24 heiðskírt
Osló 5 18 skýjað
París 9 18 skýjað
Peking 8 20 rigning
Reykjavík 10 súld
Ríó de Janeiro 16 30 skýjað
Rómaborg 11 23 heiöskírt
Stokkholmur 7 15 skýjað
Sydney 16 22 skýjað
Tókýó 12 19 skýjað
Vínarborg 7 9 rigning
Þórshöfn 10 súld
ungbarna. Hjúin höfðu með sér tvö
börn, 8 mánaða og hálfs annars
árs. Þau eru hollenzk. Sitja hjúin
í fangelsi og bíða dóms en börnin
eru á sérstakri barnastofnun. Móð-
irin fær lögreglufylgd þangað
nokkrum sinnum á dag til að
annast yngra barnið. Ekki hefur
verið ákveðið hvort börnin verði
send aftur til Hollands eða höfð í
vörzlu á barnastofnun í Noregi
meðan foreldrarnir afplána þann
langa fangelsisdóm, sem þau eiga
í vændum.
AP/Símamynd
Rajiv Gandhi skenkir frú Margaret Thatcher te í embættisbústað brezka
forsætisráðherra að Downingstræti 10 í gær.
Vilja herða aðgerðir
gegn hryðjuverkamönnum
London, 15. október. AP.
FRÚ Margaret Thatcher, forsætis-
ráðherra Bretlands, og Rajiv
Gandhi, forsætisráðherra Ind-
lands, sem nú er í sinni fyrstu
opinberu heimsókn í Bretlandi,
áttu í dag viðræður um aukna
samvinnu landa sinna í þá átt að
vinna bug á alþjóðlegri hryðju-
verkastarfsemi.
„Þau ræddu um þá aukningu,
sem orðið hefur á skipulagðri
hryðjuverkastarfsemi og þær af-
leiðingar sem slíkt kann að hafa í
för með sér fyrir frið og lýðræði í
heiminum," sagði talsmaður
brezku stjórnarinnar eftir fund
þeirra. Talsmaðurinn sagði enn-
fremur, að forsætisráðherrarnir
tveir hefðu orðið sammála um, að
sérf-æðingum yrði falið að ranns-
aka, hverra ráðstafana væri þörf
til þess að þeir menn, sem dæmdir
hefðu verið fyrir glæpi í öðru hvoru
landinu, kæmust ekki hjá því að
verða framseldir með því að bera
það fyrir sig, að afbrot þeirra
væru stjórnmálalegs eðlis.
Gandhi hefur hvað eftir annað
gagnrýnt brezku stjórnina fyrir
að gera ekki nóg til þess að hindra
hryðjuverk öfgamanna úr röðum
síkha sem búsettir eru í Bretlandi.
Hryðjuverkamenn síkha stóðu að
morði frú Gandhi, móður Rajivs,
en hún var myrt fyrir um ári.
í veizlu, sem haldin var til heið-
urs Gandhi í gærkvöldi, sagði frú
Thatcher í ræðu, að stjórn hennar
myndi gera allt, sem unnt væri
innan marka laganna til þess að
tryggja það, „að hryjuverkastarf-
semi verði útrýmt og að þeir sem
hvetja til hennar eða vinna að
henni, fái réttmæta refsingu".
í ræðu sinni sagði Gandhi m.a.
að binda yrði skjótan endi á það
sem hann nefndi „óþolandi lífsskil-
yrði“ þeirra, sem verða að búa við
aðskilnaðarstefnuna í Suður-
Afríku.
í dag efndu um 200 síkhar, sem
búsettir eru í Bretlandi, til mót-
mælaaðgerða í Hyde Park í Lon-
don í því skyni að tjá andstöðu
sína við heimsókn Gandhis.
Helsinki-ráðstefn-
an hafín í Budapest
Basel og Búdapest, 15. október. AP.
I DAG átti að hefjast menningarmálaráðstefna 35 þjóða í Budapest. Gert
var ráð fyrir miklum deilum þar milli austurs og vesturs um ýmis mikilvæg
atriði varðandi mannréttindi eins og ritskoðun og skerðingar á ferðafrelsi.
Yfir 800 stjórnarfulltrúar,
sendistarfsmenn, rithöfundar og
listamenn sækja þessa ráðstefnu,
sem á að standa yfir í 6 vikur og
fer fram innan vébanda Helsinki-
sáttmálans svonefnda, sem undir-
ritaður var af 35 ríkjum árið 1975,
þar á meðal Sovétríkjunum og
Bandaríkjunum. Er þetta fyrsta
Helsinki-ráðstefnan, sem fram fer
í Austur-Evrópu
Svissneski rithöfundurinn Fri-
edrich Durrenmatt, einn vinsæl-
asti leikritahöfundur heims, bæði
í austri og vestri, sagði í dag, að
Utanríkisráðherrafundiir NATO:
Sammála um málsmeðferð
á leiðtogafundinum í Genf
Brussel, 15. október. Frá Önnu Bjarnadóttur, fréttaritara Morgunblaðsins.
