Morgunblaðið - 17.11.1985, Side 22

8S g
22 B
MORGUNBLAÐIÐ, SUNNUDAGUR17. NÓVEMBER1985
Svavar A. Jónsson
Hyernig á að
lesa Biblíuna?
Nýlega fékk ég inn um bréfalúg-
una tvo bæklinga frá „Hinu ís-
lenska biblíufélagi“ þar sem annar
bar heitið „Biblíulestrar 1985“ með
uppástungum um ákveðinn ritning-
arlestur fyrir hvern dag, en hinn
bar heitið „Hvernig á að lesa
Biblíuna?" Svarið við þeirri spurn-
ingu vakti forvitni mína, því margir
lesa Biblíuna út frá sögulegu sjón-
arhorni og kynnast þar vel Israels-
sögunni — aðrir lesa hana sem
bókmenntalegt listaverk og enn
aðrir líta á báða framangreinda
þætti en lesa hana líka sem trúar-
bók.
Biblían er ekki einn þykkur
doðrantur heldur 66 mismunandi
bækur. Það tekur vissulega lang-
an tima að lesa þær allar en með
góðri skipulagningu er hægt að
setja sjálfum sér fyrir ákveðin
verkefni. Það er t.d. hægt að
sleppa „torskildu" köflunum og
lesa til að byrja með þá auðskilj-
anlegri.
Svarið frá „Hinu íslenska bibl-
íufélagi" um það hvernig best sé
að fara að því að lesa og skilja
Biblíuna er eftirfarandi:
1. Taktu þér tíma
til að lesa
Á því atriði strandar hjá
mörgum. Þá langar til að lesa,
og þeir finna, að þeir þurfa þess
með, en það verður aldrei neitt
úr því, vegna þess, að þeir taka
sér ekki tíma til þess. Sumir
reyna það helzt síðast á kvöldin,
en þá er vnejulega svo af þeim
dregið, að þeir hafa ekki hálf not
af lestrinum. Til lestursins þarf
ofurlítinn tíma á hverjum degi
og gott næði. Sumir hafa þann
sið að fara hálftíma fyrr á fætur
á morgnana en þeir nauðsynlega
þurfa og byrja daginn með lestri
Guðs orðs. Það er ef til vill
hentugasti og öruggasti tíminn.
2. Byrjaðu með bæn
Það er nauðsynlegt vegna þess,
að Guðs orð verður ekki skilið á
mannlegan hátt. En í bæninni
lýkur þú upp huga þínum og
hjarta fyrir áhrifum Guðs anda.
Biddu um allt, sem þú þarft
með, stöðuglyndi við lesturinn,
einbeitingu hugans, skilning á
því, sem guð vill fræða þig um í
orði sínu, og hlýðni til að lifa
eftir því.
3. Lestu reglulega
Það þarf oft lítið til að lestri
Orðsins sé slegið á frest. Þess
vegna er nauðsynlegt að standa
vel á verði og hafa um lesturinn
fastar venjur, sem ekki sé hvikað
frá við hversdagslegar truflanir.
Láttu ekki tilviljanir einar ráða
því, hvort og hvenær þú lest
Guðs orð.
4. Lestu með athygli
Þú veizt aldrei, hvað í Orðinu
á mest erindi til þín. Það er ekki
víst, að það sé það, sem þér finnst
aðgengilegast eða auðskildast.
Það geta komið þær stundir í lífi
þínu, að þú hafir mesta þörf fyrir
það orð frá Guði, sem þér finnst
minnst til um í fyrstu. Gerðu þér
því far um að lesa allt með fullri
athygli.
5. Lestu í samhengi
Það er hægt að hafa margar
aðferðir við lestur Guðs orðs. Það
er hægt að fletta upp í Biblíunni
af handahófi og lesa það, sem
maður hittir á. Það er líka hægt
að nota „mannakorn" og lesa
það, sem maður dregur. Þetta
getur verið gott undir sérstökum
kringumstæðum. En þeim, sem
vill iðka reglulegan biblúlestur,
skal ráðlagt að lesa Orðið í
samhengi. Veldu ákveðin rit og
lestu þau í samhengi vers fyrir
vers, ákveðinn kafla á hverjum
degi. Rétt er að byrja á einhverju
guðspjallanna og lesa síðan fleiri
rit úr Nýja testamentinu. Síðan
má taka rit úr Gamla testament-
inu, svo sem Sálmana og eitt-
hvert spámannaritanna. Er
þroski vex, má svo taka hvert rit
Ritningarinnar af öðru, og ætti
hver trúaður maður að setja sér
það að hafa lesið Biblíuna alla að
minnsta kosti einu sinni á
ævinni. Skýringarrit og biblíu-
lestraráætlanir geta oft verið
gagnleg, en eru því miður mjög
af skornum skammti hér á landi.
Hið íslenska Biblíufélag hefur
undanfarin ár gefið árlega út
Biblíulestrarskrá fyrir daglegan
biblíulestur árið um kring. Bibl-
íulestrarskráin hefur verið gefin
út í stórum upplögum og dreift
ókeypis.
