Morgunblaðið - 07.11.1985, Blaðsíða 37

MORGUNBLADip, FIMMTUDAGIJB 7, NÓVEMBER1985

H-ABKKliw.'m.
« (» «
Morgunbl&ðið/Gudlaugur
Félagsheimiii Týs. Á innfelldu myndinni er formaður félagsins og byggingar-
nefnd; Birgir Guðjónsson, Sigursteinn Óskarsson, Gísli Magnússon, Krist-
mann Kristmannsson og Þorsteinn Jónsson.
Vestmannaeyjar:
Félagsheimili Týs
tekið í notkun
NÝTT félagsheimili Knattspyrnufé-
lagsins Týs var vígt og formlega tekið
í notkun laugardaginn 2. nóvember.
Húsið var reist á framtíðarfélags-
svæði Týs sunnan vió íþróttavöllinn
við Hástein og í næsta nágrenni viö
íþróttamiöstöðina.
Á laugardaginn þegar vígsluat-
höfnin fór fram voru liðin ná-
kvæmlega tvö ár og sjö mánuðir
frá því fyrsta skóflustungan var
tekin. Húsið er 200 m2 að stærð
og auk þess er jafnstór kjallari
undir húsinu öllu. Húsið teiknaði
og hannaði Páll Zophoníasson
tæknifræðingur og gaf hann félag-
inu teikningarnar fyrir hönd dótt-
ur sinnar, Sigríðar. í húsinu er
glæsileg og fullkomin aðstaða til
ýmiskonar félagsstarfsemi. Má
þar nefna 100 m2 sal sem notaður
verður til fundahalda, dansleikja,
veisluhalda og annars og þar verð-
ur komið upp margvíslegum leik-
tækjum, myndbandstæki og sjón-
varpi. Þá er á hæðinni fullkomin
tvöföld bað- og búningsaðstaða og
stjórnarherbergi sem hægt er
einnig að nota fyrir smærri fundi.
Bikarasafni félagsins og veifusafni
hefur verið skemmtilega komið
fyrir í glerkössum hátt á veggjum
aðalsalarins. Þarna er og lítil
verslun og . góð salernisaðstaða.
Uppundir rjáfri hefur verið útbúið
skemmtilegt svefnloft sem rúmar
20—30 manns í svefnpokaplássi.
Það verður að teljast mikið
þrekvirki að ekki fjölmennara fé-
lag en Týr skuli hafa reist sér svo
glæsilegt og velútbúið félagsheim-
ili á skömmum tíma. Lögðu fjöl-
margir félagar í Tý fram mikla
vinnu og fjármuni svo þessi
draumur félagsmanna mætti ræt-
ast. Við upphaf framkvæmdanna
2. apríl 1983 færðu 130 félagar I
Tý félaginu samtals kr. 624.170,00
í gjafaáheitum til félagsheimilis-
ins en þetta jafngildir 1,2 milljón-
um kr. á núvirði. I byggingarnefnd
hússins störfuðu Þorsteinn Jóns-
son, Kristmann Kristmansson,
Sigursteinn óskarsson, Gísli
8
Magnússon og Grétar Þórarinsson.
Um 200 gestir voru viðstaddir
er húsið var vigt á laugardaginn
en húsvígsluna annaðist sóknar-
resturinn í Eyjum, séra Kjartan
rn Sigurbjörnsson. Félaginu bár-
ust fjölmargar góðar gjafir og
heillaóskir víða að. Kvennadeild
Týs gaf félaginu nýjan glæsilegan
félagsfána og fjölskyldur Krist-
manns Magnússonar og Krist-
manns Kristmannssonar gáfu Tý
forláta fagran útskorinn fundar-
hamar. Margar fleiri góðar gjafir
bárust félaginu s.s. bikar, myndir,
blóm, kertastjakar, klukka og
peningagjafir. 3. flokkur kvenna í
handbolta gaf félaginu sínu borð-
tennisborð.