BANDARÍKJASTJÓRN hefur hlotið samþykki bandamanna sinna innan
Atlantshafsbandalagsins við málsmeðferðinni á fundi þeirra Ronalds
Reagan, Bandaríkjaforseta, og Mikhails S. Gorbachev, leiðtoga Sovétríkj-
anna, í Genf í næsta mánuði. Utanríkisráðherrar NATO-ríkjanna hittust
á aukafundi hér í Brussel í dag til að fjalla um þetta mál. Að fundinum
loknum sagði Geir Hallgrímsson utanríkisráðherra að fram hefði komið
víðtæk samstaða og stuðningur við sjónarmið George Shultz utanrfkisráð-
herra Bandaríkjanna.
Á fundi með blaðamönnum
sagði George Shultz að líta bæri
á tillögur Sovétmanna um niður-
skurð kjarnorkuvopna sem
gagntillögur við hugmyndum,
sem lengi hafa legið fyrir, frá
Bandaríkjamönnum. Banda-
ríkjastjórn hafnar sumu í
sovézku tillögunum fullkomlega,
óskar skýringa á öðru, en telur
tillögurnar í heild vera skref í
rétta átt og gefa von um að
samkomulag takist í Genf um
að halda efnislegum viðræðum
um takmörkun vígbúnaðar
áfram.
Geir Hallgrimsson sagði að
menn mættu ekki vænta þess að
á leiðtogafundinum i Genf yrði
komizt að endanlegri niðurstöðu
um ráð til að takmarka vígbúnað
og draga úr vopnabúnaði, heldur
bæri að líta á viðræður leið-
toganna sem skref á lengri ferð,
sem vonandi leiddi til góðs að
lokum.
Um afstöðuna til geimvarn-
aráætlunar Bandaríkjamanna
sagði Geir Hallgrímsson að
menn hefðu fagnað þeirri
ákvörðun Reagans að hverfa ekki
frá „þröngum skilningi" á ABM-
samningnum um takmörkun á
varnarkerfum gegn eldflaugum.
George Shultz lagði á það ríka
áherzlu að ABM-samningurinn
ogfylgiskjöl hans sýndu að aðilar
samningsins, Bandaríkjamenn
og Sovétmenn, gætu rannsakað,
þróað og gert tilraunir með varn-
arvopn gegn eldflaugum. Þrátt
fyrir þessa niðurstöðu lögfræð-
inga hefði Bandaríkjastjórn
ákveðið að túlka samninginn á
þann veg að hann heimilaði
aðeins rannsóknir að óbreyttu.
Á fundinum með Gorbachev
ætlar Reagan ekki einungis að
ræða takmörkun vígbúnaðar,
heldur einnig svæðisbundin
vandamál og deilur, svosem
stríðið í Afganistan og spennuna
i Mið-Ameríku. Þá verða mann-
réttindamál einnig á dagskrá og
tvíhliða samskipti Bandaríkj-
anna og Sovétríkjanna. Er það
ætlun Bandaríkjastjórnar að líta
á öll dagskrármálin í heild og
meta árangur viðræðnanna í
samræmi við það. Sovétmenn
leggja á hinn bóginn höfuðkapp
á að Bandaríkjastjórn falli frá
áætluninni um geimvarnir gegn
eldflaugum.
Þegar Geir Hallgrímsson var
spurður hvort hann hefði rætt
sérstaklega við George Shultz
sagði hann að þeir hefðu átt stutt
samtal í fundarhléi. Þar hefði
komið fram að Shultz væri bjart-
sýnn vegna Rainbow-málsins,
þ.e. vegna sjóflutninga fyrir
varnarliðið. Málstaður Banda-
ríkjastjórnar væri sterkur fyrir
dómstólunum og hvað sem mála-
ferlum liði yrði með einum eða
öðrum hætti fundin farsæll endir
á málið.
hann hygðist segja sig úr sviss-
nesku sendinefndinni á ráðstefn-
unni og fara hvergi, sökum þess
að það væri „til einskis".
I viðtali við blaðið Basler Zeit-
ung, sem er óháð, sagði Diirren-
matt: „Ég fæ ekki séð, hvaða gagn
er í þessari ráðstefnu. Hvað hefur
Helsinki-sáttmálinn leitt af sér?
Ekkert nema erfiðleika. Hver sá í
Austur-Evrópu, sem ber hann
fyrir sig, er óvinur ríkisins.
Austrið er meira menningarlega
sinnað en við, bæði í góðum og
vondum skilningi. Það er menning
í fangelsi. En hvað höfum við? Við
tökum hvaða breytingu sem verður
í bókmenntatízkunni. Við lítum á
vonleysi og frelsi sem sama hlut-
inn - sem stefnuleysi."
Díirrenmatt sagði ennfremur,
að örinur ástæðan fyrir því að hann
hyrfi frá þátttöku í ráðstefnunni
væri sá mælikvarði, sem þátttak-
endurnir væru valdir eftir.
„Hverjir koma þangað? Ekki
þeir, sem þörf er á að tali þar,
heldur þeir, sem leyft er að tala,“
var haft eftir Durrenmatt.
Friedrich Diirrcnmatt.
„Hver sem ber fyrir sig Helsinki-
sáttmálann í Austur-Evrópu, er
óvinur ríkisins," segir Durren-
matt, sem neitar að sækja ráð-
stefnuna þar sem það sé „til einsk-
is“.