Þeir sem hafa gaman að ættarsögum, stríðssögum, ástarsögum og ferða-
sögum og velta jafnframt fyrir sér tilganginum með lífinu ættu að opna
Biblíuna. Sé hún torskilin í fyrstu lotu koma gömlu, góðu Biblíusögurnar
úr barnaskóla oft að góðum notum.
6. Tileinka þér það
sem þú skilur
Það er margt torskilið í Bibl-
íunni. Sumt af því munt þú skilja,
er þroski þinni í trúnni og þekk-
ing á Guðs orði vex. En sumt
munum vér ef til vill aldrei skilja
á meðan „þekking vor er í mol-
um“. Láttu það ekki trufla þig.
Það er nóg af skýrum og auð-
skildum orðum í Ritningunni.
Þau skaltu tileinka þér, og þá
muntu öðlast nóg til sáluhjálpar
og andlegrar uppbyggingar.
7. Taktu Orðið
alvarlega
Þegar þú lest Guðs orð, þá
skaltu minnast þess, að Guð
meinar það, sem hann segir. Þú
skalt því ekki hugsa sem svo:
„Þetta þarf maður nú ekki að
taka svona alvarlega!" Jú, ein-
mitt! Orðið ber að taka eins og
það er skrifað. Ef Orðið veitir
þér áminningu, átt þú ekki að
draga úr áminningunni. Ef Orðið
veitir þér huggun, skaltu treysta
henni fullkomlega. Taktu Guðs
orð eins alvarlega og það er
skrifað.
8. Veldu „Orð dagsins“
Reyndu að taka með þér út í
annir dagsins eitthvert orð úr
þeim kafla, sem þú lest þann
dag. Lærðu það utan að og láttu
Orðið á þann hátt „búa hjá.þér".
Það getur komið þér að góðu liði
við margvísleg tækifæri, bæði
þann dag og síðar meir. Sé það
fyrirheiti, skaltu þakka fyrir
það: Sé það áminning, skaltu
hlýða henni — og biðja!
Þetta eru aðeins fáeinar, ein-
faldar leiðbeiningar um það, sem
er þér mikil nauðsyn. Ef þig
langar til að auðgast meir í trú-
arlífi þínu, skaltu leita til Orðs-
ins og teyga af nægtalindum
þess. Mættu þessar einföldu leið-
beiningar verða þér einhver
hvatning í þá átt.
Þaö mátti heyra saumnál
detta á meðan hin æsispenn-
andi framhaldssaga var les-
in.
Elísabet Jónsdóttir, hjúkr-
unarfræðinemi, sýnir Ásdísi
Eydal hvernig á að vefja sára-
bindi.
Hver hefur skapað þig og mig?
Hversu mörg hundruð börn ætli
hafi komið inn í húsið við Langa-
gerði 1 í Reykjavík? Þar hefur um
árabil verið rekinn leikskóli á
neðri hæðinni og barna- og ungl-
ingastarf Kristilegs félags ungra
manna og kvenna á efri hæðinni.
I viku hverri sækja hundruð barna
fundi í Langagerðinu og jafnvel
þótt hverfið sé farið að eldast og
börnum fækkað.
En hvað ætli sé svona spennandi
áfundum?
Eftir að hafa mætt nokkra laug-
ardagsmorgna og fylgst með yngri
deild telpna, 6—11 ára, var enginn
vandi að skilja hvað var svona
skemmtilegt.
Rétt fyrir hálf ellefu mátti sjá
stelpur drífa að úr öllum áttum,
gangandi og hjólandi til þess að
mætaáfund.
Fremstu bekkirnir fylltust
fljótt því ekki mátti missa af
neinu. Fimm vaskir sveitastjórar
sá um dagskrána og skiptu með
sér verkum.
Höfuðáherslan er greinilega á
boðun Guðs orðs í gegnum mynd-
rænar hugleiðingar um ákveðna
biblíusögu og auk þess í gegnum
söng. Mikið er um hreyfisöngva
og létta Biblíutexta sem stelpurn-
ar eru fljótar að tileinka sér.
Aðrir dagskrárliðir eru æsi-
spennandi framhaldssaga, sem
þykir svo spennandi að ef stelp-
urnar mættu ráða væri öll bókin
lesin á einu bretti. — Og svo eru
önnur skemmtiatriði, en það eru
þá atriði eins og „óvæntur gestur
kemur í heimsókn", bíó, happ-
drætti, leikrit og tískusýningar
frá París og London.
Það er hreint ótrúlegt hvað
stelpurnar eru stilltar en jafn-
framt virkar á fundunum og ég
tók eftir því að sömu stelpurnar
koma aftur og aftur þó engin
mætingarskylda sé.
Mér varð hugsað til þeirra sem
halda því fram að ekki eigi að
kenna biblíusögur í skólum. Börn-
in séu bara mötuð á því sem þau
hafi ekkert vit á. Sú kenning
finnst mér falla um sjálfa sig
þegar maður sér að börnin koma
sjálfviljug til þess að hlusta á
sögur úr Biblíunni og syngja
kristilega söngva.