Öllum viðstöddum var boðið upp
á kaffi og dýrindis meðlæti sem
Týskonur báru fram af rausnar-
skap. Um kvöldið var síðan dans-
leikur í hinu nýja félagsheimili og
flugeldum skotið á loft í tilefni
dagsins. Knattspyrnufélagið Týr
er stofnað 1. maí 1921 og hefur
staðið fyrir þróttmiklu íþrótta- og
æskulýðsstarfi í gegnum árin.
Formaður Týs er Birgir Guðjóns-
son og framkvæmdastjóri félags-
ins er ómar Jóhannsson knatt-
spyrnukappi. — hkj.

■
*

» ii
Myndverk á Mokka
KATRÍN Thoroddsen opnar sýn-
ingu á myndverkum sínum á
Mokka við Skólavörðustíg
fimmtudaginn 7. þ.m. Myndirnar
eru gerðar við þulu eftir ömmu
hennar, Theodóru Thoroddsen
skáldkonu, sem hún nefndi „Tíu
litlar ljúflingsmeyjar". Segir
Katrín í formála að bók með
þulunum sem hún hefur mynd-
skreytt, að Theodóra hafi kallað
þetta stælingu á negrastrákun-
um hans Muggs. En Muggur
(Guðmundur Thorsteinsson) var
systursonur Theodóru og kært
með þeim. Er Theodóra lést há-
öldruð hafði hún gefið dóttur-
dóttur sinni handritið og beðið
hana að myndskreyta það. Tók
hún „Ljúflingsmeyjar" við og við
fram og var komin með allt á
blað fyrir mörgum árum. Nýlega
lét hún svo verða af því að full-
gera myndirnar.
Fleiri verk eftir Katrínu verða
á sýningunni, sem lýkur 20. nóv-
ember næstkomandi.
Ráðherrafundur
EFTA í Reykjavík
RÁÐHERRAFUNDUR EFTA var
haldinn í Genf dagana 4.—5. nóv-
ember. Fulltrúi íslands á fundinum
var Geir Hallgrímsson, utanríkisráö-
herra. Næsti ráöherrafundur EFTA
veröur haldinn í Reykjavík 4.-5.
júní 1985.
Námskeið í
öryggismálum
NÁMSKEIÐ um öryggismál fyrir-
tækja og stofnana veröur haldiö
föstudaginn 8. nóvember á Hótel
Esju og hefst klukkan 20.30.
Skráning þátttakenda fer fram
hjá Verkefnastjórnun og Sambandi
íslenzkra sveitarfélaga.
Aðaltilgangur námskeiðsins er
að miðla upplýsingum um mat
áhættu á sviði öryggismála. Tekin
eru fyrir atriði um eldsvoðahættu,
innbrotshættu, vatnsleka, rekstr-
artruflanir vegna rafmagns- og
vatnsleysis, skemmdarverk,
hermdarverk, rán, árásir á veg-
farendur, öryggisbúnað, farand-
gæslu o.fl.
Námskeiðinu stjórna Bengt-Áke
Printz, rekstrarráðgjafi á sviði
öryggismála. Printz Várdeservice
AB. Bengt-Áke hefur i mörg ár
unnið fyrir fyrirtæki, verslanir,
bæjarfélög eins og Stokkhólms-
borg og einnig ríkislögreglu Sví-
þjóðar við endurskoðun á öryggis-
málum viðkomandi aðila.
Tarnús sýnir
í Hafnarfirði
LISTAMAÐURINN Tarnús opnar
á laugardag myndlistarsýningu (
Hafnarborg við Strandgötu í Hafn-
arfírði. Sýningin verður opnuð kl.
15, en verður síöan opin kl.
14.00—19.00 alla daga, þar til
henni lýknr, sunnudaginn 17. þessa
Á sýningunnj eru 48 myndir,
unnar með blandaðri tækni; blý-
antsteikningar, túss-myndir,
myndir málaðar með olíulitum
og vaxkrít.
Þetta er 11. einkasýning lista-
mannsins, en hann hefur einnig
tekið þátt í samsýningum. Lista-
maðurinn starfar sem kennari
og myndlistarmaður.
Aðgangur að sýningunni er
ókeypis. Meðfylgjandi er ein
myndanoa á sýningunni.
í frétt frá viðskiptaráðuneytinu
segir: „Á fundinum í Genf var
samþykkt umsókn Finnlands um
fulla aðild að Fríverslunarsamtök-
um Evrópu, en Finnland hefur
hingað til verið aukaaðili að sam-
tökunum. Tekur þetta gildi 1. jan-
úar nk., en frá sama tíma gengur
Portúgal úr samktökunum og ger-
ist aðili að Evrópubandalaginu.
Þetta mun ekki fela í sér neinar
verulegar breytingar á viðskiptum
EFTA-ríkjanna við Portúgal.
Spánn gengur einnig I Evrópu-
bandalagið um næstu áramót.
Þegar eru hafnir samningar í
Brússel um þær breytingar, sem
gera þarf á fríverslunarsamning-
um EFTA-ríkjanna við Evrópu-
bandalagið, vegna inngöngu þess-
ara landa ( bandalagið. I því
sambandi lögðu ráðherrarnir
áherslu á að EFTA-ríkin njóti
sömu aðstöðu til viðskipta með
þær vörur, sem falla undir fríversl-
unarsamningana, og Evrópu-
bandalagið. Með þessu nær frí-
verslunarsamstarf Evrópu til 18
landa, með samtals um 360 millj-
ónir íbúa.
Fundurinn fjallaði ennfremur
um aukið samstarf við Evrópu-
bandalagið á viðskiptasviði með
það fyrir augum að auðvelda slík
samskipti milli ríkja Vestur-
Evrópu.
EFTA-ráðherrarnir lýstu ein-
dregnum stuðningi við nýjar
samningaviðræður á vegum GATT
til að greiða fyrir og efla alþjóða-
viðskipti."
Leiðrétting
f FRÉTT í Morgunblaóinu nýlega um u
framkvæmdir á vegum Skíöafélags
Dalvíkur, uröu missagnir, sem nauö-
synlegt er aö leiðrétta og biöjast vel-
viröingará.
Hið rétta er að hin nýja skíða-
lyfta er 720 metra diskalyfta af
Leightner-gerð. Fyrir er 465 metra
löng diskalyfta. Þá var ranghermt
að unnið hafi verið við byggingu á
möstrum, unnið var við undirstöð-
ur. Þá mun ekki afráðið enn hvort
hlutur Skíðafélagsins í hinni nýju
lyftu verði greiddur með vinnu.
Kristilegar samkom-
ur í Hafnarfirði
KRISTILKG samkoma veröur haldin
( húsi KFUM og K, á Hverfisgötu
15, Hafnarfiröi, í kvöld og hjefst hún
kl. 20.30..
Meðal dagskrárliða eru mynda-
sýningar frá kristniboðastarfi í
Kenya og Eþíópíu og Benedikt
Arnkelsson, guðfræðingur, talar.
Þetta kemur fram í fréttatilkynn-
ingu sem Mbl. hefur borist og þar
segir einnig að „stórsamkoma"
verði haldin í Hafnarfjarðarkirkju
næstkomandi laugardagskvöld.
Það er félagsskapur sem nefnir
sig Kristniboðosvinirnir sem
stendur að áðurgreindum sam-
komum og stefna félagarnir að þvi
að safna 300.000 krúnum til
kristniboðsstarfs i nóvembermán-
uði, en auk kaffisölu á samkomun-
um er tekið á móti framlögum á
sparisjóðsbók nr. 38441 í Spari-
sjóði Hafnarfjarðar.
5 % hækkun á
svínakjöti
VERÐ á svínakjöti hækkaði um
5% þann 1. nóvember sl. Dýr-
asti verðflokkurinn (I A) hækk-
aði til framleiðenda úr 193,73
í 203,42 kr. kílóið. Sv(n I B
hækkaði úr 184,50 í 193,73. Það
er félagsráð Svínaræktarfélags
ísiands sem ákveður verðið til
framleiðenda, en heild- og smá-
söluverðið er frjálst